~'*¤!||!¤`تجهيزات عرايس البحرين { التاسع والأربعين}*¤!||!¤*'~`

مشكورة سمايلي فيدتش ..

لؤلؤة المحرق;9696948:
اييي .. وبعد اتيي ويآهآ هديه شنطه ميك آب .. :D
عليج بالعافيه .. ليش ما عطونيييي:confused: ..
اني شريتها لعيد ميلاد صديقتي اول ما نزلت .. و عجبتني ريحتها و قلت باخدها و للحين ماخدتها .. في العطله بشتريها .. خب احنا عطلتنا الصيفيه كلها دواره بالمجمعات ..

وبالنسبه للدهن العود .. على حسب في نآس يحبون القوي وآآيد وفي نآس لآ عآدي ..

واللي مآشرت خل تجرب هالدهن العود خل نجوف اووكي او لآ .. :wink:

هذيان ..

ايكيا اثاثه كلش حلوو و رخيص .. اني اذا ادخله خاطري اخد كل شي .. الكنبات اوكي يعني مو داك الزود اكيد التنجيد البحريني و المفروشات اللي هندي اقوى .. و محلات الاثاث المودرن مثل اي دي ديزاين و دا ون افضل .. بس يمشي الحال لمعاريس جدد .. و سعره كلش اوكي و نوعا ما رخيص ..

نفس الشي غرف النوم بس غرف النوم احس ما تسوى تاخدينها رخيصه و ترمينها و تردين تشترين و جدي .. دفعي 1000 و انتي مرتاحه بتظل معاج طول العمر .. تقدرين تاخدين ستايلهم و تفصلينه عند نجار هني فالبحرين ..


الله يوفقش في مشروع التخرج و في امتحاناتش و تتخرجين و ترتاحين .. و العطله روحي يوم واحد السعوديه ايكيا و جوفي و حددي اللي يناسبكم ..

في محل في مجمع الظهران القسم الجديد التوسعه مال مفروشات ما اعرف شسمه بس صديقتي راحتها و تقووووول عجييييييييييييييييييب بس اغلى من ايكيا .. و كانه في فرع في الظهران بعد لايكيا ..

حوريه المحرق;9697019:
السلام عليكم
انه افكر اسوي خطوبي بعد رمضان فحبيتكم تشاركوني بآراؤكم...
فكرت اسوي الخطوبه في صالة الدانة اللي في مقابة.. بس ما اعرف اسعارهم
اللي يعرف حق 300 او 400 جم يقول لي؟؟
وعن الحنه اجوف لي حنايه او اروح رشنا؟؟
ومتى الوقت المناسب اللي اروح احجز فيه؟؟

دخلي موضوع تجهيزات ليله الحنا فالبحرين .. في صور حنا بنات بحرينيات وااايد و حلوين .. جوفي اذا عجبش طلبي الرقم من البنات و ما بيردونج .. و اذا عاجبنش رشنا خلاص توكلي على الله ..

و ابدي من الحين حجزي ما باقي وايد عن رمضان و في رمضان حطي بالج بتجهزين لنفسش للعيد و القرقاعون .. و اصلا رمضان كله طلعات و غبقات .. احس الوقت بيمشي بسرعه .. ابدي جهزي من الحين و الخايف خليها لرمضان ..

اذا حددتوا التاريخ حجزي الصالون و الصاله و التصوير .. للخطوبه و للملجه .. الحين و ابداي في الفستان اذا بتفصلين .. جوفي لش موديل دوري على محلات الاقمشه .. يعني ..

مادري انتي شنو طبعش بس اني ما احب الشي حزة الحزه .. في ناس عادي قبل بفتره بسيطه يسوون كلشي مره وحده ..

الف مبروووك افتتاح الجزء الجديد
يارب يزوج كل عاززب وعازبة وعلى رأسهم الترجيه - حبيبة عزوزي - زمن الطفووولة وكل بنت يارب

احلى دهن عود شميته بكل حياتي هو دهن عود سيد جنيد اللي تولته ب80دينار صج تسوى ومستحيل اتتخلى عنه

ترى جربت وايد انواع ومن كل المحلات (العربية-الرصاصي-اجمل-اصغر علي-القرشي) مايوصلون الصراحة لمستوى عود البورمي مال سيد جنيد

وللأمانة عطور الحرمين عنده عود بورمي شميته وخذيت لي وحدة منه وكانت التولة ب1300ريال(130دينار) بس حسافة ضاعت من عندي مالي نصيب فيها وكانت ريحتها في اكمام عباتي لمدة 5أيام

ترى معلومة وموظفة سيدجنيد تقول ان العود البورمي هو اللي يشترووونه شيوووخ ويطلبونه بالتحديد لأنه نادر وغالي وريحته ثابته ماتروووح

a7la_ba7rainia;9697015:

دهن العود حبيبتي

حبيت اسألج عن يسرى ..

تضبط كل التساريح ... يعني لو اودي لها صورة تضبطها

و تاخذ وقت في الوحدة و الا شلون

لان اعرف وحدة هم تسوي حلو و رخيص بس تاخذ في الوحدة اكثر من ساعتين :(

مشكورة سمايلي على ردج..

لا انه ما احب حزة الحزة ابي يكون شي مرتب مو مخربط
بس الواحد اذا يشتغل ماعندها مجال حق شيء
قلت الاول بجوف اسعار كل شيء علشان ارتب من الالف الى الياء
والفستان بفصله في السعوديه.. هالشهر بروح اجوف بس علشان احط في بالي الموديل واجوف الاسعار
والحمدلله اني انه كل شهر اتشرى لي ثياب يعني مابحتاج بدلات وايد لانه معضم اللي عندي يديده..
ويمكن اروح دبي اجهز لي بعد اشياء.. بس انشاء الله يكون عندي مجال اسوي اللي في بالي..
ولاتحرمونه من نصايحكم ومساعداتكم

تسلمين اختي دهن العود
اي لازم احجز من الحين لاني شهر سبعه بسافر وبرجع بعد شهر تقريبا

حبوبة 90;9696087:
السلام عليكم

محل مدهش مال الأكسسوارت في جدعلي وين صاير ؟
وهل في أماكن يبيعون اكسسوارات للعروس بأسعار حلوة غيره وين صايرة ؟

آنا حجزت عند فردوس بس ناس وايد مخوفيني أنه ناعم وما في زهوة ؟
والحين محتارة واحد خصوصا اني دفعت العربون ؟

طرحتي فيها دانتيل من فوق
يناسب تاج والله لا ؟

عرسي 30-6 ( حطوني في اللستة )
بتحنى تاريخ 27 في الليل
هل تحسونه وقت مناسب أو لا ؟

شنو موضة الباقات الحين للعروس ياليت تحطون لي صور ؟

مبرووووووك خواتي أفتتاح الجزء الجديد:D

وعن أختي محل مدهش يصير في نهايه جدعلي يم صالون وصال على ماأعتقد مايضيع أهو لانه صاير على الشارع
وعن التاج يصير تلبسينه بس خلي يحطونها لج الطرحه تحت التسريحه :)

وعن الحنه ليش ماتحنين 28 أفضلج

بتوفيق

دهن العود;9697202:

بالنسبة لي وخواتي سوت لنا حلو

أختي ودت معاها صورة لتسريحة مسويتها من قبل بالرونق

وسوت لها تقريبا نفس الشي بس شوي غير :wink:

بعد عجبني شغلها وكان حلو وهي ترة ما شاء الله سريعة ويدها خفيفة

لا تحاتين

بس ليش ما تروحين لها قبل تشوفين الصور لتساريحها قبل

وتاخذين الصورة معاج

وٍتراوينها بعد يمكن التسريحة اللي ببالج غير

بس اذا انتي تبين الويفي الراقي المبطل تسويه لج بطريقة حلوة وراقيه

لا تحاتين

حوريه المحرق;9697019:
السلام عليكم
انه افكر اسوي خطوبي بعد رمضان فحبيتكم تشاركوني بآراؤكم...
فكرت اسوي الخطوبه في صالة الدانة اللي في مقابة.. بس ما اعرف اسعارهم
اللي يعرف حق 300 او 400 جم يقول لي؟؟
وعن الحنه اجوف لي حنايه او اروح رشنا؟؟
ومتى الوقت المناسب اللي اروح احجز فيه؟؟

هلاااااااااخيتوووووووو عن الحنايه جووفي أحسن ، لانه حنه رشنا غاليه ومايستاهل
وعن الصاله اذا بتحجزينه حجزي من الحين أحسن لانه يمكن ماتقلين صالات خبرج عقب الرمضان الكل يعرس

بتوووووووووفيق :)

حوريه المحرق;9697222:
مشكورة سمايلي على ردج..

لا انه ما احب حزة الحزة ابي يكون شي مرتب مو مخربط
بس الواحد اذا يشتغل ماعندها مجال حق شيء
قلت الاول بجوف اسعار كل شيء علشان ارتب من الالف الى الياء
والفستان بفصله في السعوديه.. هالشهر بروح اجوف بس علشان احط في بالي الموديل واجوف الاسعار
والحمدلله اني انه كل شهر اتشرى لي ثياب يعني مابحتاج بدلات وايد لانه معضم اللي عندي يديده..
ويمكن اروح دبي اجهز لي بعد اشياء.. بس انشاء الله يكون عندي مجال اسوي اللي في بالي..
ولاتحرمونه من نصايحكم ومساعداتكم

زين زين بالبركه و ان شاء الله تتيسر امورج و يصير كل شي على نفس اللي ببالج ..

###

انزين بنات عروس الحلوات بسألكم .. الحين الوحده لين بتنخطب لازم تشتري ليها مكياج جديد و ثياب و عطور .. <<< تحملوني اني اكبر وحده .. و بنات عمي المخطوبين علاقتي معاهم سلام عليكم السلام و تأديه واجب ..

مادري احس يعني الوحده عادة يكون عندها اقل شي عطر واحد .. و اذا مو مخلص لازم تشتري تأجل الموضوع بعد الخطوبه تشتري او تاخد بس واحد جديد .. و الثياب تاخد لها بدلتين ثلاث جدد ما احس لازم تاخد كبت كامل لانه اوردي الثياب اللي لابستهم من قبل المعرس و اهله ما جافوهم ..

مادري شرايكم انتون << علموني .. يمكن اسوي لكم نفس شوااااااقه ..

ايه تدكرت شي .. المعرس جم يعطي العروس فلوس عشان تجهز نفسها من ثياب ملجه و خطوبه و صالونات و هالعفسه .. يعني اني احس و لا 1000 دينار تكفيني :ss:..

بنات اذا عادي و ما فيها شي تقولون جم عطوكم او جم كلفتكم هالاشياء ..

ترا اني نفس عذبه اجهز و اخطط من الحين على الفاضي .. بي عشان وقت اللي يصير الشي اكون عارفه شنو امبي و اخده سيده ما اتغربل ..

فديتج يتوم مبرووووووووك تستاهلين
ونتظر تاريخ خطوبتج:)

شكرا شوشو على ردج

سمايلي اذا بتشترين لاتبالغين بالكميه مثل ماقلتي لاتترسين كبت
اذا انتي مكياجج يديد مايحتاج تغيرينه اخذي الاساسيات من المكياج
وانه ما اعرف جم بيعطيني بس قالي اي شيء تطلبين قولي لاتستحين
بس انه اعرف ادبر نفسي على حسب المبلغ اللي عندي
والعطورات العاديه والخاصه للجسم مهمه.. واذا تلبسين عبايه كتف فصلي لج لو ثنتين زاهين يعني تبين مال عروس..يعني ما اعرف شنو تستخدمين بالضبط

مرحبا حلاوات
اخر تتطورات لليوم
اني تصلت فالرونق وحجزت للشعر فتحية وحيدة كلش مافي جانس عندها
والمكياج فاطمة اللبنيانية انشاء لله على باجر بروح ادفع العربون
شنهو هل اوكي الاختيار ؟؟؟

الذهب اليوم كان 10 دينار بس تخيلو معاضضين خففاف بكم 320 وطقم سبحة وخفيف بعد ب 450 يلله الذهب تستفيد منه الوحدة

وهاذي اخر شي سويته

بروح اقرا الواجب مال جزئين اذا ماتدرون

سمايلي 1000 عاد هههههههههههههههه
قلتها قبلج بس لو كنت بتشرى كل شي حق افتح كبت جديد

شوفي حبيبتي 500-600 واجد تمام
اقل من 500 مابتكفي لان الحين الاسعار زايده طبعا انا اخذت 500 ونقصت شوي بس ماطلبت
وكل شي رحت بروحي بس طلبت المبلغ وقلت ابي اروح السوق بروحي عشان على راحتي
واخذت منه الفستان ودفعت للصالون والحنه وسويت لي دفه وحده لان كان من قبل عندي توه جدد ثنتين
شريت شنطتين بس ونعالتين
والعطر خذيت واحد احتياط عشان الميزانيه وهو جاب لي يوم الملجه هدية عطر
فستان ملجه ماخذيت لبست فستان اختي
اخذت 4 بدلات بس طبعا حطيت زيادة من عندي لان مو مهم البدلات تقدرين تقزرين احتياط باللي عندج او تاخذين ثنتين لي عقب الخطوبة اكيد بتروحين وياه السوق
ولاتنسين ان لما تودين الفستان يوم ثاني يعطونش التأمين يفيد شوي
وسويت الباقه
ومكياج ماخذيت اللي هو مثل العرس يعني كحل وماسكارا و2 روج
وماتذكر شنو لان من 2007 للحين طبعا مابتكفي بس تمشين روحج عليها لعقب الخطوبة تقدرين تروحين معاه لما تتعدل الميزانيه من المصاريف
والاهم ان تحطين لج تخطيط يعني توزعين البيزات تشيلين للصالون وتكتبين كم والفستان وتكتبين كم وكل شي تحددين سعره عشان تعرفين
وكنت لما ارجع من السوق اكتب كم صرفت وكم بقى عشان ارتب باقي الامور بالباقي

كل وحده على حسب وين بتروح مثل الصالون في صالونات سعرها فوق تكلفج 100 وشوي اذا مو 200 وفي صالونات تكفي 100 للشعر والمكياج
وبعضهم يردون لج تأمين الشعر والحشوات لما ترجعينهم وبعضهم لا تدفعين زود للوصلات هههههههههههه
والفستان من محل لمحل يختلف

اتمنى أفدتج
بالتوفيق حبيبتي

مبرووك عليكم يا بنات الجزء الجديد

ربي يهنيكم

ALo0oL;9697601:
مرحبا حلاوات
اخر تتطورات لليوم
اني تصلت فالرونق وحجزت للشعر فتحية وحيدة كلش مافي جانس عندها
والمكياج فاطمة اللبنيانية انشاء لله على باجر بروح ادفع العربون
شنهو هل اوكي الاختيار ؟؟؟

الذهب اليوم كان 10 دينار بس تخيلو معاضضين خففاف بكم 320 وطقم سبحة وخفيف بعد ب 450 يلله الذهب تستفيد منه الوحدة

وهاذي اخر شي سويته

بروح اقرا الواجب مال جزئين اذا ماتدرون

نصيحة لوجه الله
غيري فاطمة اللبنانية
وشوفي لش وحده ثانية للمكياج (y)

حورية المحرق
اذا عندج ميزانيه تكفي وخاطرج بحناها اخذيها
اما الميزانيه ماتسمح لاتضطغين على روحج في حنايات يحنون فن
وتراه يومين ثلاثه ويطير هههههههههههه
والحين عل حسب اللي اشوفه محد يدقق بحنه العروس مثل قبل

بالتوفيق

نصيحة لوجه الله
غيري فاطمة اللبنانية
وشوفي لش وحده ثانية للمكياج (y)

ليش شواخة
انا رفيجتي عندنها وبنت خالتي عنجه ناس واجد يمددحونها ليي لان انا من النوع الي مايحب الثقيل لان مايناسب عليي خوفتيني ولله لان ماعندي وقت ويمكن اسافر وعقب مارجع زواج ولد عمي وعقبه بسبوع زواجي