ملف استفسارات بنات مصر للديكور

و دي شويه افكار ممكن تنفيذها سواء بالالموتال او الخشب

















يا رب يعجبوكم

rozyyy;9637675:
لأ عادي تحطي نجفتين مختلفتين -بصي انا عندي ليكي فكرة عملتها عندي والحمد لله طلعت حلوة انتي هاتحطي عند الانتريه نجفة تختاريها عادي تكون طبعا قيمة وتيجي عند جزء السفرة هاتلاقي في نجف مدور كده وكله سلك متشابك ع شكل دايرة ممكن تجيبي 3 دواير منهم فوقا لسفرة - موجودين في سوق الكهربا الي جنب شارع عبد العزيز وانا جبتهم من سوق الكهربا الي في مصر الجديدة ومش غالية ممكن تلاقي الدايرة الواحدة ب 200 او 150 ج

يابنات
بالنسبه لوضع الغساله فى الحمام ولا المطبخ انا عندى بلكونه منشر فى المطبخ فالافضل ليا الغساله تكون فى المطبخ وشقة كيتى كده بردو المنشر فى المطبخ صح؟ ده اللى انا فهمته من الرسمه

لأا ياجمانه ده منور مش منشر:)
ادعولي يابنات انا رايحه يوم الجمعه ان شاء الله اشوف الشقه واتاكد من المقاسات وربنا يسهل ونلحق نخلصها بقى
وياريت تساعدوني ف تقسيمتها واحط كل حاجه فين ف اللينك ده
http://www.forums.3roos.com/t460582.html

بنااات انا من اسكندرية . و عايزة صور نجف حلو ينفع للأنتريه و الصالون .. و لو حد يعرف الاقي نجف حلو في مكان معين في اسكندرية يقوللي .. لان انا رحت شارع السبع بنات و بورسعيد و مالقيتش حاجة عجبتني..
انا الانتريه و الصالون مفتوحين على بعض .. بس انا عاملة كل اوضة منفصلة في العفش و اللون و الموديل و كدا ... عايزة حاجة مش مودرن صرف ولا كلاسيك صرف ..
و ميرسي اوي ليكوا ..

سحر الغموض .. ممكن تطلبي من النجار يقسملك الدولاب من جوة .. على فكرة في دمياط دواليب جرار حلوة .. انا جبت غرفتي من هناك .. في أشكال كتير .. و الدرفة اللي في النص شفت تقسيمات كتير برده .. في بيبقى فيها درجين في الآخر تقدري تستغليهم .. و في بيبقى فيها زي دولاب خشب صغير في الرف الوسطاني و بيبقى واخد نص الرف و بقيت الرف بيكون فاضي .. او يكون فيه أدراج صغيرة .. ممكن تحطي فيهم الأندر وير.. و كدا .. و الدولاب شايفاه هملي برده ..ممكن تحطي فيه رفايع او تحفظي فيه الاكسسوارات و كدا .. انت لو حتعملي عمولة تقدري تقولي للنجار التقسيمة اللي انت عايزاها و يعملهالك .. ابن عمتي عمل كدا و عمل درجين كبار تحت و الرف اللي في النص عمل الدولاب الصغير ده و بقيت الضرفة رفوف عادي... عشان الغرفة صغيرة و ما كانش فيها شيفونيرة .. لكن لو المساحة عندك كفاية و حتجيبي شيفونيرة متهيألي كفاية اوي درجين في الدولاب و خلاص..
و في دواليب شفتها في اسكندرية تجمع بين الضرف و الجرار .. يعني على اليمين و الشمال في ضرفيت بيتفتحوا عادي .. و في النص ضرفتين جرار .. و كانت الأوضة مودرن .. مش فاكرة شفتها عند مين بالضبط بس كان في الشارع الموازي لشارع فرنسا علىما اعتقد .. ابتداءا من المنشية .. الصف اللي فيه موبيليات كتير ده .. و فيه موبيليات شومان .. لو افتكرت العنوان بالضبط حقوللك ان شاءالله ..
انت ممكن تعملي جدران الأوضة روز فاتح أو موف فاتح و حيطة واحدة غامقة .. او تعمليها كلها فاتحة بما ان لون الخشب حيكون غامق .. و ربنا معاكي يا جميلة ..

سحر الغموض .. ممكن تطلبي من النجار يقسملك الدولاب من جوة .. على فكرة في دمياط دواليب جرار حلوة .. انا جبت غرفتي من هناك .. في أشكال كتير .. و الدرفة اللي في النص شفت تقسيمات كتير برده .. في بيبقى فيها درجين في الآخر تقدري تستغليهم .. و في بيبقى فيها زي دولاب خشب صغير في الرف الوسطاني و بيبقى واخد نص الرف و بقيت الرف بيكون فاضي .. او يكون فيه أدراج صغيرة .. ممكن تحطي فيهم الأندر وير.. و كدا .. و الدولاب شايفاه هملي برده ..ممكن تحطي فيه رفايع او تحفظي فيه الاكسسوارات و كدا .. انت لو حتعملي عمولة تقدري تقولي للنجار التقسيمة اللي انت عايزاها و يعملهالك .. ابن عمتي عمل كدا و عمل درجين كبار تحت و الرف اللي في النص عمل الدولاب الصغير ده و بقيت الضرفة رفوف عادي... عشان الغرفة صغيرة و ما كانش فيها شيفونيرة .. لكن لو المساحة عندك كفاية و حتجيبي شيفونيرة متهيألي كفاية اوي درجين في الدولاب و خلاص..
و في دواليب شفتها في اسكندرية تجمع بين الضرف و الجرار .. يعني على اليمين و الشمال في ضرفيت بيتفتحوا عادي .. و في النص ضرفتين جرار .. و كانت الأوضة مودرن .. مش فاكرة شفتها عند مين بالضبط بس كان في الشارع الموازي لشارع فرنسا علىما اعتقد .. ابتداءا من المنشية .. الصف اللي فيه موبيليات كتير ده .. و فيه موبيليات شومان .. لو افتكرت العنوان بالضبط حقوللك ان شاءالله ..
انت ممكن تعملي جدران الأوضة روز فاتح أو موف فاتح و حيطة واحدة غامقة .. او تعمليها كلها فاتحة بما ان لون الخشب حيكون غامق .. و ربنا معاكي يا جميلة ..

مانيا انتي اشتريتي من دمياط؟؟؟ ياترى مودرن ولا كلاسيك
وفي مودرن ف دمياط؟؟
وهو خشب الحاجات بتاعت معرض القوات المسلحة كويس ولا وحش؟؟
واعمل رينج كام للعفش وكام لكل اوده

أيوة يا كيتي انا جبت النوم و السفرة بس من دمياط .. بس انا ما لفيتش في دمياط كتير لان الوقت ما كفاش نزلت يوم واحد بس .. بس في دمياط اللي انا شفته يعني انه مفيش مودرن كتير .. يعني اوضة وللا اتنين بس اللي مودرن في السفرة و النوم ما شفتش مودرن خالص... انا جبت النوم دولاب جرار و كان الشكل الوحيد اللي عجبني في الجرارات . لاني لفيت في اسكندرية عليه كتير .. الميزة في دمياط ان كل محل عنده أشكال مختلفة عن اللي جنبه فعندك تنوع تقدري تختاري.. النوم و السفرة عندي يعتبروا كلاسيك ..
أنا من اسكندرية يا قمر فمارحتش معرض القوات المسلحة .. كنت ناوية اروحه لو ما كنتش لقيت في دمياط حاجة .. و معرفش بصراحة خشبه حلو وللا وحش...
رينج الأسعار ده بيختلف .. يعني انا مثلا جايبة النوم ب11ونص... و السفرة ب 10 و الاتنين دول لو بيتباعوا برة كنت حتلاقيهم ب 24 و 30 الف انت لازم لو رايحة دمياط تاخدي واحد ثقة كدا من اهل البلد عارف الاسعار هناك عشان ماحدش يقدر يغلي عليكي .. الصالون عملته عمولة في اسكندرية ب 6 و شوية و الأنتريه محصل عمولة 4000 تقريبا أنتريه أميريكان.. ده الموبيليا بس .. من غير لسة الستاير و النجف و كدا .. طبعا في اسعار أكتر و في أقل ... المطبخ عندي كلف 4 و هم كلهم مترين بس ..
واحدة صاحبتي العفش كله عندها كلف 40000 واحدة تانية 35 و كدا يعني .. الستاير انا لسة مش عارفة حتكلف كام هشان ما عملتهاش لسة .. النجف شايفة اسعاره حلوة يعني انا جبت النوم 140 و السفرة 300 لحد دلوقت .. فانت انزلي اتفرجي الأول و شوفي الأزواق اللي حتعجبك في الأوض بكام . لان فيه كل الاسعار .. من 8-40الف و الريسبشن من 3-10 و يمكن اكتر ..
ميزة دمياط كمان ان في محلات خشبها مضمون .. انا اختارت الأوضتين و هم خشب أبيض و قلت للنجار على اللون اللي انا عايزاه و دهنهملي و استلمتهم بعد 10 ايام .. بس تكاليف النقل و التحميل و التركيب تقريبا عملوا 1000 لوحدهم من دمياط لاسكندرية .. بس خشبهم حلو ما شاءالله و التفنيش بتاعهم حلو .. بس خلي بالك في محلات اسمها شيماء و أسماء و دول يا إما بيعملوا خشب حلو بس التفنيش وحش يا اما يعملوا تفنيش حلو اوي بس الخشب جوة مش حلو .. ده اللي عرفته و انا هناك .. بقيت المحلات كان خشبهم حلو ..
مش عارفة كدا جاوبتك وللا توهتك .. لو عايزة تسألي عن حاجة تاني .. تحت أمرك يا قمر ..

الف شكر يامانيا كدا افدتيني اوي الحقيقه :)
ادعيلي بقى ربنا يسهل وانزل بقى
والحق اخلص

ربنا يوفقك يا كيتي و ان شاءالله تلاقي كل اللي نفسك فيه .. اهم حاجة ماتضيعيش وقت و الحقي انزلي و اتفرجي عشان تكوني فكرة عن الأذواق الموجودة .. و تقدري تختاري... و لو اي استفسار انا موجودة ..

يا ريت يا بنات ما تنسونيش في صور النجف و الستاير لاني لسة محتاسة و عايزة اختار عشان اول ما نزل مصر الحق انفذ علطول انا فرحي اخر 7 ان شاءالله ...

يا بنوتات ميرسي ع التجمع الحلو ده
اناعندى السيراميك فى المطبخ لونه رمادى فيه ورده صغننه روز و بيدى ضى على روز
اعمل الالوميتال لونه ايه
و لو عملته نبيتى روستيك ادخل ايه فى الاطار فضى ولا روز ؟


و كمان اوضه النوم عندى عايزه اعملها موف فاتح
بس عايزه اعمل فيها حركه سبونج ورا السرير تبقى حلوة ولا فيه افكار جديده
كمان ايه لون الخشب الى يمشى معاها يعنى غامق ولا فاتح ولا ايه ؟ لان اناعاجبنى البنى الغامق بس مش عارفه يليق ولا تبقى غامقه اوى الاوضه

متهيالي لو دخلتي ف الاطار فضي هيبقى اشيك ياقمر

بنات ممكن تيجوا موضوعي ده..او حتى جاوبوني هنا
دي رسمة شقتي



عايزة اعرف الاحسن افتح اودة الليفنج دي ع الريسبشن ولا لا
بابا بيقولي افتحيها واعملي الريسبشن كله ارضيته لون واحد وفيه لمعه...بحيث تديكي وسع جامد مع الاضاءة وكدا
قولولي رايكم ضرووووووووري لان احتمال اروح بكره ان شاء الله اقول لراجل

بصى يا كيتى انا شايفه ان كده كويس مش محتاجه تفتحيها
الريسبشن ما شاء الله حلو و واسع

سويت رونا مرسى يات قمررر على المطابخ كيتى عامله ايه فى شقتك بداتى توضيب ولا ايه

لسا والله ياحبيبة مادو ادعيلي بقى
احتمال اروح اشوفها بكره...قوليلي رايك فوق...افتحها ولا لا؟

manyaa;9658962:
ربنا يوفقك يا كيتي و ان شاءالله تلاقي كل اللي نفسك فيه .. اهم حاجة ماتضيعيش وقت و الحقي انزلي و اتفرجي عشان تكوني فكرة عن الأذواق الموجودة .. و تقدري تختاري... و لو اي استفسار انا موجودة ..

يا ريت يا بنات ما تنسونيش في صور النجف و الستاير لاني لسة محتاسة و عايزة اختار عشان اول ما نزل مصر الحق انفذ علطول انا فرحي اخر 7 ان شاءالله ...

اتفضلي يا جميل