تجمع الرشيقات .... لفتره النفاس هلمووو يابكريات

بنات ودي اسألكم متى نبدأ نحط بسكوت الفارليز بالرضاعه مع الحليب لعيالنا عشان يشبعون ؟؟

وعلى مسلسلات رمضان لاتفووووتكم ام البنات مرررررررره حلو المسلسل يجي الساعه 4 ونص عالكويت

انا اتابع طاش ماطاش اكيد لانه ماركه مسجله خخخخ
وخوااااطر 5
قلووب للايجار
ام البنات

وبسسسس

عطورة عظم الله اجرج يا الغاليه انا بعد يوم الخميس بالليل عمتي توفت بالخبر
الله يرحمهم الجميع يا رب ويسكنهم فسيح جناته بإذن الله


مفتون بحاول اتذكر وش استوى وبخبرج لأنه انا اتابعه بالليل الساعه 12

بنات تشوفون مسلسلات حليمه الساعه 3 الفجر من جد شي راااايق
وجوائزهم تهبل والله

واااااااااعليه عنكم يا عطوره و جود..

الله يرحم موتاكم ويصبركم على فراقهم .. ماتوا في رمضان هذا كم يسوا والله .. الله يرزقنا حسن الخاتمه يارب..


عطوره ..

انا بعد ببدا أأكل بنتي اول ما اتم الرابع ان شالله.. بس زين مدام فتحتي موضوع الأكل ببدا اسوي سيرج و بحط لكم الاشيا اللي تنفع في هالسن..


sha3oola..

الفارليز و اي اكل ثاني ما ينعطى للبيبي قبل ما يتم الرابع.. في ناس يفضلون الشهر السادس ..

وفعلا ام البنات الكل يمدحه بس اوقاته ما تناسبني.. بحاول اشوف اذا ينعرض في قناه ثانية في وقت احسن..


جود..

مسلسلات حليمه ما اشوفه بس دايما يحطونه عدنا على السحور.. هي مليقه ما اتحمل سخافتها لو حاطين مذيعه ثانيه جان احسن هههههههه

عطوره على طاري جده

اليوم في شعبية الكرتون يايبين شخصيات جداويه

رووووووووق المنغا هههههه

اجرنا وجركم ياحلوات

جود الله يسكنهم فسيح جناته ياااارب

انا مسلسلات حليمه تحوم كبدي تجيب لي الغثيان والله

انا اتابع ام البنات وعمر الشقا حقت حياه الفهد و قلوب للإيجار
واحيانا طاش على حسب الحلقه هي حلوه او لا

شمس الضحى;10176714:
هلا حبيبتي..
ميسومه بخير و عافيه الحمدلله .. شاغله كل وقتي




انا بخير حبيبتي و ميسم بعد...

انتي شلونج و شلون الحمل معاج؟؟
ما شاء الله في السابع! الأيام تمشي..

انا الحمد لله و الحمل بقى تقل و صعب الحمد لله على كل حال

و فعلا شهور الحمل بتعدى بسرعة ادعووووولى :)

ا

مفتون;10177235:
هدى يا هدى
يا حلوة يا هدى

شخبارج؟ ان شالله كل يوم تضحكين.. بس بيي يوم وبنضحك عليج يوم بتوصل بنتج بالسلامة وبتختفين عن الساحة هههههههه


--

مس ديور..

دشي قسم تربية الابناء بتلاقين وااايد مواضيع عن اكل اليهال..


--

جود ..

انا بعد اتابع قلوب للايجار شكله حلو.. بس ماشفت حلقة اليوم سرت اشتري اغراض حق البيت.. شو استوا فالحلقة

ان شاء الله يعدى الباقى على خير و ىجى اقيم معاكم هنا بشكل رسمى انا وراكم وراكم من قبل حتى ما احمل :)

هلا بنات ..

شخباركم وشخبار صحتكم..

قاعدين تسولفون عن شنو انتابع برمضان ..

انا اتابع شر النفوس وقلوب للايجار ..

ومفتون صدقتي عن حليمه صج مليقه وبايخه وبس تبي تجذب الرياييل بدلع متصنع ... كلش ما تعجبني !!

هي عمرها ما طلعت بمكياج بسيط وكله فل ميك اب .. الله يهديها بس

هلا بنات شخباركم وشخبار الفطور معاكم!

شوفوا حليمه من جد يعني مدري ليه الكل ينتقدها
هي دلوعه وتقهر بس من ابوها الله يهديه مو منها
وبعدين هي متزوجه ليه تجذب الرجاجيل؟!!
لا بالعكس الصراحه انا ما انتقد اي احد ما اعرفه
يعني تعاملها ويا الناس ما شاء الله كويس وتساعد عشان يربحون
بالمرتين والثلاث ..

المهم خلونا منها

على الطاري مفتون ليه غيرتي اسمها؟؟

بكرة بروح اسوي ورق عنب واساعد امي .. آه وناااسه والله المحاشي

امس رحت تفطرت بيت اخو زوجي
زوجته مسويه حلا رووعه

تشيز كيك بس واايد سهل .. قررت بكرة اسويه
منه مفيد وحلووو

دايجستف وزبدة بالطبقه الاولى
طبعا تكسرونه البسكوت

والطبقه الثانية الكاسترد نفس الطريقه اللي تسووونها العاديه

وتحطونه بالثلاجه لين يجمد

والطبقه الثالثة تسوون جيلي فراولة احلى
انا اللي جربته فراوله
بس انتوا كيفكم وصبوا فوق المهلبيه يوم تشوفونه جامد
وحطوا بالثلاجه

الصراحه سهل ما يبي له شي ابد
وكلما تاكلون ادعوا لي هههههههه

انا جيز كيك غير اسوي جود..

الطبقه الاولى نفس ما قلتي بس الجيز كيك اخلط 2 دريم ويب و2 قيمر ونص كاس حليب و8 حبات جبن كيري وقفشه جيلاتين الشفاف ..

والطبقه الثالثه بلوبيري من السوبر ماركت .. وبس

جود اي وحده تحط فل ميك اب وتتدلع جدام الكل رجال ونساء عرفي انها راح تجذب الرياييل ..

واللبس بعد.. الله يهديها ..

رفيجتي ريلها ما يفارق الفضائيات بسبب هالنسوان ومن يوم شكت لي حال زوجها قمت اخاف على زوجي من هالنسوان الكاسيات العاريات ههههه من اشوفه يطالع التلفزيون واهمه فيه احاول اغفله واشغله بسالفه والا اكل هههههههههههههههههههههه...

ههههههههههههههههه لا اشدعوة
اذا الوحده ما تتدلع ولا تكشخ عمرها عند زوجها
اكيد الرجال بيطالع بس مو كلهم ترى
في ناس متحملين
وخاصه زوجي ربي يخليه لي
صار لي كم شهر هامله عمري وانا ولابد بس ان شاء الله الجايات
خير

وبعدين حلالها هههههههههه
والله ما ادري .. بس انا احسها عادي
وكل وحده لها راي

اما بالنسبه للتشيز كيك .. مدري مليت من الطرق اليومية
قلت اجرب اليديد احسن

انا رايحه اخذ شاور سحورنا اليوم عند اخو زوجي

نشوفكم على خير

هلا امهات وكروشات

وحشتوني وحشتوني الكل بدون استثناء

اسفه مقدار اجي التجمع من انشغلي في البيت وتعب
اما الخباري الحمد الله بخير وابني بخير

بس مسكين فديته لان انا لوحدي في بداية رمضان وانا في مطبخ وهو معي
لمس الجدار وكان حار حرق يده بس الحمد الله بسيط

وانتم اخباركم مع الشهر الفضيل
عطوره اعظم الله اجرك

اما على اكل اطفالنا اخر اسبوع الشهرهم الثلاث ابدواء سو لهم عصير طبيعي
مخلوط بي اشوي مويه عشان تبداء المعده تقبل الاكل الجديد عليهم
اربع شهور ابدي اخذوا التفاح وعرضيها البخار وبعدها
اهرسيه او سوها بخلاط انا سويت كذا اول ما بدات ادخل الوجبه له

اشوفكم بعدين ابني بهداني ههههههههههه فديته

السلام عليكم ياكروشات
كيفكم اخباركم
احسن الله عزاك عطوره الله يرحمها
ويسكنها فسيح جناته
......
بنات اعذروني اذا مادخلت بس والله الحال ملخبط شوي
الوالده تعبانه شوي...وام زوجي تعبانه...وتشوفوني مره في بيت اهلي ومره في بيت اهل زوجي الله يعين بس
الله يشفيهم ان شاء الله...
بنااااااااات لايفوتكم امطاااااااار عندنا واجواء خياليه وبرق ورعد
عطوره مري علينا بعد اختبارات زوجك...؟؟
بتنبسطوون...
يالله اشوفكم ع خير..

جورجيت بأي منطقه بالسعوديه انتوا؟

فراشه ما عليه شر يا الغلا
طيب انتبهي عليه ولا تدخلينه المطبخ معاك
خليه بنظر عينك جنب المطبخ

هلا جود
انا جنوب المملكه

الحين متى نبدأ ناكل بزاريننا هههههههه
وش تاكلونهم؟؟؟
افضل شغلات طبيعيه.. انتو اش رايكم..؟؟

يتصفح الموضوع حالياً: 3 (3 عضو و 0 ضيف) ‏مفتون, ‏فراشه بين الزهور+, ‏جورجيت


هلا هلا