تجمع الرشيقات .... لفتره النفاس هلمووو يابكريات

جود مررررررررره مشهي ولله باذن الله اجرب عشان اذوق طعمه

јǿđ;10304799:
صباح الخير بنوتات
شخباركم؟؟

بنزل لكم طريقه .. صديقتي مسويتها
وقلت الا اسويها وحبيت افيدكم


بطاطس بالتونة والجبنه

المقادير والطريقَة :-


نسلق البطاطس بمويَة وملح لحد ماتستوي


أجيب التونه وأصفيّها من الزيت وأحطها بصَحن .,
بعدين أحط ملعقة صغيرة مايونيز وأخلطها ., بعدين أحط اللي بالصحَن مدري وشسمه
وأخلطَه ., ثم أحط ملعقَة كبيرة ذرة وأخلطَه









إذا استوى البطاطس ,’ نطلعه من النار .’ ثم نقطَعه نصيّن




بعدين اهرسوه وحطّوه بالصحّن " الباديَة "
وخلّوه مجوّف من النص gb06 ثم حطّو الحشوَة جوّاها .’
بعدين قطّو جبْن الشرائح مستطيلات وحطّوه فوق التونه ودخلوه المايكرويف لحد مايذوْب .’
ورشوّه بالزعتر ., وبَس












وش رايكم؟!!!
شكلللله مشهي وقسسم

تسلم الأيادي يا جود....وفكرتها حلوة حطيها في قسم الطبخ

مراحب يا حلوات شخباركم...

انا صارلي يومين مغيره جو برع البيت ماشالله .. والله كنت احتاااااااااااااج هالشي.. وسويت مساج .. الرضاعه تكسر الظهر ..

شخباركم ان شالله كلكم طيبين..


جود شكله لذيذ بس احس لو دياي بدال التونه بيكون ألذ .. خصوصا انه نحنا ما نخلط الجبن بأي نوع سي فود ماعرف تعودنا على هالشي..

عطوره وين هالايام.. لها وحشه والله ما شفت لها مشاركات الا يوم العيد.. عساه خير

هاي رشيقااات

شخباركم يا حلوين

بنتي امس تطعمت ....ليها يومين حرارة ....واليوم خميس جبتها عندي لانها تنام في بيت ماما عدا الخميس
تبي تلعب بس الحرارة ماهي مخليه لها جهد

بنات بنتي صارت ترفض حليب الصناعي تشربه بكل بطء ....خايفة تكرهه وانا ما ارضعها ...من صار يدخل الأكل مع الحليب في عمر 4 شهور؟؟

هلا بنات اخباركم
بنات تدرون صلعت شعري طااااااح ماعرف ليش الرضاعه لها دور ؟؟؟؟
شيراد انا بديت اكل بنتي شوي شوي زي ماقالت لي الدكتوره بس ع خيفيف يعني
سيرلاك الارز وعصير تفاح عصر برتقال بس شوي
اديها رطب وتمر اهرسه
احيان اخذ عنب واعصره في فمها عشان تتذوق
حسب تعاليم الدكتوره طبعا

مشكورة يا جورجيت.. بس يوم الخميس عطيتها قرعه مهروسة اخدت تقريبا خمس ملاعق ...واليوم حسيت فيها اسهال...خفت اليوم اعطيها ...بس لاحضت اليوم اخذت الحليب ...وتصارخ كأنها جوعانا تبغى تاكل قرعه ههههههههههه
فتحت الثلاجة لقيت القرعه خلصت...بكرا بسوي لها قرعه

وبسوي منقوع التمر زي ما قلتي مع عصير البرتقال والمنجو

هلا امهات كيفكم ان شاء الله بخير

اخبار الصغار الحلوين

شيراد ما عليه شر عيونه انتي ما ترضيعه من صدرج واذا على الحليب الصناعي حتى انا ابني الان رافض الحليب بس الدكتوره راح تغير الحليب لها

اما على للكل انا من الشهر الرابع اعطيه عصير البرتقال مع اضافت ماي اوبرتقال مع مانجو مع اضافت الماي هذا طريقت الدكتوره لان يكون ثقيل على معدة الطفل فا نخفف باماي
اما الاكل فا اعطيه تفاح اقشره واقطع وجهز ما مغلي وخليه فيه لمده خمس دقيق بعده اهرسه وعطيه منه وتمر
واذا عندها اسهال اهرسي موز وعطيها

مفتون وجود وجورجيت وعطوره كيفكم

انا الحمد الله بخير وابني صطوفي بخير وزادت حركة اكثر من قبل هههههههههههه فديته من زحف وهو ما اروح مكان لا
وهو وري ههههههههههه

هلا يا حلوات .. شخباركم؟

بنتي من يومين متعلمه تطلع لسانها هههههه تضحّك

حتى وهي تصيح تطلع لسانها .. والله دمها خفيف هالبنت هههههه


--

شيراد ..

وااي فديت الحلوة اللي تاكل قرع ماشالله عليها.. فعلا احس القرع خفيف عالبيبي ومافيه حمضيات.. انا احس البرتقال والليمون شوي ثقال على معدة البيبي حتى لو انه مخفف.. انا ببدا أأكل بنتي على الاسبوع الياي بتكون عدت نص الرابع .. وببدا مع الفارليز البسكوت المخفف بالماي وجبة وحده فاليوم وبعده باسبوع ببدا ادخل الباقي ان شالله...

أما عن الحليب يمكن المرضعه تنزل لها حليب شوي شوي .. شيكي على الفتحة ..

--

جورجيت..

الحال من بعضه كلنا شعرنا يطيح :(



--

فراشة ..

فدييييييييييييت صوصو ماشالله عليه.. عاد هو الولد الوحيد بين بناتنا لو سمحتي عطيه دروس في غض النظر ههههههههه .. سويت حق بنتي مثل ما علمتيني قمت اساعدها تقلب شوي شوي.. واحس في تقدم ماشالله ..

هلا امهات كيفكم ع السريع داخله حبيت اسأل عن حليب اس 26 هل هو افضل من سيميلاك؟؟ولدي استخدم له سيميلاك وكثير فيه غازات ويبكي ايش رايكم اغيره؟؟؟؟؟؟؟؟أعطوني حل بللللللللليز بجد تعبانه؟؟؟؟؟؟

هلا ام قبس...

ماعرف هالحليب انا استخدم لبنتي ابتاميل 1 وهو على كلام الدكتور الافضل حاليا.. واذا عالغازات عطيها يوميا الضحى مغلي المثيبة او في ناس يسمونها شومر .. وضيفيله سكر نبات ..

وطيحيه على بطنه شويه مسحيه على ظهره .. وان شالله يرتاح فديته...

تخيلوا شو ياسه اسوي

يالسه اجمع وصفات اكل حلوة للبيبيز ..

سويت جدول فالوورد حسب الشهور..

وحطيت كل وجبه تناسب كل سن علشان ارجع لها ان شالله بدءاً من الاسبوع الياي ..

ما اقتنعت في كل شي .. في ناس يأكلون عيالهم كل شي ماشالله .. فأنا اخترت اللي حسيت به خفيف عالبيبي..

بس في ناس يحطون حق عيالهم نتفة ماجي مع الرز المسلوق .. وهم في سن الخمس شهور..

احس الماجي مو شي


شو رايكم

هلا امهات كيفكم

هلا ام فبس سميلاك ثقيل على الطفل الافضل غير بي استشار دكتور

مفتون ما شاء الله استمري معها

انا الان اعلم كيف يحبي

للي رجع من جديد

انا لليووم مادخلت لولدي اي شي غير الحليب والماي
حتى نتفة فارليز بالحليب مادخلتله مع انه كثير نصحوني بآخر رضعه بالليل اثقله الحليب بربع فارليز بس مادري ليش ماتشجعت وسويتها!! وللحين ماني عارفه من متى ابدي وكيف وبإيش ابدي!!

مفتون انتي من متى ناويه تبدين تعطين بنتك غير الحليب؟؟

هلا هلا بالكركووووشات

ازيوكو وازي البيبياااات

ماشاء الله عليكم

انا استخدم لبنوتي حليب سيميلاك ادفانس بس بصراحه اول ماتدخل السادس راح اغيره لانه بسم الله عليها صارت تسمن من الحليب لان نسبه الدهن فيه عاليه

ولاحظت فيها غازات هاليومين وراح ان شاء اله اغيره لبيبيلاك

وبسألكم وشو هذا البسكوت الي راح تستخدمونه حطو صورته ابي اشوفه

هلا ام قبس

انا استخدم اس 26 بس بنتي اذا رضعته يجيها امساك وتقعد تصيح مدري شنو اعطيها ؟؟

ام قبس
انه استخدم سيميلاك نصحني فيه الدكتور وهم اس26 وبيبيلاك اوكى

مرحبا بنوتات شخباركم؟

امس رحنا بيت هلي انا وزوجي
عاد زوجي فتح سيرة الحمل بس ما قال لأمي اني حامل
تعقد المسكين ههههههههههه
قالها " شوفي عمتي انا الصراحه ابي ياهل .. صار لنا 3 سنوات ويا بعض
ولين الحين واحد ماعندنا " .. عاد قامت تقول : " حالتكم صعبة ما اعرف ايش ! "
الا قال .. " كل شي ايي برزقه .. الله يخلق وما راح ينسى عبده اللي خلقه "
سكتت قامت تفكر انا الحمدلله ما كنت موجودة لأني قمت من مكاني :)
تفاديا للكلام والنظرات خليتهم على راحتهم عشان يكون بويهه هو مو بويهي انا
الا بعدين اقتنعت تقول مو مشكله .. لكن بس واحد مبدئياً
قال لها لا درزن ههههههههههههه .. قال بس واحد وبعدين يصير خير

الحمدلله لك الشكر اهم شي اقتنعت بس
عشان شهر 12 لا دخلت السابع ما تقول شي .. بس بقولها توي ما بقولها بالسابع لوول
يا الله يا رب يثبته ويذرني من لدنه ذريه صالحه وطيبه وطبيعيه

ادعوا لي بنات ربي يسخر اموري

بديت من يومين استخدم حبوب تثبيت اعتقد اسمه دافستون
ودرت الجل .. احسه ينزل علي ان خلصت الحبوب بستخدم الجل
ولو انه الدكتورة تقول اذا دخلتي الاسبوع 15 ما يفيد لا جل ولا حبوب
اهم شي قبل الاسوع 15 مدري ليه؟
يمكن عشان البيبي تكتمل هيئته بالرابع ؟؟