شنو رايكم في طلاق صديقتي

والله حرام عليها الي كاعده تسويها هيه وامها يعني متدين واخلاق وكريم وجميل ويعاملها زين وتبي تتطلق .؟؟؟
كوليلها خلي تحمد ربها غيرها يتمنى هاي النعمه يعني بس لانه ما يعرف يقول كلام رومانسي تبي تتطلق حتى الله ما يرضى يعني في الف حل وحل خليها تحجي معاه ودكوليلها انها تحب هذا الشي خلي يدخل على الانترنت ويتعلم انا اعرف ان الرجال يحب زوجته تطلب منه اشياء وهو يحب يسويها ...
خليها هيه تجرب معاه يعني تعلمه انا الي فهمته من كلامج عنها انها جرئيه ولو هيه مو جرئيها جانت ما تجرئت وطلبت الطلاق لهذا السبب يعني شنو راح دكول لابوها ولاهلها اذا قالو ليش تبين تتطلقين ؟؟
ما فكرت بهذا الشي ؟؟؟
الله يهديه بس سوري على الاطاله تقبلي مروري ....

المثل يقول ماراح تعرف قديري الا لما تجرب غيري
المفروض يااختي بدل ما صديقتج تشتكي تحاول انها تتفاهم مع زوجها بالحوار ثم الحوار ثم الحوار وممكن انها تدخل حد ثقه اذا زادت المشكله مثل ماقلتي كونه يهجرها في الفراش او يخليها تنام بروحها وهوه بروحه بس ماتوصل للطلاق عيل اللي زوجها يطقها ومايصرف عليها ولا يعطيها حقوقها اشلون تتصرف الصبر مفتاح الفرج خلها تصبر والله يهدي النفوس

عن نفسي أقولج رايي وربي لو يجيني واحد أرده مايهمني فلوسه أهم شي دينه دام دينه تمام أوكي لكن مايهتم فيني ولايسأل فيني على وش ماخذني جارية عنده ماألومها الصراحة مع إني مأأيد قضية طلاق بتاتا بس الحياة الزوجية ماتنتهي على إنتهاء رغبة وأكل ونوم أبدا الحياة حب مودة لأن كلن يرافق الثاني طوال عمره خاصة إن البنوتة زي ماقلتي عاطفية وهو عكسها ولاعمره قال أحبج أجل يقول حق مين إذا ماقال لزوجته ..
هم الرجال عدة صح مايقولون كلام عاطفي واااااجد بقدر مانحتاج بس فيه إحساس إن هذي زوجتي وحبيبتي اللي بتعيش معي طول عمري وأخترتها دون الخلايق....
أنا مع رفيقتج إن كان زاد عن حده.....
ولاتنسى تصلي الإستخارة والخيرة فيماإختاره الله ودعواتي لها بالتوفيق في الدارين.....
دمتي بود والمعذرة عالإطالة......
(مجرد رأي)(f)

لا تيأسين وحاولي معاهااااااااااا

والله انه حوبته بتم تلاحقها طول العمر لان الرجال مافيه شي عشان تتركه

شنو هالسبب القبيح اللي تبي تتركه عشانه

شنو يعني مايعرف يقول كلام حلووو

ترى زوجها نادري في هالزمن انه مايعرف حريم وبنات وخرابيط

ويمكن هو نفسه تقيله شوووي ومايتعود يقول هالكلام بسرعه.. لازم تصبر

خلها تتمسك فييييييه بيدها وريولهااا وتعلمه على هالاشياء شوي شوي

مايصير تبيه كااامل ترى الكامل الله ومافي انسان كامل

الله يعينها ان شالله

ريلج على ماعودتيه !

غميضه والله ريال محترمها ومحشمها واللي تبيه عندها وذاكر ربه

وماتبيه !


الزواج رزق خليها تحمد ربها عليه

الاخوات ماقصرو الله لايحرمنا من ارائهم اللهم آآآآآآآآآآآآآآآآآآآآمين

مشكوريين على رددودكم بس أنا حاولت معاها وايد خصوصا ان زوجها مليون وحدة تتمناه بس هو شنو ذنبه ماعنده خرابيط ولا تجارب المفروض هي تعلمه وتصبر عليه .. بس أنا عن نفسي ما اقدر أعيش معاه لأني ما اعرف اعيش بلا حب ومو اي حب بعد المفروض حب قوي وحقيقي حتى لو كان زوجي مايصرف علي بس يعطيني عواطف باصبر عليه ولكن العكس لا .
بس الصراحة زوجها مميز بين الرياييل وين بتلقى زوج كله قاعد في حضنها وهي أحلى وحدة عنده ؟؟؟

أشكر كل من تكرم وقال رايه بنت العراق الجريح و أم النايف وبشوري 1 وحلم السعادة والجوافة وقلب الذهب وحبي قطر وتسلمون ......
بس لو انتوا في نفس الموقف شنو تختارون الحب والعواطف أو المال والجمال والخلق ؟؟؟؟؟؟؟؟؟؟؟؟ وطبعا انا ما اقول ان زوجها ملاك ترى هو طبعه وسواسي بعد وايد وهاذي الشي ينفر الناس منه بس مافي احد مافيه عيوب ولا شنو رايكم

في اشياء في الزوج الوحده تقدر تصبرعليها ... وفي اشياء لا . بس هذا شي عادي على انه مو رومانسي تبي تتطلق .. فهي تقدر تغيره خصوصا انه ماله علاقات قبل يعني تقدر بسرعه تأثر عليه وتخليه يعشقها بجنون .. بس يبي لها صبر شوي وان شاء الله يصير الي تتمناه .. ويالتوفيق

والله أهم شي اخلآآآآآآآآآآآقه

لو كآن طيب معهآ ويحترمهآ هذآ أهم شي ..

لأن كل اللي تبيه تقدر تغيره بس خل يصير عندهآ شويه صبر والله وتحمد ربهآ زوجهآ مايعرف هالسوالف وهذا المهم

وبعدين آهيآ كم سنه لهآ من تزوجت ؟؟؟؟؟

لو كآن توهم يعني تصبر عليه لانه مش متعآآآود


وشنو بعد تقولين وسواسي شلون يعني مافهمت عليج ؟؟

والله يهديهآ ويكتب لهآ الخير بس ماتستدعي المشكله لطلآأإق لانو تقدر تغيييره

اختي والله مافي أحد كامل مكمل بهالحياة وبنظري في شغلات بتغطي عشغلات وبعدين خليها تشوف الغلط وين وبعدين تقرر بالطلاق

والله انا انضم للاخوات حرام تضيع زوجها وتهدم بيتها بيدها
ومافيه احد كامل مكمل

ماعندي شي اضيفه لان البنات كفووو ووفو بالكلام وشنو يضمن لها اذا تزوجت غيره راح يكون عاطفي ؟
ويطلع نفس مواصفات الرجال اللي تبيه ؟؟

وشنو الفايده اذا كان رومانسي ومايحترمها ؟ الاحترام شي اساسي بين الزوجين

الله يهداها ان شاء الله وتغير اللي براسها

أقصد بوسواسي أنه وايد مثلا يخاف على ولده من الهوا الطاير ويوسوس في أمور النظافة وايد بس بعد هاذي الشي مايعيبه وهم الحين لهم 3 سنين وعندهم ولد واحد والريال كان بيبني لها فيلا وحاطة لها في البنك آلاف باسمها

!!!!!!!!!!!!!!!!!!!!!!!!!!!!!

اتهده عشان مايقول حجي حلوو .. شفيها هذي مو حامده ربهاا ..

واذا تطلقت شبتقوووول لهم .... مايقووول حجي حلووو !!!!

والله ربي بيبليها بواااااااحد بتندم ..

خل تحمد ربهاا ....

وعندهم ولد بعد ؟ وتبي تطلق على حسآب الكلآم الحلو و ولدهآ مو مهم ؟؟؟!!

مدري الصراحه ربي يهديهآ و يسهل أمورهآ ..

تشرد ولدها على حسااااااب الكلام الحلو والعواطف؟؟؟

والله شي غررررريب

هههههههههههههه ف وايد ريايل ..جي ..
واحد يقرب لي جذي مع مرته بعد 17 سنه ..عرف الرومانسيه ..
والله انها ما تعرف قدر الي عندها ...
تمسكه باسنانها احسن لها لتيجي بكره بنت الحرام وتنهبهه منها

والله حبيبتي هذي متاثره بالافلام وخليها تسال امها اللي تبي تخرب بيتها ابوي رومنسي معاك ترا كل الرجال كذا مو بس زوجها بس اذا دلعته يدلعها وزي ماتبي تسوي معه وبيرد يسوي مثلها انا اول ماتزوجت كان كذا حتى في العلاقه الجنسيه مررررررررررررررررره دفش وبدون مداعبه واستحيت اقوله جيت كتبت له رساله وقلت كل اللي بخاطري وكتبت بالاخير لاتناقشني عشان استحي ومشى الحال