أهلين .. عرايسنا ..,
شلونكم ؟!..
جايه لكم وعندي تقرير فرررررررش
الليلة رحت خطوبة أختنا العزيزة ( ملكة الغروب )
-
خطوبتها صارت في صالة " مصلى العيد " - ديجي إسلامي فقط
الصالة حلوة وكبيرة و واسعة وايد تشيل فوق 450 شخص
بس عيبها .. ديكورها
لا من سقف , ولا من مسرح
أممممم
كان المسرح من ( الأنصاري ) وايد نعومي وسمبل , أوف وايت مع أبيض وفيه ذهبي و ورد طبيعي
كانت في مشكلة في سماعات الصالة
وجد جد سببوا لنا صداع مب طبيعي
مرة الصوت وااااااااااطي ما نسمع , ومرة مرررررررتفع تنبط أذوننا
ههههههه حتى طبلة أذوني تآثرت
والحمد لله المشكلة ما تعقدت .. أنا كنت خايفة حدي السماعات يختربون في زفة "ملكة "
بس الحمد لله , عدت على خير
-
-
أممممم
الزفة إسلامية طبعاً ( يا سامعين الصوت ) << أحبها وعزيزة علي جداً .. بكتني لمن سمعتها صراحة
بس ما شاء الله عليها عروستنا تآخرت وااااااااااااااااااايد
11 وربع تقريباً هي في الصالة
-
-
كانت ما شاء الله .. تبارك الرحمن , تهبل قمر 14
عروس بكل معنى الكلمة " كسرت على الكل بزهوتها "
دشت بس ما كانت حاطه الطرحة على وجهها .. خسارة ما أدري ليش ؟!....
فستانها أوف وايت على ذهبي .. يهبل عليها , ما شاء الله
وتسريحتها مرتبة وكشوخية كانت مرفعة كامل .. جداً فخمة ومناسبة لجو الصيف الذبحة
-
-
مكياجها ..,
قالت لي ( فردوس - إيلاف )
مكياجها حلو ونعومي
وهي إلي حلت المكياج مب أهو حلاها
كان دمج بين البنفسجي والوردي .. وفيه شويه كحلي
بس بصراحة!..
شخصياً ما عجبني مكياج فردوس
ما أدري
أنا هذا مو ستايلي
أحسها ما تبدع
صج تغيرج إي!
بس ما تبدع فيج ولا تتفن أبد
هذا هو الستايل السموكي المحدود
وأنا أحب الماكيرة إلي تغير من شكلج + تبدع بمكياجها
لكن!..
للأمانة ( ملكة ) كانت أحلى من القمر , ما شاء الله عليها
-
-
باقتها ..,
طايحة وفن وايد
ومن مزاهير ( عرفتها من الإكسسورات )
هههههههههه بعد شنو ما قلت ؟!..
-
-
المعازيم ..,
ما كان في شي جديد ومميز صراحة
هذا هي الفساتين ( خلق الستن الطايح ) والتسريحات ( بف + ويفي ) .. والمكياج نفسه !..
بس ما شاء الله .. تبارك الرحمن
عيني عليها باردة هالبنت!..
وحدة شفتها في الحفلة كانت مميزة وجميلة جداً جداً
كان فستانها موديل جديد ( دانتيل + شيفون ) ولونه غريب وحلو ( تركوازي على فيروزي ) وفيه حركات وشك
مكياجها كان مميز جداً
ناااااعم وحلو وايد وايد وايد
صاير بيبي بينك فاااااااااااتح مع تركوزاي غامق , ولايق عليها بقوة
وتسريحة شعرها رغم إنها عادية
لكنها فخمة ومناسبة لطول شعرها
يعني جايه بف من قدام + ويفي مع بف من ورا
وصاير كأن شي مرفوع .. بس هذا طول شعرها
عن جد حبيت أناقة هالبنت
سلمت علي هههههههه بس أستحيت حدي أسآلها من وين فستانج ؟ ومن مكيجج ؟!..
بصراحة كانت ملكة على الحضور من بعد العروس الجميلة ( ملكة الغروب ) طبعاً
-
-
وبعد 2 لفتوا إنتباهي
وحدة كانت لابسة مثل فستاني ههههههههه بس لون فستانها أحلى بوايد
وما شاء الله كلش سمبل وحلوة
والثانية فستانها سحرني .. عدل عدل
جيت بقوم أسآلها
بس عيبي ( أستحي ) .. قلت خلني ساكتة أحسن هههههه
-
-
وبس!..
