كل وحده فيكم خل ادش وتخبرنا......

صباح الخير..

صراحه انا ما خذيت للبيبي اي عطر.. ولا افكر حالياً

يا دوب خذيت كريمات الجسم و سائل الإستحمام .. و مثل ما قلتي اعتقد يكفون.. خاصه ان البيبي بيكون صغير و بروحي اخاف استخدم اي شي غير عن كريمات البيبيز....

انا ما استخدم عطورات لعيالي حتى يوم يكبرون اكتفي بكريم الجسم واذا بمسح شي بسيييط من دهن العود على ثيابهم عقب ما افركه بيديني

انا استخدم عطر من بودي شوب (الشاي الاخضر)
روووووووووووووعه للبيبي
هادئ وريحته نظافه مره

انا شريت لبنوتي عطر اسمه شاهين خفيفة ريحته
ربع التولة بدينارين
ولازم ما نكثر عطر للاطفال
مسحة خفيفة وعالثياب مو عالجسم

يعطيكم العافيه

انا عن نفسى ماراح استخدم اي شي من العطورات وكفايه الكريمات والبودره

حتى عطورات الاطفال راح تكون ضاره بالنسبه لحديثي الولادة

لانه ممكن لاقدر الله بعيد الشر عن كل طفل انه تسبب لهم الربو فالافضل انه مايستخدم اي عطر او رائحه قويه ... وحتى الام يفضل انها ماتحط عطر قوي واذا حطت تبتعد فتره عن البيبي واذا حابه ممكن تحط دهن العود الاصلي الكمبودي ويكون بسييييط جدا ....


واخت كيفي ... بالنسبه حق عطورات جنيد وااااااايد قويه حتى الكبير ماتقبلها كل وقت لانها وايد قويه


للنصيحه فقط

واتمنى من الجميع يتقبل مروري وان شاء الله ماكون طولت عليكم

في بداية الثلاثة شهور الاولى ما استخدم اي نوع من العطورات بل اكتفي بالبودرة وكريم الاطفال لان الطفل

احسه يختنق وما يتحمل الروائح القويه حتى انا احاول اقلل عطووور واستخدم مزيل دوف الكريمي عشان ما

يكون فيه ريحه قويه لان ريحته وايد هادئه وعقب الثلاثة شهور استخدم عطر اسمه سلسبيل اخذه من

المدينه المنوره ريحته تجننن مثل البودره ريحته طفولي مره كل من شمه يسألني شنو اسمه عطر ولدج

حبيبتي اول شهرين لا تحطين للبيبي بالعكس ريحتة حلوة بدون شي وانا شريت حق بنتي وايت مسك من اصغر علي ريحتة حلوووه وهاااااااااااادية وااايد خفيف واذا بتحطين حطي مسحة خفيفة بعد

انا ماشريت اي عطر للبيبي .. بصراحه خايفه عليه من الحساسيه..
الكريمات والبودره احسها تكفي..

أنا سمعت ان جونسون عندهم كلونيا .. تفركينها بيدج و تمسحين على مهاد البيبي بعد الاستحمام .. بدون ما يجيس جسمه ..