طلعت من بيتي وزاد همي

انا ما احبيت اطلع كده الله يفرج همك وغمك

غاليتي......


قلبي معاك حبيبتي الصراحة اللي قاعد يسويه مهب عدل يعني انتي زوجة لك حقوق الغالية

رتبي افكارك بهدوووء وشوفي ايش اللي تبينه من هالزوج بالضبط وطريقة تفاهمك معاه يعني

هل يتصل احد من اهلك يحترمه ويقدر رايه واعتقد هذا الحل الاسلم واللي يحفظ خط الرجعة

لك او الانتظار بس المشكلة الي انتي فيها يبيلها حل جذري حبيبتي لاتهملينها ترى تكبر

وانتي بتتعبين اذا هو الله يهداه امطنش معليه حبيبتي خذي انتي المبادرة اذا انتي تبين

ترجعين والله يفك ضيقتك ويفرج عنك ويسخر زوجك لك وتبشرينا برجعتك لبيتك


دمتي بخير

يالغالية ربي يفرج همك ويرجعك بيت زوجك ويهديه لك ويسخره لك ويجعل كل ايامكم سعادة وهنا

بس حابة اقول لج شي ارجعي الى رب الكون الي ابد ما يتخلى عن عبده في اي وقت واي مكان واي زمان ولا تغفل عينه عن عباده

حبيبتي بصراحه احس انك كبرتي المشكله واااااااااااااااااايد
يعني اذا كنتي متأكده انه ما يخونك و لا عنده سوالف و خرابيط
فماله داعي تكبرين المشكله هالكثر
اذا كنتوا تحبوا بعض
ارجعي له بدون تردد
كلميه انتي و قولي له يجي ياخذك
يعمري بين الزوجين مافيه كرامه و عزه ........
و تفاهمي معاه
بس انتي و هو
اذا كنتوا تحبوا بعض و متفاهمين في باقي الأمور
نصيحتي لا تخسرينه اهو سترك و غطاك
و لي رجعه
خبرينا بالجديد

والله اانا ماادري شو اقول في مشكلتك ... اول شئ ماكان مفروض تتطلعين من البيت مولية وثاني شئ ماتدخلين حد بينكم ابدا ...وكان لازم تقعدين معاه وتتحاورون لانها حياة مشتركة مايصير يخليج طول الوقت في البيت ومطنشك .... مثل ماقالت الاخوات استخيري الله وارقي نفسك لمدة 3 ايام واكثري من الدعاء والاستغفار... وحاولي تتكلمي معاه وتتحاورا مع بعض في تحديد حياتكم الزوجية ...والله يسهلك امورك ويوفقك الي الطريق الصحيح .. ويهدي زوجك......................ااااااااااامين يارب العالمين(( طمنينا عليج )) بنتظر ردك

انا اقولك كلمي شيخ يتدخل بالصلح بينكم يكلم زوجك ويفهمه وانتي سوي نفسك ماتدرين واستغفري وادعي كثير الله يجمعكم ويصلح شانكم وييسر امركم

الله يفرج كربتك ويرضي خاطرك ..

أسماء زكي الدين;9680181:
عزيزتي الله يهديك

سأكتب لك بصراحة لعلك تفوقين

أولا : أنت لست ضحية أنت سبب المشكلة

فأنتما حديثي الزواج وشخصياتكما مختلفة ولم تعتادا على الصراحة مع بعضكما ... ومع ذلك أنت مع أول مشكلة .. تركت بيتك دون علمه .. ودون أن تخبريه عن السبب وتتناقشي معه لتصلا لحل ...

من جانبه هو : رجع البيت لم يجد زوجته وجدها وقد نشزت عن طوعه وتركت بيته دون إذن وهذه ليست هينة في ديننا الحنيف !!

انت منتظرة إنه يعتذر عن شيء لا يعرفه

وهو - ومعه حق - شايف إنك ناشز فلا يجدر أن يطلب منك العودة


واضح إن أهلك غير متعاوننين ولا يدركون حجم ما وضعت نفسك فيه وبدلا من أن يعيدوك وقتها تركوك ...

وعندما تدخلوا خربوها ...


كبرتوها وهي صغيرة ....؟!


وجودك في بيت أهلك غير مقبول اجتماعيا فلن يتأذى من فعلك إلا سمعتك ... وزوجك وحتى وانت على ذمته وفي بيت أهلك ممكن يتزوج ويعيش حياته وتأتي أخرى تعرف كيف تجتزبه ليلتصق فيها بدلا من أن يخرج ويتركها ..!!


فأمامك حل من اثنين والمفروض تأخير ..

إما أن تحملي نفسك وكما خرجت تعودي لبيتك .. وتكبري عقلك وتحسبي حساب كل خطوة قبل أن تقدمي عليها .. وتَكُفي لعن الملائكة لك .. ويكفيك ما لحق بك حتى ساعتنا هذه من غضب الله عليك ...


أو اطلبي الطلاق واسكني في بيت والدك ...

بصراحه
هذي كلامها عدددددددددددددددددددل
و لا تزعلين منا
بس احنا ما نبي نجاملك
و ان شاء الله تتوصلين لحل سرييييييييييييييع

الله يسخر ريلج لج يا رب
وويوفقج ان شاء الله ف حياتج الزوجيه يا رب

الله يسخر لك زوجك ويهديه ويسعدكم ..

اختي اهم خطوة ما خذيتها ..الحوار مع الطرف الآخر .. لازم كنتي تعرفين الاسباب الي يخليه مبتعد عنك وقليل المعاشره ..على اساس تعرفين تتاخذين الخطوة الثانيه ...

طبعاً شي مو هين على الزوجه انه ما تلاقي اهتمام عاطفي من زوجها ..المشكلة الي يفتقر لها الكثير من الرجال ما معنى ان تكون (الامان والستر والغطاء لكرامة وعزة الزوجة) هذي نقطه لازم تحاولي توضيحن له ..تفهميه بشكل غير مباشر بانه هو انت زوجي ستري وغطائي ومأمني ..انوثتي اشعر بها ليس عندما تشتري لي كل ما ارغب به من ملابس واكسسورات هذه الاشياء كله شكليات وماديه وتتلف مع الوقت .. ولكن ما يتبقى له اثر فيني هو انت عندما ترضي انوثتي ..تشعرني باني مرغوبه ومحبوبه (هذي نقطة )

ومن منظور آخر (هذا حق من حقوق الزوجة ) اذا انت لم ترضيها وتسعدها المراة هي كتلة من العواطف والمشاعر والحنان ..هنا يتكمن معنى الانوثة ..انت كزوج (محاسب من الله ) يجب عليك ان تروي انوثتها ..هل انت رجل اذا كانت زوجتك تنام واهي راغبه بان تروي انوثتها ..الرجال اذا ما لقى من زوجته ما يشبع رغباته حلل له الشرع بالزواج من اكثر من وحده .. لكن المرأة حلاله واحد والله له حكمة في هذا الشي ..

وبالنسبه الى كثرة الخروج من المنزل .. حاولي تجذبينه للجلوس معك بالبيت بطريقة جميلة ..لا تمنعيه من اصدقائه ولكن لابد انه يخصص يوم وواقات لاصدقائه ووقت لك .. اشرحي له انك تفتقدي وجوده بالمنزل وبانك لا تشعرين بالامان من دونه ..حببي نفسك بالي يحبه زوجك يعني مثلاً كان يهوى السياسة اهتمي بالسياسة حتى لو ما تحبيها علشان تشاركيه باهتمامته ..

ونقطة آخر .. يجب ان تحاولي ان تفهمي الاسباب الي تخليه بعيد عنك ..على رغم اهتمامك وعدم تقصيرك له وسبب قلة المعاشره ..قد يكون عنده مشكلة جنسية (ترى بعيد الشر عليك هناك مشاكل جنسية كثيرة عند الرجال مو هينه بعضها علاجها يحتاج لوقت وبعضها بسيط بس تحتاج لعزم ) حاولي تفهمي منه وتفهميه انك على استعداد تحمله مسانده من اجل سعادتكم ..

ونقطه آخرى بعيد الشر عليك ما ابي اخوفك بس قد يكون يحبك بس يمكن عندك عين حاسده ..وفيه ناس تسوي (ربط بين الزوجين )بعيد الشر عليك (خلي حد يسوي لك حروز سور قرانيه تبعد عنك العين )

لي عودة واعذريني على الاطالة ..وجرئت طرحي واتمنى اكون ساعدتك

يا رب يسهل امورك وترجعى بيتك يارب العالمين ويا اختى اصبرى الله معاكى

الله ييسر امورج يارب ويفك ضيقتج
ليش ماتتفاهمين معاه بروحكم اعزميه وكلميه بهدوء او اتصلي فيه وخل يجي بيتكم وتفاهمي معاه وقولي له الي في قلبج لاتخشين شي وخل اهو بعد يقولج الي في قلبه ترى يمكن اهو يشوف شي انتي مو شايفته

واذا مانفع كلمي الوالد او خوج الكبير او اي احد تثقين فيه ويرتاح له زوجج وتفاهمو مع بعض جدامهم وبحضور هالشخص لو مايبي يكمل معاج لاقدر الله او مو مرتاح منج تشوفون لكم حل يرضي الطرفين مايصير تتعلقين جذي

ربي يوفقج ان شاء الله ويهدي زوجج ويسخره لج

بسم الله الرحمن الرحيم

حرام عليكم بنات انتو كذا تزيدو همها زياده يعني لو هي مو ندمانه ومو محصله مشوره عدله ماجت وخبرتكم

اللي صار صااار احيين طلعت من بيت زوجها يعني شو تسوي؟؟

غااليتي ..

عدم التفاهم في اول مراحل الزواج هذي مشكله هينه واغلب المتزوجات يقعون في هذا الخطا ..لان الوضع بينكم للحين مو صافي

للحين كل واحد يبي يفرض رايه على الثاني يعني اهو يبي يبين لج انه اهو صحيح تزوج بس للحين عنده حياته مع ربعه وروحاته وجياته معاهم مابتتغير بمجرد انه تزوج

لان الازواج عندهم عقده من هل الشي وماعليج من البنات اللي يقولون لج ويييييييه ولييييييييش مايقعد معااااااااج وحرااااااام عليييييييييييييييه يوووووووه انا رجلي على طول معي

هذي عطيها اكس من احين ولا تسمعين كلامها لان الرجال مو كذا ويحب الحريه وياخذ راحته وانتي احترمي هل الشي

وما انج فتحتي موضوع الجنس انه مايقرب لج الا مرتبين في الشهر يعني بين لي انج انسانه رومانسيه وحاره .. وتبين تفاعل منه في هذي الحاله انتي لازم تقعدين مع زوجج وتفهمينه انج ودج فيه اكثر وخاطرج فيه وعطيه من هل الكلام .. وانا اظن فديتج انه مايبي يجيب عيال من احين فمن جذي مايكثر جنس معاج
انتي لازم تكلمينه هل انت تبي اولاد احين .. هل مستعد انك تكون اب او لا؟؟ ترا هل الامور تهم
يمكن هو للحين مو مستعد وخايف انه لو صار شي انه ماايكون قدها

عالعموم انتي خلج في بيت اهلج .. وحاولي انج تهتمين في نفسج زياده ولا تفكرين في اللي صار وبلييييييييز لا تخلين احد من اهلج يتدخلون او من اهله يتدخلون كلميه انتي بنفسج مرده بجي وبكلمج وحزتها قولي له انك تبين تقعدين معاه وتشوفيه
واختاري مكان هادي تتناقشين فيه بعيد عن اهلج واهله وقوولي كل اللي في خاطري حتى لو تكتبينه في ورقه علشان ماتنسين شي في خاطرج علشان استحيتي او شي من هل القبيل

وانتمنى لج كل التوفيق

واي سؤال انه حاظره

اقولك شي اتسوينه وانا ادري بنحط فانتقادات اكتيرة
الحل هو كيف ما طلعتي من بيتج ابروحج ردي للبيت ابروحج وبيلقاج فالبيت وما بيقول شي
قوليلو ان شوي كانت اعصابي تعبانة او انا زعلاةعليك اشوي او اي شي
ولا اتكبرين السالفة سويها تافهة وشوفي والله بادن الله اتربحين

ربنا يسهل لك أمورك واوصيك بصلاة الحاجة والتقرب الى الله عزوجل بالدعاء أن يصلح لك زوجك وأن يهديه لك وان يرزقك الصبر علي ومن راى أنك اذا ذهبت اليه وقالت له ان و وحشك وانك بتحبه سوف تزول كل المشاكل بهذا الحب والمودة وتذكرى معى قوله تعالى فيما معنا الايه ومن أياته ان جعل لكم ازواجا تسكنوا اليها وجعل بينكم المودة