Disney Princess Makeup
.
.
.
.
.
السلام عليييكم ..
اشحاالكم بناات ان شاءالله بخيير ..
ييتلكم بموضووع يديييد .. ان شاءالله بيعجبكم
اكيييد تعرفوون اميراات ديزني او Disney princess .. اللي هم سندريلا وسنوايت والاميره النائمه ..الخ
جفت الفكره باليوتيوووب وعيبتني ..
بسويلكم كل مره مكيااج لوحده من هالبنااات .. ومارااح يكوون بالضبط مثل مانجوفها بالتي في او مثل مايكون شكلها بس بستوحي مكياجها من رسمه عيونها وملابسها ..
اتمنى يعجبكم الموضووع وتستانسوون فيه :wink:
اليووم راح ابدا ويا الاميره الجميله النائمه او sleeping beauty
تعييبني ولو انها كرتووون خخ
ومن اهني بنستوحي المكيااج من ملابسها ..
مو كل الادوات متوفره عندي بس يبت لكم الوان تقريبيه واللي موجود عندكم استخدمووه
هذي الالواان اللي بستخدمها للشدو والرووج ..
نبدا بالخطوااات .. وطبعا نجهز البشره مثل مامتعودين ونخفي العيوب ونخلي البشره صاافيه
نحط عدسات يا اما عسلي فاااتج او ازرق فااااتح ماركزت شو لون عيونها ..
الخطوة الاولى .. ناخذ من الشدو رقم 1 .. نحطه على الجفن المتحرك والثابت ..
الخطوة الثانية .. ناخذ من الشدو رقم 2 .. نحطه على الجفن المتحرك بس
الخطوة الثالثة .. ناخذ من الشدو رقم 4 البني .. ونحطه على قوس الجفن
الخطوة الرابعة .. نرسم العين من فوق بايلاينر ونخليه ضعييييف ونمده لبرع ..
االخطوة الخامسة .. نحط اضاءة تحت الحاجب خفيفه فضيه .. ونركب رموش او نحط ماسكرا تكثف .. تحت العين مانحط شي او نكحلها من داخل بقلم اسود على خفيف او انتي وطريقتج بس الاحلى انج ماتحطين شي بس ماسكرا عالرموش التحتيه ..
على الخدود بلاشر وردي .. حاولي تبرزين خدوودج شراتها
على الشفايف انتي وذوقج .. لو حسيتي الشدو فاتح حطي روج غامق ولو حسيتي العكس حطي روج بنك فاتح .. وتقدرين تحطين روج بس لو حبيتيه يكون مات او قلوس لو تبغينه بلمعه
انا اخترت قلوس رقم 3 ..
هذا من لانكوم اتوقع .. وفيه درجه البلاك بيري روووووعه توني شفتها
وهذا اللوك النهااائي
بالصوور مب حاطه مكياااج بس خبرتكم قبل انه المكياج خذنااه من ملابسها ..
اتمنى يعجبكم يا بناااات .. ومااسمح لحد ينقل الموضوع بذكر مصدر او بدوووون
لو عيبكم خبرووني ولو ماعيبكم بعد خبرووني عشاان مااكمل واتعب نفسي :o
عودتكم اوريكم اللوكات على عيوني بس هالمره مو متوفره الالواان عندي .. اللوك اللي اجوف الواانه موجوده عندي بوريكم اياااه ..
فمآآن الله (f)