السلام عليكم ورحمه الله وبركاته
موضوعي اليوم عن الفرش مانكير طبعا اعتقد كلكم اقصد اللي يحبون يسوون لهم هذا اللوك الى الاظافر عندهم اللاصقات اللي تجي في علبة الصبغ حق هذا اللوك
طبعا انا شريت العلبة اللي تحتوي على اربع قطع من الصبغ الابيض والشفاف والوردي والوردي الشفاف ومعاهم اللاصقات اللي على شكل هلال عشان تسهل الى الوحده عملية الصبغ
بس بصراحه لاقيت صعوبة في وضع الصبغ خصوصا ان لما احط الوردي وبعد ما يجف بعد 10 الى 15 دقيقة لازم ارد احط الوردي الشفاف فوقه وبعد ما يجف احط الابيض بعد وضع اللاصقات الهلالية ويا تضبط يا لا انا وحظي وبعدين هم احط الشفاف فوقهم كلهم
يااااااااااااااااااااااااااااه شغله طويلة عريضة
ولان اللاصقات خلصت مني شسوي اشتري علبه جديدة عشان اللاصقات لا
حبيباتي اليوم جبت لكم طريقه سهلة وسريعه واتمنى تعجبكم وطبعا لا شفتها لا في منتدى ولا غيره طريقه خاصه فيني
لان بصراحه احس الاظافر تتعب من كثر الاصباغ الوايد فوق بعضهم
ندخل في الموضوع
ادري طولت عليكم بس يلا تحملوني
اول شي
الادوات اللي نحتاجها :
الصبغ الابيض والصبغ الوردي الشفاف و مقص وعود الاذن ( بعدين بتعرفون ليش ) واللي يزيل صبغ الاظافر ولصاااااااااااااااااق
وطبعا بتشوفون الاغراض وبتعرفونهم بالصور
اول خطوة
اخذي المقص
وقصي فيه اللصاق طبعا بتقولولي ليش وشلون اولا عشان نحطه بدل اللاصقات الهلالية ولاحظي عزيزتي لازم تقصينه صغير يعني عشان يكون سيده على الظفر تقريبا 1 سم
الخطوة الثانية بعد ما تقصين 10 لصقات حق الاظافر طبعي قصي واصقي باحكام عشان لما تحطين بعدين الصبغ الابيض ما يتغلغل ويروح داخل ويخرب شغلج
الحين صبغي مقدمة الظفر باللون الابيض اللي اتفقنا عليه
تركيه يجف ل 15 دقيقة تقريبا احسن عشان يجف عدل
اذا حسيتين انه جف شيلي اللصاق من على اظافرج
وبهدوء ونعومه ما يحتاج نوصي
الحين اللي حصلت الشكل المطلوب وعجبها وما اختربت القصة زين على زين واللي تحس ان في شي خطأ
تقدر ناخذ اللي يزيل الصبغ
وتاخذ عود الاذن وتغمسه داخل العلبة
بجذي تقدرين تنظفين اللي اخترب من الصبغ الابيض
رتبيه وعدليه
الخطوه اللي بعدها بسيطه مره
اخذي الصبغ الوردي الشفاف وحطيه في النهاية
وادعي لي
طبعا في النهاية راح تكون الصورة جذي
طبعا بدون الوردة لان الصورة من النت
حبيباتي الموضوع جهد شخصي اللي يعجبها موضوعي تقيمني لكن مو غصب
وممنوع نقل الصور
تحياتي