عيد ميلاد طفلك!

افا محد رد علي؟؟؟

ماحبيت ادخل بدوون مارد .. بس انا من قطر وماعرف عن الاماااكن .. ومو متزووجه

بس اشووف الهدايا اللس يقدومنها بالاخير .. كيس اعياد الميلاد .. مرسوم عليه دباديب وهل سواالف .. وروحي السوبر ماركت اشتري حلويااات ومن هل سوااالف بيكوون حلو ^_^

اتمنى اني افتدج ولو بشي بسييط

اختي انه اول شي احدد ثيم معين للحفله

يعني شوفي ولدج شنو الشخصيه الي اكثر شي يحبها وسوي كل شي عليها

انه العام بنتي اختارة ستروبيري شورت كيك وسويت لها الكيكه عليها وزينت المكان بزينه و بالونات كلها وردي واحمر
والهدايا بعد متنوعه بس كلها على ستروبيريشورت كيك من خمس دوائر والانوار ومن ابو ريالين الي بالسعوديه خذيت اقلام ومحايات ودفاتر تلوين واستكرات وكلهم حطيتهم في كيس على ستروبيري

ونوع ثاني من الهدايا كان حصالات بعد على نفس الشخصيه

وبزلز على نغس الشخصيه

وبالنسبه للاكل طلبته من كرامي

واني دايم اسوي في البيت ما احب بره

واي استفسار تراني حاظره

مشكورين على الردود

ولازلت بانتظار الرد على افضل مطعم لعيد الميلاد

في عندك مرمريز بعد عندهم صاله لاعياد الميلاد


تقدرين تشترين لهم هدايا من الأنوار او فخر البحرين وهذه المحلات عندهم كل الأفكار اللي تحتاجينها


بالنسبه لافضل كيك عندك ليلو بس سعره غالي واشكاله حلوه


تقدرين بعد تسوين الكيك في باسكن روبنز لو ديريكوين بس بتكون كلها ايسكريم لازم فريزر


في محلات يأجرون شخصيات تقدرين تدورين في الوسيط وتحصلين


والله يوفقكم

مشكورة حبيبتي

بس شنو عن مطاعم الفاست فود لاعياد الميلاد

ديري كوين
ماكدونالدز

حبيبتي انا مره رحت عيد ميلاد بنت اختي يعني وقعدت اهناك علشان ما تزعل مني كانوا يايبن ماكدونلز حق الحفلة كانوا روعه يعني لعبوهم واستانسوا اليهال وبعد كانوا يوزعون بالونات ويرسمون على الوجه و بعد العشى عباره عن وجبه أطفال و بعد كانوا ايبون شخصيات وافضل شي انا كانوا كلهم حريم يعني عادي تفسخين الشيلة


وسمعت عن فرقة اسمها فرقة شمس الأطفال عندي موقعهم بنت اختي حابه تسوي عيدميلادها هاي السنه فأنا سالت عنهم يعني اوكي في تصوير وشخصيات وايبون لج القصر الهزاز و الألعاب الي تبينه وبعد الطاولات والبوفيه هم مسؤولين عنها

اما عن الكيك عندج ليلو أفضل شي بس غالي بس صراحه يسوه
و عندج باكن روبنز و ديركوين و بعد سمعت مايا شوكلت يسوون

اما عن الهدايا فكرة الجيس احسها قديمه و عاديه
ممكن تشترين هدية عباره عن باربي او اي شي بسعر مناسب بكميه كبيرة حق كل المدعوين
وتغلفينها احس بيكون حلو احلى من فكره الجيس

وبعد ممكن تشترين دباديب صغيره بعد كميه تكفي المدعوين من رامز أو خمس دوائر او فخر البحرين يعني رخيص وتثبتين عليه بطاقه مكتوب فيها شكرا للحضور و و لصقي على يده خيشه صغيره فيها حلاوة بيكون حلو و رخيص بعد

اتمنى اني فدتج
واذا تبين موقع فرقه شمس الأطفال
باعطيج اياه

مشكورين حبايبي بس محد يغرف عن باقي المطاعم ومميزاتها؟

مافي ردود :(

موووووووووووووووووووفقه

مشكورة حبيبتي لازلت بانتظار الردود

عرض ليتل سيزر سألت عنه من كم اسبوع

وايد حلو

لازم عدد الاطفال مايقل عن 20 طفل

وكل طفل تدفعين عنه دينار ونص

يكون عندهم مجاني :
برامج حلوه لمدة ساعتين

تصوير فيديو

رسم على الوجوه

العاب ومسابقات

بالونات
بطاقات دعوة

قبعات العيد ميلاد

هدايا

شخصيات كرتونيه

بس من كلام العامله

قالت المفروض كل الاكل من المطعم

ماعدا الكيكه تقدرين تيبينها من بره

مشكورة ام سويرة

ايي سمعت ان الاكل كله من المطعم
بالنسبة للشخصيات عندهم شخصية ليتل سيزر مو حلوة شكلها تخوف الاطفال اكثر من تفرحهم
مادري عن شكل الصالة ماركبت شفتها كان معاي ولدي

احس صالتهم متشابهه

انا اخذت العرض من فرعهم في عراد

والي على شارع البديع نفس المستوى بس احسه اقدم

وفي واحد يديد في الزنج شفت اعلانه بس مارحته