ملف استفسارات بنات مصر للديكور

حبيبة حبيبى ازيك شكلك بنوته زى العسل وشكلنا جيراان ياقمر انتى بتقولى انكم عملتوا مطبخ اختك جمب بيتكم فى شبرا الخيمة نبقى جيران ياقمر ممكن تنزلنا صور مطبخ اختك عشان عاوزة اعمل مطبخ الموتال وعاوزة واحد مضمون وشغله كويس وقوليلى ساكنه فين بالظبط طالما جيران وبليز ممكن اعرف انتى عملتى اوضه نومك فين هى والسفرة واتكلفت كام واخدت وقت اد اية ربنا يكرمك يارب وبجد شقتك تحففففففففففه ربنا يهنيكى ياقمراية:083:

وااااااو يامورو اخر واحده بالذات روووووووعه
انا التي في ممكن احطه ف الريسبشن
ارتب الانتريه كحرف U
والضلع الي ناقص اعلق عليه التي في وحواليه ادراج كدا عليها انتيكات

kitty_kity;11628350:
وااااااو يامورو اخر واحده بالذات روووووووعه
انا التي في ممكن احطه ف الريسبشن
ارتب الانتريه كحرف U
والضلع الي ناقص اعلق عليه التي في وحواليه ادراج كدا عليها انتيكات

فعلا حلوه قوى يا كيتى

بس لما ترتبى الانتريه حرف u والضلع الى ناقص التى فى هتدخلوا منين:01:

حرص L احلى او ممكن تعملى حرف من الu قصير

بنات شوفوا موضوعى ده وادعولى

http://forums.3roos.com/showthread.php?p=11628600#post11628600

kitty_kity;11626552:
هدير ماشاء الله الي منفذلك الاوضة مطلعها جميلة اوي

ميدو واوا
لا كنت بشتريها السنة الي فاتت

بنات انا شفت نجفة كدا على شكل تلات اكواز درة كل واحد بلون
بفكر اجيبها للمطبخ ايه رايكم؟
كانت ب175 باين

ودلوقت عايزة اعمل استفتاااااااء ..كله يجاوب
اعمل الاوضة الاضافي ايه؟ ليفنج ولا اطفال

بصي يا كيتي كل واحد حسب وضعه يعني انت بالزات اشجع معاك اوضة اطفال
لان انتريهك بره مريح وكمان يابنتي لما تجيبي بيبي حترمي طقم الليفنج ولا حتوديه فين
ولو جبتي بيبي وشويه التاني جبتي سرير في الاول وبعدين تجيبي سرير تاني شكل تاني ومنظر تاني عشان التاني ولو اوضة كامله شكلها حلو ولونها حيادي للنوعين..مش تبقى احسن
ولو جالك ضيوق يباتوا يناموا فين
والله بعد الجواز المصاريف بتعلى ماحدش مصدقني اللي بيقولوا حنغير الخشب شوفتي سعره وصل كام اوضة النوم اللي عجباكي كانت ب 8 الف دلوقتي طب لما تيجي بقى تجيبي اوضه بعد كدى تمنها حيبقى كام
لو 11 مثلا تجيبي اوضه ولا تحطيهم في البنك لولادك
والله زي مابقول لك كدى
اخلصي وهاتيها انا بقول لك لان انا متجوزه وعارفه الدنيا ازاي
والولاد بيكبروا بسرعه وفجاه تلاقي مدارس وقرف
فمن دلوقتي انجزي وخلصي التقيل
الاوض البيضه مع الالوان العسل بقى والستاره الجميله ...يعني بصراحه حاجه عشل اوي اوضة الاطفال دي
مس بعيد تنامي فيها انت وجوزك هههههههههههه

صوت العيون;11628142:
بصى دول افكارهم جديده وحلوة اوى ما شاء الله

عسل الاوض دي اوي اوي اوي

بنات ازيكم
مش هلحق اقرا كل اللى فات ربنا يهنى كل واحدة منكم
انا الحمام بتاعى تقريبا 2 و شوية هو مربع البانيو اللى هو كورنر 135*135 تقريبا اخذ زيادة عن نصف الحمام اعمل له ستارة و لا اسيبه من غير ستارة علشان يعطى وسع للمكان؟؟؟

ميدو واوا
انا برده بقول زيك كدا
اوضة الاطفال هتكلفني خشب ومراتب وفرش ..فصعب اجيبها بعدين
انما الركنة يوم ماحب اعمل ركنة سهل يعني
وانا برده هموووووووت على اوضة اطفال عشان اقعد فيها انا ههههههههههههههه

سيما...اعملي ستارة برده عشان لما يكون حد بياخد دش مايبهدلش الحمام
ولو عايزة تدي وسع ابقي لميها :)
او اعمليها بلون فاتح ينور

صوت العيون;11628142:
بصى دول افكارهم جديده وحلوة اوى ما شاء الله

صوت العيون;11627799:
بصى يا جميله

ما شاء الله عليه بجد

kitty_kity;11630473:
ميدو واوا
انا برده بقول زيك كدا
اوضة الاطفال هتكلفني خشب ومراتب وفرش ..فصعب اجيبها بعدين
انما الركنة يوم ماحب اعمل ركنة سهل يعني
وانا برده هموووووووت على اوضة اطفال عشان اقعد فيها انا ههههههههههههههه

سيما...اعملي ستارة برده عشان لما يكون حد بياخد دش مايبهدلش الحمام
ولو عايزة تدي وسع ابقي لميها :)
او اعمليها بلون فاتح ينور

بصى انا الحمام ابيض كله و حائط احمر على ما اتذكر يعنى و الأرضية طبعا ابيض ما انا نفسى اعمل ستارة بس خايفة انها تضيق المكان

kitty_kity;11626552:
هدير ماشاء الله الي منفذلك الاوضة مطلعها جميلة اوي

ميدو واوا
لا كنت بشتريها السنة الي فاتت

بنات انا شفت نجفة كدا على شكل تلات اكواز درة كل واحد بلون
بفكر اجيبها للمطبخ ايه رايكم؟
كانت ب175 باين

ودلوقت عايزة اعمل استفتاااااااء ..كله يجاوب
اعمل الاوضة الاضافي ايه؟ ليفنج ولا اطفال

بتشوفوا النجف الخضار ده فين منين بالظبط
بصى يا كيتى اعملى الاوضة اطفال يا قمر بمقاسات معقولة عشان لو نقلتى شقتك الجديدة يدوبك تحطى الاوضة زى ما هى يعنى تخلى بالك انك ان شاء الله حتنقلى بيتك الدائم او لو انتى شايفة ان الاوضة مش مهم دولوقتى اعملى كورنر ومعاه تليفزيون او مكتبة كليفينج دلوقتى بس اعملى ضلع فيه يتفتح سرير عشان لو حد فجأة جه يبات عندكم وبردك لما تنقلى حتاخدى الليفينج وتحطيه زى ما هو او لو حابة بعد كده تزودى بوفات او كراسى او فوتيه براحتك حسب المساحة طبعا
توهتك ودوختك بس انا شايفة ليفينج طالما كمان هو مكشوف على الريسبشن انت حتعملى فى الاوضة كورنر وبره انتريه مش حيبقوا شبه بعض اوى يعنى حاولى تختارى الموديلات بحيث تدى تنوع واختلاف

seymaa;11629717:
بنات ازيكم
مش هلحق اقرا كل اللى فات ربنا يهنى كل واحدة منكم
انا الحمام بتاعى تقريبا 2 و شوية هو مربع البانيو اللى هو كورنر 135*135 تقريبا اخذ زيادة عن نصف الحمام اعمل له ستارة و لا اسيبه من غير ستارة علشان يعطى وسع للمكان؟؟؟

حطى يا سيما ستارة البانيو وبعدين يا قمر الستارة بتحطيها لما بتكونى بتاخدى شور لان وظيفتها مش بس جمالية لا عملية عشان المية مش تخرج بره البانيو وتغرق الارضية بتاعة الحمام وبعدين بعد الشور ابقى افتحى الستارة حتديكى الوسع اللى انتى عاوزاه وخلاص

نيو لايف
انا شفت النجف ده عندي ف طنطا
صحيح يابنات هو النجف ينفع يتنقل ؟؟ يعني لما اجي انقل شقتي اعرف اخده؟؟

نيو..انا مشكلتي ان موضوع ان حد يبات عندي ده غالبا هيبقى دائم..يعني لو خطيبي سافر انا بقول لماما بدال مارجع انا بيتنا هي تيجي تقعد معايا..او على الاقل نقسم الوقت ..يعني هبقى اقعد ف شقتي معاها كتير
واعتقد هي هتتحرج تبات معايا ف اودتي..كمان اودتي مش هيبقى فيها مكان للمزاكرة

newlife;11630686:
بتشوفوا النجف الخضار ده فين منين بالظبط
بصى يا كيتى اعملى الاوضة اطفال يا قمر بمقاسات معقولة عشان لو نقلتى شقتك الجديدة يدوبك تحطى الاوضة زى ما هى يعنى تخلى بالك انك ان شاء الله حتنقلى بيتك الدائم او لو انتى شايفة ان الاوضة مش مهم دولوقتى اعملى كورنر ومعاه تليفزيون او مكتبة كليفينج دلوقتى بس اعملى ضلع فيه يتفتح سرير عشان لو حد فجأة جه يبات عندكم وبردك لما تنقلى حتاخدى الليفينج وتحطيه زى ما هو او لو حابة بعد كده تزودى بوفات او كراسى او فوتيه براحتك حسب المساحة طبعا
توهتك ودوختك بس انا شايفة ليفينج طالما كمان هو مكشوف على الريسبشن انت حتعملى فى الاوضة كورنر وبره انتريه مش حيبقوا شبه بعض اوى يعنى حاولى تختارى الموديلات بحيث تدى تنوع واختلاف

حطى يا سيما ستارة البانيو وبعدين يا قمر الستارة بتحطيها لما بتكونى بتاخدى شور لان وظيفتها مش بس جمالية لا عملية عشان المية مش تخرج بره البانيو وتغرق الارضية بتاعة الحمام وبعدين بعد الشور ابقى افتحى الستارة حتديكى الوسع اللى انتى عاوزاه وخلاص

ريحتونى خلاص هعملها انا زاى ما قولت انى نفسى اعملها بس خفت انها تعمل ضيق بالحمام

بنات جبتلكم اوض نوم جديده لو حد عاوز تصاميم جديده

ودى اوضه تانيه

السلام عليكم ازيكم يا بنات؟
وزه ربنا يكرمك علي مباركتك ليا ع الشقه
بصي يا ستي النجار اللي عملي الاوض ده في شبرا بردو هو عند قهوة شرف اسمه عماد النجار
هي قهوه شرف علي شارعين واحد كبير وواحد صغير خليكي في الكبير ده امشي فيه شويه لحد ماتوصلي لكشك علي طريقين بردو خليكي الناحيه اليمين وامشي شويه صغيرين هتلاقي مسجد شكله حلو ولسه جديد مش فاكره اسمه الحقيقه هو النجار في الشارع اللي في وش المسجد ده
وبتهيألي لو سألتي عليه هيدلوكي

هو كان عامللي اوضه النوم ب 7 والسفره عملت حوالي 8 والصالون 7 والليفنج حوالي 4 بس الاسعار دي كانت السنه اللي فاتت عامتا لو ربنا كتب نصيب وروحتي له فااااااااااااااصلي
دي كمان صورة الصالون




اللي هو تنفيذ ده

بس انا بتاعي ايدين الكنبه مفتوحين شويه وده الاختلاف في الموديل



وده الليفنج






اما مطبخ اختي انا ماعنديش صوره ليا الحقيقه
بس هو يشبه ده اوي بس بتاع اختي اصغر



وعامتا بتاع الالوميتال اسمه عطا انتي لو عارفه فين شارع 10 في عزبة عثمان قرب سينما الاهلي لو وصلتي صيدليه اشرف وسألتي فين عطا بتاع الالوميتال هتلاقيه في وشك يعني تدي ضهرك للصيدليه

كيتي تسلمي يا قمرانا شايفه ان الاوضه دي تتعمل ليفينج او انتريه مودرن ويبقي الكنب بتاعها بيتفتح سرير
لسبب ان الكنب ده مش هيخسرك وبعدين لو حد جه بات عندك يعرف ينام والصبح الكنبه تتلم عادي.. وان شاء الله لماتنقلي شقتك الملك ابقي اعملي اوضه اطفال لو في مكان ولما كمان ربنا يرزق بطفل ماتكركبيش نفسك ع الفاضي وتصرفي مصاريف مش وقتها صدقيني هتحتاجي لكل قرش قرب الفرح لان الجواز بجد بيتكلف كتير,, اوعي تزعلي مني
شوفي دول
























شوفتي الفكره دي

ودى سفرة

اشرى;11618899:

حب كنتى سالتينى على لون المكتبة بصى انا كنت هعملها نفس اللون الى فى الصورة بس النجار بيقولى اعمليها لونها احمر(( مش احمر اوى احمر غامق قريب من النبيتى))

انتوا اية رايكم ياريت تقولولى كلكم
واهى صورة سرير الاطفال

السرير دة هو الى عاملة على فكرة
النجار مصمم على اللون الابيض وانا كنت عايزة اعملى اللون الخشبى وبدل البستاج اخمر او اى لون
النجار كدة روش بصراحة وهو ما شاء الله سنة صغير فتحسية متابع يعنى بيقولى الابيض بينور وبيوسع وعايزنى اعمل المكتبة لونها احمر والمربعين الاتنين دول الى لونهم بستاج اعملهم احمر
انتوا اية رايكم ؟؟؟؟؟؟؟؟؟

انا فكرت انى لو رسيت يعنى على اللون الاحمر احطالاستيكر دة من فوق كدة من عند السقف

مستنية رايكم كلكم

الاوضة تحفة يا اشري واللون الاحمر جميل بس رايي انك تخلي المكتبة بصي فيه لون بيبقى بلحي غامق اوي حيبقى حلو وخلي الروم احمر في ابيض ومبروك مقدما

lolagalaxy;11625423:
النجف دا اللى على شكل خضار و فاكهة انا شفتو ارخص من كدة فى العطارين و هناك فيه فصال كمان بس انا مجبتش منو جبت حاجة تانية لفى فى حارة سردينة فى العطارين الاول و لو عايزة اى حاجة انا موجودة يا قمر

طيب كويس انك قلتيلي يا جميلة، قبل اما اجيب هروح هناك و اكيد هكلمك وياريت نتقابل في بوم كمان ان شاء الله

الحب هو الحياة;11625615:
ابعتلى عنوان ورقم تليفون بتاع الستاير ياقمر

وميرسى ليكى ياقمر وانا لقيت فى المنشية فى شارع نوبار نزلت فى كام محل موديلات النجف ده

سوري يا توتي انا مش معايا رقمه، هو بين البيطاش والهانوفيل عند شارع مشهور اوي اسمه خيرالله واسم المحل دانتيلا، وعلى فكرة شغله حلو، صاحبتي اهلها عاملين براقع وحاجات والشغل طالع كويس

قوليلي فين شارع نوبار دة

kitty_kity;11626552:
بنات انا شفت نجفة كدا على شكل تلات اكواز درة كل واحد بلون
بفكر اجيبها للمطبخ ايه رايكم؟
كانت ب175 باين

شكلها حلو اوي انا شفت زيها برضه هنا، بس خدي بالك اضاءتها مش بتكون واضحة اوي عشان الالوان اللي في الاكواز فلازم تكوني حاجة اسبوتات في السقف

مريم ءادم;11627288:
سمسم يا قمر العجمى بعيد قوى ده انا من ميامى:037: دعبسيلى مخك تانى كده الله يكرمك وقوليلى حد قريب شويه ومش لازم 3.5 انا مستعده ادفع لحد 10 جنيه بحالهم بس الاقى

والنجف ده هتلاقيه فى العطارين ارخص من كده يا جميل حاولى تجيبى من االعطارين وعلى فكره الاشكال هناك تحفه ونضيفه قوى وكل حاجه موجوده

ربنا يخليكي يا ميمو يارب، هنزل العطارين واتفرج ان شاء الله، وهحاول اسالك والله على حد قريب منك وان شاء الله ربنا يكرمك وتعملي كل اللي نفسك فيه

طيب يا كيتى ما هو انتى كده محتاجة سرير او كنبة سرير او كورنر جزء منه يتفتح سرير انا رأى انك تعملى ليفينج بسيط كورنر ومكتبة وحيكون مختلف عن الانتريه اللى بره ان شاء الله وبعدين لما تنقلى وربنا يرزقك بالذرية الصالحة تبقى تعملى اوضة اطفال كاملة حسب المقاسات الجديدة عندك هناك وبالتوفيق

kitty_kity;11630839:
نيو لايف
انا شفت النجف ده عندي ف طنطا
صحيح يابنات هو النجف ينفع يتنقل ؟؟ يعني لما اجي انقل شقتي اعرف اخده؟؟

نيو..انا مشكلتي ان موضوع ان حد يبات عندي ده غالبا هيبقى دائم..يعني لو خطيبي سافر انا بقول لماما بدال مارجع انا بيتنا هي تيجي تقعد معايا..او على الاقل نقسم الوقت ..يعني هبقى اقعد ف شقتي معاها كتير
واعتقد هي هتتحرج تبات معايا ف اودتي..كمان اودتي مش هيبقى فيها مكان للمزاكرة

اه النجف ينفع يتنقل بس اهم حاجة يبقى بحرص عشان ما يبوظش
انا مشكلتى انى مش عايزة حد ييجى يبات معايا و خطيبى عايز يجيب سرير عشان لو مامتو و بباه جم و هوا مش موجود و مامتو تنام جنبى و حمايا ينام فى السرير :01:
و انا بجد الموضوع دا مضايقنى لانى مش بحب انام جنب حد