*تجهيزات احلى عرايس فى مصر القمرات الجزء 134*

لو سمحتى انا عايزه اسالك عن جيلات فينوس
ياترى هى بتطلع الشعر عد كده اخشن من الاول و اسود اكتر؟
وياترى الشعر بيشوك لما يبدا يطلع زى دقن الرجال كده؟
و ياترى هى بتشيل الشعر الصغير اللى لسه طالع؟ و لا لازم يبقى طويل؟

وبعدين انا عندى سؤال محينى جداا
ازاى احنا بنستعمل موس حلاقه و شفرات فى المنطقه الحساسه اللى جوا دى ؟؟؟؟؟؟؟؟؟؟؟؟؟؟ احنا كده مش ممكن نتعور و لا ايه يا جماعه من الموس ده
انا حاسه انى فاهمه حاجه غلط

وبعدين دودى كات بتقول ممنوع براون و الكريم فى فتره الحمل ؟ امال نعمل اييييييه؟؟؟؟؟؟ انا محتاره و قلقانه اوى من الموضوع ده

dandona we bas;9720180:
"عروسة 2009"، علشان كده أحب أقول لأي بنت فرحها قّرّب ونفسها تبقى أجمل وأحلى في يوم فرحها..


أولاً :








لازم تكوني واثقة من نفسك في اليوم ده جداً، وتخليكِ على طبيعتك قوي، وتبتسمي على طول، وتثقي في كل خبراء التجميل والأزياء اللي هتتعاملي معاهم في أحلى يوم في عمرك وهو يوم زفافك، اليوم اللي بتحلمي بيه وبتفكري فيه من وأنت صغيرة.

ثانيا :






رتبي أفكارك واحتياجاتك قبل الفرح ب3 شهور على الأقل، وخصوصا لو فرحك في الصيف أو في الأعياد، عشان أماكن الأفراح في الأوقات دي بتبقى زحمة جداً وعلى فكرة المفروض ترتبي نفسك من أول الفستان لغاية القاعة اللي هيتعمل فيها الفرح وبعدين شكل المكياج والطرحة.

ثالثا :






الرشاقة هي الحاجة المهمة اللي بتفكر فيها العروسة وعلشان الفستان يبقى حلو ومظبوط عليكِ أنصحك لو وزنك زيادة شوية تتبعي نظام غذائي قبل الفرح على الأقل بشهرين، وإن وجباتك تكون بتحتوي على كل ما هو صحي ومفيد وبلاش الوجبات السريعة لأنها ممكن يكون لها تأثير كبير على بشرتك، كمان ممكن زيادة الملح أو السكر تظهر حبوب كتير في أماكن كتيرة في وشك وجسمك وخصوصاً لو كنت من الناس اللي عندهم حبوب أو استعداد للحساسية ويا ريت لو لقيتي أي حبوب ظهرت في بشرتك تروحي لدكتور جلدية عشان يشوف بشرتك ويقدم لك العلاج المناسب.

رابعا :






لازم تهتمي ببشرتك قبل الفرح بفترة كافيةوتستخدمي ماسكات وزيوت طبيعية عشان يبقى جلدك ناعم وجميل زي بشرة الأطفال، والمفروض إنك تسيبي شعر الجسم قبل الفرح بشهر ونصف تقريباً وشعر الوش قبل الفرح بأسبوعين عشان يبقى سهل عليكِ إزالته بسهولة قبل الفرح.


خامسا :








خلي بالك من أسنانِك كويس، عشان دي أول حاجة بيشوفوها لمّا بتضحكي في الفرح، وياريت تروحي لدكتور أسنان عشان تنظفيها قبل الفرح بأسبوع ولو عندك مشكلة فيهم لازم تصلحيها قبل الفرح بشهر على الأقل.

سادسا :








كمان الاهتمام بالعين حاجة مهمة جداً وده لأن العين هي اللي بتبين جمال الوجه علشان كده يا ريت تحاولي تنامي كويس قبل الفرح بأسبوع أنا عارفة إنه صعب بس حاولي، ولو هتلبسي عدسات ملونة أو نظر يبقى لازم تشتري واحدة جديدة قبل الفرح ومتنسيش القطرة ممكن تحطي "فايزين" أو" بريزولين بلو" قبل الميك آب، علشان القطرة بتساعد إن العين متكونش حمرا في الفرح.

سابعا :








بالنسبة للمكياج والطرحة فدول بيكونوا أهم حاجة بتفكر فيها العروسة المحجبة... أما العروسة غير المحجبة فبتبقى قلقانة أكتر على شكل تسريحة شعرها هتبقى عاملة ازاي؟!، والاتنين عايزين يعرفوا الشكل النهائي في الفستان وفي كل حاجة في الفرح وطبعا كل حاجة من الحاجات دي هنتكلم عليها بالتفصيل في حلقات قادمة إن شاء الله...

بس بصفة عامة ياريت تختاري متخصصين سواء لتصميم أزياء فستانك أو خبيرة تجميل لمكياجك وشكل طرحتك وتكوني واثقة فيهم جداً وعندك حد مجربهم قبل كده من العائلة أو من أصحابك أو شوفتي شغلهم في الصور أو في فرح حضرتيه وعجبك شكل العروسة.

ثامنا :







حاجة تاني مهمة جداً هي التصوير وتفكيرك فيه لازم يكون جد جداً لأنك بتخرجي من الفرح كله بالصور والفيديو لأن اللي هيفضل معاكي طول العمر هو صور الزفاف وصور الفرح، والمفروض إنك تشوفي شغل المصور عشان تحددي الصور اللي عايزاها وبتحلمي بيها طول عمرك.


تاسعا :






لازم تعملي شنطة صغيرة تحطي فيها أدوات تجميل بسيطة زى مثلاً بارفان وشراب وإبرة وخيط أبيض ومقص صغير ومانيكير وأسيتون وقطن ومزيل مكياج وكريم مرطب، احتياطي عشان ممكن تحتاجي لهم أثناء الفرح، وكمان ممكن تستفيدي بيهم بعد الفرح إن شاء الله.


فرحك من شخصيتك


لازم تعرفي شخصيتك نوعها إيه؟! قبل ما تتعاملي مع أي متخصص في المكياج أو في الشعر أو حتى في الفستان فمثلا فيه شخصيات كلاسيك وشخصيات مودرن شوفي أنت مين فيهم واعملي فرحك من شخصيتك.... هقولك إزاي:

الشخصية الكلاسيكية أو (الهادية)







مكياجها

في الفرح لازم يكون هادئ، لأنها بطبيعتها مابتحطش مكياج كتير في الأيام العادية، وفي الفرح ألوان الآيشادو أو ظل الجفون لازم تكون ألوان فاتحة وبسيطة زي "الروز" و"الموف"و"البيج"،وكمان رسمة العين تكون رقيقة ومافيهاش أسود كتير يعني لون واحد فاتح على الجفن وماسكرا، وممكن لون فاتح جوه العين زي "الأخضر" أو "الأزرق" أو"الفضي"....

وألوان الروج لازم تكون هادية زي ألوان الآي شادو علشان تبقى متناسقة مع بعضها، وبيبقى عبارة عن ملمع فقط، وكل الألوان دي بتليق على البشرة الفاتحة والبشرة الخمرية.


فستانها

فبيكون بسيط جداً لونه "أوف وايت" أو "أبيض" بس تطريزه قليل قوي.. وطبعا لو محجبة بتلبس بادي تل سادة، وفيه تطريز على اللياقة والكم، أما الطرحة لو كانت دورين أو إسبانش برضه تطريزها قليل من الطرف بس البندانا بتكون تل سادة أو عليها تطريز خفيف زي الفستان...








ولو غير محجبة تسريحة شعرها شينيون هادي، وممكن تحط وردة صغيرة على جنب أو تاج بسيط ألماظ والحلق على قد الودن لولي أو ألماظ...كمان العروسة الكلاسيك ممكن فرحها يبقى "أوبن إير" يعني خارجي بالنهار في فيلا أو جنينة أو حتى على حمام السباحة في فندق.


الشخصية المودرن أو (الشقية)








المكياج

في الفرح لازم يبقى جريء، لأن في الطبيعي بتاعها بتحط ميك آب واضح وكتير، وألوان الآيشادو يفضل إنها تكون غامقة زي "الأسود" و"البني" و"الموف البتنجاني"، وكمان رسمة العين "سموكي" أو "أسود مدخن" و"رموش تقيلة"... وألوان الروج فهي إما أن تكون "أحمر"، "فوِشيا"، أو "موف" وممكن جليتر على الآي شادو والروج...


الفستان








فبيكون مليان تطريز وأحجار وممكن كمان تحط ورد في الفستان زي "الموف" أو "الأخضر"، والطرحة مطرزة من الأطراف تطريز خفيف عشان الفستان فيه تطريز كتير والبندانا تكون تل مطرزة وممكن تاج ألماظ كبير عليها.. ولو غير محجبة ممكن تغير لون شعرها يبقى هاي لايت أصفر أو أحمر وتسريحتها تبقى مرفوعة وعليها إكسسوار ألماظ، والحلق يبقى كبير وبيلمع.. أما الفرح فبيكون في قاعة كبيرة في فندق أو في نادي كبير.








وفي النهاية أحب أقول إن فيه عروسة ممكن تعمل فرح بسيط في البيت أو كتب كتاب في الجامع وبعدين عشاء في فندق للعائلتين فقط أو حتى ماتعملش فرح خالص، لكن بيبقى أهم حاجة عندها هي صور الزفاف عشان كده كل واحدة لازم تهتم بكل تفاصيل مظهرها في اليوم الجميل ده.

Nesoo;9720206:

بالنسبه لحاجت المطبخ نبد أ بقا حاجه حاجه لحسن دوول كتيره اووى
طبعا طقم صينى او اوركبال ليكى انتى وهوا ومش شرط يكون 12 ممكن 6 فاهمانى دا غير الطقم الرئيسى
وطبعا تجيبي 6 كوبايات شاى عاديين ليكو انتو
وطقم شاى بالفناجين والحركات دى للضيوف ودا مختلف عن ايلي بيجي في الطقم الرئيسي لان لو جالك حد مش كل شويا هاتطلعى طقكم ايلي في النيش انا صراحه جبت طقم شاى ومعاه كمان 6 اطباق للجاتوه نفس الشكل وحاطاه في المطبخ ومريحنى اووى
3- تجيبي طقم مياا ه 12 كوب وكل 6 مختلفين
4طقم حلل المونيوم ودا مهم جداااااا
5-هاتى على الاقل حلتين تيفال ناا جايبه واحده للرز وواحده للمحشى كبيره
6-جالى طقم صاج هديه حلو استعمالو احلى من الالمونيوم واسهل في التنظيف
7-كنك لعمل القهوه وايضا نوع اكبر لتسخين الشاء او لعمل اى شمروب سخن
8-البلاستيكات على الاقل من 5الى 6 اطباق بلاستيكيه اشكال مختلفه هاتحتجيهم جداا
9-قوالب للكيك وللجيلي وللايس كريم
10-ميكريويف او توستر
11-قلايه بطاطس مرييييييحه اوووووووووووى بجد
12-طبعا طقم توابل وايضا طقم صغنن كدا للشاي والسكر وحاولى بطوزنوا سهلين الفتح لان دوول اكتر حاجتين بتستخدميهم والملح كمان معاهم

نيسو نيسو
ميرسى يا قمر على الليستة المفيدة دى ، بس استفسار صغير
انتى قصدك ايه بالظبط بقلاية البطاطس ؟
يعنى المصفاة دى اللى بتتحط فى الحلة ولا ايه ؟؟

سارة العروسة;9718512:
[QUOTE=Nesoo;9718422]
ب[B]صي ياقمر انا كمان للاسف وربنا يسامحنى خليت واحده تعملى يوم حنتى بس طبعا سألت بعدها قاللوا حرام تماما لانها مش لاحاجه اصلا وفي بدائل ,, والله اعلم
ودلوقتى بستخدم الجيليت الحريمى رااااااااااااااائعه بجد بس مش عارفا اسمها بالتحديد
طبعا بيطلع بسررعه بس وايه يعنى بعمل تانى مش بياخد 5 دقائق وسهله ومررررررررريحه بجد
جرببيها مش هاتندمى إن شاء الله[/B]


الجيليت دى بتسخدميها ازاى يعنى
يعنى بتحطى كريم على المنطقة وبعدين تمشى بالماكينة
ولا على الناشف ولا اية
ممكن الافادة

Nesoo;9720251:

بصى ياقمر

لا خاااااااااص ولا اخشن ولا اى حاااااااااااااااجه بيطلع نفس الكميه تقريبا ممكن تزيد بس بطريقه مش ملحوظه خاااااااااااالص
وطبعا المكان دا بالذات حتى لو بالسوويت اول ما بيطلع بيشوك شوويه يعنى مش من الشفرات بس
بتشيل كل حاجه مش بتخلى اى آر ولا شعرايه باينه خاااااااااااااااااااالص من اصغر لاكبر شعره مافيش آثر بجد
بالنسبه للمنططقه الحساسه تتعملى معاها برفق جدااااااا وهاتيشل طبعا متقلقيش يعنى متعمليش بيها جامد علشان مش تعورى نفسك ووارد إنك تعورى نفسك بس متخاافيش مش بتوجع التعويره ممكن تحرق بس بسييط يعنى مش وجع فظييييييع وطبعا ممكن تعورى نفسك لانك لسه في الاول
ولكن مره على مره ايديك هاتاخد عليها وهتلاقيها سهللللللللللللللله ومش هاتعورى نفسك خاااااااااااااااااااااااااااااااالص
يعنى هاتيها وانتى مطمنه على الاخر بجد عن تجربه

دى عشره والله سنيييييييييين معايا من قبل الزواج بسنين متقلقيش

مريم ءادم;9719881:
شكرا على الرد يا نيسو بجد
عايزه كل البنات الى تعرف اى حاجه عن الفرد ده تفيدنا ياريت
قوليلى بقى يا نيسو يا جميل اختك شعرها نوعه ايه اصلا؟
وجابت سوفت اند بيوتفل انهى نوع؟ لان فيه للشعر الخشن وفيه للعادى وفيه للاطفال كمان انا حتى قلت ممكن اجيب بتاع الاطفال ده يمكن يطلع اقل ضررا

وانت يا نسيو هتعملى الفرد ده؟

miramiro;9716771:
معلش مش تزعلى يا حبيبتى
قدر الله وما شاء فعل ان شاء الله تبقى احلى عروسه:15::15:

بس عايزه اقولك على حاجه كان فى هنا عروسه هتعمل عند مسيو عبدو من قتره قصيره و اشتكت منهم اوى لانهم مش التزموا بكلامهم و عملوا لها الصبغه مش لايقه عليها و سببوا لها لخبطه و غيرت الكوافير فى اخر لحظه والحمد لله لحقت و كانت ما شاء الله قمر تبارك الرحمن
فانا حبيبت اقولك اللى اعرفه و الراى الاخير لكى طبعا
وبصراحه انا مش فاكره بصراحه بكام بس هو الف و

ومحمد الصغير فى بنات قالوا عليه حلو بس مش اعرف اسعاره ايه بصراحه

وبعدين انتى فرحك هيبقى يوم فرحى ان شاء الله(f)(f)
وازاى اسمك مش فى الليسته معانا؟؟؟؟؟؟؟ تبقى عروس قسم الازياء و اسمك مش فى الليسته ده ينفع:D:D

dandona we bas;9719943:
بنات بلييييييييييييز عايزة حد يرد على اسئلتي لو سمحتوا

و ايه رأيكم في الماكياج ده لفرحي ان شاء الله بصرراحة انا عايزة أحط روج احمر و البوكيه كمان يكون أحمر في أبيض ايه رأيكو و كمان ايه يليق على الضوافر الفرنش و لا ايه انا عايزة أعمل حاجة جديدة و مختلفة كده