~'*¤!||!¤`تجهيزات عرايس البحرين { التاسع والأربعين}*¤!||!¤*'~`

BASHORAH;9738401:

ايه سمعت من زمان عن هالموضوع بس ماراح يغيرونها خير شر

مجرد ديكوريشن داخل الصاله مجرد اعتقد تغغير المسرح يمكن الطوفه والارضيه لا اكثر

واللي سمعته بيشتغلون عليها في رمضان بس مو لمده سنة

اللي عرفته انها راح تتكبر ومو لمدة سنه اقصد من رمضان الى السنة الجديدة يعني كم شهر يعني ما بيفتحونها في شهر 11 مثلا

وصايف;9739031:

توني قبل كم يوم

رايحة خطوبة خوات العروس متمكيجين في وصال

عجبني الشدو حلووووووو والشعر بعد مرتب وحلو بس عندي ملاحظة عليهم
هذي اخت العروس سمرة والبودرة صايرة مو حلوة نوع الرصاصية صايرة يعني غير مناسبة للونها ابدا ومسوينها فاتحة بزيادة وبعد صوب الخشم البودرة مو حاطينها عدل وكانت اللي مكيجتها اسمها زينب
بس عموما الشدو عجبني بس يمكن لو الوحدة تودي بودرتها احلى والا ما يندرى بعد

من قبل شفت وحدة حاطة صورة ملجتها اظن عند شهناز اللي في وصال وكان حلو

ايييييييييي انا بعد كنت بصالون انسه البحرين احف وحده سمره متمكيجه البودره الله لا يراويج رصاصي على طحين على مدرين شنو هذا مب تجميل تقبيح صار استغفر الله

أنا الشوق;9738266:
انزين انا رديت وبكتب لكم تقرير بسيط عن الحفله

أول شي قعدت الساعه مادري جم :ss: كأن 9 وشي أو 10
واحنا موعدنا عند أشرقت الساعه 11
خواتي راحوا قبلي وانا تسبحت وشلت قشي ورحت الصالون الساعه 12 تقريبا
وتميت شوي وابتدوا في شعري،، اللي سوت شعري نوال والصراحه ماقصرت يعطيها العافيه أبدعت فيني وأهم شي انها تاخذ رايي في كل شي
خواتي سوت شعرهم نرجس ومكيجتهم عبير، وكان المكياج وايد بسيط وناعم لأن فساتينهم بسييطه والحفله بعد صغيرونه

المهم، طلعت من عندهم الساعه ثنتين وشي، ووصلت عند صفاء الساعه 3 بالزببط وكنت أول وحده هناك فأول وحده ابتدت فيني
عاد أول مادشيت حجرة المكياج،، تذكرت...... اني مايبت الفستان وياي :eek::eek: امبييه وجان تييني الصيحه
واتصل في خواتي وامي على الاقل وحده منهم تييبه بس محد يرد :mad:
بس قلت لها اللون وتوكلت على الله
والصراحه تقال،، أنا كنت متوقعة صفاء شي وطلعت شي ثاني تماما
يعني الكل هني يقول عنها انه تعاملها مادري شلون وانها وانها بس طلعت طيبة وحبوبه وتمينا نسولف ونضحك عادي، وتمت تسألني شنو أبي بالضبط واذا مافي اي شي عاجبني بتعدله لي وتعاملها وايد حلو حتى استحيت منها وولا فكرت اني اجوف المكياج عدل واقول لها اذا مب عاجبني شي
وتمينا نعقر على عروسو بعد خخخخ وقالت لي انهم كانوا يبونها حق حفلة يتوم بس ماعندها جانس
المهم، فستاني انا وردي على بنفسجي ومتروس شك فضي فكان الشدو فضي وبعدين تدرجات البنفسجي
وطبعا قلت لها اني ابيه ناعم
ويوم خلصت مني حسيت اني عروس خخخخ شكلي وايد عجبني مع ان في لحظات حسيت ان شكلي غلط،، بس ترى انا كله جذي خخخخخ

المهم، خلصت كل شي على الساعه 4 وشي
ورديت البيت شلنا أغراضنا ورحنا بيت خالتي،، موقع الحدث
حطيت لي صبغ أظافر أوف وايت على شفاف مادري شلون،، لأن مالقيت وقت أروح أركب لي أظافر ،، واللي سألوني عن ان سبا ترى ولا مره جربته

الاكل كان بوفيه من عند سمرقند، أنا ماذقته بس الكل عجبه وتموا يمدحونه
وتوقيتهم والخدمه وكل شي أوكي حتى الاكل زاد شكثره
احنا اول شي كنا نبي من عند كرامي بس عطانا سعر خيالي،،، وبوعلي بعد سيم سيم
بس بعدين رسينا على سمرقند

أما الاستوديو وصلوا الفلبينيات متأخرين ربع ساعه لانهم ضاعوا شوي خخخخ،، هم تصويرهم 3 ساعات وانا خذت بس صور بدون فيديو وقلت لهم اييون من الساعه 10 للساعه 1
وطبعا ماصورت في الاستوديو لان ماكنت ابي خطيبي يجوفني بكشختي وتخترب المفاجأه خخخخ
فقلت لهم اييبون خلفيات وحركات معاهم، بس قالت لي ناخذ 100 دينار زود :rolleyes: فقلت لها بس مابي :o
المصورات عجبوني هم ثنتين واستلموني تصوير لين حسيت اني شخصيه مشهورة جدا خخخخخ ووين ما اروح يلحقوني ويصورون فيني
وخلتني انا اسوي لقطات على كيفي، تقول لي تحركي وسوي اللي تبينه
عاد تميت انا اتدلع شوي خخخخخخ بس المشكله ان كان جمهور قاعد لي فاستحيت شوي :o
بعدين وصل الخطيب ونزلنا مع بعض
وفي وحده من الفلبينيات شكلها انعجبت فيني :dd::dd:
ومابقى مكان في البيت ماصورنا فيه، وكلما سويت شي قالت لي yes yes خخخخ وقعدت لي قعده وتصيدني في حركات عفويه يازعم،، عاد انا اصيدها انها تبي تصيدني :dd: فهموا عاد انتوا
فماتطلع الحركه عفويه خخخ
بس احلى شي ان اخت خطيبي ياتني تقول لي تبين تاكلين شي؟؟ ويابت لي صحن فيه معجنات صغيرونه ويات وقفت جدامي يازعم تغطي علي ههههه وتوني مبكله حلجي الا والفلاش في ويهي :D

ومر اليوم على خير وحسيت ان كل شي طاف بسررعه
وان شالله بعد ماتجهز الصور بحط لكم تقرير عدل، مع اني صورت بالكاميرا بس في أشيا ناقصه فقلت لبعدين احسن :o

وأنا قاعده انتظر قبل لا انزل حق الناس تميت أفكر في يتوم وملكة الغروب
مبرووووووووووك لكم وسبحان الله أحس وايد اشيا انا كلش مب متوقعتها صارت لنا بسرعه

بعد عمري الف مبروك والله يوفقج يارب

موناليزا البحرين;9737653:

اليوم يبت لكم تقرير طلعاتي من يومين:X_hell1:

المهم اول شي رحت توبلي ورحت محل صوب طرداة وشريت زيج حق الدفة إلي بفصلها وعقب على طول رحت جدعلي ورحت محل اسمه السراء يم محمصة الحموي بالضبط وفصلت دفتي عنده ب16 دينار بس وبتجهز هالخميس إن شاء الله:21_86:

وعقبها رحت مجمع الرفاع عشان ابي شنطة سهرة وماحصلت الون إلي ابيه كنت ابي بنفسجي بس ماحصلت غير الذهبي والاحمر والاسود وكلهم مايطيحون على نفنوفي وعصبت ورديت البيت خخخخ:baaa2:

واليوم الثاني رحت مجمع سترة ودشيت ماكس ومافي إلي ابيه ورحت اكسوسوريز وبعد ماحصلت بس حصلت شنطة فضية حلوة وناعمة وتطيح على نفنوفي بس انا خلاص ابي بنفسجي يعني بنفسجي وافتريت المحلات كلهم وماحصلت:down:

عقب رحت مجمع ذي سنتر ورحت الدو وحصلت بنفسجية بس صايرة على لون فاقع ومايناسب وغالية الصراحة ماتسوى
وآآآآآآآآآآآخر شي رحت اكسوسوريز وخذيت الشنطة الفضية ب8.800 فلس بس ماكنت مقتنعة فيها وايد بس احسن من ولا شي والحمدلله :2_106:

وعقب ريلي يقولي تبين عسكريم من باسكن روبنز....انا تشجعت وقلت له مابي ماتدري اني اسوي رجيم قال اها خلاص عيل انا باخذ لي قلت له خذ براحتك :sad:

وقال تبين عشا بنروح جسميز قلت له مابي ابي آلو وجباتي خاطري فيه خخخخخخخخخخ:poster_oops:

اي صح رحت مجمع البحرين ودشيت اكسوسوريز وطلع عندهم تخفيضات 50% والشنطة إلي شريتها صارت ب5 دينار صج قهر:angry:

لوول رجين وجباتي ما يناسب هههههه بالعافيه وقهر سالفه الشنطه

أنا الشوق;9737682:
مساااا الخير بنوتاااااات

شخباركم؟؟؟ من زمان عنكم

طبعا انا ما مداني أقرا اللي فاتني كامل،،، باجر باتفرغ له في المكتب خخخ :sad:

انزين عندي استفسار مستعجل، ابي صالون جريب من السلمانيه حق استشوار عددل
شرايكم في بوردا؟؟؟

ولي عودة بعدين بشبه تقرير عن الخطوبة :o

عروس البحرين

Stylish Girl;9736488:
بناااااااااااااااات

حدي متردده عن سالفه المكياج

من جذي للحين ماحجزت

محتاره بين صابرين و عبير الرويعي ؟؟

عبير انا واثقه انها بطلعني حلوه

بس صابرين اخاف تحط لي شي اوفر

لأن اخترت لعرسي لون الماروني والذهبي

بس مادري بصراحه

وانا مايله لعبير اكثر

انتو اشرايكم؟؟

لا تجازفين واخذي شب واثقه منه مب باي جانس انتي عروس مب عادي

هذيان;9735632:
اي صح ماقلت لكم عن شعري
كان شعري لنهاية نهاية ظهري(6)
وامس قصيته مقطع واقصر قطعة فيهم لكتفي
واطول وحدة لنص ظهري تقريبا
حسيته بالقصة صار حلوو وغليظ :cool2:
ماظل احد في الخطوبة ما زفني على شعري :D
بس وهم يزفوني اني اضحك، لان مستانسه على قصتي:o
من سنين ما صار شعري هالطووول :cool:
خليته مفلول لان فستاني كان كلش سمبل وقصير
ف حسيت الشعر القصير ومفتوح انسب للفستان
المكياج كان كلش ناعم وهادئ حبيته
ومكياج اختي بعد كان حلووووووو (y)
( فستاني: كان بيج وبني \ طقمي: لولو بيج \ اكسسوارات شعري: لولو بيج بس رديت شلتهم :tongue: )












مثل هذا بس بيج



بعدها رحت سكوب مع خواتي وخطيبي علشان نصور
وصلنا ويا اذان المغرب بس تأخرنا في الاستوديو تقريبا ساعة
كانو شكثر عرايس طالعة وعرايس داخله
قعدت اطالع ديزاينات تصوير سكوب شفت ديزاين فيه الشعر يطير
قلت للفلبنية الي هناك ابي هالديزاين وسوته لي
وحسيت روحي بطلة افلام هوليوووود:8884:
صورة 3 صور( صورة شعري يطير +صورت صورة عاادية + صورة مع خطيبي :D)
وبعدها رحنا الماتم ، وتوته توته خلصت الحتوته


.
.

شغل عزيزة حلو بس واجد بطيئة

هههههههه حسيت القصه روعه ربي يهنيج ويتمم افراحكم يارب

يتوم;9733635:
صباح الخير ما ادري الظهر .. المهم انة توني قاعدة من الرقاد وعلى السرير للحين ما قمت هههههههههههههه


ما اقدر اقرأ كل الصفحات اللي طافتني بس بقول لكم تقريري على السريع ...


في البداية ليلة الثلاثة طبعاً كان المواساه مالي ... والحمد لله كان كل شيء على ما يرام ..

ويوم الثلاثاء بديت اجهز نفسي بس ما كنت ادري متى الخطوبة .. ويوم الاربعاء قالوا لي انة الخطوبة يوم الخميس وحدي اعتفست وتخربطت من الزين ...

طبعاً الفضل الكبيييييييييييييييييييييييييييييييييييييييييييييييييييييير جدا جدا حق عروس متفرغة فديتها حبيبتي اللي ساعدتني من قلب ... ( ما بنسى ريلها بعد ساعدني <<< مرووك بتشوتني هههه ) ما عليكم مني لانة ريلها بيت جيرانة هههههههههههههه

المهم يوم الاربعاء طبعا ما داومت ورحت الصبح اكمل اموري والظهر رحت شقة عروسو نسوي السفرة والتوزيعات .. بعدها اهي ردت الدوام وعلى ما اهي في الدوام انا نزلت الصالون علشان اسوي حلاوة ومنكير وبدكير ( طبعا صالون قصر الاميرات ) ما عجبني وايد بس يمشي الحال :)

انزين رحت حفيت في صالون طاهرة ... حفافهم عجييييييييييب عجبني وايد .. حتى عروسو انتبهت لي .

وبعدها رجعت عروسو لي ونتفرفر من بيت الى بيت ههههههههههه اول شيء بيت ابوها وبعدين بيت اختها بس نلم السفرة .. وبعدها رجعنا الشقة وكملنا باقي السفرة الى الساعة 12 بالليل .. حتى خطيبي زفني خخخخ

المهم يوم ثاني كان عقدي الصبح ... والعصر رحت تحنيت ... وشريت لي بعد دبلة من مجوهرات الحسن ... بس نفس الدبلة اللي عاجبتني ..

تحنت في صالون ليان للحناء .. اول يوم طبعاً شوي واصيح لانة مو غامج .. وثاني يوم بعد وثالث يوم اوكي ..

وكملت باقي الاغراض في جدعلي بعد ...

ويوم ثاني يوم حفلتي الصبح رحت ارتب السفرة وموعدي في الصالون على الساعة 11 بس انا ما قدرت لاني بروحي ارتب السفرة ورحت على الساعة 1 الظهر بس الحمد لله كان اوكي ..

رحت صالون العفراء اللي سوت شعري ما اعرف اسمها ... بس اللي حط للي المكياج اسمها ليلى .. بس مكياجها وايد حلو .. وسوت حواجبي نوتي هههههههههههه اول مرة اسويهم جذي بس طلع حلو وعجبني ..

فستاني كان وردي فاتح مع ذهبي .. والتصوير كان في استيديو الماسة في الزنج .. لانة رحنا صحاري وناس وايد ما عجبني ..

الحفلة كانت عائلية وصغيرة جدا جدا ..

وكانت فية ملاية وسوو لي واتريمبوووو ههههههههههههه عجيب ...

وجلوني بعد ما ادري ليش هههه حتى عروسوا عصبت علي قالت لي لا يجلونج بس انا استحي وحدي مخربطة ومو عارفة .... طبعا الحضور اهم ماركووو وامها فديتها الحب وعروسووو شكرا على حضورهم .. ومساعدتهم لي فديتهم ...

وووو بعد بس ما ادري خلصت ههههههههههه نسيت توني قاعدة من النوم ...

وبقوم خلاص لا خطيبي يقتلني .. قاعد يمي ويقول لي شتسوين هههههههههههه

الف الف مبروك وتتهنيين يارب حبيبتي

ام دانيال;9734151:
بنات ابي اعرف وين يبيعون جليسوليد الأحمر
ساعدوني عاد مو طنشون

بكل السوبرماركتات تحصلين

هدير الحب;9732616:
سلام

شخباركم عرايس

بنات ساعدوني

ابي ابدي اجهز حق زواجي

من عقب الامتحانات

الزواج الى الحين ما تحدد متى

بس في الفترة الجاية عقب كم شهر

وابي اشتري اغراض لي من الحين

عشان لا انفغض بعدين جامعة وامتحانات وتجهيز


قلت الحين راح ابدي اشتري

الثياب والعطورات والمكياج

بس ما اعرف شنو اخذ

الثياب اشتري شنو بالضبط

والعطورات من وين اشتري ووين الاقي يناسبون حق عروس

وابي اخذ كريمات ولوشنات بس ما ادري اي نوعية اخذ ومن وين

والمكياج ابي اشتري لي كامل من الالف الى الياء

فيا ريت تساعدوني

كريمات ولوشنات بودي شوب
مكياج عندج ماك وميكب اب فور ايفر وعندج دبنهامز وباريس غاليري ونجمه الخليج والغريب