*تجهيزات احلى عرايس فى مصر القمرات الجزء 135*

Botee;9746569:
بصوا بقى هحكيلكم على رحلتى فى القاهره اليومين اللى فاتوا
الاول رحت كوافير سحر فى المانيل عملت فرد لشعرى وطلع حلو الحمد لله بس ربنا يستر بقى بعدين
بعد كده نزلت لفيت على الايشاربات فى روكسى ومش لاقيت حاجات تليق على هدومى كتير بس فى حاجات حلوه
ورحت كليب الدو مش لاقيت حاجات عجبتنى غير شنطه اموره كده
وبعدين رحت اشتريت شويه رفايع من محلاات اتنين ونص فى حريه موول
تانى يوم رحت الحمزاوى فى الغوريه اشتريت ملايات قطن منقوشه بالمتر
الراجل ورانى حاجه اسمها تابلوهات ملايه فيها رسمه فالنص وبتقصى منها على اد التابلوه ده وفى توب تانى بيتقطع منه قماش المخدات والخداديات
دى المتر بتاعها ب 20 جنيه
واشتريت ملايات تانى منقوشه بس مش تابلوهات دى كانت ب12 المتر
واشتريت كيسين لحاف واحد عادى وواحد تابلوه بردوا مرسوم فيه ميكى ومينى وبطوط وزيزى كبااااااااااار خالص ومخداته عليها ميكى ومينى صغيريييييين
التفصيل عند نفس المحل الملايه ب 5 جنيه وفى واحده عملت فيها حركات كده طلعت ب 10
واللحاف بالسوسته ب 10 جنيه
بس اتأكدوا من ان الراجل فهم كويس انكم عايزين ايه لانى بعد ما رجعت من السفر بشوف الحاجه لقيت ملايه من الملايات مش هيا اللى اخترتها ومع الاستعجال مأخدتش بالى
بعد الغوريه تمشى قدام شويه تحت الكبرى تلاقى حمام التلات فى حاجات حلوه كتير ادوات مطبخ وكده
اشتريت منه فواكه مجسمه بتتحط على التلاجه انا عندى اصلاً بس دول غيير خالص
واشتريت الورد اللى يحته حلوه
ورحت سنتر الاهرام فى الغوريه اشتريت قميصين كده حلوين فيزون
واشتريت سابوهات من وسط البلد البسهم فى البيت
بس
ادعولى حاسه انى مزنوووووووووقه جداً والفرح قرب اوووووى زى النهارده الاسبوع الجاى
وفاضلى حاجات كتيير فى حاجتى ولسه مفرشتش
بس ده ممكن يكون ميزه علشان مفكرش فى بعدى عن ماما وبابا
:(

مبروك ياجميل حاجاتك تتهني بيهم
كيس الحاف جبتيه بكم وهو عباره عن كيس لحاف ومخده ولا في ملايه سرير كمان
اصلي بدور على طقم كامل كيس لحاف ومخده وملايه ومش لاقيه

هههههههههههه ضحكتيني حضرتك ماخده التاخير عشان متفكريش ههههههههههه طب واللي زي حضرتي حنعمل ايه :confused:

انا والله بقيت مبحبش ادخل غرفتي غير بس وقت متزنق :ss: وادخلها بحس غرفتي بتبكي على فراقي هههههههههههه البت تجننت

fragole;9746644:
[GRADE="00008B FF6347 008000 4B0082 FFA500
بنات عايزة اسأل على موضوع النساجون ده هل في فرع معين هو اللي ممكن يعملي اللون اللي ان عايزاه بالطلب و لا موجود في كل الفروع و هل بتبقى تكلفة زيادة؟


كل الفروع لا مافيش اى تكلفة زيادة فى العادى
الا اذا انتى كبرتى مساحة السجادة ساعتها طبعا هايكون فى زيادة

و بالنسبة للمراتب ايه رايكم في ماستر بد بيقولوا عليها حلوة و معاها ضمان 10 سنين

[/GRADE]

انا الى اعرفة اليانسن بقلها عندى فى بيت بابا اكثر من 13 سنة ولما اتجوزت جبتها

danasam;9744832:
بنات لو سمحتوا سؤال ضروري
طبعا بالنسبه لشهر 7 عز الصيف
وخايفه على المكياج في فرحي ان شاء الله وخصوصا اني عاملاه في مكان اوبن اييير ):
خايفه المكياج يسيح مع الحر والعرق مش عارفه اعمل ايه
بيقولوا في اسبراي مثبت للمكياج
وفي بيقولولي اقعد اعمل مسكات تلج على وشي من دلوقتي لحد شهر 7
علشان المكياج ميسحش
اعمل ايه مش عارفه
ياريت اللي عندها معلومه عن المووضوع دا
وربنا يوفقنا كلنا

بصي ياجميل الكوافيره اللي حتعملك يوم الفرح حتسالك حتعملي الفرح بالبيت ولا بفاعه ولا اوبن ايير عشان تعرف حتعملك ايه وازاي فهي اكيد حتعملك حاجه مناسبه متسيحش

وحتى لو مسالت انتي قوليلها

مسكات الثلج دي مفيده اوي وحتخلي وشك اينور حتى لو حتعملي عند احسن كوافيره اعمليهم وواضبي عليهم وحتى بعد الزواج واسالي مجرب ومتساليش حكيم :o:wink::D

ازيكن يا قمرات
يارب كلكم تكونو بخير ونفرح بيكو بقي
انا نازلة اشتري قماش الستاير من الازهر انهاردة باذن الله
والراجل اما كان بيقسم الستارة كان بيقولي الجزء التقيل اسمه موريه والخفيف شيفون او جوبير او كده
بس هوه الجزء التقيل بتاع البراقع مينفعش غير موريه بس
ولا فيه قماش تاني ينفع ليه
ياريت تفيدوني بالاقمشة اللي تنفع للبراقع والاقمشة للجزء الخفيف واسعارهم عشان اعرف افاصل
مستنية ردكم بسرعة يا بنات
ربنا معاكم جميعا

huda_mm;9746728:
ازيكن يا قمرات
يارب كلكم تكونو بخير ونفرح بيكو بقي
انا نازلة اشتري قماش الستاير من الازهر انهاردة باذن الله
والراجل اما كان بيقسم الستارة كان بيقولي الجزء التقيل اسمه موريه والخفيف شيفون او جوبير او كده
بس هوه الجزء التقيل بتاع البراقع مينفعش غير موريه بس
ولا فيه قماش تاني ينفع ليه
ياريت تفيدوني بالاقمشة اللي تنفع للبراقع والاقمشة للجزء الخفيف واسعارهم عشان اعرف افاصل
مستنية ردكم بسرعة يا بنات
ربنا معاكم جميعا

البراقع اما السجع ودى الى طالع موضة السنة دى
او التفتاة او الحراير

والتفتاة طالع منها اشكال رائعة وبتوع الستائر بيحبوها علشان بتدى براح وكثافة للستارة


الالسعار طبعا اتمسحة من راسى

روحى احمد نوار راتكس احسن واحد لقماش الستائر هاتلاقى كل حاجة عندة
واطلبى من الراجل تتفرجى على الكل

flower20009;9744264:

صحيح لاقيت سايت حلو اوى فى كل فناق مصر بتحددى المده اللى عاوزاها ونوع الغرفه ويطلعلك التكلفه والنظام ايه
اللى عاوزو يقولى

pascotta;9745420:
ازيكوا كلكلوا ياليي مش بتعبروا ولا بتسالوا
وحشتوني
وماشاء الله عرايسنا كلهم كانو زي القمر
انا كنت داخله اقلكوا علة الهوت شورت الجينس انا جبته من يومين من عند نيويورك ب 15 جنيه بسسسسس وتحفه وفيه الوان ومقاسات يلا الحقوا بس فتشوا كويس فيه

وسمعت كمان ان تاي شوب عامل الايشارب ب 15 جنيه لفتره محدوده
ال يعرف يتاكد لنا ويقول الاخبار
سلام يا قمرات

fragole;9746644:
[GRADE="00008B FF6347 008000 4B0082 FFA500"]

مبروك عليكي ياBotee و متقلقيش ان شاء الله كل حاجة هاتخلص في وقتها.
أنا عملت زيك كده في الملايات برده بس عملتها عندنا في طنطا كان عاجبني رسمة ملاية في سونيتا بس اللون كان مش عاجبني دورت على القماش و عملته و كلفني الملايات بال2 مخدة كبيرة و 2 مخدة صغيرة بالقماش و الحركات و التفصيل الواحد 80 جنيه في حين انه بيتباع في سونيتا ب 130 جنيه.
ربنا يوفقك يارب و يتمملك على خير

بنات عايزة اسأل على موضوع النساجون ده هل في فرع معين هو اللي ممكن يعملي اللون اللي ان عايزاه بالطلب و لا موجود في كل الفروع و هل بتبقى تكلفة زيادة؟

و بالنسبة للمراتب ايه رايكم في ماستر بد بيقولوا عليها حلوة و معاها ضمان 10 سنين

[/GRADE]

اشتريتي القماش منين وفصلتيها فين لو سمحتي؟

يا بنات بالله عليكو ادعولي احسن باين كده اني اتجننت امبارح اخو خطيبي راح يسأل على المواعيد الفاضيه في المسجد عشان نحجز كتب الكتاب و لقى معاد بس قريب اوي و انا كنت عامله حسابي انه يبقى قبل الفرح باسبوع مثلا مش عارفه ليه اتخضيت لما قالولي على اليوم و من امبارح و انا مصدومه و عماله بعيط لماما:confused::confused::confused: و اقولها بلاش و النبي كأني رايحه اخد حقنه و اقوله هو ربنا يخليك خليه قدام شويه مش عارفه ليه خايفه كده مع اني بعدلهم معاد الفرح باليوم و دلوئتي عامله زي فوزيه و هي بتقولهم ده باينه العريس وصل :ss::ss::ss: حد يقولي هل ده طبيعي و لا انا اتجننت زياده شويه

سؤال بقى البس ايه اصلا في كتب الكتاب المفاجأه ده و بلاش بدله عشان مش بحبها و لا سواريه اوي عايزه حاجه نص نص و يا ريت لو في صور

redflowerlovey;9746911:
يا بنات بالله عليكو ادعولي احسن باين كده اني اتجننت امبارح اخو خطيبي راح يسأل على المواعيد الفاضيه في المسجد عشان نحجز كتب الكتاب و لقى معاد بس قريب اوي و انا كنت عامله حسابي انه يبقى قبل الفرح باسبوع مثلا مش عارفه ليه اتخضيت لما قالولي على اليوم و من امبارح و انا مصدومه و عماله بعيط لماما:confused::confused::confused: و اقولها بلاش و النبي كأني رايحه اخد حقنه و اقوله هو ربنا يخليك خليه قدام شويه مش عارفه ليه خايفه كده مع اني بعدلهم معاد الفرح باليوم و دلوئتي عامله زي فوزيه و هي بتقولهم ده باينه العريس وصل :ss::ss::ss: حد يقولي هل ده طبيعي و لا انا اتجننت زياده شويه

سؤال بقى البس ايه اصلا في كتب الكتاب المفاجأه ده و بلاش بدله عشان مش بحبها و لا سواريه اوي عايزه حاجه نص نص و يا ريت لو في صور

والله انا عامله زيك مش هعرف افيدك غير اني ادعي ليكي وليا انا من شهر 1 حجزنا وكنت فرحانه ومستنيه اليوم بفارغ الصبر وتصوري كنت بعد الايام لاكن دلوقتي حاسه نفسي مش فرحانه خالص وعايزه الايام تمشي ببطء وحتى اغراضي وحجاتي ماما اللي بتلمهم وبترتبهم وانا خايفه اوي وحزينه وبعيط كل يوم بنام وانا دموعي على خدي

اعتقد ان الحاله دي طبيعيه مدامك انتي كمان حاسه بيها يعني طبيعيه مش تجننا ولا حاجه ههههههههه

يعني ايه نص نص

يعني مش سواريه بيلمع اوي ولا رسمي اوي زي البدل بس برضو يبان اني مختلفه و عروسه بقى

dyana;9741879:
صباح الفل على القمرات(f)(f)

عايزاكوا تقولولى ضرورى ايه ترتيبات كتب الكتاب:eek:
انا حكتب فى مشيخه الازهر ان شاء الله اقدم شيكولاته للمعازيم قبل كتب الكتاب ولا اثناءه ولا بعده:rolleyes:
اقدم عصير ولا ممنوع ولالا اقدم بعد ما اخلص كتب الكتاب بره القاعه ولالا شكلها وحش ولا ايه؟:ss:

البس ايه فستان ولالا بدله ؟:(
وخطيبى يجى ياخدنى من بيت بابا ولالا نتقابل هناك؟:confused:

اولا الف مبروك يا قمر انا رايى الشوكولاتة بعد كتب الكتاب على طول انا عملت كده و كان فى مشيخة الازهر برضه و هناك مفيش عصير هما بيسمحوا بالشوكولاتة بس و البسى فستان رقيق كده يبقى احلى و بناتى اكتر بس يكون بسيط خالص و طبعا روحى انت و خطيبك مع بعض صعب تتقابلو و حد يوصل قبل التانى و تدورو على بعض و ربنا يتمم بخير ان شاء الله

sweetylolla85;9746878:

بنات انا زعلانه منكم اوي بقالي كتير غايبه محدش سال عني وكان عندي مشاكل كتير:confused::confused::confused::confused: انا غيرت اسمي من rola_86 ل sweetylolla85 عشان بس تفتكروني

ممكن يافلور تديني السايت بليز ياقمرايه

اه فعلا يابسكوته اللايشارب في تاي شوب ب15 جنيه اليومين دول عشان الاحتفال بمرور 15 سنه علي افتتاحهم انا سمعت الاعلان كزا مره

رولا عاملة ايه أبقى كلمينى رقمك ضاع منىة
قوليلى بقى الطرح فى تاى شوب اللى عليها العرض حلوه؟

redflowerlovey;9746911:
يا بنات بالله عليكو ادعولي احسن باين كده اني اتجننت امبارح اخو خطيبي راح يسأل على المواعيد الفاضيه في المسجد عشان نحجز كتب الكتاب و لقى معاد بس قريب اوي و انا كنت عامله حسابي انه يبقى قبل الفرح باسبوع مثلا مش عارفه ليه اتخضيت لما قالولي على اليوم و من امبارح و انا مصدومه و عماله بعيط لماما:confused::confused::confused: و اقولها بلاش و النبي كأني رايحه اخد حقنه و اقوله هو ربنا يخليك خليه قدام شويه مش عارفه ليه خايفه كده مع اني بعدلهم معاد الفرح باليوم و دلوئتي عامله زي فوزيه و هي بتقولهم ده باينه العريس وصل :ss::ss::ss: حد يقولي هل ده طبيعي و لا انا اتجننت زياده شويه

سؤال بقى البس ايه اصلا في كتب الكتاب المفاجأه ده و بلاش بدله عشان مش بحبها و لا سواريه اوي عايزه حاجه نص نص و يا ريت لو في صور

عادى عادى خالص

دى الطبيعى بتاع كل البنات

عادى العياط عادى الخناق فى البيت عادى الخناق مع الخطيب

عادى خالص

انا كتبت قبل ما امشى معاة ب يومين

كانوا اسود يومين فى علاقتنا ببعض

الجواز وكتب الكتاب تحديدا نقطة فاصلة فى حياة اى بنت وكل بنت

هادى نفسك
انتى رايحة تتجوزى مش رايحة الاعدام
ريلاكس

فين دودى كات فين مارى فين برنسيس ؟؟؟؟؟؟؟؟؟؟؟؟؟؟؟

المعرض دة فية ايةةةةةةةةة؟ وهايخلص امتى؟

أنا هنا يا ساره أخبار اللبس ايه يا بنات حد نزل قريب عايزة جيب جينز شيك

اقتباس المشاركة الأصلية بواسطة anouren :wink: السلام عليكم """"""
ازيكوا يابنات اخباركوا ايه وحشتونيييي طبعا نستوني انا مدخلتش من شهرين لاني دخلت القفص الذهبي وعشان المخالفه انا حبيت ااققول ليكي اني روحت كوافير اسمه A -H حلو اوي يا بنات ومكياجه تحفه عملت باديكير ومسكات للبشره والمايكب ولف الطرحه زي ما انا قولت وكمان المعامله تحفه هناك ومكوي ب400 بس بجد مكياجه احلي كتيررررررر ما كنت متخيله الحمد الله هو يا بنات الي تعرف عنوان ايمي الكاشف هو في نهايه الشارع ده هو قريب منها خالص وربنا يتمم بخير علي كل البنات وعقبالكوا كلكوا ياربببببببب

ممكن أشوف الطرحة يا قمر و الميكب و جزاكي الله الف خير و هل بيعملوا حاجات العروسة التانية السويت و البااااااااااااااقي

dyana;9742581:
الفرح يا ساره يوم 27/6 يوم السبت
حجزنا فى موفنبيك المطار
يا ساره انتى مش متخيله انى انا اللى شايله الليله كلها وانا اللى بتصرف
وشايله هم المعازيم اوى
عشان كدا بسأل كتيييير لان خطيبى بتقع منه كدا حاجات كتير

ممكن يا قمر تفاصيل الفندق للفرح ان شاء الله بكل حاجة و ربنا يتمملك على خير يااااااااااااااااااارب و تبقي أحلى عروسة في مصر كلها

[GLINT]
سارة العروسة كل سنة و انتي طيبة مقدما يا قمر و عقبال مليون سنة
[/GLINT]

DodyCat;9747105:
أنا هنا يا ساره أخبار اللبس ايه يا بنات حد نزل قريب عايزة جيب جينز شيك

فين تاى شوب يا دودى
تاى شوب فى كارفور المعادى فية
ياترى الطرح حلوة؟ظ

وانتى طيبة يا دندونة وبس

DodyCat;9747008:
رولا عاملة ايه أبقى كلمينى رقمك ضاع منىة
قوليلى بقى الطرح فى تاى شوب اللى عليها العرض حلوه؟

فين تاي شوب ده وبردو نفس السوال الايشاربات عنده حلوه

flower20009;9744264:

صحيح لاقيت سايت حلو اوى فى كل فناق مصر بتحددى المده اللى عاوزاها ونوع الغرفه ويطلعلك التكلفه والنظام ايه
اللى عاوزو يقولى

ممكن السايت يا قمر لو سمحتي

بنات بلييييييييييييييييييز اللي يعرف مكان تأجير شقق مفروشة في الزمالك او الدقي اودة و صالة بس و تكون في حدود كام بالله عليكم يا قمرات