الطلاق أم البقاء , رضا الأهل أم رضا الزوج ؟!..

مروج ومتعاطي !!!

وباعج اكثر من مرة!!

وكذب عليج ماخبرك بالحقيقة عنه قبل الزواج!!!

بعد كذب عليج بنتيجة الحكم!!

اهله استغفلوج لاخر درجة واختاروج الى ولدهم اكيد مابحصلون وحده يستغفلونها!!

اصحي اي حب اللي تتكلمين عنه؟؟

شنو المواصفات اللي تشوفينها فيه وعاجبتج بعد؟؟

غصبا عنه بيحبج وبيتعلق فيج وين يلاقي وحده تقبل فيه اصلا!!

اتركي عنج هالكلام حب وماحب وانتي بعدج صغيره وبتلاقين الاحسن منه

احمدي ربج ان الله مارزقج منه عيال

اسمعي كلام بيتكم هم ادرى بمصلحتج تخسرين زوجك

اسمحي لي مجرم ومامنه فايده وكذاب بعد ولا تخسرين اهلج

اذا باعج مرة ثالثة بتشتكين عند من اهلج مايبونج دستي على كرامتهم وسمعتهم

لا تقولين محد بيدري عنه انه كان مجرم

ابسط شي ربعه يدرون عنه والناس اكيد كلها بتدري منهم

فتحي عقلج واختاري اهلج

تدرين أن خمس سنوات سجن واجد مو لعبة

اصلا انتي بتمر سنة او سنتين وهو مسجون بتكرهينه

بيطلع من السجن وسمعته طايحة في الارض

واكيد بيخسر شغله بقعد بدون وظيفة

يالله عاد يعدين من بيوظفه اذا عرفو انه خريج سجون

وبقضيه تعاطي وبيع مخدرات!!!

تقدرين تنتظرينه مدة خمس سنوات وانتي عايشه مع اهله بدونه؟؟

تقدرين تفارقين اهلج اللي ربوج وخايفين عليج؟؟

بتمر اعياد ومناسبات ماتقدرين تشوفين اهلج وماعندج زوج

متاكده تقدرين؟؟

والقرار راجع لج فكري بعقلج وابعدي قلبج

وضاع الأمل!..;9821369:

ما في أي تطور جديد يذكر في قضيتي

حالياً أنتظر جلسة الطلاق إلي ما بتصير إلا بعد حوالي شهرين

و وكلت لي محامية طلاق

الحياة صعبة بدونه فعلاً

وقاعدة أحاول أتأقلم على الفراق

بس أعاني من صعوبة في النوم لأني دائماً أفكر فيه وأحلم فيه

أنا أخترت أهلي

وما أبغي شي غير إني أنساه

والغريب في الموضوع

أني عاجزة عن كرهه أو حتى إيذاءه .. يا سبحان الله

أشكر كل من تابع موضوعي , ورد علي

شكراً :)

عشرة 4 او 5 اشهر عالاقل اهوون من كم سنة
حاولي قد ماتقدرين قبل لا تنامين تصلين وتقرين قران
ولا تقعد فاضية ماعندش شي
لان هالشي ببخليش على طول تذكرينه:wink:
اذا ماتدرسين ادرسي او اشتغلي

الله يعينج حبيبتي ويصبر قلبج

وضاع الأمل!..;9821369:

ما في أي تطور جديد يذكر في قضيتي

حالياً أنتظر جلسة الطلاق إلي ما بتصير إلا بعد حوالي شهرين

و وكلت لي محامية طلاق

الحياة صعبة بدونه فعلاً

وقاعدة أحاول أتأقلم على الفراق

بس أعاني من صعوبة في النوم لأني دائماً أفكر فيه وأحلم فيه

أنا أخترت أهلي

وما أبغي شي غير إني أنساه

والغريب في الموضوع

أني عاجزة عن كرهه أو حتى إيذاءه .. يا سبحان الله

أشكر كل من تابع موضوعي , ورد علي

شكراً :)

اكييد يا قلبي الا يحب عمره ما يكره ..!
بس الاهم انج تشغلين وقتج ..!

وتاكدي انه ربي راح يعوضج عنه.. بواحد احسن منه مليون مره ..
والاكيد انه اختيار اهلج كان بداية حياه جديده وختيار صح ..!
راح تكتشفين كل يوم يمر انه اختيارش كان صح ..

مافي على الاهل..
الزوج يروح.. ويجي عقب غير ..
بس الاهل هذا اهم عززوه وسند ..

ربي يهدي بالج ويمسح على قلبج ..!
ونسمع عنش كل الاخبار الطيبه ..

قريت مشكلتج وقريت تطوراتها من ردودج صح ما رديت عليج قبل بس وربي دعيت لج

وانتي فعلا سويتي الصح لما اختاريتي اهلج مهما يكون ومهما صدر منهم تراهم عزوة لج ويتمنون سعادتج وعارفين مصلحتج زييييييين


ربي يوفقج و يمسح على قلبج ويصير هالانسان مجرد ذكرى

حبوبة دعواتي لج من اعماااااااااااااااق قلبي

الله يعينك ويصبرك لكن ياختي صلي صلاة الاستخاره قبل كل شي

الخطوة اللي خطيتيها في عين الصح

ان شاء الله تفتكين منه في اقرب وقت

سبحان الله

الله ينور قلبك وعقلك وحسيبك الله رائعتي ....


العتب

وينج اختي؟؟

طمنينا عليج:)

تذكرت مشكلتج وحبيت اطمن عليج ..!!
لانها من اكثر المشكلات الا تعاطفت معاها ..

يارب كل امورج تمام و سحابة صيف وعدت ..
طمنينا اختي عنج ..!!!

وضااااع الامل انا مااقريت موضوعك الى اليوم ,,,

يااارب تكوني تخلصتي من هالوحش ,,,

وتكوني بصحه و راااااااحه ,,,

والله يعوضك بواحد احسن منه يااارب ,,, الي يحبك حب حقيقي ,,, واخلااااااص في حبه ,,,,

املي وقت فراااااااغك ,,, بدخول في تحفيظ القران ,,, او دوره في اي شي ,,, وتروحي ان شاء الله لمكه تسوي عمره ,,, وتريحي عن قلبك شووووووووي ,,,

الله يوفقك ,,,

وطمنينا عنك قريب ,,,

لا إله إلا الله

الله يعينش خيوتي ويصبر قلبش ويقويش

صراحة ما نزلت دموعي على حالي كثر ما نزلت على حالش

حايرة .. ماعرف شقول ...!!

عزيزتى يمكن يكون ردى قاسى شو لاكن لو كنتى تحبين زوجك حب جنونى ما تضحين باهلك علشانة هذا في حال انة مفى مثلة فى الكون على كلامك اللة يهدية وفوق كذا اهلة تخلو عنك بكل سهولة حبيبتى انتى لسة صغيرة واف من يتمناكى الرجال يتعوض لاكن الاهل لالالالالالالالالالالالالالا والف لا الاهل عزوة وسند بكرة ولا بعدة اذا ضحيتى باهلك علشانة وتخلى عنك ويش يكون موقفك اعذرينى







+

يا الله

تألمت جدا" من قصتك 00 من جد حسيت قلبي يتقطع

حاااااااااااسه بموقفك

موقف صعب والله احس البكاء فيني

حبيبتي

استهدي بالله اولا

والجأي لله قبل كل شي 00 استخيريه سبحانه اذا رأى ان في استمرار حياتك مع هالشخص خير كتبها لك

واذا رأى ان حياتك معه شر صرفك عنه وعوضك خير منه ان شاء الله


ثانيا"

ابتعدي قليلا عن مشاعرك وفكري في اطفالكم اللي بيجون لك من هالشخص

فكري بعائلته وخداعهم لك واستغنائهم عنك بعد تضحياتك

فكري بعائلتك !!!

تبين الجد احس موقفك صعب والانتظااااااااااااااااااااااااار اصعب حتى لو استأنفت المحكمه الحكم ال 3 سنوات

ال 3 سنوات عمر انساااان 00

نصيحتي لك

اولا " الاستخاره والدعاااااء


ثانيا" اطرحي على نفسك هذه الاسئله

* هل ستصبرين فترة ال 5 سنوات او ال3 سنوات !!!!؟؟؟

* هل ستتحملين اهله والعيشه معهم ؟؟؟؟

* هل بمقدرتك تحمل البعد عن اهلك وغضبهم عليك ؟؟؟

* هل ستتحملين نظرة الناس لك ولزوجك ؟؟؟

بعد كل هذه الاسئله

*** اذا تنازلتي عن اهلك وكرامتك هل تضمنين هذا الشخص ان يرجع اليك الرجل الصادق الوفي الصالح الذي يستحق ان يكون اب لاولادك ؟؟؟؟؟؟؟؟

؟؟؟؟؟؟



اطرحي على نفسك هذ الاسئله اذا اقتنعتي باجوبتك فاتخذي قرارك بعد استخارة الله سبحانه وبعد طلب المشووووره ممن يملكون الرأي السديد




ااسأل الله العظيم رب العرش العظيم ان يفرج كربك ويختار لك الخير حيث كان ويرضيك به ياااااااااااااارب

انتظر ردك بآخر ما توصلتي اليه

اتمنى ان اكون قد وفقت برأيي

تقبلي مروري

ودمتي بحفظ الرحمن

طمنينا شو صار فيكي وبمشكلتك

الله يعينك

قصتج قصه

انا عندي حكم بس مااقدر اقوله لاني مو عارفه نوايا زوجج هذا

بس نصيحه مني لوجه الله طيعي والدينك

صدقيني بتتوفقين واذا لج نصيب معاه بعد مايطلع بيرد ياخذ بس اهم شي برضا اهلك

لاتسوين شي يغضب اهلك والله بتنقلب السالفه عليكي و بتتعبي حبيبتي

ربي يفرج همك اميين رب العالميين

حبيبتي بصراحة الله يكون بعونك انشالله لكن من رايي انك تفكرين بعقلك شوي انتي وصلتي مرحلة لازم تفكرين فيها بعقلك مو بمشاعرك لان القرار اللي بتاخذينه رح يحدد مصير حياتك طول عمرك يمكن تبقين معاه وتخسرين اهلك ويتحول حبك له الى كرهماتضمنين المعامله اللي بيعاملك بها زوجك انتي اتركي اهله ومعاملتهم فكري فقط في زوجك اظن مارح تتحملين انسان متقلب اليوم يقول احبك وبكرة يقول ما ابيك لانه بيمشي على كلام خواته فانتي اذا انحطيتي في هالموقف رح تحسين بالندم بعدها اذا تخلى عنك ماتدرين وين المكان اللي رح يحتويك لان اهلك متخلين عنك لازم تفكرين بعقلانية انا معك انك حبيتيه وعشقتيه لكن علشان حياتك المضمونة انفصلي لان اهلك اظمن لك من العيشة معاه واذا على قلبك المجروح فيه ناس كثير حبو وعشقوا لكن ظروف الحياة تجبرهم انهم يبعدون انتي روحي لدكتورة نفسية متخصصة صدقيني رح تساعدك انك تنسينه وتطلعيه من قلبك وتعيشي حياتك مثل اي بنت مرت في تجربة وطوتها وطلعت منها حبيبتي ماوقفت الدنيا عليه في اللي احسن منه صدقيني بس علشان حبك له مغطي عيوبه بالنسبة لك ارجوووك فكري بعقلك ولاتنسين انك اذا اتخذتي قرار معنى ذلك انك حددتي مصيرك الحين تصرفي بعقل لان بعدين الدنيا اللي بتصرفك والقرار بيدك مو بيد احد غيرك نصيحتي اعتبري هذي تجربة مريتي فيها ونسيتيها طلعتي منها وانشالله تقدرين تنسين حبك له الله يوفقك ويلهمك طريق الصواب انشالله