تجمع الرشيقات .... لفتره النفاس هلمووو يابكريات

انا توني صار لي عشرة ايام في النفاس يبت بنت ووزنها ناقص :( وماعرف شاسوي لهااا؟؟


اللي تعرف شنو اسوي عشان يزيد وزنهااا نخبرني :( بلييييييييييييييز؟؟؟؟

انا ولادتي كانت فيصرية وتعبت نفسيااا الصرااحه :(

ههههه

يقولون عندنا لا تشربين ماي عشان ما تصيرين رطبه( اثناء الجماع ينزل ماي من غير ما تحسي يكون متجمع بالرحم)

بس ماني عارفه المعلومه صحيحه او لأ
المعلومه هذي قديمه او الطب تطور الحين سألت دكتورتي قالت عادي شربي ماي لا زم تشربين
بس امي تقول ما عليكي منها لا تشربين

انتو شو رايكم

عندكم نفس هل المعلومه هي صحيحه ولا خاطئه
انتو ما تشربون ماي ليش عشان الكرش؟

كيفي ..

انزين ما قلتيلنا كم كان وزنها يوم يبتيها؟ وهل هي قاصر يعني يايه قبل الشهر التاسع ولا يبتيها فالتاسع بس وزنها قليل؟

عادي لا تتأزمين يستوي اليهال ايون ضعاف بس خلال الاشهر الاولى يستوي وزنهم طبيعي ونفس الباقين..


نصيحتي لج انج تغذينها زين .. بنت اخويه يت في بداية التاسع وكان وزنها قليل وهي اصلا ضعيفه .. فحتى المص ماكانت تقدر تمص زين..


لا تعتمدين بس على صدرج اول فترة الا اذا كنتي متأكدة انها تمص زين و انتي ينزل منج حليب بكمية كبيرة.. وانتي حاولي تساعدينها وهي تمص حاولي تضغطين على صدرج حوالي الحلمة عشان ينزل لها زيادة .. واذا تقدرين اشفطي لها بالشفاطة وحطيه فالمرضعه واعطيها لو حسيتي انها تتعب بسرعه من المص وترقد ما تكمل رضعتها .. بس شرط يكون مافيج تشققات فالحلمة .. اذا كان فيج لا تستخدمين الشفاطة ..

انا بنتي يت صغيرة شوي يعني كيلوين و 800 جرام.. فقمت اخليها ترضع من صدري لين ما تتعب و عقب اعطيها حليب صناعي.. لأنه لو ما مصت من صدري ما بينتج لها حليب .. ولو ما عطيتها صناعي بتيوع .. واحرص انه اذا رضعت من صدري بعد ساعتين لازم ارجع ارضعها واذا من الصناعي اخليها 3 ساعات وعقب ارضعها .. ولو نشت من النوم قبل هالفترة عادي ارضعها .. المهم انج ما تخلينها تيوع خصوصا في فترة الاربعين


شيكي على صدرج يطلع منه حليب ولا لا.. حاولي تعصرين الحلمة بشوي شوي وشوفي تطلعلج قطرات ولا لا.. بس لا تيأسين عادي انا اول ما ربيت كنت مكتأبه اقول بنتي صغيرة واكيد الحليب ما يكفيها بس ماشالله مع الايام كبرت شوية والنفسية صارت احسن و بالتالي الحليب زاد .. اذا تميتي تحاتين ترا بيأثر على حليبج....


بس حطي في بالج البيبي اول ما ينولد خلال الاسبوع الاول ينقص وزنه حوالي 10% الى 30% من وزنه.. وبعد هالاسبوع يبدا يعوض الوزن بإذن الله.. فإنتي سوي مثل ما قلتلج و عقب ما تكملين اسبوعين اوثلاثة بالكثير راجعي عند طبيب اطفال عشان يسوي فحص شامل حق بنتج و يشوف وزنها استوا طبيعي ولا لا..

ولا تنسين تاكلين الاشيا اللي تدر الحليب.. مثل السوائل ماي وعصاير وشوربات .. و التمر وغيرها

الشيخة فطامي..

ما فهمت ليش اذا كنتي رطبه هذا شي مب زين هههههههه

والله ياختي كل شي بيطلعون عليه ضرر.. مادري انا اول مره اسمع هالكلام الصراحة .. سمعت يقولون الماي اذا بارد مب زين حق النافس بس انا اشرب ماي عشان ابا ارضع طبيعي ..

اقولكم البارحة جربت اسوي سكرب حق جسمي..

الله وكيلكم من ربيت وهالزعطوطه مب عاطتني فرصة اسوي شي .. من ادخل اتسبح يدقون عليه الباب تعاااالي ميوعه بنتج ههههه

فالبارحة خليتها عند زوجي و دخلت اتسبح واستخدمت ملح البابايا اللي دلتني عليه حبتين لعيونك الله يذكرها بالخير.. وايد حبيته ينعم الجسم بشكل.. وبحاول استمر عليه وان شالله اييب نتيجة ويشيل آثار الحمل من سواد في بعض اجزاء جسمي..

هلا هلا بالحلوييييييين


شيخه الفطامي اشربي مويه بيدينك ورجلينك بس خليها معتدله

وان شاء الله خير ولا ترى بيصير لك التهاب بالمثانه مثل اخت زوجي هزئوها المستشفى يوم قالت ما اشرب مويه

صح كلام عطووووووره ..

السلام عليكم صبايا...

شخباركم و كيف الكتاكيت عيالكم؟؟

الشيخه فطامي.. شربي ماي و سوائل لأنه كثير مفيد لج و للبيبي..
انا اللي اعرفه الماي البارد مو زين..


فراشه ما شاء الله طالع جنان ..


كيفي.. يعني كم وزنها بنتج الحين؟؟
انا بنتي أول ما انولدت كانت ضعيفه وزنها كيلوين و 600 بس بعد اسبوعين الحمدلله زاد وزنها... كنت كل ما اشوفها صاحيه ارضعها..

مفتون .. عطوره... مكسور.. و باقي الصبايا شلونكم؟

السلام بنات كيفكم ..؟ وانشاء الله انتوا والاطفال بخير الي تشتكس من تغذيه الطفل تشربه ماي التمر وايد مفيد
وطريقته : يكون عندج ماي مغلي وعقب تاخذيين حبة تمر تنقعينها بالماي شوي لما تبدي تلين تهرسينها بيدج وتشخلينها بالمشخال ووتشربين الطفل الماي المشخول من التمر وهذا يعتبر غذاء مفيد وقت النفاس ..

ليش الماي البارد مب زين
او على الكرش انتو من متى بديتو تربطو انا بحاول اربط بس مب حيل لانه يأثر انا توقعت الربط لازم يكون حيل شديد عشان الكرش بس دكتوره قالتلي مب زين

مرحبا بنااااات=========انا ما صار لي شهر من من ولدت بالسلامه الحمد لله من ولدت سويت تمارين بطن وراحت الكرشه بس باقي ييبس بطني بس اللي متعب نفسيتي بطني صاير اسود والتشققات ما راحت وش الحل؟ ومن فيكم استخدمت الملحه للتنظيف الصراحه سمعت ناس يمدحون وناس يذمون وش رايكم؟

سلام كيفكم

جورجيييييييييييييييييييييييييييييييييييت

شمس الضحى ..

هلا بالغلا .. شخبارج .. لج وحشه

مثل ما قلتي انا اللي اعرفه الماي البارد مب زين .. نفس ايام الدورة ما نشرب بارد ..
وبعد الماي البارد يسوي كرشة ..

--

Rima q8

نحنا بعد نسويه حق اليهال .. بس ماكنت ادري انه ينفع من ايام النفاس ...


--

الشيخة فطامي..

انا بالنسبة لي لأني قيصرية ماقدر اربط .. وجربت الشورت طلع وايد راص وانا اوريدي مكان العملية لازال ينغزني.. واذا بغيتي تشدين تقدرين من عقب ما تطوفين ال عشرة ايام فالنفاس من عقبها يكون بيت الضنا رد مكانه الطبيعي وحجمه الطبيعي.. ومع الايام تزيدين الشد..


--

قنوت ..

ماشالله عليج .. حلو انه كرشتج راجت عقبالنا ههههههههه

فعلا الكرشة اهم شي لها التمارين .. يالله ان شالله طاف شهر وباقي شهرين و نرجع للتمرين عشان اشل الكرشة نهائيا ..

انا بديت استخدم ملح البابايا قالت لي عنه حبتين لعيونك انه يبيض .. مادري عاد البارحة بس بادية فيه .. ماعرف اذا هو اللي تقصدينه او لا..

هلا.......

رديتي بيتكم جورجيت ولا بعدج بيت اهل ريلج

يتصفح الموضوع حالياً: 3 (3 عضو و 0 ضيف) ‏مفتون, ‏جورجيت, ‏رنيم الشوق #


رنيم الشوق ليش ماتسولفين ويانا

مارحت اصلا بيت اهل زوجي
جات خالتي اخت امي عندنا البيت ونامت وماقدرت اروح
احتمال بكره
بس ماقدرت ادخل انشغلت شوي

انزييييييييييييين

يالله ماعليه ما وراج شي..

شخبار بنتج اليوم

بنتي والله تعبانه شوي من بطنها ليه يومين ماتنام وانا مقلوب مزاجي عشانها
بس اليوم احسها احسن