مشكلتي مع زوجي

لا تطلبي الطلاق

ادعي له

وانصحيه

أغريه بالصلاة

وقت الصلاة افرشي السجاده ودهنيها بالعود وبخري المكان

وقولي له تعال براويك شي

وان شاء الله يصلي

الله يهديه

الله يهديه وادعيله بالهدايه وحاولي تكلمينه عن الصلاه وان لو مات مراح
ينفعه احد الا عمله وصلاته انصلحت صلاته صلح عمله كله لو بطلت بطل
عمله كله (n)

حبوبة ... الصلاة مساله بينه وبين ربه ليش انتي تجبرينه .. انا معاج ما تحبين الواحد اللي ما يصلي .. ما عليه انتي حببيه ف يالصلاة لكن لا تجبرينه شو فايده انج تجبرينه واهناك قلبه ما يكون خاشع يسويها عشانج ... بالكلمه الطيبة والثواب اللي بيحصله واللي ينتظره بالصلاه انتي شجعيه عليها .. اتفقي انه اللي يصلي في وقته الطرف الثاني يكافئه بفلووس بهدية بعشاء يعني ... وغير هذا ذكريه انه رب العالمين بيفتحها في وجهه وبيوفقه في حياته لانه يذكر ربه ويصلي ويصوم ... اتمنالج كل التوفيق اختي .. والطلاق ما هو حل ... ربي ايسر اموورج ان شاء الله

حطيه على قنوات دين وخصوصا بيوت مطمئنة ايكون فيها محاضرات والله ان تقشعر البدن لين الواحد يسمعها و اقري القران وهو ايشوفك او صلي وهو ايشوفك
وصراحة بس لا تزعلين مني
لالالالازم وقتكم يتنظم مو صلاة الظهر عاد تصحون من النوم ؟
واسفة لان يمكن فيها احراج
سلامتك ياالغالية

لا لا اختي شيلي فكرة الطلاق من راسك وادعيله بالهداية وحاولي تقنعيه بالصلاه خليه يسمع دروس عن الصلاة الله يهدي الجميع

التهاون في الصلاه صارت مثل الموضه
لاحول ولاقوة الا بالله كثير من الناس يتهاونو بمساله الصلاه
يعطيك العافيه اختي انك تتابعي زوجك وموضوع الصلاه
ولكن الموضوع ماله داعي الطلاق
الهدايه من رب العالمين
ادعيه بالهدايه مثلا اذا كان يجلس على النت ارسلي له رسايل على الايميل
عن فضل الصلاه
عن اهميتها عن تارك الصلاه
اذا صحى من النوم ... ذكريه بالصلاه ...
اذا كان بالدوام واذن .. ارسلي له مسج يذكره بالصلاه واهميتها
حاولي .. وصدقيني الله يهدي من يشاء
انتي انصحيه وحافظي على بيتك مو سهل الطلاق
وانصحيه ...
والله كريم

شيلي فكره الطلاق من راسج اختي ..!

وثاني شي مو اخته ولا اخوه بيقنعونه يصلي .. هل مشاكل انتي حليهاا بنفسج ..

انتي ليش تناميين الفجر !! وهو يقوم ..!!

نامي معاه وحطي المنبه على وقت الاذان .. ولما تقومين وتدخلين واتضوين .. صحييه قولي له يالله حبيبي قوم اذن الفجر خل ربي يبارك لك بيومك ..!! طبعا بيقووم ..

اذا هو بالدوام الظهر والعصر .. اتصلي له واساليه عن الشغل وقولي له هاا صلييت ..

المغرب انتي تقولين يكون بالمكتب اتصلي له ذكريه بالصلاه .. وقولي له هاا صلييت انا توني سامعه عن الجنه والنار وانا ابيك تكووون وياي بالدنيا والاخره ياكل حياااتي ..يالله لاتنسى الصلاه ..

او اتصلي له سولفي معاه شووي او ساليه عن العشا شنو بخاطره ياكل وقولي له انا توني صليت وبطبخ .. انت صليييت ..؟؟!!

وبالبيت طبعا بيكون ويااج بيشوفج وقولي له يافلان يالله صلاه

يعني باختصاار حبيبتي .. اخذييهاا حبه حبه .. مو على طول كرهته وطلاق وتقولي حق اخته ولا اخوه ولا مدري من ..

ذكرييه بربه .. قولي له يالله روح المسجد حق صلاة الصبح ..

خليه يتردد على المسجد .. وشوي شوي وبتذكيرج له وسؤالج .. بيلتزم انشاء الله بالصلاه .. يمكن اهله خلوه براحته وهو صغيير وماخذ الامور سهالات .. لاكن انتي بيني له ان هل شي مو سهل .. وان الفرق بين المسلم والكافر الصلاااه ...

والله يهدي زوجج انشاء الله ويصلحه .. (f)

لا أختي لا اتفكرين في الطلاق..
أنا أشوف ان زوجك بحاجة لج أكثر من قبل وخصوصا ان أهم فريضة في حياته ما يقوم بها,,,
قعدي وياه وفهميه أصول الدين والاسلام وفهميه الا قاعد يسويه يغضب الله...
وكوني وياه هادئة لأنه ببتكلمين معاه بمشكلة عنده..
والله يهديه على الصراط المستقيم,, ويسعدكم ويخليكم مع بعض...

الله يهديه
بس الطلاق موب حل :(

ايامي;9780214:
ماشالله عليك ياختي بارك الله فيك
وجعلكي من الصالحات احي فيك حبك للصلاة
وتشبتك بديننا الكريم
فما عليك الا الدعاء له يالهداية والتزمي
وصلي امام زوجك وجعلي ابنك يصلي امامه لتحي فيه ضميره على الصلاة
فالطلاق ليس هو حل للمشاكل بل العكس

(y)(y)

انا مع الاخت بكلامها واكيد الطلاق مو حل
الله يهدي لك زوجك عزيزتي

اشكركم اخواتي كلكم من قلبي
وفعلا لماافكر في الطلاق اشوووفهااا حاجه موب حلوه
وخاصة انه عندي ولد منه يمووووت على ابوووه
وبالنسبه لسؤال ليش انام متاخر؟
لان ولدي ينام متاخر
وهو الله يهديه ينام لانه يكون تعبان من العمل

حبيبتي في وايد شباب جذي مو محافظين على الصلاه .. انتي بس حثيه على الصلاه وذكريه وهو شوي شوي بيتعود .. وخليه يصلي الجمعه فالمسجد عشان يسمع الخطبه وانتو فالسياره مثلا حطي شريط يحث على الصلاه ويبين عقوبة تارك الصلاه .. وادعيله بالهدايه وانه يحافظ على صلاته وطاعة الله ..

وان شاء الله تنحل الازمه ..

جنه جنه;9779475:
السلام عليكم يابنات
مشكلتي اني شاكه بزوجي انه مايصلي وكذا مره امسك عليه مثلا اصحى الظهر واشوووفه مايقوووم يصلي على طول يجلس تحت النت وبعدهااا يقوم يسبح ويطلع يكمل شغله واذا جاء وشافني صاحيه يصلي
وساعات يصلي قبل مايطلع
طبعا هوه عنده مكتب ومايجي المغرب يقووول يصلي في المكتب
والصبح طبعااا اني اكون توي نايمه وهو توه صاحي
طبعااا يوم الخميس يكون اجازه ساعات ينام من 1 الظهر قبل مايصلي الى 8 الليل
طبعااا اليوم حبيت اقطع الشك باليقين جبت القران وقلت له حط يدك واحلف انك تصلي
مارضى قال لي انتي شكاكه قلت له طيب ابي اقطع الشك باليقين طبعااا مارضي يحلف
وهذا اكد لي زياده انه مايصلي
المشكله بديت اكرهه
حتى اني افكر اني اطلق منه
طبعااا اهلي مايدرون بالموضوووع
كلمة كذا مره اخته علشان تقول الى اخوووه يكلمه
قوووولوا لي وش الحل معاه
وهل الطلاق افكر فيه ولااصرفه من بالي
والصراحه عندي ولد والطلاق صعب

بصراحة اختي مشكلتج صحيح انها قوية ولكنها منتشرة في مجتمعنا بشكل كبير .. وين وين ذاك الانسان اللي يصلي او اللي مهتم بصلاته.. انا اعرف الكثيرات ممن لديهم المشكلة.. لي رجعةمعاج ..اكلمج باللي اعرفه..
بس كل اللي اقوله هذا موضوع يتعلق اكثر بالشخص نفسه وزوجج مو طفل تحاسبينه.. يحتاج الموضوع ذكاء وارادة وصبر..

أختي الصبر مفتاح الفرج......................................وأكيد في يوم يكره الدنيا ويرجع لي ربه ويصلي