حلم العذارى;9742913:بداية ..,
أنا ما أحب شغل (سلوى) على عروس نهائياً << وهذي قناعة ورآي شخصي
على عادي ممكن أؤيده
*
سلوى مكياجها حلو وايد وتغير عن السابق 180 درجة
لكن "لمياء" بنفس الصالون تحط أحلى وأكشخ وأنعم من مكياجها
من عيوب وسيئات صالون سلوى :
أساس فااااشل وجيييييب , ولحد يقولي أساسهم كشخة وقوي , ما بصدقه كلش
لأن يستخدمون بودرة سمر كيك
يعني عرفي إن بنص الحفلة أو نهايتها وجهج حالته حالة!..
وغير إذا لونج مميز ( حنطاوية , سمرا وايد , بيضا وايد ) ما بيصيدون لج اللون بسهولة
وأنا وإختي مجربين
أنا حنطاوية طلعوني برونزية
وإختي سمرا طلعوها سودة هههههههه
وإذا بيضا حدج يطلعونج طبشور
بس طبعاً مو كل من .. يعني في ناس على حظهم
وأكره شي عندي صالون ضربات الحظ
من بين 10 عرايس .. 4 أو 5 إلي يطلعون روعة والباقي لوووووووووعة
آخر مرة رحت
ما شاء الله 12 عروس
الله وكيلج 5 حلوين عديتهم على يدي
والباقي يفشلون ما كأنه سلوى حاطه المكياج
شكلها تمللت أو تعبت .. ما أدري شسالفتها
*
يعني لين بتروحين برشج لج لمياء للمكياج ..,
وحق الشعر .. ما عليهم غبار صراحة
كل وحدة هناك تقول الزود عندي
كل وحدة شغلها أكثر إتقاناً من الثانية
وأكثر المبدعات في الشعر للعرايس ( نورية , منى , صفية ) لا تروحين لأي وحدة ثانية غير هالثلاث
*
نصيحة أخيرة!..
لا تحجزين على عمى
روحي الصالون فترة العصر وشوفي العرايس قبل وبعد
وأحكمي على الشي بنفسج مب برآي البنات
لأن هاي ذوقج مب ذوقنا
*
موفقة
في خطوبتي تعدلت في سلوى
الي حطت الي المكياج لمياء
خلصت من المكياج يمكن الساعة 4 العصر
والى الساعة 1 الفجر والاستوديو يصورون فيني
وصوري ما شاء الله روعة ولا اخترب مكياجي ولا شي:rolleyes: