(( فقدت عذريتي بالحلال ))

السلام عليكم ورحمة الله وبركاته ..
خواتي بنات منتدى عروس قبل كل شي أشكر لكم جهودكم و مساعدتكم لي من يوم ملكتي قبل شهرين أخص بالشكر الأخت بنت عذاري الله يجزاها الجنه ..:8875:
خواتي ألحين من ملكت لي شهرين وكان زوجي يزورني في البيت لكن لنا اسبوعين و بيتنا فيه صيانه و ترميم و بنيان وطلعنا جينا عند بيت جدتي يعني صعبه أشوفه عند جدتي و تعرفون نظره أمهاتنا الكبار لهالسوالف ..
قام زوجي كلم أبوي وقال له انه بيطلع معاي و أبوي ما رضى وخلص الأسبوع الأول .. جينا للأسبوع الثاني و كلم أبوي مره ثانيه وهنا أبوي ما يقدر يمنعا عن زوجته اللي هي أنا وافق أبوي أطلع معاه طلعنا و رحنا تغدينا برى و بعدها رحنا البحر وحنا راجعين شاف فندق على البحر قال شرايك نأجر فيه أنحرجت منه و خفت وأستغربت بس قال انه تعبان وطالع من الدوام من الظهر وجاني على طول يبي يرتاح شوي و بعدها بنروح نتعشى بمطعم قلت له طيب ..
وأول ما دخلنا جلسنا سوالف و طلب القهوه و الحلى و جالسين نشوف التلفزيون بعدها انتم أدرى لازم تصير شوية حركات رومنسيه بس للأسف أنتهت بأنه دخل علي وجاتني حالة هستيريا يوم عشت الموضوع وحسيت الألم وشفت الدم بصراحه أنا اللي أعرفه أنه نقاط من الدم بس ما توقعت كذا كان كثير و الألم هو اللي أستمر ساعتين و خلاص ..
رجعت البيت حتى العشاء قلت له خلاص ما أبي أتعشى وقال لي خلاص انتي زوجتي على سنة الله و رسوله وأنتي حلالي وأنا حلالك و الموضوع راح نخليه بيننا اذا انتي خايفه من أهلك وأنا مستعد أكلم عمي اللي هو أبوي وأقوله الموضوع بس أنا خفت وقلت له لا ..
و زواجي باقي عليه 4 شهور وما أقدر ما أشوفه طول هالمده و بنفس الوقت أكيد اذا شفته راح ينام معاي وانا ما أبي ....
تكفون بنات أبي مساعدتكم أبي مشورتكم فديتكم ساعدوني ولكم الجنه ان شاء الله :9_28: