جرأه ولا قلة ادب ولا ايش اسميها ؟؟

أعوذ بالله ..

أعوذ بالله ..

بصراحة كأنه فيلم أو شي خيالي .. أو قصة مستوحاة

أي شي , أي شي

بس مب صج

لا مب صج!..

هذي مو العيب ولا الجرآة ولا قلة الآدب .. هذي الحرام والمنكر بعينه وعلمه

*
*

يعني شلون سمحت لنفسها من الأساس تاخذ من عنده الترقيمة (موبايل مرة وحدة)

هي من سمحت بهالنقطة

فتحت كل أبواب إبليس إنه يدش بينهم

كلمته

ونط حوش البيت

ودش غرفتها 3 أيام كأنه معاريس جدد .. ونام معاها ولا كأنه شي صاير

وكل هلأشياءات !؟..

وأهلها خبر خير ؟!..

أعوذ بالله ..

شنو هالتربية التعبانة

شنو هلأمة المريضة

*
*

الحب شي شريف وطاهر ونقي

وحلاته إذا كان حلال و غرضه شريف وهو الزواج

والله يا حلا هالحب , ويا حلا عذابه ومعاناته

مرحب فيه , وعلى عناد الجميع

*
*

لكن!..

إلي عاشته بنت جيرانكم وإسمحي لي (حب رخيص) من الدرجة الأولى

باين إن هالشاب ولد نعمة وخير وعائلة

ومدلل على الآخر

وأي شي يبيه .. يلاقيه جدام عيونه

قدر يحصل عليها بطريقة سهلة وبسيطة ورخيصة من وين (من الشارع)

وكل شي ينلقى في الشارع , يتم مكانه في الشارع

ولا تعتقد ولو للحظة وحدة بس!..

إن هلإنسان .. بيآمن عليها كأم أولادها

أنا متآكدة مليون بلآلف

إنه طاير فيها ويعشقها ويحبها .. لأنها لذيذة وغريبة ( كل جديد , لذيذ )

بعدين لين أنتهت مدتها في نظره

راح يهملها

راح يرميها .. رمية الكلب

وتحمد ربها آلف مرة , إذا ما قام فضحها وهددها قدام أهلها

*
*

لا حول ولا قوة إلا بالله العلي العظيم

ناس تتزوج زواج عادي ومو متوفقة , وناس عن حب ومعاناة وبعد ما تتوفق .. شلون هذي ؟!

شلون تتوقع توفيق من الله على هالزيجة ؟!..

*
*

النصيحة الوحيدة إلي أقدر أقدمها لج

خففي علاقتج معاها

لا تتصادقين مع بنت "شبهة" وتقدمين لها كل أسرارج وتفتحين لها باب بيتج

ما أقولج قطعي العلاقة .. لا أبد

تواصلوا بالتلفون , وزوريها في بيت أبوها .. بس!

يعني بإختصار خلي لعلاقتج حدود معاها

لا باجر تنفضح والكل يدري عنها

وإنتي صديقتها , مب زينة في حقج ( الصاحب ساحب )

*
*

قدمي لها النصائح ..,

ذكريها بربها

ذكريها بغضبه

ذكريها بعقابه

خليها تستغفر ربها على ذنبها العظيم

وتحاول إنها تكون حذرة قدر المستطاع من هلإنسان (زوجها)

لأن في أي لحظة ممكن يطعنها بالظهر

لازم بيجي له يوم يعايرها ( إنتي بدون شرف , إنتي مو مربية )

لو بعد 20 سنة

بيعايرها .. بيعايرها , وأكبر دليل إنها خايفة من هاللحظة لأنها بداخلها واثقة ثقة عمياء إن هاللحظة بتصير

حذريها من موضوع الحمل

لا تحمل منه إلا عقب ما تستقر وياه .. إستقرار تام وكلي

وتكون على ثقة إنه يبي منها عيال

بعد هي أخطآت .. شذنب هالمساكين تورطهم في أم وأبو من هالشاكلة

بإختصار .. خليها تعيش معاه وهي حذرة من كل فعل تسويه

وتتحمل كل ما يجيها

/
\

والله يستر عليها , ويهديها , ويصلح حالها

بنات آخر زمن !..