مشترياتنا وتجهيزاتنا للروضة والمدارس

نور المدينة;10119710:
بسم الله ..

السلام عليكم ..

شخباركم امهات .. إن شاء الله خلصتوا مشترياتكم ..

انا تقريباً خلصت .. اشتريت ملابس داخلية وجواريب من ماركس ما كان عنده تخفيض .. بس عجبني قطن مالهم..

واشتريت طقم شنطة كتب وشنطة أكل وغرشة ماي وبوكس أكل من ماذركير واليوم بإذن الله بروح بشتري طقم ثاني من لايف ستيايل.

رحت فصلت ثياب الرياضة والزي الرسمي وقالوا 30 / 8 بيجهزون..

خذيت له الوان شمع ومجيك مع دفتر اوراق ملونة..

باقي آخذ لي دفتر جامعة ..احتمال أحصل في لايف ستايل وآخذ مرة وحدة..

وباقي جواتي الله يعزكم عادي وسبورت للحين ما اشتريت .. حصلت في آدمز أيام التخفيض جوتي رسمس يا سلاك وشريته بس لمن رحت البيت طلع كبير على ولدي ورديت رجعته وأخذت غيرة وبعد طلع كبير استغربت من السايس ماله .. مكتوب علية 27 وولدي يلبس 28 وبعد كبير ..

جان رديته وخذت مكانة جواريب..

وجوتي رياضة ابغي ابيض كامل خذت لفة في الستي سنتر ماحصلت ابيض سادة.. الا في شو مارت وما عجبوني..

بعد باقي شنو ذكروني .. القرطاسية على الروضة .. اعتقد اني خلصت باقي بس الجواتي..

ثياب العيد والناصفة ( القرقاعون).

خلصتهم .. حتى ملابس شتوية شوي شريت لأني بإذن الله العيد بسافر منطقة باردة وجهزت أموري..

هذا مجمل مشترياتي..

الله يعينكم على المشتريات..

اهلا نور المدينه..

ماشاء الله عليج شاطره جهزتي كل شي:wink:



عن سايزات آدمز في الشوز..نفس الشي صادني بولدي سايزاتهم اكبرررر يلبس27 جيكت عليه طلع واجد كبيررر بدلت بمقاس اصغر نفس الشي اخررشي ظبط عليه سايز 25:ss:

من يعرف
عن روضة التعليم المبكرالأساسي الي في الدراز قريب لساحل ابوصبح أحديعرف عنها شيءمعلومات عامة
التدريس
الدوام
الرسوم
وغيرها من امور؟

هلا اختي ما يميزني لقب..

مشكورة حبيبتي..

بس الأفضل قبل شهر رمضان تخلصين كامل ..

عشان في شهر الله على الأقل نتفرغ شوي للقرآن .. مع الأطفال صعب على الأم تسوي اي شي بس لازم ننتهز الفرص ..

حتى زوجي اسوي له هوشة لازم يفصل ثياب العيد قبل شهر رمضان..

مشكورة مرة ثانية..

هلا بسمة اطفالي .. انتي اشطر حبيبتي..

سامحيني اختي ما اعرف انزل الصور ..

يعني حاولت كذا مرة قبل وفشلت كل محاولاتي..

بسمة حبيبتي تشكررررين على هاي المواضيع ، عن جد حلووووة وممتعة والأهم إنها جدااا مفيدة ،،،، (f)(f)
بالنسبة لي تقريبا خلصت أغراض المدرسة والعيد للحلوين لأني بدخل الدوام ويصير صعب علي التجهيز بعدييين ،بالنسبة للمدرسة شريت للوردة قماش المريول ووديته الخياط مع الأقمصة ،مريولين وقميصين ، وشريت لها قميص قطن من السرور ، وشريت كمان بنطلون الرياضة أسود + فانيلة الرياضة قطن من السرور كمااان .شريت طقم الشنط من سنتر بوينت ،وطقم ثاني من لايف ستايل بس مو الطقم كامل لا بس الشنطة الكبيرة وشنطة الأكل والبوكس لانش والملابس الداخلية ابوها شرى ليها من سوريا ، وانا كملت عليهم من سنتر بوينت والسرووور .
شريت الأحذية ....الرياضة فضي بس مطفي من السنتر بوينت ، والرسمي من زارا أيام التخفيض وشريت ليها واحد من سنتر بوينت بس ما عجبها شكله واصرت ما تبغيه فرجعته شريت ليها رياضي من اش آند ام بعد أيام التخفيض ، الجواريب من سنتر بوينت .اكسسوارات الشعر من اش آند ام والسنتر بوينت ومدهش ومتجر فاضل ومس كم بمجمع المدينة ، يعني وين ماروح واشوف اشتري :)عاد أنا موتي هالخرابيط ..على قولة زوجي
دعوااااااتكم لأولادي بالهداية والتوفيق يارب ولكم بالمثل أما أغراض الكتكوت راح اتكلم عنهامرة ثانية

أم مشاري366;10117156:
خواتي بسالكم سؤال انه ولدي اول سنه روضة عمره 3 سنوات خذيت له( شنطة اكل) ما ادري شنو حجم الشنطة اللي بيستخدمها وهل يطرشون الكتب معاه البيت حيرانه ومن خبراتكم جاوبوني

هلا اختي ام مشاري
الشنطة اللي بيستخدمها تعتمد على نوعية الكتب يعني اني ولدي في روضته
يعطونهم واجبات تقريبا كل يوم وكتبهم وملازمهم كبيرة وطويلة , فلازم شنطة كبيرة
اذا كانت روضة ولدش يعني من النوع اللي يعطون واجبات كل اسبوع , فشنطة تكون
متوسطة الى صغيرة بتكون اوكيه (y)

مكارم الأخلاق;10120903:

دعوااااااتكم لأولادي بالهداية والتوفيق يارب ولكم بالمثل أما أغراض الكتكوت راح اتكلم عنهامرة ثانية

عليها بالعافية الوردة
وبالتوفيق وعام دراسي مليء بالنجاح والتفوق

الغاضبة

حلوة تجهيزات الاولاد
اختياراتك حلوة

مكارم الاخلاق


ما شاء الله شطورة
ملبوس العافية على الامورة
الله يوفقش ويوفق عيالش
وننتظر الصور خيوووو



الغاضبة

حلوين مشترياتك للمدرسة
لبس العوافي
وبالتوفيق

بنات في وين القى جوارب للبنات لون ابيض زينين ؟
اللعام اخذت لبنتي اللي يجون 5لبسات بدينار ونص بسرعة اختربوا تفاسحوا

المريول لونه اخضر غامق والجوتي اسود
يصلح ملونين ؟

هديل;10121129:
الغاضبة

حلوة تجهيزات الاولاد
اختياراتك حلوة

فطووم;10121148:


الغاضبة

حلوين مشترياتك للمدرسة
لبس العوافي
وبالتوفيق

الغاضبة عوافي على البطل وحبيت اسأل عن الشنط كثير عجبوني شريت بس شنطة بالطقم باقي له وحده ثانيه

الغاضبة;10121102:

حلوه تجهيزاتج اختي
الشوز الازرق عجبني كثير

كيف حالكم بنات

انا عن نفسي ليلحين ما جهزت ولا شي لبنتي للروضة حتى القماش ليلحين ما اشتريته، ومحتارة انتظر دوام المدرسات أو المسج منهم عشان اروح اشتري القماش لأني دورت في سوق المنامة القماش ما حصلته.


الأخت منوى: الظاهر الروضة اللي تسألين عنها جديدة ، أني ساكنة في الدراز بس صراحة اول مرة أسمع عنها، ان شاء الله الخوات الباقي يفيدونش اكثر

آل الميامين;10121213:
الغاضبة عوافي على البطل وحبيت اسأل عن الشنط كثير عجبوني شريت بس شنطة بالطقم باقي له وحده ثانيه

من السعودية (الحياة بلازا)
والله يعافيش حبوبة

ري أم م;10121231:
حلوه تجهيزاتج اختي
الشوز الازرق عجبني كثير

عيونش الحلوة , الشوز من شومارت

الغاضبة ،،،،تجهيزات البطل حلووووة وبالخصوص الشنط بالعافية عليه .عجبوني حيل....
وكمان مشكوووووووووووووووووورة على الدعوات الحلوة ولك بالمثل إن شاء الله ،،

فطوووم ..........مشكورة حبيبتي وجاري التصوير بإذن الله:)

رانيا البحرينية;10119489:
خواتي أم مشاري ومايميزني لقب.. بخصوص الشنط ومن تجربتي إذا كانوا مايعطونهم الكتب كل يوم أشتروا شنطة الأكل الصغيرة اللي تنحمل على الكتف... بس إذا كانوا الكتب معاهم كل يوم رايحين ورادين فيهم أخذوا الترولي الصغيرة مو الكبيرة يكون يسهل سحبها على الطفل...

في روضة ولدي القديمة ماقط شريت له كبيرة بس صغيرة لأن روضت لين تعطيهم الواجبات مرة كل اسبوعين يحطونهم لهم في مثل شنطة شفافة من الروضة نفسها...

مشكورة على الرد أختي ر انيا بس ما اعتقد يعطونهم كتب للبيت لانهم توهم مايعرفون الكتابة لو شفت بعدين عطوه بشتري له