آبي حل ل زوجة أخوي العله

خخخخ

والله حزنت وضحكت في نفس الوقت

عشان جذي اشوف ان الولد ما يسكن مع اهله

يسكن ببيت بعيد حييييييل عن اهله

وكل واحد ينام على الجنب الي يريحه

والله خوفتيني
صراحة لا ظلمينها يمكن حاسبة نفسها منكم وفيكم وصارت عادي
واخواتش صراحة هم اللي فاتحين لها الباب صراحة تاكلهم بحلاوة لسانها تعرفلهم بمعنى اخر
انا بعد ساكنة ويا اهل زوجي وما اسوي كل يوم شغل البيت لان عندي ياهل ومو ملزومة عندها بنتها ولا اتسوي شي كلا راقدا شله جايبيني خدامه عندهم وانا ولدي حتا ساعة مكموله ميودونه ايتصلون تعالي اخدي ولدج ايصيح او ولدج شيطان اخدي
اه نسيت انا اول ايام يوم جيت اخت زوجي ما كانت اتحب حتى نقعد نا كل مع بض اتخليني لين اخلص واتحط فصحنها جني حيوان الله يعزكم ومع ان مالي احد اهني الله وهم بسسسسسسسسسسسسس
صرت الحين اقفل علي باب حجرتي ولا دخلني فاحد يتجمعون يفترقون مو دخلني
صبري وياها يمكن زينه وانتي مو عارفتها عدل لا ظلمينها

والله هذي شكلها نفس العله اللي عندنا
بس الفرق انتي معطيتها وجه

انا لو بمكانك والله مااخليها تسافر معنا تروح مع زوجها
الواحد لاسافر ينبسط ولايشبع غثى

<========== تحمست :)

وطبخ لاتطبخون الله لايهينها تهز طولها شوي

والله يهديها لكم
لاان هذي النوعيات اذا ما الله هداها استحاله تنهدي بالكلام :(

الله يعينكم عندنا وعندكم خير زوجة اخوي في بيت لوحدها وغاثتنا حسبي الله عليهم ..

* بالنسبة لأي بنت تسكن في بيت عائلة لازم تتحرك اشوي بعد أهل زوجها مو ملزومين بخدمتها يعني على الأقل احنا متعارف عندنا إذا يكون البيت مشترك مثلاً إكون الغذاء على وحده والعشاء على وحده أو تساعد لو بالقليل وهو بالتفاهم مع العمة والزوج يكون أفضل .

* ثاني شئ بالنسبة لقعدتها إياكم بالعكس أنا وحمياتي كل شئ انقوله لبعض للعلم لفارق السن بينا فيه من سني وفيه أكبر مني وفيه الأصغر بس العلاقة ودودة وبالعكس لما مايشوفوني يسألوا عني وجمعاتنا أقعد معاهم للنهاية وما كوا أسرار وإذا كان فيه سر بينهم يقولوه لبعض بعدين عادي السالفة أحسج مكبرة الموضوع بزيادة إلا إذا كانت مرت أخوج ملقوفة و لسانها متبري منه يحق لج تنفري منها بس جربي انج تتقربي منها

بالنسبة لأخوج وزوجته لو يحطها او تحطه في النار لا تحاولي أبداً تتدخلي بينهم حتى لو جى وتكلم عنها عندكم لا تتكلموا عليها لأن عادي يرجع لزوجته وتنقلب الموازين ويندم انه تكلم عليها لكن بيذكر لكم انكم اتكلمتوا عليها ولا بينساها لكم

هذا عيب اللي ترضى بالسكن مع أهل زوجها

أختي الغلط كلكم مشتركين فيه

أهي مايصير تتحكم فيك

وبعد إذا فكرتي حرام تقعد على الصامت وماتتكلم في اي شي بالبيت .. يمكن كلامها في امور البيت واموركم البنات تفسرينها على انها تدخل . شتسوي في نفسها المسكينه ؟؟ تحبس نفسها بجناحها ؟؟ او تقعد بينكم خرسا !

انا من رايي تتصرفين مثل خواتك وترضين بالواقع الين الله يسهل عليك وتتزوجين ولاتآخذين الأمور بحساسيه

ومن ناحية الطلعه واخوك تعبان ... هنا انتي تدخلتي فاليش تشتكين لما هي تدخل !

هالشي يخصها ويخص زوجها مالكم علاقه !! وحاولي تشغلين نفسك وماتفكرين فيها وتكبرين حجم اللي يصير

أعذريني يمكن قسيت عليك بالرد لكن حبيت اوصلك وجهة نظري وهذا لمصلحتك حبيبتي

وعسى الله يهدي بالك ..

لا تزعليييييييييييييين من اللي راح اكوووله وتقبلي رايي بكل صراحه


اكولج شي احترت فعلا كيف اقيس الامور من هذه الناحيه لانه اكثر الازواج اذا مو كلهم هم واهلهم اذا صارت اي مشكله كالو انتي مالك غير زوجك واهله هم اهلك طيب اذا اهله هم اهلي ليش ما يعاملوني كاني بنتهم وخواته على انه اني اختهم يعني ليش ما نتعامل مع مرة الاخ كانها اخت حتى لو هي مزعجه يعني هوايه ناس عندهم خوات مزعجات ومو لطيفات ومايشتغلن ليش بالاخير نكول بس هذه اختي ليش مرة الاخ دائما تعتبر متدخله في اموركم وليش الناس تحب تعرف الصغيره والكبيره عن حياة اخوهم ومرته يعني اعتبر هذا ضلم للمراه كلشي وكالو اهله هم اهلج اعتقد من اللي قلتيه لا اهله اهلي ولا هم يحزنون


يعني باختصار عزيزتي انتي مسويه المساله كبيره يعني اعتبريها كواحده من خواتك مو انتي بنفسك كلتي انه خواتي احسهم ساعات منافقات عن كلامك انتي اسفه للفظ لكن مازعلتي منهم يعني اعتبريها هي هم وحده من هلخوات وتره مافي احد ما يغلط ومو كلنا طبعنا حلو ولطيف ونحب المساعده يعني باختصار عامليها كانها اختك ساعات تشوفيها زينه وساعات مو زينه

وعزيزتي اخوكي لو ما مرتاح معاها مكان كمل معها ولو مايريد يطلع معها مكان طلع يعني اعتقد هذا شي يخصهم وماكو داعي تتدخلون بيه هاي حريه شخصيه تعبان زهقان فرحان هذه حياته

والله يهديها عليكم ويهديكم عليها ويحبب ويقرب قلوبكم الدنيا ما تسوى تزعلين من فلان وعلان لاانتي كامله ولا اني كامله ولاتزعلين من كلامي تقبلي مروري

مو حاتها فبالج خلاااص عيل لادققين على كل شي ..سولفوا اطلعوا روحوا وتعالوا واذا اقعدت معاكم لاتقولين فقلبج مثلا اووف يات قعدت .. وام جنى قصدها بالسبه .. آبي حل ل زوجة أخوي [COLOR=red]العله
[/COLOR]

الحين هاي سبه ؟؟؟ عيل لو سبيتهآ صج جان قلتوا عني كافره حكم ههههههههههههههههه

إنتوا ليش تقولون انو نحنآ نتدخل ؟؟ كم مره اقول لا آنآ لا أمي ولا خواتي لمآ يطلعون نتدخل فيهآ ولا نروح معهآ ولا نمنعم شنو بعد يعني حتى انا اذا تزوجت آبي اطلع لحآلي

ولمآ أقول لكم آنها تطلع مع أخوي وهو تعبآن انا ما تدخلت ولا منعتهآ ولا نحزت ولا همني بس اللي هامني أخوي جاي تعبآن من الدوام وفيه نوم وبعد يطلع أكيد هو حر ولا مالي وانا ماأدخل بينهم لاني مابي احد لما اتزوج يتدخل
بس ليش هو يجي ويقول ويشتكي ؟! ولا لمآ نقرر نبي نطلع مثلا كلنآ ونروح مطعم أو الملآهي نقول لآخوي وياها ويوافقون وبعدهآ بس يصعدون غرفتهم ينزل اخوي يقول انا تعبان بنام ماقدر وبس نشيل فكرة الطلعه تلبس عبايتهآ وتطلع ؟؟؟ يعني أخوي مثل ماملزوم فيهآ أكيد ملزوم فينآ نحنآ خواته الى لمآ نتزووج ,,

واذا على يوم الخميس أكيد هيا تجلس معنآ ويمكن كلامي يدل على انو ماحبهآ وأكرههآ بالعكس انا ما أكرههآ أكره تصرفتهآ ..بس آنآ عادي حتى طول لأسبوع لمآ تجي وتكلميني أرد عليهآ بنفس عادي جداً ونضحك مع بعض يعني طول الاسبوع بوجه ويوم الخميس بس عشآن خواتي موجودات وخآلتي معنآ يصير الوجه الحسن
عيل حتى آنآ بصير أم وجهين حلوو موو ؟؟


الأخت •&#9679;[SIZE=6]شااانيل&#9679;• مافيه شي يضحك ؟؟ :ss:
ليش آخآف قايله نكته وأنآ :rolleyes:


عموماً شكراً للجميع وربي سهل أموركم ويوفقكم
[/SIZE]

الله يعينكم عليه

الله يعينك انا صايرتلي نفس مشكلتك بس مع زوجة خالي المشكله تصير بنت عمي تخيلي صار ماعد يطيق يشووف وجهي بسببها ماقول حسبي الله عليها ونعم الوكيل الله يوريني فيها انشاالله ولي ودها تعرف قصتي معاها مستعده اقولها

الصراحه انا حاسه فيج واحس ان صج مرت اخوج غثيثه ودعله بعد والله يعينج هالنوعيه ماينفع معاهم الا الدقرة بس دام تحبين اخوج وتخافين على زعله حبيها عشان اخوج اذا حبيتيها وشفتيها من الناحيه الزينه راح تحسين براحه بس دام اتشوفينها من الناحيه الشينه عزة الله بيجي اليوم اللي تصك هوشه بينج وبينها وبعدها حتى عيالها ماراح تحبينهم .. حنني قلبج عليها عشان تخلصين قلبج من الحقد ومنها عشان اخوج يرتاح من المشاكل واتمنالج التوفيق وادري بمشاعرج ياااحياتي

والله ياقلبي حاسه في معاناتك

بس والله لو تدرين شنو مسويه لنا زوجة اخوي غير تقولين الي عندك جنة


مو ساكنه بنفس بيتنا لكن الوالد الله يحفظه ويخليه

مسوي نظام الشقق احنا لنا الدور الاول

وكل واحد من اخواني له شقه فوقنا

وتعالي شوفي ماساتنا زوجة اخوي الكبير بالذات مو محترمه نفسها ابد

وتهاوشت معها كذا مره


اوصلت فيها الحاله الى انها قدام الناس مره تهاوشت معي وقامت تدق بالكلام


واحترامي لوجود امي والناس الموجودين قلت سكوتي ازين

لاني لو رديت ادري بجيب العيد


ويوم شافتني ساكته


قامت تنرفزني وقالت اصلا" انتي ما تسوين جزمتي

!!!!!!!!!!بعد هالكلمة ما شوفت احد ولا عبرت احد


وقلت ما ارد على ناس مو متربييين

وصاحبة البيت تسكت فينا بالاخير اتصلت على واحد من اخواني وقلت يرجعني ع البيت


انا وامي .

وياكثر ما تتكلم وتهاوشنا قدام الناس وتقلل احترامنا

وتشتكينا ع الناس

وانا سامعه وساكته

والمصيبه تروح لاخوي تبكي وتقول سوينا وسوينا

وللاسف اخوي يجي ما يقصر فيني وياكثر ما انطقيت بسببها


وابوي وامي يزعلون ...ويحاولون يبينون له السالفه

لكن اخوي مو واثق غير بكلامها


وش اقول وش اخلي


والله رحمة الي عندك

ومع ذلك اقول الله يعينك


والله الي بقلبي شنو كثره


وخصوصا اني مطلقه ..وياكثر ما تعايرني ...

وياليت في احد يحس فيني


بس الحمدالله على كل حال


وربك يعين

وما اقول الا حسبي الله ونعم الوكيل


واستغفر الله ولا حول ولا قوة الا بالله



..

ام ليان ولجين;9745165:
الله يعينك انا صايرتلي نفس مشكلتك بس مع زوجة خالي المشكله تصير بنت عمي تخيلي صار ماعد يطيق يشووف وجهي بسببها ماقول حسبي الله عليها ونعم الوكيل الله يوريني فيها انشاالله ولي ودها تعرف قصتي معاها مستعده اقولها

ياربي من هالنآس

الله يعنيك عليهآ ويفكك منهآ (f)

قلبونه;9745387:
الصراحه انا حاسه فيج واحس ان صج مرت اخوج غثيثه ودعله بعد والله يعينج هالنوعيه ماينفع معاهم الا الدقرة بس دام تحبين اخوج وتخافين على زعله حبيها عشان اخوج اذا حبيتيها وشفتيها من الناحيه الزينه راح تحسين براحه بس دام اتشوفينها من الناحيه الشينه عزة الله بيجي اليوم اللي تصك هوشه بينج وبينها وبعدها حتى عيالها ماراح تحبينهم .. حنني قلبج عليها عشان تخلصين قلبج من الحقد ومنها عشان اخوج يرتاح من المشاكل واتمنالج التوفيق وادري بمشاعرج ياااحياتي

يالغلآ كله كوم و ولد أخوي كوم ثآني

تخيلي تقول هذآ ولدهآ مش ولد اخوي هع هع شي يضحك موو ؟

ماتخلنآ نمسه ولا نآكله ولا حتى نأخذه مكآن أوكي قبلنآ في هذآ أمآ انهآ حتى أخوي ماترضى يمسه هذآ عآد اللي مانرضى فيه بس شنسوي سآكتين

تخيلي من أخوي يأخذ ولده على طوول تقول جيبه واذا قلنآ لهآ خليه يعني هذآ أبوه تقول لا هذآ ولدي بسس :eek:

يعني بالله لو مو اخوي من وين بتجين هالولد :ss: خصوصاً أخوي يحب العيآل ولا مايأخذ راحته مع ولده دوم عندهآ وكأنه لهآ لحآلهآ وأخوي ماله حق فيه (n)

حتى تفشلنآ قدام النآس مره خالتي اخذته وعلى طول قالت لهآ جيبيه وعطتهآ اياه ولمآ قامت قالت لنآ خالتي شدعوه ماتبينآ نأخذه قلنآ لهآ حالنا من حالج حتى احنا ماترضى نأخذه :cool:

..ريما..;9745472:
والله ياقلبي حاسه في معاناتك

بس والله لو تدرين شنو مسويه لنا زوجة اخوي غير تقولين الي عندك جنة


مو ساكنه بنفس بيتنا لكن الوالد الله يحفظه ويخليه

مسوي نظام الشقق احنا لنا الدور الاول

وكل واحد من اخواني له شقه فوقنا

وتعالي شوفي ماساتنا زوجة اخوي الكبير بالذات مو محترمه نفسها ابد

وتهاوشت معها كذا مره


اوصلت فيها الحاله الى انها قدام الناس مره تهاوشت معي وقامت تدق بالكلام


واحترامي لوجود امي والناس الموجودين قلت سكوتي ازين

لاني لو رديت ادري بجيب العيد


ويوم شافتني ساكته


قامت تنرفزني وقالت اصلا" انتي ما تسوين جزمتي

!!!!!!!!!!بعد هالكلمة ما شوفت احد ولا عبرت احد


وقلت ما ارد على ناس مو متربييين

وصاحبة البيت تسكت فينا بالاخير اتصلت على واحد من اخواني وقلت يرجعني ع البيت


انا وامي .

وياكثر ما تتكلم وتهاوشنا قدام الناس وتقلل احترامنا

وتشتكينا ع الناس

وانا سامعه وساكته

والمصيبه تروح لاخوي تبكي وتقول سوينا وسوينا

وللاسف اخوي يجي ما يقصر فيني وياكثر ما انطقيت بسببها


وابوي وامي يزعلون ...ويحاولون يبينون له السالفه

لكن اخوي مو واثق غير بكلامها


وش اقول وش اخلي


والله رحمة الي عندك

ومع ذلك اقول الله يعينك


والله الي بقلبي شنو كثره


وخصوصا اني مطلقه ..وياكثر ما تعايرني ...

وياليت في احد يحس فيني


بس الحمدالله على كل حال


وربك يعين

وما اقول الا حسبي الله ونعم الوكيل


واستغفر الله ولا حول ولا قوة الا بالله



..

هنآآآآآآآآآآآ المشكله الأخوووو يسمع لزوجته وكأنهآ ملآك ماتكذب ولو يصير له أي حاجه آهيآ يمكن بتستغني عنه اما احنا اهله بنظل له طول العمر ومهما يصير بينآ بنظل اهله بس شنسووي

الله يعينكم بجد بس هاي جد مو محترمه نفسهآ لأنهآ ماتحترم النآس بس إنتي صيري إحسن منهآآآ عشآن النآس تعرف حقيقتهآ ومع الوقت الا مايجي هالوقت وأخوك بيعرفهآ على حقيقتهآ

واحنا اللي يسكتنآ مانبي هواش وعشان امي وابوي وأخووي

ربي يعوضك خير إن شاء الله قريب وتفتكين منهآآآآ بصراحه هالنوعيه تجيب القلق الله يفكنآ منهم

انا اسفه علي الرد بس اقولك ليه ماتسكن لوحده يصير ترتاحو0000وكمان علي السفر اقوللك لوقالت انا ابغا اروح اسافرمع اهلي راحتولعونار وتقولو ليش تسافر مع اهلها ولو كانت تروح عند اهلها كل ماتجتمعو مع اخواتك راح تسويلها حريقه انا اسفه بس وضعها قريب من وضعي شويه قبل 5سنين الين ابو زوجي مات حسيت انو الام والاخوات يحبوني بس الله يسامحو كان يكرهني كره العمي ويسلط زوجي وامو والبنات ودحين اقول الله لايحرمني منهم لا تعمليها بكره اتغاضي عن الاخطاء وانتي تحبيها ولاشياء كلها انت مالك خص فيها اصل طبخت اكلت نامت خرجت جلست مو بيتها ولا مالها بيت هي حره 000000واسفه مره ثانيه علي الرد واحذري تري ربنا في لاتظلميها لاءنو ماحد يعرف ايش بين الرجال ومرته وولده عشان اكيد الاول عادي لاتخلوها مشكله اعرفهذا كلو ودحين حسيت انو اشياء تافه جدا كلو هم دنيا ترا

انا الس اشوفه ان
مرت الاخ تسكن ببيت لحالها
عشان ترتاح واهل البيت
يرتاحون

مبين من كلامج وردودج الكل أن البنت بنت حلال وطيبة وعلى نياتها بس انتي عدوانية

إذا على طلعتها مع أخوج أظن أخوج مب ياهل يقدر إيقول لها ما أروم إذا هو تعبان بس الظاهر الريال مستانس مع حرمته ويحب طلعتها فإنتي ليش مقهورة ؟؟؟؟؟؟؟؟؟؟؟؟؟؟؟؟؟؟؟؟؟؟؟

هي وريلها بكيفهم انتي ليش تتدخلين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وإذا على طلعتها ويا أهلها بعد بكيفهم والطلعة مب على حسابج عسب تنقهرين !!!!!!!!!!!!!!!!!!!!!

إذا كان عندكم خدامة فهي مب ملزومة اتسوي اي شي في البيت

بس اذا ما كان عندكم المفروض انها اتساعد واتساهم حالها حالكم

أما سالفة انها ما تطبخ لريلها إذا هو عسل على قلبه انتي ليش محترة !!!

عزيزتي بإختصار لو انتي اخت ريلي كنت انتحرت من زمان

الله يرزقج بولد الحلال اللي يطلعج ويسعدج عشان تنشغلين عن هالمسكينة اللي شكلج حاسدتها على فرحتها مع زوجها