الموت

السلام عليكم


انا والموت توالفنا وصرنا صحاب
وباذن ربي ما عاد اخافه ويرهبني

ماله الموت بداخلي تأثير وارهاب
غرق خوفه في نهر عرقي وضرغمني

من كثر جياته ووقوفه قبال الباب
غدى ضيف(ن) على العيدين يعايدني

اشوف الموت يجر بيدينه الأسباب
يمر يحاول.. على انه يهددني

اشوفه في عيوني مع رمعة الاشهاب
واسلم امري لربي واقول اصبر يعوضني

انا وصبري ولا يمكن نكون احباب
ماعاد عليا الصبر يصبر ويتحملني

اشوف الموت صبر في كلمة الكذاب
يقول انه على قوله يصبرني

اسمع الموت نبرة بلهجة الأقراب
ترسل في داخلي افكار(ن) يهددني

اشوف الموت في صفحةمن صفاح كتاب
يحاول يحاول يثببت بها اللي يعذربني

اشوف الموت ريشة في جناح غراب
يبي يقضي على حلمي ويدمرني

يا ناس الموت ما يوفي لو وفى كذاب
لو ما عليه حكم اللاه ما ابتعد عني

صحيح الموت ما يرحل لو عن العين غاب
دوم الدوم موتي في حضني يضايقني



غريم الدنيا