~'*¤!||!¤`تجهيزات عرايس البحرين { التاسع والأربعين}*¤!||!¤*'~`

أنا كوكتيل عسل;9715933:
مشكوووورة حبيبتي بروح بكرة أشوفه لأنه حرام تخترب الشنطة من جم استعمال وانا صج حابتها

سعيدة بنت ابوها;9708494:
هاذي مكياج فاطمة البهبهاني وعندي رقمها ..انا رحت لها وبصراحة مكياجها روووووووووعة صج صج عجبني

جنة الرضوان;9708806:

بنات اللي تبي فستان للملجه ترى عندي ولونه اوف وايت

شهر 4 شريته من السعودية وسعره 150 دينار

واللي تبي تشتريه ببيعه لها ب120 دينار

والتأجير ب50دينار

وفيهشك بالذهبي ،، وفصوص ملوونه عند الصدر

تحياتي

لؤلؤة المحرق;9716023:





بنآآآت جوفو هند البلوشي .. القنآع والتآج والتسريحه والميك آب كله عجبني ...

وأن شآء الله بآسوي نفس ستآيلهآ في عرسي ..

شرآيكم .. ؟ :o

تهقون أسوي نفس التآج هلون والا أإغيره ؟؟

Moonzy;9708962:
امم وين يصير شيلاتي؟؟بروحي كنت ادور عليه؟:o..في السوق يعني و لا عند الكازينو؟؟

و ايي عرفت وين البيادر مشكوره حبيبتي
وانشاء الله هالمره ما بنغير لان قررنا نسوي ملجة بسيطه عائليه و بعد الاربعين مالها و المشكله بيصير نفس اليوم الي حجزت فيه حق الحفله ف قلت باخره جم يوم لان الناس بتسافر في الصيف و انشاءالله هالمره ثابته..ادعو لي...:)

فنانة Cool;9709189:
أنا ما حطيتوني وياكم في اللستة...زواجي بيصير في 4-7 أخيييييرا"":)
حدي مستانسة وفي نفس الوقت خايفة..

عموما" حبيباتي :21_213:..مبروك القسم اليديد..والله يعطيكم العافية ويهون ويتمم على خير لأحلى عروسات ومخطوبات البحرين...قولوا آميييييييين

وبعدما اعرف وشلون اشكركم :Za_thanx: ..في اشياء وايد..كنت محتاسة فيها وانتو ما قصرتو واياي..بنات البحرين والنعم طيبة وأخلاق وجمال..(عسى ربي يهنيكم)
الله يقدرني وارد لكم جمايلكم علي..

:1_42:

محبتكم

جنة الرضوان;9709247:
بنات اللي تبي تاخذ طقم عطور اللي حق الجسم مثل اللي في البودي شوب


تروح السعودية في محل اسمه


نكتار


عندهم اشياء حلوه واحلى من بودي شوي


عندهم مثلا مخمرية شعر وبودرة لمعة للجسم بنفس ريحة العطر ،، وعندهم بودي سبريه ولوشن وعطر ..الخ


خذيت مجموعه من عندهم اسمها العروس brid ريحتها فانيلا ويخلطون لج معاه عطر بريحة عسل،،


وريحه رهيبه ،، حتى ريلي ين ين عليها .. << وقام يحط له منه :)


يعني انصحكم حق تكونون مميزات روحو نكتار وخلوا عندكم بودي شوب انتوا عرايس مو بنات عاديين ،، فاهميين :)

عروس متفرغة;9709384:
بنات في النهاية كلكم بتقطون كل عطوركم وبتيلسون بس على البخور احسن لكم وارخص

يعني


(رخيص وقوي)

عروس متفرغة;9709409:
تدرون بنات

ان



- أنا الشوق

- ملكة الغروب

- يتوموا


كلهم بكرا ملاجاتهم محفلاتهم

ملجات جماعية ههههههههههههههههه


الله يوفقهم ويسر امورهم

طبعا كانوا من 2007 تقريبا اذا مو قبل اهما بهل المنتدى خالدين فيها يجهزون الاوادم والناس وفي النهاية النصيب تبعهم كلهم في يوم واحد الله يوفقهم اعبال ما نشوفهم كلهم في غرفة الولادة وحدة يطلقون وبيولدون آآآآآآآآآآآآآآآآآآآآآآآآآآآآآآآآآمين يارب بس اتخيل انا الشوق وي هل الطول الى عليها وهي حامل ويتوموا وهي معصلقة وهي حامل كلش ما يركب على هل ثنتنين خخخخخ

بس ملكة الغروب عادي هههههههههههههه

سنفونية حب;9712173:
بنات بسألكم وين احصل قناع مثل هذيلا اللي في والصور .. نفس اللي تلبسه اليسا في الاعلان !!؟؟

احد عنده فكرة ؟ .. مرة شفت في ارتيكل بس كان بايخ حده مو حلو يعني .. وسعره كلش ما يستاهل كان !!

ع ذبة المشاعر;9715679:


اختي شرت شنطه بيضه وصارت سووده من العبااايه

حاولت تنظفها بجميييييع المنظفات اللي تخطر على بالكم

حتى عندنا منظف مشترينه من المعرض عجييييب كل شي ينظف سراميك سجاد طوفه ثياب كل شي يخطر على باااالكم من البقع الصعبه ,, حطته على الشنطه وبعد ما فاد

عاد في النهايه يأست والشنطه جديده وخاطرها تستخدمها بس مو طايقه تستخدمها ولوونها اسوود على قولتها يفشل

شسوووت اخر شي ؟؟

حطت عليها كلوركس :21_131:

وانقلب لوونها اصفر ,,

واخر شي فلتتها ما تستخدمها خسااااره

أنا الشوق;9715741:
صباااح الخير
شخباركم؟؟؟


ماقدرت أقرا الصفحات اللي طافت بس قلت أدش أسلم عليكم
باجر حفلتي والحين بقعد أجهز أغراضي وثيابي وخرابيطي

على الساعه 11 باروح أشرقت حق الشعر وبعدين باروح حق صفاء
وأمس رحت تحنيت عند وهيبه،، والحنا (y)(y) صار جنه رسم


امممم أظافري وايد منرفزيني :( طول عمرهم طوال وعدلين
بس من أسبوع مادري شصادهم :eek: انتحار جماعي :confused: كل يوم واحد ينشلخ أو ينكسر والحين يدي تلوع الجبد
كنت اليوم باروح أركب لي أظافر بس مالقيت وقت كلش
طلعت من الصبح ومادشيت البيت الا من نص ساعه يمكن :ss: فأفكر اني أروح الصبح حق N spa بس مادري متى يفتح :think:

وبسس
الحين بروح أشحن الكاميرا عشان أصور لكم حق التقرير خخخخخ

wish me luck
ودعواتكم

ALo0oL;9715954:
من البحرين الى منتديات عروس
تقرينا الى اليوم في الساعة الثانية ظهرا خرجنا من المنزل متجهين نحو المملكة الشقية السعودية وعلى تمام الساعة 3 نحن في فننسنا
تعبت بس بتكلم عادي عجبوني كم شغلة عندهم من الفساتين عجبتني جلابية يوم الجمعة بروح اخدها
رحت عقب شارع سويكت وعجبوني كم فستان وخصوصا اني مابي شي واجد غالي ناعم وحلو وغير جدي ابي اقتصد وابي اكون ناعمة وعجبني فستان ب 220 ومفكرة اروح اسوي اليي واحد تفصيل مثله بس اذا في واجد جاهز باخده لان احتمال اسافر مع الوالد ملزم اروح معاهم وخصوصا انه هاذي اخر شفرة واني معاهم فالبيت وملزم اورووح ويمكن الاثنين مو اكيد انروح ابي اخلص اموري بتقد 10 ايام وبتمر بسرعة عقبها مباشرة حفلة ولد عمي وعقب حفلتنا يعني ابي اخلص الامور هاذي بسسرعة
بس

أنا كوكتيل عسل;9715980:
أنا الشوق الله يوفقج ويسهل امورج

أهم شي اقري سورة البقرة كاملة بكرة واذا ما قدرتي شغليها وسمعيها

BASHORAH;9716062:

ادري انش تبين تسوي شي حليو وجدي بس

وادري عاجبنش واني مو كاتبه هالرد علشان اتفلسف بس بصراحه

حطي ليش مكياج اخف من هالمكياج بالنسبه لي واجد احس اهني يحطون مكياجات اوفر اوكي معليش ما تبين ناعم سوي وسط حلووو

اما واييد اوفررررررر كلش مو حليو مو لانه اني احب الناعم لا حتى حق زوجش يعني يشوفش كله طبقات وشكلك غير ملامحش غير

وعلى راحتش يعني بالاخير

بس هذي نصيحه مني وسوري اني حشرت عمري شويه

a7la_ba7rainia;9708303:

عمره اهتمام الزوجة بزوجها و مراعاتها له و لظروفه كان شي غلط

و ما اتوقع في رجال بيفكر بهالتفكير و بياخذ الثانية عشان يصرف .. الا اذا كان

مجنون أو قليل اصل انه ما قدر مساعدتج ..

اذا انتي تحسين انه ما يقدر لا تكلفين عليه ... عمرها الراحة ما كانت بالمظاهر

و الصرف ... بس في نفس الوقت لا تعودينه انج تصرفين على روحج بروحج

يعني في أشياء اهو مسؤول عنها و لازم يصرف .. مثل لبسج السكن أكلج

باجر لين الله كتب أغراض بيتكم و عيالج ... لازم اهو يكون مسؤول عنها عشان

لا تشوفينه بعدين يتهرب من مصاريف البيت

اذا العرس بالنسبة لج مو مهم و ما تبين تسوين أو زوجج ما يقدر خلاص

الله يعوضج بالسفر و بالعيشة مرتاحة وياه .. احسن من تنضغطون بالديون و غيره

و خلي في بالج انج تسوين هالشي لانج تراعين الله في زوجج .. و الله ما بيخيب رجاج فيه ان شاء الله

و الله يوفقج حبيبتي