سؤال عن التنظيف بعد الاجهاض ؟؟؟

حبيبتي التنظيف مو شق بطن..التنظيف يكون من تحت حتى مايسون شق بس يدخلون جهاز طويل ويشفطون اللي بالرحم طبعا يكون تخدير كااامل ماتحس بشي.. والعمليه جدا بسيطه ماتاخذ الا ربع ساعه فقط .. طبعا أنا مسويه العمليه لاني حملت بكيس بدون جنين.. الله يرزقني وكل محروم بالحمل السليم الثابت ياااارب....

نفس ما قالت لج اختي ماسة جمال .. التنظيف يكون من تحت بدون شق وبدون جراحة ولا خياطة .. بنج موضعي ولا كامل شي يرجعلج .. بس موضوع ربع ساعة ما تحسين فيها بشي و يرخصونج من المستشفى في نفس اليوم ...

مشكووووووووووووووووووووووورين الله يجزاكم خير .....بس انا فاهمة الكيفية انا قصدي لما يعطونها تحاميل للطلق الصناعي عشان ينزل الكيس (( لو فرضا ما نزل وحده )) هل ممكن تاثر الطلوق اللي بتحس فيها على الرحم لانه مخيط من العملية القيصرية ولا ما ياثر ؟؟؟؟

لا حبيبتي ما يأثر أنا حملت وكنت عاملة قيصري من سنه وشهرين وحملت وبعد مده أكتشفت أن البيبي ما ينمو ومتوقف نبضه فرحت المستشفى نوموني يوم واحد بس حطو لي تحميلة بالليل وعلى الفجر حسيت بمغص والحمد لله نزل كل شئ ولا حسيت بأي شئ مكان العملية.

نسيت أقولك أني الحمد لله ما أحتجت لعملية تنظيف

مشكوووووووووووووووووووووووووورة كثيررررر اختي ريحانة القلوب ....وان شاء الله ربي يرزقج بالحمل الثابت والذرية الصالحة امييييييييييييييييين يا رب العالمين ....

بس ممكن سؤال باي اسبوع عرفوا ان البيبي ما فيه نبض ؟؟؟لاني انا احامل بعد عملية قيصرية وولدي عمره سنة و3شهور وما ادري تجيني هواجس اني بجهض ومررررة خايفة لاني اجهضت من قبل طبيعي وكانت الام ما يعلم فيها الا رب العالمين ....بس هذا قبل ما اجيب ولدي بالعملية والحين مرررة مرعوبة ووالله ما انام من الخوف لو صار شي لا سمح الله شنو بسوي بس الحمدلله انك طمنتيني ان كل شي زين حتى لو بالقيصرية .....ولو انتي في جدة شنو المستشفى اللي رحتي له الله يخليج ..؟؟؟

ادعي لي الله يكتب لي الخيرة الصالحة في هالجنين وان شاء الله يثبت ....