عااااجل لبنات الامارات، منو احسن وحده تولد في الامارات؟؟

انا الصراحة مش متزوجة بس اللي اعررفة



احسن وحدة دكتورة

زينب

وبنتها تولد في مستشفي الوصل

انا بصراحه جبت عيالي بمستشفى الوصل


صراحه روعه رعايه واهتمام

شوفو حبيباتي

المستشفيات الحكومية عندنا بالدولة وايد متطورة ( اقصد في الولاده )

و مستشقى الوصل من احسن المستشفيات للامومة و الولادة

و عندهم احسن الاختصاصيين و الاستشاريين


و الولاده في الحكومي احسن و اضمن قولو ليش؟؟؟؟؟؟

لانه لو لا سمح الله صارت مشكلة لاي من الام او الطفل يكونون مسؤوولين المسؤولية الكاملة و في حال ولادة طفل و له مشاكل صحية يتكفل المستشفى الحكومي بعمل كل الاجراءات الازمة و اذا تطلب الامر ممكن يسفرونهم للخارج في غضون ايام

و الله ياما سمعنا عن مستشفيات خاصة لعبو بالحريم لعب و كانت بعد لهم اخطاء فادحة في عدة و لادات سواء على الام الوالد او الجنين

و بالتالي يقولون لهم لازم تحولون على المستشفى الحكومي

علشان جي الولاده عندهم اضمن للكل

الله يخليكن اللي تعرف دكتوووره شغلها زين في الخياطه بعد الولاده تقوووووووووووووولي

وينكم يا بنات ردووو عليه:pain:

الشفافة .. اسمحيلي على التأخير الغالية .. انا وهلي ولاداتنا كلها عند الدكتورة نفيسة الصواف اللي في مستشفى الزهراء دكتورة شاطرة ومتمكنة وعندها خبرة وما شاء الله عليها على راسك من اول الولادة لين الخياطة هي ومساعدة لها من اكفء الممرضات مع ان ولادتي اتعسرت وايد وعانيت من الطلق الصناعي لان الضغط كان عالي عندي وما استعيلت علي الين ما قلب الطفلة ضعف فقررت عملية في الحال والحمدلله رب العالمين شغلها نظيف وما عانيت من الإلتهابات ولا اي شئ على الرغم من اني اعرف ربيعتي ربت في الوصل وعانيت من الجراحة لفترة طويلة وتمت في المستشفى اسبوعين بعد الولادة لان الإلتهابات عندها وصلت للرحم وبعد ما طلعت ما خلت عيادة خاصة ما سارتلها علشان ينظفولها الخياطة ..

وبعدين انا انصك انت زوريها وإذا ارتحتيلها نفسياً اتوكلي على الله :)

بصراحة خوفتوني ماعرف شو اسوي
انا مسجله في مستشفى الوصل وخوفتوني
قولولي وين اسير ....

bintdubai
شوفي اختي انا انصحج انج تصلين استخاره واللي ربج يكتبه ويسره هوه الزين لج والله ايسرلج انشاءالله :)

السلام عليكم ورحمة الله وبركاته ..
المسألة مو مسألة مستشفى الوصل أو دبي أو الدولي .. خاص أو حكومي ..
التساهيل من رب العالمين ومرة تصدف الولادة ميسرة ومرة العكس .
أنا عموماً أولد في دبي ولكن دائماً عملية قيصرية .. صراحة أول مرتين كانت أروع منها مافي خياطة محترمة واهتمام :up:أما المرة الثالثة الله لا يوريكم ألم وتعب ونفس خايسة من الممرضات :down:والحين المرة الرابعة ادعوا لي الله يسهل علي ..
وعلى فكرة عندي صديقتي ما شاء الله عليها جايبة سبعة ودائماً طبيعي وتولد عند الدكتورة زينب الشنار :up:اللي عيادتها عند دوار الساعة بدبي مجمع الشنار الطبي وتمدحها وتقول حنونة وتساعدك وتصبر عليك والله الميسر مثل ما قلت لكم .

اعذروني طولت عليكم . :smile:

مرحبا خواتي حبيت اشاركم مع اني من ابوظبي بس انا صراحه من تجربتي في مستشفى الكورنيش كانت تجربه مؤلمه ما اعرف ليش مايراعون هذي الانسانه كان ما في قلوبهم رحمه وحده تربي وهم يسلفون فوق راسج عاد كل صوب ودفاشتهم صوب يعني مافي رقه بالمعامله ولا اتكيت هنديات عاد شو بتعلمينهم ......... هذا الكلام اكثر من 3 سنين عاد الحين ما ادري اذا اطور او لا لاني بصراحه اكره هذي المستشفى وما حسيت براحه ابدا وبعدين مستشفى قديم مر عليه اكثر من 20 سنه المهم
لاتشلين هم لمكان الولاده ادعي الله يسرها لج والباقي خليه على الله

الأخت ميرة الصغيرة
أنا ناوية اتابع الاستشارة الشهرية في مستشفى الكورنيش وحجزت في قسم الفي اي بي ... حبيت استفسر عن التكلفة والرعاية لاني سمعت العكس انهم يهتمون وايد بالحامل والطفل ... بليز اكتبي لي اكثر عن الكورنيش.

وعموما في الحكومة المفروض الولادة احسن لان الخاص اذا لا سمح الله توهقوا بشي اثناء الولادة على طول يطرشون الحرمة للكورنيش ....

اسسسسفة اختي على التأخير تعرفين المدارس المهم

بخصوص vipالعلاج ببلاش نفس العادي بس انة اسرع وما فية تزاحم

ومخصص اكثر للمواطنات

اما بخصوص الرسوم بس على الغرف الموجودة في الدور الرابع الليلة500

درهم يعني اذا حب العائلة الكريمة بالسهر مافي مشكلة وخاصة زوجك

ما يعترضون جالسة بفلوسك اما الغرف العادية وحتى vipبدون دفع فلوس

لة وفت محدد للمكوث بالنسبة للاهل والزوج

خدمة vipيمنحون غرفة خاصة عادية بدون مريضة معاكي

والافضل انك تسألي لان كل سنة يغيرون النظام

السلام عليكم ورحمة الله وبركاته

أخت سلامه..

الحريم عندنا دايما يولدن في مستشفى الكورنيش

الصراحه انتي و حظج عشان مش كل النيرسات اوكيه..

اما عشان الغرف في V.I.P هذا وايد زين من رعايه ونظافه و في مطبخ خاص لكل غرفه.. (السعر 500 درهم لليوم) ..

وفي غرفه ايسمونها جناح الكورنيش الميزه في هل غرفه انه المربي إلها غرفه والضيوف غرفه ومن بينهن باب مع حمام و مطبخ.. يعني ريلج يقدر ياخذ راحته ايي متى يريد ويطلع بدون ما ايمر على الضيوف.. (السعر 500 درهم لليوم)

ارجو اني اكون فدتج بالمعلومات..

ولدت في مستشفى الوصل من 3 شهور
أول ما وصلت كان الرحم مفتوح 4 سم والانقباضات كانت اتيني كل 5 دقايق دخلوني من الطوارئ على غرفة الولادة على طول و هناك نيرس وحدة بس لأنه فالليل ماشي إلا عدد قليل من الطبيبات المناوبات....

النيرسات هن اللي يولدن إذا ما كنتي بكر
بس لأني بكر و البكر تستغرق 12 ساعة على الأقل ما يتني الطبيبة إلا بعد ما طلع الصبح و انفتح الرحم 7 سم
الدكتورة كانت تطلع عني و ترجع يوم كنت أقولها تعالي وين سايرة أخاف بروحي عن أولد على إيد النيرس .. تقولي لا تخافين انتي بعدج وبرد قبل ما تولدين
صدقوني الدكتورة ما بإيدها شي و لا تساعد في تخفيف الألم
النيرس كانت تدلك ظهري وتمسح دموعي و ترطب شفايفي وتمسح شعري يحليلها
كل اللي اتسويه الدكتورة قبل ما يطلع البيبي بثانيتين تشق العجان عشان توسع الفتحة
المهم
يتني الدكتورة وعقب موت ربيت وقبل ما أربي اتيمعوا عليي 2 طبيبات و 7 نيرسات وكل هم يحاولون يهدوني لأني تميت أصارخ من الألم وربطوا اريولي لووووول والله حاله الله لا عاد هذيج اللحظات (كابوس)
و مجموعات طالبات و متدربات طالع داخل ما ارتحت لوجودهم
تعبت وايد الصراحة لين ما ربيت
خيطتني دكتوره بس ياليتها ما خيطتني


قالتلي لا تيلسين في الملح والخيوط بتطيح بدون مراجعه

لكن اخيوط ما طاحت تكونت عليها لحميات والتهبت وبعد شهر سرت فكيت الخيوط في عيادة خاصة قصت الخيوط مع اللحم اللي عليها :( يعور


هذا كله ما علينا منه بس أنا اللي ما عيبني انهم وايد مزحومين مب ملحقين عشان جه يبونج تطلعين لأنهم محتاجين لسريرج أنا رخصوني ثاني يوم مع اني كنت تعبانه ومحتاجة رعايه

لوالموووووووووووووت هب سايررررررره الوصل :(

واايد الاراء مختلفه حد يمدح وحد يذم واعتقد انه السبب يكون انتي وحظج يعني الله لايرويكم اللي شفته في مستشفى الكورنيش مع اني من سكان بوظبي بس حلفت ما اربي فيه مره ثانيه وانا اقدر اسير لغيره والله انهم سولي عذاب الله ياخذ الحق منهم يعني من يتهم وانا سادحيني 9 ساعات تقريبا تخيلو وحاطين علي الحزام مال نبض الجنين وكنت اترجاهم يخلوني امشي ولا حياه لمن تناديانزين يقولون الطفل عندج مقعدي لازم عمليه زين انا مش تعبانه ذاك الزود يعني فيني حيل امشي بس الله لايرويكم اول مادخلت المستشفى قالت لي انتي لازم عمليه زين خليني امشي لا ممنوع مافيه ويلسو عندي نيرس تييب المرض عربيه كل ما اقولها شي تقول مادخلني وتميت علا هالحال وصحه الجنين اوكي بس انه الطلق كان شوي بارد وبعدين الدكتوره خوفت ريلي وقع علا العمليه وانا مش موافقه وسولي العمليه بس عذبتني عذاب الله لايردها ذيك الايام ...

المفاجأه اني حملت بعد 3شهور من العمليه تقريبا تخيلو عاد خلاص نفسيتي تعبت وتميت ادعي الله انه يهون علي والحمدالله ربيت طبيعي في مستشفى توام وكانت نيرس بس تسوى الف دكتوره هنديه علا ما اظن اسمها دونا وان شاءالله ولادتي الثالثه عندها ...اسفه طولت عليكم بس حبيت اقول عن تجربتي وياليت كل وحده تخبرنا عن تجربتها ...

يا ربيييي انا وااايد محتارة خوفتوني :think:

انا اراجع عند نفيسة يقولون واايد زينة بس ما ادري ناس واايد ذمولي الزهرا ما عرف ليش .... و الوصل بعد بيكون عندي موعد الشهر الياي و ما ادري شو بيصير انا موعدي 7 نوفمبر يقولون وحدة اسمها فايزة سودانية زينة... حد يمدح و حد يذم في الوصل و انا بتطلعلي قرون ما عرف اسمع كلام منوه:eek2: مرت اخويه هذا شهرها و بتربي في الوصل بشوف شو بتقول عنه(r) ... بالنسبة للغرف الي ب 5000 هذي للوافدات يدفعون هالسعر اما الغرف vip فهيه ب500 فاليوم...
سمعت ناس بعد يمدحون الدكتورة نهلة و هيه تقدر تي في اي مستشفى خاص , يقولون انها وايد تصبر عليج و ما تشق ولا تخلي اي حد يمسكج الا هيه....
الي انا خايفة منه في الوصل انهم يتكودون عليه واايد عندهم هالمدربات و كل وحده تي تجرب حظها و انتي فار تجارب مسلقايه الله يعين....

ااااااااااميه الله يعيني لين هاااااااااك اليووم

انا الصراحة اشوف الدكتورة زينب وبعد هي تمدح الوصل لانهم عندهم خبرة والاجهزة الحديثة اللي اتساعد على الولادة

وبعد بنت الدكتورة زينب تولد في الوصل


وبعد في عيادة الدكتورة سلطانة في جميرا يديد فاتحة اكيد اتعرفونها اللي اتولد في الوصل

السلام عليكم ورحمة الله وبركاته............

ليلى سوداح........ عيادتها في جميرا 3

إيدها واايد خفيفة و تولدين بسرعة عندها--سر المهنة--و ما تسوي جراحة عشان على طول
فترة الحمل تعطيج زيت عشان تحطينه على منطقة العجان
و تولد في المستشفى الأمريكي في دبى
و تجربتي وياها روعة بعد تجربت مستشفى دبى الحكومي..مسدوحة 8 ساعات؟؟؟ و ما يخلون الريل يدخل؟؟وجراحة تجتل و تيب الحمى؟؟

مع تحياتي
فوانيس



وعليكم السلام ورحمة الله وبركاته