~'*¤!||!¤ تجهيزات عرايس البحرين { الخمسين 50 } ¤!||!¤*'~

عاشقة قلبه;9745689:
صبااح الخير

بناات الحين الشبكة مع الدبل ودبله كشوخية للمناسبات بجم يطلعوون تقريبا؟؟

مشكورة يالغاليه دهن العود
والله يسمع منج
فرصه وحده لاغير لهم

بحرينيه وكلي فخر انا عندي رقم وحده تسوي كب كيك تكتبلج اي شي على كيك واللون الي تبينه
مثل بيبي بورن او بيبي بوي ومن هالخرابيط خخخخخخ

لان وايد كوكيز الحبه بدينار هذي قولي بتسوبج درزن بسته او ثمانيه دينار وبتسويلج حركات وانتي وكيفج عمري وربي يسهل عليج

خالتي بعد بدايه او نص سبعه ولادتها انتي متى؟ اذا نفس الفتره بمر اسلم عليج هههههه

اذا تبين الرقم ذكريني برساله خاصه اول ما تشوفين كلامي لاني حدي نسايه

مشكورة حبي دهن العوود على ردج


يعتمد كل يوم سعر الذهب يتغير

وانتي تبين شبكة ثقيله وراهيه
والا خفيفة مولي حق رفيجتي وتبي خفيفه وكشخه

ذهب ابيض والا أصفر هي تقوول خاطرها في ذهب اصفر احلى

وطبعا
كل محل عمولته غير

ايي بس هي تبي تعرف يعني جم تقريبا بيكونون

متى مداكم تفتحون جزء جديد :eek:

عروس منامية..... لوحة العرض تحصلينها عند الأستوديوهات بس اعتقد أجارها غالي

بس أني يوم خطوبتي أخذتها من نادي السنابس... وهم ما ادري بجم يأجرونها بس مو غالي اعتقد يمكن 10 دينار أو 15 مو متأكدة... أني لأن الوالد يعرفهم عطوها اياه بلاش

البروجكتر بعد الأستوديوهات عندهم... بس اني البروجكتر دبرته ليي صديقتي عن طريق زوجها لأن يشتغل في هالسوالف


أنا كوكتيل عسل... جربي مواهب شارع البديع + مكتبة سلمان العالمية مجمع الهاشمي + مكتبة الجماهير في الديه + وعندش بعد لوازم الأشغال اليدوية جنب برجر لاند

واحتمال تحصلين في رامز... ترى عادي يطلع عنده فلتات!!


سنفونية حب... الله يعوض عليش... بس شلون دقت بش؟ مو على اساس انش دافعة لها وكل شي؟ ليش هي يعني بتسافر لو شنو اللي صار وغير ودقت بش؟ وقررت جدي بس ما بتسوي الفستان؟؟؟

وبعدين ويش صاير فيهم الأوادم نفسهم واصلة لحلقهم!! كله يسبون ويدعون على الأوادم!!
ذيك الحناية دعت على العروس... وألحين هذي تدعي عليش!!
لاحول ولا قوة إلا بالله!!

مبروك الجزء اليديد

بس لي رجعه بعد قراءة الواجب الى طافني

هلا حبوباتي امس ما ادري شصار فيه المنتدى كنت كاتبه لكم ردود و مرة وحده خرف المنتدى !!
و هذا اقتباس وردود على مشاركات في القسم السابق ومبروك علينا الجزء الجديد ويارب يكون فاتحة خير

اقتباس المشاركة الأصلية بواسطة سنفونية حب هلا عروسي الغلا .. الحمدلله على كل حال ويسلموو على السؤال .. توني مخلصه الواجب
وهالويكند تقريري مو خوش .. صارت لي مصيبه بعيد الشر عنكم

الله لا يسامحها صاحبة المحل اللي كنت بسوي فيه فستاني سوت فيني دقه و قالت ما بتسوي لي فستان .. الله ياخذ حقي منها و حسبي الله ونعمه الوكيل فيها .. خلتني اصيح من قلب تخيلوا ما بقى على عرسي شي !! صدق حسيت الدنيا سودت في وجهي .. لولا خطيبي كان وياي جان انهرت حزتها .. مسكين ما قصر واي الله يخليه لي يارب .. و بسببها اختربت كل مخططاتنا و حتى ميزانيتا انعفست .. و تخيلوا سبتنا و قالت لي ان شاء الله ما يصير عرسج يارب كنت في موقف لا احسد عليه

دعواتكم لي بنات .. ان تتيسر امور زواجي و اقدر افصل فستان في هالمده القصيره كلش . واخص بالشكر في اللحظة ميساء القلاف .. ساعدتني من قلب مع ان ما اعرفها مسبقا وما عرفتها الا من خلالكم في المنتدى .. بس الله من كرمه حطاها لي في دربي و بعدها الفضل لكم حبيباتي .. تذكرتكم وتذكرت ان تكلمتوا عن قصر الزفاف و ان صاحبته هي ميساء وبالصدفه كنت مخزنه رقمها عندي ولاني مظلومه الله استجاب دعائي حزتها ومع انهم ما يفتحون يوم الجمعه اجازة فتحت المحل عشاني و اتصلت في الديزايرز اللي تعرفهم و جوا لي عندي وقعدو وياي وساعدوني وما قصروا

واللحين محتاجه دعواتكم يا بنات والله لا يراوي احد مكروه

شفيييها الاواادم صايرة تاكل في بعضها

شنو هالاخلاق



لكن تدرين هذي صلاح لش

وان شاء الله يصير فستانش مثل ما تبين واحسن بعد

الحمدلله ربي سخرها لج وماقصرت معااج

بس حبيبتي لاتضاايقين روحج ،، ماتدرين يمكن هذي صلااح لج ،، توقعي اي شي كاان ممكن يصير حق الفستان اللي ماسوو لج ايااه ،، ويمكن هالفستان على الاستعجال عليه بس بعد بيطلع حلو عليج واهو اللي بيطلع الاحسن وياارب تكونين ملكة حفلتج ومبرووك مقدما

الله يسمع منكم زوز البحرين و ماركة.. و تتيسر اموري ويطلع الفستان مضبوط يارب .. و عسى يارب اليوم اللي نبلغ فيكم ونشوفكم عرايس
خصوصا مروووك يارب ما يجي يوم عرسي الا ولد الحلال طاق باب بيتكم و خاطبج يارب .. و الله يخليكم يارب كلامكم يبرد على القلب عسى ربي يبرد قلوبكم بخبر زين

-------------------- ............................... ---------------------

سنفونية الحب لا تخافين ولا تحاتين بصراحه الحركه اللي صارت ليش كلشششششش ماساه يعني الفستان يباله فتره علشان يستوي ولازم تكونين ضامنتنه

بس الله كريم

ان شاء الله يطلع الفستان الثاني احلى بوايد من اللي كان بخاطرج

بس سمعيني حبيبتي محل !! قصر الزفاف مضمون اني شايفه ليهم فستان من قبل كان حده راقي ويده طويله وحليوووو حده ووووووقبل فتره رايحه المحل علشان اختي بتسوي بروفه وو شفت فستان حق عروس جايه لونه وردي كلش حليووو وشكله متعوب عليه يعني الشك عدل

يعني من هالناحيه تطمني وتوكلي على الله

هلا بشورة مشكوره الغلا على الرد ..
اي الحمدلله من ناحية قصر الزفاف مطمنه بس المحاتاة شي طبيعي لان الموقف اللي مريت فيه ماهو سهل .. بس ترى مو قصر الزفاف نفسهم اللي بيفصلون لي الستان لا محل ثاني بس عن طريقة صاحبة محل قصر الزفاف والحمدلله هي طمنتني واثقة منهم و مسكينة اكثر من مرة اتصلت تتطمن علي وحتى اللديزاير اللي ودتني لهم .. ما شاء الله حبوبين وطيبين وشفت شغلهم و كان فخم ومثل ما اتخيل فستاني حسيت هذا الشغل اللي كنت ابيه .. بس طبعا السعر اضعاف مضاعفه خصوصا انهم بيشتغلون عليه اوفر تايم :( .. بس ربكم كريم ودعواتكم لي

اتذكر سنفونيه وسالفة الفستان صج صج عورني قلبي عليج ودعيتلج من قلبي تحصلين فستان واقولج لا تنسين تتصدقين عنج وعن خطيبج عشان ربي يحميج من اي مشكله يارب وتتيسر امورج

فديتج حبيبة عزوزي .. وسلامة قلبج .. مشكوره حبوبه على الدعاء وربي يجازيج كل خير و يعطيج مثل ما دعيتين لي و اكثر .. يارب اشوفج عروس تجهزين حق فستانج.

---

حسبي الله ونعم الوكيل


لاتحاتين حبيبتي

الله بيسر امورج ان شاء الله

الله يسمع منج مشاعر وما تقصرتي حبيبتي .. ربي يعطيج على قد نيتج يارب ويسر كل اموج بعد دنيا واخره

========

بنات شلونكم شخباركم
اليوم كان عندي بروفه الله لا يراويكم الخلق الي مستخدمينه ايلوع الجبد صاير ابيض على ازرق
انا صحيح غلطت اني ماخترت الخلق بس على بالي ناس عدله بس اطلعو العكس وغير الخلق التصميم غير والصج غير
صراحه وايد اتعبت نفسيتي وهمه ما قدرو يقولون شي لانهم ما وقعوني على شي
بس وقعوني اليوم عشان ما غير رايي لاني قتلهم الخلق اتغيرونه والموديل بعد فجذي خلوني اوقع عشان ما غير رايي مره ثانيه صج اقهروني بس حلفت اذا ما سوو شي عدل هالمره باخذ فلوسي غصبن عنهم وغير المحل
واصدقون امس درت الستي كله عشان ادورلي وانتو بكرامه جوتي ليمه حصلت وكان حده غالي قلت معليه عشان فستاني وطلع الجوتي الي شاريته احلى من فستاني
مادي شاسوي اصيح وله اضحك
يننوني الله يننهم

هلا نوفه .. الله يعيج والله صج جنون هالفساتين .. ما ادري شبيصير فينا من اللحين لي يوم زواجنا .. بنستخف ويا هالفساتين وسوالفهم !!

وسنفونيه حب .. الله يتمم لج على خير يآرب .. ودعوتهآ ذي بترد عليهآ والله مآبيوفقهآ اذا بتعآمل مع

النآس جذي ..

الله يسمع منج لؤلؤة .. يكفيج شر هالمواقف يارب .. وصدقتي دعوتها بترد عليها و الله فوق اعلم بحالي ودعوة المظلوم مستجابه ..

-----

سنفونيه حب

آه قطعتي لي قلبي
صراحة صج صج قهر

حسبي الله ونعم الوكيل

وبعدين ليش ما فكرتي تروحين السعودية تاخذين لج شي جاهز

أحسن من تفصيل ما عندج وقت اللحين

و أن شاء الله يطلع أوكي فستانج وتطلعين أحلى عروس يا رب

سلامة قلبج عودي .. والله كريم يا الغلا .. كل اللي محتاجته منكم يا الغاليات دعائكم لي .. و يارب الله يسمع منج ويتمم لي اموري و يطلع فستاني اوكي ..و ارتاح من هالهم والمحاتاه .. و عن السعودية فكرت فيها بس مشكلتي ما يعجبني الجاهر احب التفصيل و لان في بالي موديل معين ومسويه كل شي يتناسب معاه .. مع اني رحت السعودية اكثر من مليون مره قبل لا اقرر وين بسوي فستاني ..واللحين خلاص ما في وقت والحمدلله حصلت لي ناس طيبة وقفت معاي و ساعدتني ربي يجازيهم كل خير

سنفونية حب... الله يعوض عليش... بس شلون دقت بش؟ مو على اساس انش دافعة لها وكل شي؟ ليش هي يعني بتسافر لو شنو اللي صار وغير ودقت بش؟ وقررت جدي بس ما بتسوي الفستان؟؟؟

وبعدين ويش صاير فيهم الأوادم نفسهم واصلة لحلقهم!! كله يسبون ويدعون على الأوادم!!
ذيك الحناية دعت على العروس... وألحين هذي تدعي عليش!!
لاحول ولا قوة إلا بالله!!

هلا اوريانا .. والله يعوض علي وياخذ حقي منها .. مثل ما قلتي ناس صايره اخلاقها زفت و في حلقهم ما يمديه يتكلم الواحد الا كلوه بالسب والدعاوي وهي لا بتسافر و لا هم يحزنون ... هي من البداية ما عارفه شلون تتخلص مني يوم تقول عندها طلبية بتسلمها وبعدين بتبدي في فستاني .. يوم اروح الاقيها هي ويوم اختها و يوم اشرح للهندي ويوم لها وكل يوم لاحد ينشف ريقي من الشرح ولا بعد التعب كله يقولون لي مو هذا اللي اتفقنا عليها .. مع اني دافعه لها مبلغ مو سهل .. و مقدم و حاله بس لانها اهي الغلطانه وهي اللي ما تبي تسويه قالت خذي بيزاتج ولا بسوي لج فستان ولا غيره خلاص وطلعي من محلي ودوري لج محل ثاني وعساج ما تحصلين وما يسون لج و لا يستوي لج عرس بعد .. :(

بس ربج كريم والحمدلله على كل حال .. والله يمهل ولا يهمل !!

بنات لو سمحتوااا طالبتكم

بغيت اسعار المصورات البحرينيات ويعد بغيت الوب سايت حق كوشات قرية الأفراح ....ضروررري لا تتأخرون علي

بنات لو سمحتوااا طالبتكم

بغيت اسعار المصورات البحرينيات ويعد بغيت الوب سايت حق كوشات قرية الأفراح ....ضروررري لا تتأخرون علي

هذا الوب سايت حق قرية الافراح والله يتمم لج عرسج على خير و تصيرين عروسه شوي قديمه :) هههه

Welcome to Happiness village Bahrain....Wedding stage rent,stage designing,table arrangments, djrent,hall covering & lighting...

سنفورة

عورتي قلبي حبيبتي بس جعلكم تكرهون شيا فهو خيرا لكم

يمكن الفستان يطلع لج الحين احلى من قبل قولي امين

سنفورة

عورتي قلبي حبيبتي بس جعلكم تكرهون شيا فهو خيرا لكم

يمكن الفستان يطلع لج الحين احلى من قبل قولي امين

آآآمييين عروووسي الله يسمع منج وسلامة قلبج .. والحمدلله على كل حال

المنتدى حده مخرف مادري شفيه كله يشير علي

المهم كل اللي ردوا علي مشكورين وما قصرتوا ترى ما قدرت اشوف كل الصفحات بسبب العطل في المنتدى

سنفونية حب
كلها خيرة ان شاء الله

(عسى أن تكرهوا شيئاً وهو خيرٌ لكم وعسى أن تحبوا شيئاً وهو شرٌ لكم)

وهذيج قليلة أدب اللي خلتج بهالموقف فوق سواة شينها قواة عينها ما تستحي على ويها

الله يوفقج ان شاء الله ويسر امورج

وان شاء الله تحصلين أحسن من اللي كان في بالج

زوز البحرين;9744636:



ايي ام فاطمة قالت لي التصوير المفتوح ب 35 بدوون الطبااعة

الطباعة لكل 50 صورة 25 لو 30 قالت مادري نسيت

زين عجل ممكن رقمها ع الخااص للحين ما حجزت شي حق ملجتي كلش متفرغة :ss:

وصايف;9744643:
زوز
بقول لح اسامي عطور شخصيا عجبوني بس انصحج بعد تروحين ترشين احسن عشان تشوفين اي واحد فيهم احلى ويعجبج وتحبين تشمينه في خطيبج

1- بولو الاسود
2- دولتشي اند جابانا
3- لينك الاسود او الابيض
4- رزين من سيد جنيد
5- كريد الابيض

في وين تحصلين لنك؟؟؟ لان نفس ريحة كريد الابيض و مركز اكثر و ارخص و اني اموووت في كريد الابيض ابي اخذ لخطيبي

Sm!LeY;9745091:


اذا في بيتككم روحي محل تسجيلات و اشتري سي دي منوع .. او حتى اذا عندش احد يعرف خليه يسوي لش سي دي .. و حطي سماعات كبار ..

اها زين يعني ما يحتاج ملايه لا؟؟ اني اسوي سيدي بس ابي اسلامي و ما اعرف صراحة

دهن العود;9745719:

حبيبتي ميري يصير
في بوكوارة

وترة عندهم كيكات صغار

الذ من أمبرس
كيكاتهم الصغار

خفيف طعمهم

يوم ملجتي وزعت منهم كتوزيعات وكل من سأل عنهم

المحل
صوب جناحي بنفس الصفة

والمحل الثاني يصير مجابله

:wink:

هلا دهن العود كنت ابي اسوي مثل الحركه يا في الخطوبة او الملجة لان احس جوكلت و في الحر اخاف يخترب الكب كيك احسن بس تعرفين جم يسون الدرزن لصغار؟
و قالو لي عن بسكوتو و ذاك اليوم رحت الا مبند و ما رديت مريت..
و يبي ليه اي كثر عشان يبرز؟؟

زهور البحرين1;9744115:
السلام عليكم ياريت احد يساعدني ويرشدني عن أماكن تأجير سفر العجم و أماكن عمل التوزيعات

عليكم السلام والرحمة

عندج ام فاضل سفرها وايد حلووووووووووووووووة

وهم تسوي الحلاوة اذا تبين

يعني سفرها احلى من اللي طالعين لنه هاليومين كم طاولة ع جنب وانتهى الموضوع

سنفونية حب
كلها خيرة ان شاء الله عسى أن تكرهوا شيئاً وهو خيرٌ لكم وعسى أن تحبوا شيئاً وهو شرٌ لكم
وهذيج قليلة أدب اللي خلتج بهالموقف فوق سواة شينها قواة عينها ما تستحي على ويها
الله يوفقج ان شاء الله ويسر امورج وان شاء الله تحصلين أحسن من اللي كان في بالج

ونعمه بالله والحمدلله على كل حال .. يسلمووو كوكتيل .. و الله يسمع منج يارب

ما قصرتي .. انتي وكل البنات ردودكم تثلج الصدر ودعائكم يسر الخاطر و يحسن النفسية
الله يخليكم ويحفظكم جميع يارب
-----

بنات رحت نوال فلوز اسعارهم احس مبالغ فيها !! ..وغير هذا ما عجبتني معاملتهم وايد مو لي هناك يعني .. واللحين بروح مكان غير
احد جرب علياء فلورز ؟؟ شرايكم فيهم احد عنده فكرة ؟؟ .. وجاردينا بعد اوكي او لا في باقات العروس؟؟

و اذا عندكم اماكن ثانية تنصحوني فيها اروح اشوف شغلهم لا تبخلون علي .. بانتظاركم

مرحبا بنات

حشى يومين مادشيت المنتدى طافتني فوق ال 60 صفحه ذبحتوني وانا اقراهم <<<< شحادج بس الفضول ذابح خايفة يفوتج شي :D:D


باقولكم تقريري

يوم الخميس رحت العرس اللي قلت لكم عنه من قبل وسويت شعري ومكياجي انا وحمايتي وعمة خطيبي في صالون سمى عند صابرين الذوادي وصراحة طلعتنا نهبل كل وحدة احلى من الثانية واسعارها وايد زينه طبعا وفستاني من السعودية من فينسيا كان وايد بس اخترب الجرار علي في العرس وتوهقت فية الله ستر ان عمة خطيبي عندها ابرة وخيط وخيطت لي اياه واشوه


بس وصلت العرس متاخرة المهم العروس كان فستانها ستايل اوربي مافية شك وهالخرابيط وايد بس دانتيل شوي وشعرها وحيدة ومكياجها عند ميساء القلاف كان جدا عادي وماحبيته مايبين مكياج عروس

كانت مسوية اكياس مطبوع عليهم اسمها واسم ريلها للعباية ومغطية غراش الماي بستكير مكتوب علية اسمها واسم ريلها وموزعه عطور ملزوق عليهم ستكر مكتوب فيه صنع خصيصا للعروسين بس انا ادري هالعطور مال ارض الزعفران اللي في الامارات لان ابوي يايب لي منهم حق توازيع عرسي بس بستايل غير

المسرح كان من المزيونه كان حلو وناعم خصوصا ان القاعه صغيرة مايركب فيها شي مسرح عود

الفرقة كانت فرقة عمار الفردان

بس هذي الموجز العرس



ورحت يوم السبت السعودية حق فستاني طبعا ماجهز بس اهو مسوي جم شي ع كيفة وانا قلت له يعدله لي والترجية اللي من بنت النور اللي مسويتها اوردر طلعت تلوع الجبد وقلت له يغيرها لي ما ابيها كلش كريهه


امس رحت سراريح وسويت لي دفتين ايننون صج صج شغل عدل

اول وحدة رهيبة اهي تطريزها بنك وفيها حركات ماعرف اشرح الصراحه وسوارفسكي شغل عدل مع انها غالية وايد
والثانية وايد ناعمه يدها بافي وفي نفس الشغل في اليد مو تطريز ماعرف شيسمونه سعنس التطريز النافر يعني بارز مو العادي من نص الزند لي عقب الكوع بشوي وفصوص بس ارخص شوي من الاولية


وبس

بنآآآآآآآآآت وه هلكتوني ولآ احد يرد على اسألتي << استحمقت ههه ..

لا صج ردوو ابي الجلتر السبري اللي حق الجسم وين احصله ..؟

بسرعه ردوووووووو لآن رحت امآكن في المحرق مآفي !!

شآسوي :(