قصتج في أخذ الليسن ( رخصة السياقة)

هولية كيوت 11-06-2009 18 رد 30,557 مشاهدة
ه
(x)تياااااااااااااااااا :D

اليوم رفيجتي دخلت اول تراي لها في امتحان السياقة ورسبت :(

عاد دق في بالي احط موضوع كل وحدة تقول قصتها مع التدريب و و و وو و الى ان اخذت الليسن :cool:(y)






















وطبعا انا ببتدي :cool:





انا من صار عمري 17 و 10 شهوووور قلت حق بيتنا يلا نقص الكجة (6).. ولو كان يصير قبل جان اخذته قبل .. بس مايصير الا قبل عيد ميلاد الواحد بشهرين


وابوي المسكين اخذني ووداني اقص الكجة وانا مستانسة حدي شوي وارقص في الشارع (x)


ورحت صفيت في ورقة وحدة 50 مدرب سياقة من نفس منطقتي و من المناطق المجاورة بعد :eek:

قلت له اتصل لهم كلهم جوف من فاضي :eek:

اجوف ابوي قرا الاسامي وحط علامة صح جنب 3 اسامي فقط :rolleyes:

يقول لي ما بيدربج الا واحد من هالثلاثة .. لو تنطرين خمس سنين ما بيدربج غيرهم :ss:



عاد واحد منهم رفيج ابوي قال يلا انا بدربها عقب اسبوعين (f)



ودربني (i)

وكملت فترة تدريبي

ورحت خذت موعد للامتحان :cool:



ويه يوم الامتحان (x)

رحت قعدت في غرفة الانتظار ... كأنه مسجونه تنتظر حكم البرائة :confused:


جان اسمع بالمايكرفون يقولون اسمي ******** غرفة 9

اروح لهم يازعم ثقيلة ومو متخرعة وانا لو الود ودي اركض واقول لهم انا يييييييييييت (}).

المهم

رحت جان انصدم ان اللي بتمتحني امرأة :confused:..معروف ان النسوان يرسبون :confused:

المهم ركبت .. لففتني داخل المدرسة بس .. وانصكت السيارة 3 مرات يمكن ... بس سويت الريوس صح
ورحت على المرتفع ( البحرينيات بفهمون قصدي ) من اول مرة سويته صح

انا عبالي خلاص بطلع برع المدرسة

الا لفتني رجعتني تقول لي ليش ما ربطتي الحزام :mad:

انتي راسبة :mad:

وعطتني ورقة صفت فيها مليون شي غلط :ss:


المهم

دربني المدرب 6 ساعات وقال لي يلا روحي

ورحت غرفة انتظار حكم السجن مرة ثانيه

وينادوني غرفة 9 (x)

رحت وكان اللي بيمتحني انسان ريال مو امرأة... جان ارقص (x)

داخل مخي طبعن


من دشيت السيارة قال لي يلا امشي طلعي بنظرة حقد :eek: قلت لااااااااااااااااا انه برسب اليوم

لففني داخل المدرسة سويت كلشي صح قال يلا نطلع (x)

طلعت ... توني ابي ادوس بترول الا اهو يطق لي ذاك البريك القوي.. يقول لي ما تجوفين السيارة ياية :mad:..قلت له بعيييييدة .. يقول لا جريبة :mad:

عباله عمية ما شوف:mad:

ورسبني عشان السيارة كانت جريبة على قولته:mad:


واركب سيارة المدرب واصفق الباب بكل قوة :mad:

واهو يقول لي انتي شفيج ترسبين :mad:..لازم تنجحين من اول تراي :mad:

جان انفجر عليه واطلع فضايح الممتحن :mad:.



وتدربت 6 ساعات


وقلت حق بيتنا تخلون لي واسطة تخلون لي واسطة انه مايخصني .. لازم انجح ولا انتحر (6)

ابوي كان وايد ضد فكرة الواسطة في الليسن بس جاف الحال ميئوس مني قام كلم 3 اشخاص بدل الشخص الواحد :D


ورحت غرفة المساجين للمرة الثالثة


اي لحظة نسيت اقول لكم


يوم رحت باخذ الموعد للمرة الثالثة. عطاني موعد .. وكان بكون عقب العيد :mad:. قلت له ماابي عطني قبل العيد ( ابي اطلع في العيد بروحي :tongue: ).. قال لي مافي وقت .. وفلت علي ورقة الموعد :mad:

واحد ثاني قاعد يمه قال لي تعالي .. رحت له قال لي متى تبين .. قلت له اييي وقت المهم قبل العيد .. قال لي افا عليج .. خذ ورقتي وحط لي موعد قبل العيد (f). وهاذاك الدب يقول مافي مواعيد :mad:

المهم طلعت مستانسة وقلت حق المدرب السالفة .. وتم يسبهم سب جدامي :tongue:

الحين اكمل لكم السالفة

دشيت غرفة المساجين

ونادوني .. رحت الا يقولون لي انتي فلاااانة.. قلت لهم اي ... اجوف الوررقة عندهم وتحط اسمي مليون خط :o

قال لي روحي مع هالممتحن

وكان من شكله وايد حليو .. وايد اهتم فيني :confused:

شوي ويقول لي قومي اسوق عنج :D

حتى قال لي السكان يابس ؟؟ قلت له ايي وايد ثقيل ... قال شيلي يدج .. وتم يسوي لي يو تيرن بدالي :cool:





يوم بركنت السيارة قال لي .. رسبتي:eek:

قلت له ليييييييييييييييييييييييييييييييييييييييييييييييييييييييييييش :eek:

صدقوني الليش كانت هالطول :tongue: .. اهو خاف قال لالالالالالا نجحتي اقص عليج (6)

ونجحت (x)

وخذت الليسن (x)

وصار عندي الليسن من 8 شهور :15:


وشكرن عفون


تحجيت وايد


سوري طولت عليكم



الحين دوركم تتحجون :tongue:
p

هههههههههههههههههههههههه
ذبحتيني من الضحك والله ..
ماشاء الله مشواار 3 تراياات
تعب :( .. !!

.
.

اول شي انا توني ماخذه الليسن يوم الاربعه اللي طافت ذاك الاسبوع يعني :D ..
(y)

.
.

بنبداا بالخبر السيئ .. خخخخ من رابع يوم مشيت السياره للمره الثالثه ..
ابي اطلعها من طبيلتناا و اخوي الله يهديه حاط ثلاجه صغيره مالته مايبيها في الطبيله ..
و جان احكهاا لأني كنتاطالع وراي اخاف اصفق سياره اخوي :( و حكيت من جدام الثلاجه ..
بس الضرر خفيف و الحمدلله ..
مع ان قلبي عورني و تميت ارجف من الخوف بما اني حكيت سياره ابووي اولاً ,,
و حسيت اني غبيه قاعده احكك من الحين ..
اخوي مرور .. وقالي لا ماعليج عادي تره لأن تووج تسوقين .. كل من يحك و يكفخ >> ريحني (a) ..


اممم انا اخوي مرور و ماباجذب عليج توسط لي عشان اخذ امتحان بسرعه ..
و كلم رفيجه عشان يعطيني احد زين يعني مايرسبني ..

.
.

اول شي دربتني وحده طلعت لي قروون (6)
هي زينه بس واايد عصبيييييييييييييييييييييييييييييييييييييييييييييييه !!
يعني كانت شكثر تهاوشني و تخيلي لي اخر ساعتين لي 22 ..
شقد اخاطااء مسويه انا ..
والسبب انها تهاوشني واايد وانا اخااف .. و اخربط
و الشي الثاني ان وايد تاخذني من الصبح و اقوم مب راقده الا ساعتين و ماركز ..

.
.

اخر يوم قالت لي هذا ويهي اذا نجحتي من اول ترااي :mad:
والله عورت قلبي و قهرتني بنفس الوقت و تخيلي بكل مره تهاوشني و تزفني
و اذكر الله و اقول بصير احسن منهاا و اطرش لها مسج اعتذر منهاا مع ان هي اللي تهاوشني !!

.
.

و عقب يومين اخوي راح قص لي حق الامتحان و لان عنده واسطه يعني بما انه مرور
خذ لي تقريباً عقب 10 ايام او اقل نسييت والله ..

.
.

و رحت كان ترايي الساعه 9:30 ..
و ماكنت خايفه بس شوي مرتبكه .. و متوكله على الله
و وصلنا اخوي قالي روحي الاستراحه وماكنت ادل وين تميت واقفه ..

.
.

يمي صبي متصل حق امه يقولهاا يمه نجحت
ههههههههههههههه .. قلت وه ويه خير علي (a) ...

.
.

بعدين طلع اخوي قالي روحي قعدي لا هناك
قلت له وين مادل قالي دشي هنيي شوي و بينادونج ..
و رحت قعدت يمي بنيه الا رسبت مسكينه ,,
قلت بل الله يستر صادني خوف شووي ..

ماوعيت الا ينادوني .....

ورحت الا مره
الصراحه خفت قلت الله يستر !!!!

.
.

بس الحمدلله السياره مانصكت علي و لا سويت و لا شي غلط
بس في اليوتيرن لازم اخلي القير على 2 و انا حطيته 3
و قالت لي غلط تره هاا و جي و قلت بي شكلها بترسبني ..

يوم وصلت قالت لي يالله دشي داخل !! ,,,
ماقالت لي نجحتي و لا رسبتي و كانت ادري ان يكتبون لج في الدفتر اذا رسبتي ..

دشيت داخل الا نادتني و ذي و نجحت :D ,,
اقولها بالواسطه ولا سويت اوكي ..
تقولي لا سياقتج حلوه و كل شي تمام ماسويتي شي

قلت الحمدلله

هاي كل من فضل الله :D
و شكرت اخوي و رحت البيت

و ابتدت التبريكات من الصبح لي الليل
(a)

,
,

سامحيني طولت عليج
ه
هههههههههههه شكله هالايام محد صار ياخذ الليسن بشطارته لازم واسطة

بس مادري عندج الشعور مثلي ولا لا

ان لما تسوقين الحين بروحج وايد راحة نفسية واسهل من ايام التدريب و الامتحان وهلون صح :)


بس اهم شي دامج يديدة في عالم السياقة لا تخافين ولا شي .. وكله طلعي ... اذا محد يتشجع يطلع معاج اخذس اخوانج الصغار وفررييهم

تتعلمين بسرعة

انه من اول يوم ليسن.. تخيلي انا من عراد ... ولففت بيتنا وديتهم الرفاع ووديتهم العدلية .. كل مكان بعيد عن محرق رحت :tongue:

بس صرت شاطرة في السياقة(y)


والله يوفقج ان شاء الله (y)
A
امم اني نجحت من اول تراي الكل استغرب بس والله ماعندي واسطه ولا احد اعرفه هناك بس كنت اوكيييي
من اول ماخلتني امشي السياره وعقب قصيت موعد حق التراي يقول لي خطيبي هاي وجهي اذا نجحتين وجه موعد الامتحان وودتني بره وداخل المدرسه وعقب قال لي بس رجعي واني ولا غلط عندي والحمدلله كنت مطمنه اني ناجحه وكتبت في الدفتر ناجح ورحت انتظرهم على ماينادوني الا يقول لي رجل اختي رسبتين اقول له لا يقول اووو ونادوني قالوا لي ناجحه استانست حدي
وقلت لخطيبي يقول كنت بطرش لج مسج مابتنجحين الا التراي 4

وبس حبطني لكن!!
ه
هههههههههههه دايما هلوون

بدل ما يشجعونا يحبطووونا

لكن زين سويتي ونجحتي من اول تراي ... تجوفين اهما ما سووها :tongue:
p
اي الحمدلله ..
انا ماصارت لي واسطه بالسياقه كنت اوكي ..
بس الحمدلله ..
يالله ان شاء الله هذاني احاول اطلع قد ماقدر المشكله سياره مافي ..
ان شاء الله باخذ لي جرييب ^^
ه
عاد طلعيني معاج :P
م
مبرووووووووووك عليكم
ز
الله يهنيكم ان شاء الله والله يخلف علينا ههههههه
غ
ههه عجيبه قصصكم ..
بس قصتي تضحك هع
طبعا بدايه هالسنه 2009 طلعت الكجه ..
وحجزت وحده تدربني واعتمدت عليها وردت علي شهر 6 توه الناس .. وكنت حدي منقهره عليها
المهم تدربت عندها وحدي لايعه جبدي منها بس يالله غصبا عني محد عنه وقت
المهم وجى وقت الأمتحان بعد شهر من التدريب ..

دشيت تراي الأول ..
آآآآآآآآه حدددي خاايفه كانت امنيتي انجح في الأأأأأأأأأأأأأأأأأوووول وكنت متفائله شووي
وكنت في غرفه حكم السجن ههههههه ونادو اسمي فلانه بنت فلان ورحت وشفت اللي بتدربني وراح التفائل كااامل هع1
المهم دشيت وعلى طول ودتني عند المرتفع ابي ارفع الهاند بريك مايرتفع حده ثقيييييل ماقدر ارفعه
وهي اطالعني وانا بعد محاولات واايد قلت لها ماقدرر ارفعه خذت الهاند بريك ورفعته وردت نزلته تقول لي اكاني رفعته ونزلته يالله دورج وحاولت حاولت ما قدررررررررررررت .. وبعد حاولت طلعت عضلاتي كاامل ماقدرررررررررت يأست قلت لها خلاص ماقدرر ثقييل .. عقب اهي سوت العمليه ومشيت وودتني عند الباركات وقالت لي طبعا انتي راسبه وبتعيدين لمتحان .. ما صاار لي عشر دقايق من الامتحااااان ..
نزلت وكنت متفائله انجح في الثاااني ..
هذي قصه لتراي الأأأول


ولتراي الثااني
تدربت عن القشره .. 6 ساعااات .. وجى وقت الامتحان
ورحت وحددددددددددي متفائله عدددل ومستانسه وتقريبا كنت مبرزه الحلاوه للناس ..
وكان اللي امتحني ريال يوم جفته تفائلت شووي اهم شي مو بنيه يرسبوون وينفخون روحهم علينا احنا المساكيييين ..
المهم دشيت السياره وتوني بطلع من الباركات موجوده اشاره اسمح للمرور طالعت مافي احد الا سياره بعيده مشيت الا يدوس لي ذاك لبريييك اللي يوقف قلبي .. اقوله لييش .. يقول ما تشوفين ااكا سياره يايه ..
وانا ساكته بس السياره بعييده كانت وانا اتفنن وعلى طول بسبقها وبمشي ..
هاي قبل ما اطلع من باركات السياره .. وداني ريوس وسويت والمرتفع نفس القصه الاولى ماقدرت ارفعه كلشششش .. وورجعني الباركات وقال لي طبعا راسبه ولازم تاخذين 6 ساعات .. اوووف نزلت من السياره والدمعه ف عيووووووووني .. وتحطممممممممممممت عددددل ..
كنت احاتي قلت خلاص مابنجح اذا هاند بريك ماقدر ارفعه .. :(


المهم وبعد شهر من لتراي الثاني .. دشيت لتراي الثااااااااالث والدمعه في عيوني من الخوووف
دشيت وكنت خااااااايفه ارسب لأني ما اتخيل نفسي ادش تراي راابع بعددد
قلت اذا مانجحت في الثالث خلاص ما بتدرررررررب للأبد وبمشي بدون ليسن << مستقويه هع1

المهم دشيت مع المروور وطلعني بره وكان واايد ينصحني حاسبي وسوي جذي ولا تسوين جذي
وانا اقول كل هالنصايح اكييد راسبه ولو تشوفون العررق اللي بويهي النظاره عليها عرررق وحواجبي متروسين عرق ينقطووون ويوم رجعني الباركات قال لي انتي ناجحه بس حاسبي اكثررر استانست ورحت وقعت وخذيت اوراقي ودشيت عقب غرفه السجن هع1 انتظر اختي تجيني وطبعا اتصلت للكل لأنه محد يدددري عني بدخل تراااااااي ما قلت لأحددددد والحمدلله نجحت ومن الفرحه صحتتتتت خخخخخخخ كان بتاريخ 11_ 8 _ 2009

بس تخيلو تطلعون من امتحان وترسبين على هاند بريك ماتقدرين ترفعينه خخخخخخخخخ افشل

والحين الكل يعايرني بهالقصه قصه الهاند بريك واللي يطنز يقول لي شربي ريد بول علشان تقدرين ترفعينه خخ

وبسسسسسسس والحين صار لي شهر من اخذت الليسن وانشالله شهر 11 السياره :$

وبالتوفيييييييق لكم انشالله
&
خخخخخخخخخخخخخخخخ الله يعنيكم مرو عليا شيلوني ياحظكم عندكم الحريم يسوقو احنا مافي الله يخلف علينا زي ماقالت اختي زوجي كل الغلا ههههههههههههههههههه
أ
اما انا فقصتي قصه

عدنا هني بالدنمارك امتحانين للسياقه

امتحان نظري كتابي يعني كله صور عن قوانين المرور وكل هالسوالف

ولازم اجيب اقصى شي 5 اخطاء اذا اجيب 6 ارسب وجبت يومها 6 اخطاء

الله لا يوريكم البجي يومها بجيت بجي مو طبيعي كانه ميتلي احد خخخخ

والله وصلت يومها للبيت منتهيه من كثر مابجيت

والحمدلله عدته بعدين ونجحت

الحين الامتحان العملي يعني نفس امتحانكم اطلع مع شرطي

واسوق معاه وطبعا يمتحني باسئله عن ميكانيك السياره قبل مانمشي

وكان الشرطي عنصرررررري تخيلوا لازم يسالني سؤالين عن الميكانيك انا سالني 5 اسئله

لا ويتمسخر على اجوبتي :mad:

ومن بديت اسوق كان الامتحان تمام بس ذبحني كنت امشي على سرعة 45 والمفروض امشي 50 بس لان ازدحام خففت وذبحني طول الطريق يصرخ امشي بسرعه (n)

ومابقى دقايق واوصل لنقطة نهاية الامتحان وانا فرحانه اني راح اخلص

ولا ابي الف لليمين وكان في ريال على البايسكل ماشفته فداسلي الشرطي بريك ورسبني

والحين راح اعيد الامتحان بعد ايام دعوااااتكم يابنات بجد تعبت منه وابي اخلص واخذ هالليسن هذا

ومشكورة صاحبة الموضوع عالموضوع الحلو خليتوني افضفض
e
قصصكم حلوة ما شاء الله

انا معاي الليسن من سنه ونص تقريبا 25 ديسمبر بكمل سنتين

واخذته بعد شهرين من التدريب

نحنا في عمان عندنا امتحانين

الاول: يسالونك عن اشارات المرور وكل اشاره ترمز لشو وبعدها تراي الدرامات وكله يكون بالريوس واذا رحنا قدام يعني رسبت وبعدها امتحان المرتفعات وهذا كله في يوم واحد

الثاني: يكون امتحان فالشارع. ويكون بعدها بفتره. حتى المتدربه تشوف اذا تمكنا من السواقه او لا

الامتحان الاول كنت اوكي وواثقه ومتفائله وهادئه كثييير لان اللي دربتني كانت روووعه وهادئه وما تصارخ بالمره والحمدلله مريت بكل المراحل بسلاااام

الثاني ع حظي كان اول يوم دوام بعد اجازه عيد الاضحى وكنت اخر وحده هههه واول ما دخل الشرطي قالي وديني مركز الشرطه تعبان وما فيني الف اماكن بعيده. ووديته المركز واتذكر كان هواء فظيع والسياره تتحرك لوحدها وخفت انه يرسبني عشان السياره تتحرك وااجد. واول ما دخلنا الشرطه وبركن السياره وجلس يقولي دعمتي الرصيف خلص رسبتي وانا اقوله لا ما دعمته اعرفك بتضحك علي وهو مصر وانا اقوله لااا بتضحك اخر شي قالي بضحك معاك مبروك نجحتي:D:D

والحمدلله نجحت من اول تراي

الامتحان الاول سويته في مسقط العاصمه

وامتحان الشارع سويته فصلاله وكان المدرب رجال
م
احنا السعوديات مدللات مانسوق سيارة
م
مسرة;10287588:
احنا السعوديات مدللات مانسوق سيارة





هههههههههه يعني المدللله ما تسوق سياره
مشكل:tongue:
M
خخخخخخخ
انا وووووووووين والسياقة وين خلي ادش الاعدادي اول وبعدين اسووق ..
خخخخخخ >> ملقوووفة ..


MEME^MOON
ب
انا الحمد لله نجحت من اول مره وبدون واسطه احم احم ((:

كنت واايد مستانسه لاني احب السوااقه

دربتني بمدرسة التدريب فلبينيه اسمها ماري يحليلها لمدة 9 ايام و باليوم العاشر خذيت الليسن
كان الجوو واايد حلوو شتاا ومطرر

لما ركبت بالسياره مع الضابط بالترااي ربطت الحزام وحطيت جنطتي تحت
بس اهو خذا الجنطه وحطها يمه قالي مايصير يبه تخلينها تحت يمكن تضايقج

هههههههههههه

كنت واايد مستانسه لاني احب السوااقه

ودربني اخوي شوي ومرت خالي وابوي و تدربت بسيارة السايق

بعدين ابوي فتحلي سيارتي تاريخ 5/5/2007 يعني صارلي سنتين اسوق

و عندنا بالكويت ناخذ الليسن بعمر 18 موو 21

بس من سقت خلااص اعتمدت على نفسي بكل طلعاتي الحمد لله اهلي عطوني الثقه
لدرجة اني ما احب اركب مع احد الحين .. احس رااسي يعوورني

اول ما سقت كنت جريئه وعصبيه (ليلحين عصبيه بالشارع) ومستهتره شوي بعد هههههههههه


السياقه غيييير تحسسج باستقلاليه وحريه .. ما تتقيدين باحد
ولا تحتاجين لاحد .. تعتمدين على روحج بكل شي

بس اهم شي تكونين واثقه من نفسج بالشارع وما تخافين
وتحترمين قواعد المرور .. والله الحافظ
ف
لووووووووووووووووووووول امبييه حددكم فصلة ;p

عقبااالي بعد سنتين ان شااااء اللله D:
د
هههههههههههه ذكرتيني بيوم امتحان الليسن

خخخخخخخخ كنت ماشية خايفة وحالتي حالة

الحمد لله اخذته من اول تراي
X