ملف استفسارات بنات مصر للديكور

callypso;10048791:
ناني فيبس
ما شاء الله حاجتك كلها جميلة جدا و ذوقك عالى ، عقبال شقة مصر لما تبقى حلوة كدة

بنات محتاجة مساعدتكم
أنا بعشق المودرن جدا وان شاء الله البيت كلو حيبقى مودرن بس كنت عايزة اخد رأيكو فى أوضة النوم هى ان شاء الله حتبقى شبه الأوضة دى من ناحية الخشب ولونه






بس مش عارفة بقى الحيطان يبقى لونها ايه ، طبعا فى الصورة اللى فوق الدنيا غامقة عشان مفرش السرير الاسود دة
المهم أنا محتارة ممكن لون الحيطة يبقى ايه
كمان كنت عايزة ادخل لون تانى فى الاوضة يعنى أحمر أو أزرق يبقى لون السجادة و تابلو كدة فوق السرير ،أعمل كمان حيطة باللون دة ولا أخليه لون الستاير
كمان عايزة فكرة ستارة مودرن اوى عشان تليق على الأوضة الغريبة دى :wink:
معلش طولت عليكو ،يا ريت تساعدونى و تقولولى حتبقى حلوة ولا ايه
عشان كلة بيتريق على المودرن اللى عايزة أعملو :( ،عايزة أثبتلوهم انو حلو

بصى لو انت هتعملى الاوضة بالوانها كده يبقى لازم تدخلى لون تانى اظن ممكن احمر او روز و بما ان الدنيا سادة خالص ممكن تعملى اللون ده فى حيطة و تعملى حركة او رسومات خفيفة كده على الحيطة اللى هى مودرن برضه فاهمانى و تبقى السجادة و المفرش و اللوحات و كده واخده من اللون و فى فكرة تانية بقى انك تغيرى لون الاوضة تعملية لون غامق و تختارى الوان الحيطان على زوقك يعنى لو عملتيها بنى مش هيبقى فيه مشكله و هتبقى حلوة برضه

redflowerlovey;10048451:
بنات انا عارفه انكو مش حتطنشوني و حتردو على طول ان شاء الله عايزه صور لأوض اطفال تكون حلوه بس مش اللي بتكون عيالي اوي يعني و تكون بسريرين طبعا عشان احتمال اخلي نجار يعملهالي و عايزه اتفرج على اشكالها

شيكو 2008;10046409:
بنات ممكن تقولولى هى ترابيزة الصالون بيتحط عليها ايه يعنى انا جايبه علبه مناديل سيلفر وبونبنيرة ازاز فى سيلفر طبعا دول بيبقوا عليها طيب لحط فى النصف ايه فازة ورد ولا ايه بالظبط وكمان هو مفروض الترابيزة دى يتحط عليها مفرش ولا لا
وعايزة اسالكوا انا عايزة اجيب ترابيزة مودرن لاوضه المعيشه انا عامله فيها ركنه اجيبها منين ومحدش يعرف تكون فى حدود كام
وفى سوال تانى مهم قوى ماما عايزانى اجيب للنيش فى السفرة طقم سيلفر عارفين اللى هو بيبقى صينيه وعليهل براد وسكريه والحاجات دى بس انا حاسه انه لما يتحط فى رف فى النيش مش هيملى الرف فعايزة اعرف هى الحاجات دى بتتحط لوحدها على رف ولو احط معاها ايه لان الرف عندى كبير فحسه انها هتبقى صغيرة عليها انتو ايه رايكوا

حطى فازة ورد عشان تدى بهجة كده شوية للصالون ترابيزة الصالون بيتحط عليها مفرش لانها استيل والمفرش بيزودها فخامة وجمال
انا جايبة بتاعت الانترية 155ج بس من دمياط وموجودة فى محلات كتير جدا بتوع الاثاث بس خدى بالك انهم بيغلوا فى تمنها يعنى هى بتتباع فى محلات فى بنها 450 وب500ج وهى هى لانها اصلا مستوردة لكن جبتها من دمياط نفسها بسعر بسعر اقل بكتير فشوفى كده فى المناصره لانها اسعارها تقريبا زى دمياط

ودى صورة بتاعتى

sally2007;10049564:
حطى فازة ورد عشان تدى بهجة كده شوية للصالون ترابيزة الصالون بيتحط عليها مفرش لانها استيل والمفرش بيزودها فخامة وجمال
انا جايبة بتاعت الانترية 155ج بس من دمياط وموجودة فى محلات كتير جدا بتوع الاثاث بس خدى بالك انهم بيغلوا فى تمنها يعنى هى بتتباع فى محلات فى بنها 450 وب500ج وهى هى لانها اصلا مستوردة لكن جبتها من دمياط نفسها بسعر بسعر اقل بكتير فشوفى كده فى المناصره لانها اسعارها تقريبا زى دمياط

ودى صورة بتاعتى





ودى صورتها

callypso;10048791:
ناني فيبس
ما شاء الله حاجتك كلها جميلة جدا و ذوقك عالى ، عقبال شقة مصر لما تبقى حلوة كدة

بنات محتاجة مساعدتكم
أنا بعشق المودرن جدا وان شاء الله البيت كلو حيبقى مودرن بس كنت عايزة اخد رأيكو فى أوضة النوم هى ان شاء الله حتبقى شبه الأوضة دى من ناحية الخشب ولونه






بس مش عارفة بقى الحيطان يبقى لونها ايه ، طبعا فى الصورة اللى فوق الدنيا غامقة عشان مفرش السرير الاسود دة
المهم أنا محتارة ممكن لون الحيطة يبقى ايه
كمان كنت عايزة ادخل لون تانى فى الاوضة يعنى أحمر أو أزرق يبقى لون السجادة و تابلو كدة فوق السرير ،أعمل كمان حيطة باللون دة ولا أخليه لون الستاير
كمان عايزة فكرة ستارة مودرن اوى عشان تليق على الأوضة الغريبة دى :wink:
معلش طولت عليكو ،يا ريت تساعدونى و تقولولى حتبقى حلوة ولا ايه
عشان كلة بيتريق على المودرن اللى عايزة أعملو :( ،عايزة أثبتلوهم انو حلو

لون الحيطة يبقى ابيض وحيطة وحدة بس تكون رمادي فاتح او غامق والارض تكون نفس لون الحيطة دي
انا شفت ارضيات رمادي في منتهى الشياكة
انما اللون الاحمر او النبيتي ممكن تدخليه في التابلوهات عشان تكسري بيه الابيض والرمادي

وانا رايي انك تدوري في النت على صورة اوضة تشبه بتعتك وتشوفي هما عملين الالوان ازاي وتعملي زيها بالظبط عشان تسهل عليكي

وفعلا المودرن لما بيتعمل صح بيطلع تحفة

RAINBOW2000
نانى

ميرسى على ردكم ، هو زى اللى كنت بفكر فيه بالظبط
انا كدة اطمنت انى ماشية مظبوط :D

بس نانى يا قمر أعمل ايه بقى فى الستارة
مش متخيلاها خالص بشكل ممكن يليق على الأوضة ، كمان اللون يبقى ايه ؟؟

شيكو 2008;10046409:
بنات ممكن تقولولى هى ترابيزة الصالون بيتحط عليها ايه يعنى انا جايبه علبه مناديل سيلفر وبونبنيرة ازاز فى سيلفر طبعا دول بيبقوا عليها طيب لحط فى النصف ايه فازة ورد ولا ايه بالظبط وكمان هو مفروض الترابيزة دى يتحط عليها مفرش ولا لا
وعايزة اسالكوا انا عايزة اجيب ترابيزة مودرن لاوضه المعيشه انا عامله فيها ركنه اجيبها منين ومحدش يعرف تكون فى حدود كام
وفى سوال تانى مهم قوى ماما عايزانى اجيب للنيش فى السفرة طقم سيلفر عارفين اللى هو بيبقى صينيه وعليهل براد وسكريه والحاجات دى بس انا حاسه انه لما يتحط فى رف فى النيش مش هيملى الرف فعايزة اعرف هى الحاجات دى بتتحط لوحدها على رف ولو احط معاها ايه لان الرف عندى كبير فحسه انها هتبقى صغيرة عليها انتو ايه رايكوا

بصي انا عجبني بردو اوي النظام في بيت قرايبنا ده ، هما عندهم صالون مدهب وواحد تاني انتريه صالون اللي هو خشبه بني اوكي، كانوا حاطين بقي علي ترابيزة الصالون المدهب المفرش وعليه كل الحاجات كريستال بس تحفففففففففففة، بونبونيرة كبيرة بالغطاء وفازة صغيرة خالص قصيرة يعني بس فاضية طبعا وعلي الطرفين بقي بتوع المفرش بس عكس بعض يعني بزاوية كده حاطين زي شمعدان كريتال بردو اللي هو بيبقي دراع واحد ده.

وعلي ترابيزة الانتريه بقي، حاطين المفرش وعليه كل الحاجات اللي هي سيلفر في نبيتي، في النص طبق فاكهة كبير ومش فاكرة كانوا حاطين فيه ايهن وجنبه جاردنيرة صغيرة وفيها ورد مجفف وجنبه من الناحية التانية علبة مصحف باين.

بصي بقي عندي حاطة دول، معلش ترابيزة الصالون مش واضحة بالكامل بس مكسلة اقوم اصورها تاني :o

كتكوت يا قمر ماشاء الله شقتك الله اكبر جميله ومتناسقه
كنت عايزه اسألك سؤال بايخ
انتي حاطه في الطرقه رول كده شكل جلد النمر
هو ده موكيت والا سجاد؟
وسعره ايه؟
معلش يا كتكوت بتقل عليكي

callypso;10049740:
RAINBOW2000
نانى

ميرسى على ردكم ، هو زى اللى كنت بفكر فيه بالظبط
انا كدة اطمنت انى ماشية مظبوط :D

بس نانى يا قمر أعمل ايه بقى فى الستارة
مش متخيلاها خالص بشكل ممكن يليق على الأوضة ، كمان اللون يبقى ايه ؟؟

انا متخيلة ان اكتر لون للستارة ممكن يليق هو الكموني مع ابيض

متخيله اللون ؟؟؟

والستاير تكون اللى هي بسيطة اوي اللى بتتركب على جرار وخلاص من غير اي براقع ولا حركات

*حبيبة حبيبي*;10050063:
كتكوت يا قمر ماشاء الله شقتك الله اكبر جميله ومتناسقه
كنت عايزه اسألك سؤال بايخ
انتي حاطه في الطرقه رول كده شكل جلد النمر
هو ده موكيت والا سجاد؟
وسعره ايه؟
معلش يا كتكوت بتقل عليكي

ربنا يخليكي يا قمراية، دي مشايات بس بالمتر، من النساجون بس المحلات اللي واخدة توكيل دي من بره الفروع الاساسية يعني، بس مش فاكرة بجد كان بكام، بس مكنش غالي خالص لأني بصراحة موضوع مشاية الطرقة ده ساعتها عمللي كاللو في دماغي وتعبت لأن كل ما تعجبني حاجة اوي وتمشي الوانها مع الدهانات عندي اسأل بكام يقولولي ارقام خيالية وطبعا لما اضربها في عدد الامتار اللي انا عايزاها الاقيها هتكلفني كتير كأني مثلا جايبة سجادة صوف، فقلت ما هو مش معقول اجيب مشاية للطرقة اغلي من تمن سجادة الصالون عندي ده يبقي حرام بجد، لغاية ما لقيت دي بقي بصي كانت بميات بسيطة اقل من ال 400 بس مش فاكرة والله خالص المتر بكام، هما طرقتين عندي واحدة عرض 80 وواحدة عرض مترن والحمدلله لقيت نفس الشكل بالمقاسين عشان دي بردو كانت ازمة عندي.

تصدقى يا نانى ان الكمونى دة لون حلو و حيليق مع الأبيض و الرمادى
مع ان أى لون ممكن يليق عليهم بس هو حيبقى حلو ، مخطرش على بالى خالص

طب على كدة لون السجادة والتابلوهات يعنى والفازات تبقى نفس اللون ولا ايه ؟
و ياسلام لو تقدرى تجيبى صورة فيها اللون عشان بس أتاكد كمان شكل الستارة لو عندك جاجة تنفع مودرن
أنا عملت زى ما قولتى وشوفت اوض زيها على النت تقريبا هو الجراى فى الحيطان و بيدخلو اللون التانى فى الفازات وكدة
بس كل الصور اللى عندى مافيهاش ستاير كلها شبابيك كبيرة بطول الحيطو ومتسابة كدة
مش عارفة بقى انا أعمل ايه فى شكل الستارة

معلش يا نانى يا قمر تعباكى معايا بس واضح انك ليكى فى المودرن :)

نانى شوفى كدة الستاير دى و قوليلى ممكن اكتر واحدة تبقى حلوة

دى كشكل مش لون



ولا دى



ولا دى



وعلى فكرة أنا عندى شباك مش بلكونة فة أوضة النوم

callypso;10048791:
ناني فيبس
ما شاء الله حاجتك كلها جميلة جدا و ذوقك عالى ، عقبال شقة مصر لما تبقى حلوة كدة

بنات محتاجة مساعدتكم
أنا بعشق المودرن جدا وان شاء الله البيت كلو حيبقى مودرن بس كنت عايزة اخد رأيكو فى أوضة النوم هى ان شاء الله حتبقى شبه الأوضة دى من ناحية الخشب ولونه






بس مش عارفة بقى الحيطان يبقى لونها ايه ، طبعا فى الصورة اللى فوق الدنيا غامقة عشان مفرش السرير الاسود دة
المهم أنا محتارة ممكن لون الحيطة يبقى ايه
كمان كنت عايزة ادخل لون تانى فى الاوضة يعنى أحمر أو أزرق يبقى لون السجادة و تابلو كدة فوق السرير ،أعمل كمان حيطة باللون دة ولا أخليه لون الستاير
كمان عايزة فكرة ستارة مودرن اوى عشان تليق على الأوضة الغريبة دى :wink:
معلش طولت عليكو ،يا ريت تساعدونى و تقولولى حتبقى حلوة ولا ايه
عشان كلة بيتريق على المودرن اللى عايزة أعملو :( ،عايزة أثبتلوهم انو حلو

انا رأيي غير البنات

انا بفضل ان لون غرفة النوم يكون لون هادى وف نفس الوقت مريح

انا بعشق الرمادى على فكرة بس شياه ف غرفة النوم كئيب شوية ومش رومانسي

يعنى انا رأيي تدخلى مع الأبيض اللون الفيروزي

عارفاه اللى هو لازم ازرق ولا اخضر لون البحر كده

زي اللون ده كده بس افتح شوية






ولو حبيتي تعملي رسومات تكون مثلاً فراشات رقيقة


او تدخلى اللون الغشبي مع اللأبيض بيكون روووعة


زى اللون ده






او لون لبني زي ده






يعني الألوان الهادية المريحة دي

والساتير تبقى ستاير مفيهاش ولا براقع ولا اى حاجة

بسيطة خالص حلقات هادية بس قماش ناعم

او ممكن تكون لونين ف بعض ومتشابكين من فوق

زي دي





وصدقيني هتمشي مع المودرن

والسجاد بقى تمشيه مع الألوان اللى تختاريها

ده رأيي المتواضع


ويارب اكون افادتك :)

callypso;10050252:
تصدقى يا نانى ان الكمونى دة لون حلو و حيليق مع الأبيض و الرمادى
مع ان أى لون ممكن يليق عليهم بس هو حيبقى حلو ، مخطرش على بالى خالص

طب على كدة لون السجادة والتابلوهات يعنى والفازات تبقى نفس اللون ولا ايه ؟
و ياسلام لو تقدرى تجيبى صورة فيها اللون عشان بس أتاكد كمان شكل الستارة لو عندك جاجة تنفع مودرن
أنا عملت زى ما قولتى وشوفت اوض زيها على النت تقريبا هو الجراى فى الحيطان و بيدخلو اللون التانى فى الفازات وكدة
بس كل الصور اللى عندى مافيهاش ستاير كلها شبابيك كبيرة بطول الحيطو ومتسابة كدة
مش عارفة بقى انا أعمل ايه فى شكل الستارة

معلش يا نانى يا قمر تعباكى معايا بس واضح انك ليكى فى المودرن :)

اه حاولي الفازات والسجاد مايخرجش عن الالوان دي
وممكن التابلوهات هي اللى تدخلي فيها احمر او نبيتي مع الرمادي وطبعا دول هيكونوا فوق السرير

الفازات خليها بلون خشب الاوضة ابيض واسود

السجاد خليه لون الستارة

والستارة اللى اقصدها تكون عادية زي اللى انا حاطة صورتها في صور شقتي

انا عاملة الستاير عند سيدار

بصراحة حاولت اجيبلك الشكل بصور تانيه بس نفس اللى طلعلك كل المودرن حطينه من غير ستاير عشان كدة فكرت ان الستارة البسيطة العادية خالص دي هي انسب حاجة

انا عملتلك الخط باللون الكموني شبه اللى اقصدة بس اللى اقصده اكتر هيكون اغمق

وحششتووووووووووووونى بجد على السريع كدة ايه رائيكم فى مرتبة الدورا سمعتو عنها ولا لاءء الناس بيقولولى انها احسن من يانسن صحيح ولا لاء؟؟؟؟؟؟؟؟؟؟؟؟

callypso;10050294:
نانى شوفى كدة الستاير دى و قوليلى ممكن اكتر واحدة تبقى حلوة

دى كشكل مش لون






ولا دى






ولا دى






وعلى فكرة أنا عندى شباك مش بلكونة فة أوضة النوم

الستارة الاخيرة دي تحفة كموديل وكالون تمشي معاكي حلو اوي لو لقيتي نفس لون الستارة دة

والكموني اللى اقصدة فيه شبه من اللون اللى في الستارة التانيه

هاى ياجماعه حد شاف السجاد الجديد اللى عند النساجون الحرير ده واسمه جاستين

هاى ياجماعه حد شاف السجاد الجديد اللى عند النساجون الحرير ده واسمه جاستين

المراتب الجاهزة يا بنات احلى ولا القطن ؟

اصل في ناس بتقول انها مش صحية مع انها المفروض انها طبيه