ارجوكم ساعدوني

حلم العذارى;9754273:

زوجج .. تزوجج وإنتي أرملة

يعني يدري إن في رجل ثاني كان بحياتج

وهالرجل مات , وإنتهت فصول قصته عندج وعنده

*

وإنتوا توكم في البداية

وخبرج بداية الزواج دائماً عسرة وفيها صعوبة

لازم تتآقلمون على بعض , تتعودون , تاخذون على بعض

تعلمي إنج تفهمينه .. تحاولين تدخلين أعماقه .. تتقربين له

بدون لا تحسسينه بالضيق أو الضجر

كوني إنسانة تسكن بروحه وتشاركه الحياة

لا تصيرين ضيفة شرف في حياته

*

روحي معاه بيت أهله وبرضاه , لا تروحين غصب

حبي أهله وقوي العلاقات

هيئي له الجو داخل البيت

خليه يحب بيته .. ويحبج

يحب القعدة فيه

وما يحتاج أعلمج وأوصيج

النظافة , الدلع , الترتيب , الجو الرومانسي

كلها أشياء تريح نفسيته

وتحببه فيج و في بيته

*

والرجل يحب يبادر دائماً

يكره الأوامر

ما يحب تفولين له بوسني , دلعني , أحضني

يتضايق

خليه يتصرف على سجيته

تكلمي معاه بالهدوء والدلع .. واللسان المعسول

وصلي له أفكارج ومتطلباتج ورغباتج

بطريقة غير مباشرة

بتشوفينه منه ومن نفسه يسوي ويبادر ويتصرف

*

حسسيه إنه كل شي بدنيتج

وهو بيحس وبيحسسج بالشعور ذاته

*

الحياة الزوجية

عش صغير الزوجة في المسؤولة عنه

حافظي عليه , أستحملي , ضحي علشانه .. وربج بيجازيج خير إن شاء الله