*تجهيزات احلى عرايس فى مصر القمرات الجزء 135*

Nesoo;9748270:



انا عملت كدا بالفعل
الانتريه عندى فيه تركواز
فا روحت النساجون ملقتش ولا سجاده تليق خاااااااااااااااااااالص وبجد يأست كدا وبعدين عجبنى شكل روحت سألاه ينفع تغيرى اللون قالى اه طبعااااااااااااا يافندم انتى عايزا لون ايه ؟ قولتوا نغير لون الورد دى ونخليها تركواز
راح جابلى شطنه كبييييييييييره ملايه خيوووووووووووط بكل الالوااااااااااان علشان اختار اللون على الطبيعه كمان
واختارت كلللللل الالون ايلي عايزاها في السجاده وكمان اخترت مقاسها بالظبط وقالى بعد 21 يوم تستلميها
وبالفعل استلمتها بعد 21 يوم هيا هيا ايلي اختارتها بس مع تغير الالوان ايلي انا عايزاها وطلعت تحففففففففففففه الحمد لله

طب ياجميل اخد منك فلوس زياده على تمن السجادة ولا لا ..؟؟
وكما ن ممكن تقوليلى فرع ايه

CuTie KaTkOoTa;9753834:
تسلمي يا قمراية علي ذوقك ربنا يكرمك يارب، عقبال ما تخلصي شقتك يا رب.


وعليكم السلام يا قمر ربنا يخليكي تسلمي علي ذوقك.

بنات فعلا زي ما بتقولوا الصواني التيفال والبايركس حلوين جدا جدا في الفرن والحاجة بتطلع واااااوو بجد وتنضيفهم سهل اوي.

تصدقوا انا عمالة ادور علي مضرب سلك يدوي ومش لقياه خالص مع انه حاجة عادية يعني مش صعبة ، اصل انا عندي واحد بس صغنتوت يعني ينفع للبيض او حاجة قليلة لكن انا عايزة واحد كبير للبشاميل كده يعني، لو حد شافه قريب يقوللي لقاه فين عشان عايزة ضروري وفي اقرب وقت بس يا ريت يكون مكان قريب من مصر الجديدة او مدينة نصر بالكتير

فراجللو
طب ما تفرجينا يا قمر على الصور بقا؟
وكنت عايزة اعرف الراجل بتاع الملايات فين بالظبط؟ والاسعار بقا يا قمر؟
وبالنسبة بقا لتبطين الادراج انا بصراحة زهقت وفاض بيا وقولت مش لازم بقا هبق افرشها مشمع ولا اى مفرش ان شالللة افرشها مناديل كلينيكس ههههههههه دة الواحد واللة زهق اصلا والى هيفتح الادراج من الضيوف هدعى علية اساسا:D

اشرى;9753875:

ازيكم يا قمرات مصر
يارب كلنا كدة نبق فى بيوتنا عن قريب يارب وييسرلنا جهازنا وجوزنا على خير
سؤال: الادراج بتاعة البوفية بيتحط فيها اية ؟
ولو بيتحط فيها المعالق مش المعالق دى بتتحط بالشنطة بتاعتها؟
اية رايكم لو اعمل الدرفتين الى فى النص بتوع البوفية ازاز؟ عشان لما افرش طقم الصينى يبق باين ؟ اية رايكم؟

فكرة الدرف الازاز دى حلوة و أنا عن نفسى ناوية أعملها ان شاء الله
دة رأيي يا قمر

huda_mm;9754136:
للاسف يا اشري انتي هتيجي تنوري حلوان وانا هروح انور حته تانيةاصلي هتجوز في المنوفية ان شاء اللهيابنات بالله عليكم حد يوصفلي المشمع اللي بيتحط في ادراج المطبخ شكله ايهوهل هوه هوه اللي بيتحط في دولاب الهدوم ولا واحد تانيوسعره واجيب رول كامل ولا كده يبقي كتير

CuTie KaTkOoTa;9753834:
تسلمي يا قمراية علي ذوقك ربنا يكرمك يارب، عقبال ما تخلصي شقتك يا رب.


وعليكم السلام يا قمر ربنا يخليكي تسلمي علي ذوقك.

بنات فعلا زي ما بتقولوا الصواني التيفال والبايركس حلوين جدا جدا في الفرن والحاجة بتطلع واااااوو بجد وتنضيفهم سهل اوي.

تصدقوا انا عمالة ادور علي مضرب سلك يدوي ومش لقياه خالص مع انه حاجة عادية يعني مش صعبة ، اصل انا عندي واحد بس صغنتوت يعني ينفع للبيض او حاجة قليلة لكن انا عايزة واحد كبير للبشاميل كده يعني، لو حد شافه قريب يقوللي لقاه فين عشان عايزة ضروري وفي اقرب وقت بس يا ريت يكون مكان قريب من مصر الجديدة او مدينة نصر بالكتير

ممكن تروحى ى فرع للتوحيد والنور(f)(f)

طبعا يا اشري هاجي ازورك واقعد كمان سنتين تلاته دي عشرة عمر ههههههههه
لا انا بسال علي المشمع العادي
حد يا بنات يوصفهولي مش حسه اني هسلك مع اللي بيلزق ده بصراحة

السلام عليكم احلى بنات

وحشتونى

أنا محتاجة دعائكم اوى بالله عليكم

عايزة اعرف ايه اللى هيحصل لو مش فرشت مفارش فى الدولاب علشان مش بحبها
و لو هفرش افرش مفارش عاملة ازاى و اجيبها منين

السلام عليكم

ميس الريم تسلمي يا قمر ربنا يخليكي واسمي عامل كدا عشان بابا وماما الله يرحمها شعرا وانا كمان:D

المهم يا ستي سيبك من مقلايه تيفال الي هي ام معلقه واحده دي:D
زيت زيت فيها ايه ندفع فلوس للزيت مش احسن من الف جنيه:rolleyes: لمقلايه:cool:

اما المقلايه التانيه يا ستي انا قصدي ان الزيت بيتجمع فيها تحت عشان غويطه مش مستويه يعني مش زي المقالي العاديه مستويه كده لاء مقعره:D حلوه مقعره دي:cool:
وهي جميله ماشاء الله وماتخافيش من حكايه بتميل لانها فاضيه بس لكن لما بيبقي فيها زيت بتتظبط
المقالي التانيه زي تيفال مثلا بتاخد فعلا زيت كتير غير الكهربا كمان انا شايفه بجد انها مش عمليه خالص وعايزه كميات عشان تتقلي فيها لكن لما تبقي في الاول انتي وجوزو بس:o
هتبقي كبيره اوي عليكو(f)


ربنا يكرمك علي موضوع دمج الاتنين اكاونت فكره كويسه وانا ماكنش عندي فكره عنها:)

يا جماعه برنسيس ميرو بتقولكو ادعولها بالله عليكو عشان ظروفها مش حلوه ربنا يصلحلها الاحوال يارب

جبتلكو كمان محلات سجاد غير النساجون الشرقيون

راج ارت للصناعات النسيجيه












دي عنوانها الزمالك 12 شارع سراي جزيره الزمالك
ت: 27358428 / 27362296 / 27362295

كاربت سيتي
القبه 108 شارع جسر السويس
ت: 22568112 / 24553759

سجاد مكه
الاوبرا 101 شارع عبد المنعم رياض مبني كاربت سيتي
ت:25932071

مصنع الكحال للسجاد اليديوي








الاوبرا عماره 5 سكه البادستان ممر رقم 16 خان الخليلى
25891409 - 25909128 - 25909173 - 25880776


موكيت سنتر
مدينه نصر م نصر بلوك 67 ش نور الدين من مكرم عبيد
22705889

ميتكو للتجاره والمقاولات
الزمالك واحد ش الجزيره الوسطى زمالك
27366274 - 27365890 - 27365303 - 27380693

اورينتال ارت
الاوبرا 84 ش جوهر القائد خان الخليلى
25899334

كمان هتلاقو فروع كتير هنا
http://www.140online.com/classes/339/Classes.aspx

paradise rose;9753424:
اولا اهلا بيكى معانا ومبروك ربنا يتمملك بخير فى الجزء اللى فات انا عملت تقرير مفصل عن محلات فساتين الفرح
لو انتى عايزه بالريمج دا روحى على علاء ستارز دا اسعاره بتبدأ من 3500 وكل فساتينه من لبنان وسوريا
وروحى عند نورهان ودا فى اخر عباس العقاد
وروحى فى سنتر اسمه المنياوى رينجاته بتبدأ من 6 وعنده فساتين حلوه ودا فى عباس برضه فى النص كدا
وعامه لازم تلفى كويس وتشوفى اللى يليسق عليكى الاول قبل ما تشترى ان شاء الله


انا عايزه افهم هى دى معلقه زيت واحده تكفى تعمل البطاطس مقرمشه
ولا بتطلع عامله ازاى انا مش متخيلاها خالص



بنات عايزه اعرف حاجه
دلوقتى انا جبت الفستان الحمد لله متركبله جيبونه تل طبقتين او 3 مش عارفه
وجربت عليه جيبونه سيلك اولا طلعت قصيره عليه ثانيا مش عااااااااااارفه اتحرك لبخه ومش حبااها
السؤال بقى
لو هاعمل جيبونه تل للفستان وتبقى نافشه زى السلك تبقى كام طبقه والتل بيبقى ناشف صح
وهل لو زادت طبقات التل هتغنى عن السلك

يا جميل طبعا التل احسن و طبعا لو عملتيها كذا طبقة هتغني عن السلك
يارب يهدي الحال انشاءاللة لبرنسيس ميرو و كيتييييي

fragole;9754135:

ربنا يكرمك ياكيتي يارب و يبعد عنك كل حاجة و حشة

استهدي بالله و اقري قرآن و انتي هاتبقي تمام

يابنات انا خطيبي عامل في السقف حاجة اسمها بيت ستارة يعني ختة نازلة كده من السقف قريبة من الحيطة ينفع اعمل فيها براقع و لا هاتبقى ستارة عادية.

نفس السؤال وكمان عندى الحيطه دى فى ضهر الانتريه ومافيش غيرها فى الريسيشن غير بتاعت الطرقه120 سم اعمل فيها ايه ينفع برقع سمبل كده مش اوفر زى الصالون

انت فين يافلاور ماردتيش على موضوع القاعات وفين باقى البنات يعنى ادبحلوكو نفسى وابوظ التجهيزات دم يعنى ولا ايه ردو عليا احسنلكو والا هنفذ تهديدى وقد اعزر من انزر:confused::confused::confused::confused::confused::confused: وايه صحيح رايئكم فى قاعه شهرزاد اللى فى السرايا مول والشانزليزيه ووندرلاند اللى عند الحديقه الدوليه انهى احسن فيهم ولا المدفعيه قاعه كليوباترا اللى تعرف اى حاجه عن واحده من دول تقولى الله يباركلكم يارب وتتجوزو:o:o:o:oوفيه لقيت قاعات كده لوحدها وانا بدور عالنت قاعه حورس وامون وايزيس حد يعرف دول تبع ايه ولا فين ولا مجهولين الهويه

huda_mm;9752980:
البنوته اللي كانت بتسالني علي السجادة جبتها منين
جبتها من النساجون حلوان الفرع اللي بعد السوق
وفيه سجادة تانية جبتها برضو بواقي تصدير بس جميلة زي اللي من النساجون جبتها من كاربت سيتي في حلوان اللي جمب طأطأ بس كانت اصغر فكانت 240 بس تقريبا نفس الخامة
ولو عايزة العنوان بالضبط اوصفلك
اصلي من مايو فده اقرب فروع ليا
البنوته بقي اللي هتيجي تنور حلوان حلوان مش منعزلة خالص
انا ساكنة في مايو اللي بعد حلوان ومش حسه باي انعزال
ساعة مثلا وابقي في وسط البلد او العتبة
غير ان فيها فروع لمطاعم زي كوك دور مؤمن كنتاكي
وفروع محلات زي زلط والنساجون وعمر افندي اولاد رجب وفيها 2 سنيما ومراكز طبية وعيادات كتييييير
وان شاء الله هتتبسطي قوي فيها

افشتك ده انا صوتى راح وانا بدلل على حد جارى ان شاء الله يكون فى حلوان تطلعى فى مايو انا كمان من مايو يا قمر اوعى نكون نعرف بعض واحنا مش عارفين المهم مبروك عليكى السجاد يا قمر وانا برده بطمن اشرى وبقولها هتتبسطى انتى هتسكنى فين يا قمر؟؟ بقولك صحيح فى محل بواقى تصدير فى مجاوره 6 عنده حاجات حلوه اوي واحده صحبتى جابت منه بيجامه ب 30 جنيه وقالتلى عنده جيبات جينز قصيره ب 27 وقالتلى عنده برمودات جامده ابقى بصي عليه يا قمر يلا بقى علشان نبقى اصحاب
علشان المخالفه طقم تيفال زهران الكامل يعملوا كام؟؟؟

fragole;9754135:

ربنا يكرمك ياكيتي يارب و يبعد عنك كل حاجة و حشة
استهدي بالله و اقري قرآن و انتي هاتبقي تمام

يابنات انا خطيبي عامل في السقف حاجة اسمها بيت ستارة يعني ختة نازلة كده من السقف قريبة من الحيطة ينفع اعمل فيها براقع و لا هاتبقى ستارة عادية.

بصي يا قمر لو عامل بيت للستاره كده يبقي الستاره هتتركب جواه وبكده مش هينفع لا يتحط بلتكانه للبرقع ولا برقع من غير بلتكانه

جمال الستاره هيعتمد ع الاضاءة الى حواليها وخامة القماشه وعموما هى حلوة جدا اخويا عاملها عندو بردو

ودى صورة بتوضحلك الى بقولك عليه



بالمناسبة دى صورة من صور روح القبطان ربنا يكرمها :)

بنات محدش يعرف اماكن شقق مفروشة من حد ثقة و يكون سعرها كويس اودة و صالة في الزمالك او الدقي او اي حتة قريبة من الجزيرة

بصي يا دندون انا عملتك سيرش ولقيت عالنت شقة فالمهندسين ب 350 دولار

فلو عايزة اللينك ابعتهولك يا قمر :)

يابنات هو السايت ماله فى حاجه ولاايه اصله بطىء اوى :(
بصو بقه انا رايحه الوكاله بكره ان شاء الله اجيب قماش الستاير انا هاعمله مودرن وكنت عايزه اعرف هل فى انواع معينه من القماش تقترحوها عليا :D وهل فيه محل معين حد جربه وعنده حاجات كويسه :)يالا بقه مستنيه نصايحكم الحلوه
انى احبكم فى الله:1_3:

الله عليكم يا بنات....ما شاء الله يارب يزيدكم من الخير ويوفق الجميع

بصي يا قمر الى اعرفو انو اغلب القماش شيفون ده الطبقيه الى بتبقي تحت

اما الطبقة الى فوق فهتلاقي انواع قماش مودرن وفيه رسومات مودرن زى الى البنات بتبقي حطاهم

بالنسبه للستاره الى هتهمى بيه يبقي ليه برقع مودرن او الكلام ده ففي انواع قماش زى الاوف وايت وزى الشيفونات التقيله وزى الستانات

بس لو مودرن بيتهيألى البنات بينصحو بالاوف وايت كتير

دودو هانم;9754921:
انت فين يافلاور ماردتيش على موضوع القاعات وفين باقى البنات يعنى ادبحلوكو نفسى وابوظ التجهيزات دم يعنى ولا ايه ردو عليا احسنلكو والا هنفذ تهديدى وقد اعزر من انزر:confused::confused::confused::confused::confused::confused: وايه صحيح رايئكم فى قاعه شهرزاد اللى فى السرايا مول والشانزليزيه ووندرلاند اللى عند الحديقه الدوليه انهى احسن فيهم ولا المدفعيه قاعه كليوباترا اللى تعرف اى حاجه عن واحده من دول تقولى الله يباركلكم يارب وتتجوزو:o:o:o:oوفيه لقيت قاعات كده لوحدها وانا بدور عالنت قاعه حورس وامون وايزيس حد يعرف دول تبع ايه ولا فين ولا مجهولين الهويه

انا هنا بس والله امبارح حاولت ساعتين كل ما اكتب الموقع يقع والمشاركه تروح لما زهقت
يارب النهارده يتظبط بقى
بصى اشيك حاجه فى اللى كتباهم قاعة كليوباترا اللى فى دار المدفعيه وحورس دا لو اصدك اللى فى دار الضيافه
اكتبلك بقى بالتفصيل عن كل قاعه كتباها:D
بصى قاعة شهرزاد اللى فى السرايا مول اخويا كان هناك مره وشافها قال تقضى الغرض بس حسهامخنوقه وكمان انها فى وسط مول اينعم هو حاليا مش بقى مول بالمعنى المعروف لانو الاغلبيه بقيت قاعات افراح فقال انو الوحش شاف عريس وعروسه كان فرحهم هناك فكانوا طالعين كده وسط الناس

بالنسبه للشانزليزيه

الشانزيليزيه خطيب اختى اللى شافها هى عجبتوا وقال حلوة وكمان كتكلفه بس الفرش اللى مكنش عجبوا ومدخل الفندق ودى الباكيدج بتاعتوا كنت نزلتها فى موضوع قاعات قبل كده
فندق الشانزليزيه
هو فى ميدان صلاح سالم-مصر الجديده
فى 4انظمه
فرح فرجينيا
اوبن بوفيه 100فرد ب 10666
واى فرد زيااده ب 50ج

فرح فلانتينوا
اوبن بوفيه100فرد ب8666
والفرد الزياده ب 40ج


فرح الامير والاميره ب 3999 ال 100فرد
2قطعة جاتوه
قطعة تشيز بوريك
ساليزون
باتون ساليه
كاس شربات
بيبسى
تورتة الاميرة 3 ادوار

كوشة الامير والاميره
زفة دمياطى مع عرض المباخر
دى جى
عرض سيمى ليزر والعاب الدخان والفقاعات مع تورتة العروسه والمشاعل
فيلم 36صورة مع البوم صور ملون فاخر
شريط فيديو 3ساعات
يضاف 12ج لكل فرد زياده عن 100فرد

فرح عايده ب 4666ل 100فرد
2قطعة فرنش باستيرى
بيتى فور -مينى بيتزا-باتون ساليه
ساندوتش فراخ بالمايونيز
سندوتش كفته
كاس شربات
بيبسى
تورتة 3ادوار
كوشة عايده
زفة الفنون الدمياطيه
سوبر باند
دى جى
مطر -مطرب شعبى -مونولوجست فكاهة خفيفه خطيب اختى سالهم عاوز يشيل دول عادى قالو عادى طالما مش عاوزهم

عرض سيمى ليزر ودخان مع تورتة العروسه والمشاعل
فيلم 36 صورة 13*18 مع البوم صور ملون فاخر
شريط فيديو 3ساعات
يضاف 15ج لكل فرد زياده عن ال 100فرد



















































































ومعايا القاعات المغلقه كلها بالاسعار لكن صور بس لحورس
اللى عاوز اى حاجه يقولى وهتكبهالو ان شاء الله
لانو التفاصيل كتيرة اووى
دى صور القاعه






























































































ورحت شوفت نادى 6اكتوبر اللى كتبت اسعارو هنا
هو كويس والاسعار رخيصه اوى فعلا بس القاعات كانت مفروشه بس الفرش من نضيف اتسرعت صراحه الراجل قال هى كده دلواتى عشان مش فيها فرح وقت الفرح كلو بيتغير وبيتنضف
وشوفت فيهم قاعة الياسمين بتاخد 180فرد وتعمل كلو بالاكل عباره عن 2جاتوه و2ساندوتش واحد فراخ بانيه وتانى جبنه رومى وبيبسى 4650ج

بس للاسف مش صورتها لانو كنا مستعجليين

شوفتوا انا اللى بدور لاختى والناس افتكرتنى انا العروسه والهانم اعده فى البيت ومش راضيه تنزل هههههههههههههههههه