بنت سالمين;9759990:
مساء الخير يا بنااات ,,
جايبة لكم تقرير عن حفلة مبارح خطوبة صديقتي بقاعة مرمريز 3 ..
الحفلة طبعا كانت وايد حلوة واستانسنه كلنه ..
اول شي بالنسبة للصالة مغيرة المسرح ومزينة الصالة وعجبني المسرح واااااايد كان ابيض مع بنفسجي فاتح ونفس الشي ممر المعاريس كانو مزينينه بشيفون ابيض و ستاندات قصار حاطين عليهم باقات ورد لونهم بنفسجي وابيض مدري اوف وايت .. انا في البداية افتكرت انه قرية الافراح او الايام الي مسوينه بس طلع الانصاري للافراح اهو الي مزين لها المسرح وممر العروس بالاضافة مسوي لها خيمة صغيرة عند طاولة الكيكة بس صج شغله مرتب وحلوو
المسرح كان مثل ذي بالضبط ,,بس اللايت صايرين اطول مو قصار ..
نجي للزفة ,, زفتهم بعد كانت وايد حلوة وفكرتها حلوة .. اول شي دخلت العروس مع المعرس على شعر بأسمهم لين وصلو للمسرح وبدلو بعدين حطوا اغنية يوسف محمد الدزة ,, في هالاثناء خلوو 3 صبيان صغار يعني اعمارهم بين 8 الى 11 سنة يدخلون كل واحد عنده شي .. اول واحد كان حامل قفص مزين وبداخله عصفورين وصل للمسرح وحط القفص وسلم عالمعرس والعروس ومشى .. الثاني وراه حامل قلادتين ورد وصل للمسرح سلم على العروس والمعرس ولبسهم القلادتين .. الثالث وراه كان حامل صينية مزينة وفيه خاتمين (دبل) مزينينهم بعد الخواتم وصل للمسرح سلم على العروس والمعرس ولبسهم الدبل ..
بعدها وراهم دخلو ام العروس وام المعرس وحدة حاملة ستاند الشبكة والثانية حاملة ستاند فيه الساعات .. وصلو للمسرح حطوهم على طاولة الشبكة وسلموا على المعاريس وصورا معاهم ومشوا ..
امممم ,, العروس كانت ناعمة بكل شي وطالعة حلوة ما شاء الله عليها ,, فستانها من فرشة العرايس لونه ابيض ناصع وكان ناعم ستايل اوروبي سمبل وفيه شك خفيف عند الصدر بس ..و باقتها كانت بعد ناعمة ستايل اوروبي بحت مثل ذي بس الورد كان روز اوف وايت مع بنفسجي ..
العروس سوت شعرها عند سميرة الشكر وبصراحة ابدا ماعجبتني تسريحتها كانت جدا جدا عادية ومافيها لا فخامة ولا ميزة ولا حتى حركة حلوة ,, سميرة احس اخترب شغلها ,, يعني ماحسيتها هذي تسريحة عروس ولا حتى تسريحة وحدة عادية مافيها شي اصلا ..
اما المكياج فكان عند عايشة الريس وبصراحة عايشة ابدعت جد ,, يعني هاي اول مرة اشوف مكياج لها وصج صج عجبني مكياجها وايد حلو ومرتب بالاخص رسمة العين وكان المكياج ناعم لانه هذا طلب العروس لانه اهي كانت تبي ستايل ناعم ..
بالنسبة للمعازيم فأهل العروس و اهل المعرس معظمهم متعدلين في صالون سلوى وما شاء الله صج كل وحدة تقول الزود عندي ,, تساريحهم فخمة واو واو بجد عجبوني شغلهم وايد حلو و المكياج بعد كان حلوو ,,>> ضربت في بالي الحين سلوى يمكن اخذها لزواجي ..:tongue:
طبعا التفاصيل الثانية من تلبيس شبكة وقطع الكيكة والعصير والخ .. تعرفونها ,, بس عشت الجو مع العروس والمعرس لما قامو رقصو على اغنية اليسا وفضل شاكر صج كانو عصافير حب ما شاء الله عليهم الصلاة عالنبي .. تخيلت نفسي مكانهم انا وريلي خخخخ حلو هاللقطة ..
وبس هذا تقريري المختصر والمفيد ..
مشكوره فديتج على التقرير الحلو(f):)