انا ام فاشلة **

انا عندي ولد ربي يحفظه ويخليه لي عمره 5 شهور وبعد كم يوم بيدخل 6 شهور
هالولد ماعرف كيف اتصرف معاه ... يصيح بشكل مستمر ... من اول ماولدته سهرني 3 شهور كاملات ... المشكلة كانت المغص وعدت على خير ...
كل حد قال لي بمجرد يكبر شوي ييتغير وبيصير هادي لكن بعدها المشكلة مستمرة
اللحين المشكلة اذا روحت المول بيصيح بصوت عالي ولايفيد معاه حليب ولا لعبة ولا تغيير حفاظ واذا شليته بيسكت شوي وبعدها بيصيح بصوت عاااااااااااااااااااالي وكل حد في المول يطالعنا لانه عيالهم هاديين اللي اصغر منه واللي في سنه ... انحرج واطلع من المول ...
يوم الجمعة قررنا نسافر لبنان نغير جو والله العظيم اجازتي كانت عبارة عن ولدي وصياحه
اذا رحنا مطعم نتغدى بيصيح بصوت عالي بشله بيسكت شوي وبيرد يصيح بشكل فضيع
يعني ماكنت اكل والله اني تعبت واذا قررت اريح في الفندق ...
يرقد في السيارة افرح اقول بريح وبمجرد نوصل واحطه في العربة يصيح يباني اشله
اشله واكون معاه في الغرفة صياح لايفيد حليب ولابامبرز لاشي ابرد الغرفة ادفي الغرفة مافي فايدة ... كرهت نفسي صرت مرهقة مزاجي صعب ...

المشكلة انه يخلق بيني وبين زوجي نوع من التوتر والعصبية وانا احس بأني ام فاشلة ولااعرف اتصرف ... انا موظفة ودوامي زفت وطويل محتاجة للتغيير والراجة ... بعد يوم طويل وضغط عمل
افكر ارتاح ومعايه ولدي ... ولدي يجازيني بضغط معنوي ونفسي وجسماني شو الحل

وديته كذا مستشفى وكل حد يقةل الحمدلله مافيه شي وصحته زينة
طيب وين المشكلة اذا هو شيعان والبامبرز نظيف وموفره له كل اساليب الراحة
وين الغلط ؟؟؟؟؟ ربي يبارك فيه ويهديه يااااااااااااااااااااااااااااااااااااااااااااارب

دورت ايات ماعدعية لهداية الطفل ومالقيت .... دعيت في العمرة ربي يهديه ويصير ولد هادي
بس مافي نتيجة ماابى يكبر معاه هالطبع لاني صدق بتبهذل

شكلي جدا مرهق لانه في اجازتي بالمرة ماارتاح اشل واحط واركض في البيت مثل النحلة
هو طول فترة دوامي يكون في مع ام زوجي بس بعد الدوام اكون وايد مشتاقه له يس يجازيني بصراخ وصياح ... حتى ام زوجي كل ماتصل عايها تقول يصيح كالعادة حتى هي المسكينة شكلها مرهق شو الحل ؟؟؟؟؟

ربي يهديه يارب على فكرة كان راقد واللحين يصيح بصوووووووووووووووووت عالي

ابى مشورتكم الله بخليكم