ملف استفسارات بنات مصر للديكور

بصى انا من اسكندريه
وحوريكى الصوره بس يارب القيها

shimo ahmed;11483379:

ازيك ياتميمه عامله ايه ياقمر
الشفاط انا جايباه من بى تك والله بس ب 710 جنيه ومقاسه كبير على بوتاجاز خمس عيون كبير يعنى مش صغير وماركه ايطالى كمان واسمها بريمير ياقمر
وبفلتر يعنى مش هاكسر ولا حاجه فى الحيطه يادوب تعملى مسمارين ويتعلق
وخلاص بى تك فيه حاجات غاليه وحاجات كويسه اوى
انا اشتريت من عنده الشفاط والتلاجه والشفاط نفس اللى انتى حطاه فى الصوره التلاجه بقا تحفه بجد
واى خدمه ياقمر ويا احلى بنات

ناني فيبس;11477932:

نانى عايزه اعرف اول صوره ده فرن كهربا ولا ميكرويف ؟؟

وتانى صوره البوتجاز ده نوعو ايه وسعره ايه بالمصرى

اصلى عايزه اجيب واحد زايه ومعرفش عنه اى حاجه ههههههههه

shimo ahmed;11483798:

ازيك تميمه انتى كمان وحشانى انا شقتى لسه هابدا فيها بعد عشر ايام بس هادهنها وهاركب سيراميك والشبابيك والابواب وبس وهاننزل نجيب العفش فى يوم جاهز ادعيلى نخلصها على خير انا سمعت ناس كتير بيقولوا مش هتاخد وقت لان مش هانكسر الا حيطه واحده وبس قالولولى الشقه كده تاخدلها شهر مش عارفه ممكن ولا ايه ادعي لاختك كتير

mariam87;11482133:
بنات هو الغساله ليه بتحطوها في المطبخ؟؟مش المفروض في الحمام؟؟
اصل لاحظت كده في صور بيوت و كمان كذا بيت من بتوع اصحابي بشوف كده

ايوة ياقمر لان اغلبية الحمامات بتبقى مساحتها صغيرة ويادوبك يبقى فيه بانيو وسعات يبقى مفيش مكان ليه اصلا:037: فالكل بيحطها في المطبخ وبيعملوها صرف في المطبخ لكن لو ربنا موسعها عليكي في الحمام حطيها في الحمام طبعا

lekaa139;11477522:
انا ان شاء الله كمان عاوزة اعمل ارضية المطبخ نفس ارضية الريسبشن لانة مفتوح علية

لكن الحيطان عايزة اعملها شيء يمشي عليها ومش يبقى شكل المطبخ مش حلو

انا هنا اغلب المطابخ بشوفها بيكون حيطة عادية بدون سيراميك في امريكا

بس دة مش هينفع عشان البقع وكدة صعب علية

لو حد عندة صور وافكار ينزلها


دي شوية حجات من الستايل اللي بيعجبني

دي انا مصورها هنا





والباقي دة بقى من النت



دي عاجبني اوي دولاب الفضية بتاعها موووت




















عجباني اوي ترتيب القوضة دي وكل شيء فيها




يابنات بليز اللي بيلفوا دلوقتي على موبيليا ليهم

اللي يشوف حجات شبة دي يقولي محلات عشان اجمع ليستة عندي

:040:

الاستايل ده اكتر فى امريكان فرينتشر

ناني فيبس;11477932:
:085::085::085:موتيني من الضحك معلش كان عندي وحدة صاحبتي امبارح وطبعا معرفتش اعمل اي حاجة ولا ادخل على النت

اول مطبخ دة عاجبني اوي

والتاني دة لون مطبخي القديم وبحب اللون دة بردوا

ودة مطبخي الجديد هو اصغر من القديم بس مريح نفسيا اكتر مش عارفه ليه


بس المطبخ فاضي لسه مركبتش فيه اي حاجة من الاكسسوارات بتعته كلهم لسه في الكرتونه في المخزن

المخزن دة اختراع عظيم انا بفكر اقفل تحت السلم في شقيتي في مصر واعملها مخزن ؟


























الصورة دي من برا من الريسبشن









كمان لو تخدي بالك انا مطبخي حيطة عاديه مش سيراميك حاطين السيراميك بس بين الارفف اللى فوق واللى تحت بس وتحسي انها مفيش فرق بين الجزء الحيطة ولجزء السيراميك

مبروك عليكى الشقة الجديدة وان شاء الله يكون وشها حلو عليكى وربنا يسعدك فيها
المطبخ جميل اوى ولونه فعلا عامل وسع وعاجبنى التصميم لانى حاعمل زيه لان المطبخ عندى صغير ومفيش قدامى غير ارفف علوية
ياريت الشقق كانت عندنا بالمطبخ :085:
بس حاخد رايك فى حاجة وبرضه اراء البنات
لو عملت ارفف ازاز اعملهم زجاج مصنفر ولا مقلم ؟

مريم ءادم;11478872:
ازيكم يا احلى عرايس
انا تانى ومحتاسه تانى
بصوا بقى اجب عن الاسئله الاتيه
اولا اعمل انهى ستاره من دول لبلكونه الرسيبشن الذى يحتوى على ركنه باللونين البنى والبستاج (الاخضر الفاتح)

كنت عايزه اعمل دى للبلكونه واعمل خداديتين من نفس القماش للركنه بلون قماش يليق على الركنه يعنى

ولا اعمل دى بقماش تانى خالص غير بتاع الخداديات والوان برده تليق على الركنه



وكده الغى فكره الستاير لون الخداديات؟؟؟؟ ولا ينفع اعمل الطرحه بتاعه الستاره دى لون الخداديات والى تحت شيفون خفيف؟؟؟

طيب لو حد عنده حاجه مودرن للطرقه يورهالى؟

بنات اسكندريه العسولين بقى قولولى منين اجيب قماش للركنه؟؟؟ لو تعرفوا محل كويس كده واسعاره حلوه وقولولى بكام سعر المتر كده للركنه وللستاير؟؟؟
منين اجيب سجاد ماك؟ وايه احسن فرع للنساجون اسعاره حلوه يكون قريب من فيكتوريا كده ؟

اعملى الستارة الاولى
بالنسبة للقماش روحى الساعة كرموزاللى قبل عمود السوارى وكمان فى المنشية والعطارين بس دورى كويس وفصلى معاهم وقماش الركنة الافضل له الشانيليا
النساجون فرع سيدى بشر حلو جدا
واسمع ان فرع النساجون اللى على صف كارفور كبير وفيه كل حاجة يعنى مجمع لكل الفروع وهو4 ادوار
بس للاسف مروحتش بصيت فيه خالص رغم انه جنب كارفور

اشرى;11479796:

دة شغل واحد اسمة محمد النجار

جروب بردو على الفيس بجد يا عيال شغلة حلو اوووى
انا مليش دعوة بقا عايزة اغير عفشى كلة بقااااااااااا
بس خلاص طبعا النجار بادئ من بدرى فييييييييييييييية
الصور اهى يا بنات بجد شغلة جميل
اتفرجوا وادعولى ان ربنا يصلحلى الحال ويريح بال امىىىىىىىىىىىى
بالله عليكوا ادعوا لماما ان ربنا يديها الصحة ويريح بالها يريح بالها

اللوحة دى بردو هو الى بيعملهم بس انا مش فاهمة هو نجار ولا ديكور ولا ستاير ولا فنان
دى مكونة م 3 لوح 50/100 سعر المجموعة 350 ج

ودى ب150 ج

ابعتلى اللينك يااشرى
والبوفيه ده عسل اوى عاجبنى جدا افتكاسة والكرسى كمان ظهرة لذيذ

اشرى;11480062:

اميرة رديت عليكى بصى على لوحة التحكم بتاعتك فى التقيمات

بصوا يا بنات الصور دى بردو لشغل محمد النجار
بجد افكار تجنننننن

ربنا يسعدك ياجميل ويخليلك مامتك يارب

mariam87;11482133:
بنات هو الغساله ليه بتحطوها في المطبخ؟؟مش المفروض في الحمام؟؟
اصل لاحظت كده في صور بيوت و كمان كذا بيت من بتوع اصحابي بشوف كده



ولا يهمك يا قمر:083:
هو الدوكو ده في منه الوان ولا ده ايه انا معرفش:094:

عشان المياة بتكون كتير فى الحمام وده بياثر على برومة الغسالة فالافضل تكون فى المطبخ والصرف بتاعها بيكون دفن

emoosmsm;11482680:
ماهو اصلا يا ناني معتقدش ان فيه حاجه كلهااااااا زان

عادي بقى انا قلت اقولكم ع النجار قاله عشان كل وحده برده تبقى عرفه هي هتعمل ايه

الكلام ده اعتقد مصبوط لان حتى اوض النوم الارفف بتاعتها بتكون كونتر

shimo ahmed;11483798:

ازيك تميمه انتى كمان وحشانى انا شقتى لسه هابدا فيها بعد عشر ايام بس هادهنها وهاركب سيراميك والشبابيك والابواب وبس وهاننزل نجيب العفش فى يوم جاهز ادعيلى نخلصها على خير انا سمعت ناس كتير بيقولوا مش هتاخد وقت لان مش هانكسر الا حيطه واحده وبس قالولولى الشقه كده تاخدلها شهر مش عارفه ممكن ولا ايه ادعي لاختك كتير

انا شايقة انك ترتبى نفسك ان شغل العمال حيخلص فى مدة اطول من شهر يعنى تديهم براحهم لان العمال دول فقر بجد وعندهم طولة بال انا مس بعقدك بس بنور بصيرتك لانك لازم تحطى احتمالات لكل حاجة

الحب هو الحياة;11484579:
بس حاخد رايك فى حاجة وبرضه اراء البنات
لو عملت ارفف ازاز اعملهم زجاج مصنفر ولا مقلم ؟

ازيك ياتوتي بالنسبة للمطبخ خليه مصنفر كله القزاز عشان يعني بيكون افضل لو حاجة اتكركبت منك او الدولاب سعات يبقى زحمة ميبانش اوي انتي حتعمليه خشب ولا الموتال؟
ومتعرفيش اجيب شفاط اللي فوق البوتجاز منين في اسكندرية

شوفى ياقمر اعملى ازاز المطبخ اللى هو مش يبين اللى جو اشيك وممكن تعملى رسومات عليه انا عامله كده فى مطبخى استنى انزل الصوره بس يارب تكون باينه

ريرى الشفاط هاتيه من المنشيه الناس اللى عند فندق امون بتوع الاجهزة اللى بتنزلى بسلمتين دول
وسعرهم جلوة ورخيص

طيب هو الشفاط ماركته ايه يارشروش وهو القزاز المرسوم ده سعره غالي اغلى من القزاز العادي وميرسي ليكي يا قمر

ريري_84;11484606:
ازيك ياتوتي بالنسبة للمطبخ خليه مصنفر كله القزاز عشان يعني بيكون افضل لو حاجة اتكركبت منك او الدولاب سعات يبقى زحمة ميبانش اوي انتي حتعمليه خشب ولا الموتال؟
ومتعرفيش اجيب شفاط اللي فوق البوتجاز منين في اسكندرية

ازيك ياقمرة عاملة ايه
ميرسى ياحبى على ردك واهتمامك
المطبخ حاعمله الومتيال ان شاء الله
الشفاط حتلاقى فى كارفور وفى بى تك وفى محلات المنشية شارع النصروالمحلات اللى عند الفندق زى ما رشروش
الشفاط فيه ماركة بريمير ايطالى وولو مصرى يبقى تنوشيبا

رشرووش;11484617:

الحب هو الحياه

شوفى ياقمر اعملى ازاز المطبخ اللى هو مش يبين اللى جو اشيك وممكن تعملى رسومات عليه انا عامله كده فى مطبخى استنى انزل الصوره بس يارب تكون باينه

تسلمى ياسكر على الرد ومطبخك جميل جدا
طيب تكلفة المرسوم بتكون فى نفس الرينج الزجاج المصنفر ولا اعلى؟

والله ياقمر النجار هو اللى كان عامل كله الازاز بالرسم يعنى هو ازاز وهو راسم عليه بلانابيب الالوان عارفها

والله ياريرى انا مش فاكره الماركه بس هو ايطالى وكان 650ج اللى هو فى الصوره ده

medowawa;11477504:

بصي موضوع المنشر ده هاتي اللي انت مرتاحاله نفسيا وروحي شقتك وبصي بنفسك,,,يمكن تحسي ان في واحد فيهم احسن اكتر من التاني بالنظر كدى
وبالنسبه للشمس مانت اوضة الليفنج فيها شمس بردوا تبقى كويسه جدا لو اخترتي منشر ولو بلكونه شوفي تكلفتها كام واحسيبيها كويس
انا معاك انك تستغلي اكبر قدر من الشمس والغساله بتطلع الغسل الابيض هو اللي سخن لكن انت مابتغسليش حاجه تانيه غير بالساقع وفي حاجات دافي لكن درجة الحراره اللي تقتل الميكروبات دي عاليه جدا عشان مش حنبوظ هدومنا عشان نطهرها والتراب اصلل مابيلحقش لان مش حنسيب الغسيل غير يوم او يتلم بليل,,والغسيل مش حيطول معاك لان الفول اوتوماتيك علطول بتخلص الموضوع
في حاجات بقى مش بتنفع تتعصر اللي هي البلوفرات الصوف دي تستعملي بقى الحبل اللي قلت عليه في التويلت ده بصراحه حينفع معاك جدا
وانا عندي ال2 على فكره بس لان عندي المنشر الطبيعي اللي بره فاستغلالي للي جوه مش شرط يكون جامد..فانت لازم تجيبي واحد كبير ومتين اوي لو قررتي تعمليه
البطاطين بقى وكدى الدراي كلين مالي الدنيا وريحي نفسك,,لان تطليع بطانيه مبلوله لفوق دي متعبه خالص
وان شاء الله يا جميل ربنا يوسع رزقكم بعد الجواز وتنقي شقة احلامك
الليفنج بقى شوفي انت احتياجاتك ايه وامكانياتك لان كله ليه سعر بس لان مفيش اوضة اطفال وانت حتتجوزي في بلد تانيه واهلك ان شاء الله حيجولك ويباتوا عندك يبقى لازم يبقى في كنبه تفتح سرير,,وفي بيبقى طقم كامل وفي بيبقى كنبه بس فانا رايي كنبه بس عشان لما ربنا يرزقك تغيري الدنيا بسرعه لان الانتريه حيطلع فين ,,حتخسريه فحرام
يبقى كنبه بتفتح سرير وترابيزة تليفزيون او مكتبه انت وراحتك بس انا شايفه لما تفصلي الدنيا افضل في حالة لو اضطريتي تطلعيه بره بالترابيزه تبقى بتاعته,والكمبيوتر برده يبقى مع نفسه عشان تتحكمي في مكان التليفزيون
وفي ناس بيجيبه 2 تليفزيون واحد جوه والتاني بره عشان لو في مكتبه صعب يتحرك
وحاولي تخلي الصالون يبقى استايل الصالون الانتريه عشان بعد كدى ان شاء الله لو ااهلك جولك او ربنا رزقك يبقى تعرفوا تطلعوا تقعدوا بره بعد كدى لو عاوزه تتفرجي وفي حد نايم من اهلك او جالك بيبي بقى وماشاء الله كبر وبينام يبقى خلي الستايل بتاع الكنب مريح عشان يبقى الناس قاعده مرتاحه وانتم كمان
وربنا يوفقك يارب

emoosmsm;11482236:

البنوته اللي عوزه تدهن مطبخها دوكو

انتي مين قالك كده النجار ؟؟

انتي هتعمليه ب خشب ايه ؟؟!!

اقل نوع خشب ف المطابخ هو السويدي او السويقي مش فكره بالضبط وده بس اللي ينفع عليه الدوكو

الزان او الارو يبقى دهان بولستر

نصيحه بجد ده مطبخ يعني دهون وبخار وزيوت بلاش دوكو وبلاش خشب مش حلو

او لو زنقت اعملي طبقه فورمايكا ودي بتبقى كل الالوان ولو اني برده مش مرتاحه ليها لانها ممكن تطق من الحراره

لو مش اتلزقت كويس وانتي مش هتغيري مطبخك كل شهر يعني

فكرووووووا كويس بجد

و ع فكره انا مش جايبه الكلام من دماغي بس سألت النجار اللي هعمل عنده مليووووون مره

عشان كنت ناويه ع لون ازرق وكده وبعدين لما لقيت الحكايه

هتبقى دوكو او لاكيه او فورمايكا

قلت مش مهم هعمله بني بس المهم تطلع حاجه نضيفه

وقالي انضف شي هو الدهان البولستر

وده ع بنيااااااات فقط ملوش الوان تانيه

ميرسي يا قمر على معلومات دي:083:
طب الناس اللي بتبقى مطبخها ملون بيبقى خشمونيوم ولا المويتال؟
و كمان انا ملاحظه محدش فيكوا عمل مطبخوا خشمونيوم ليه؟

seymaa;11482253:
اولا فى ناس كتير بتنصح انها تبقى فى المطبخ بعيد عن المياة
ثانيا بقى حسب المساحة بتاعت المطبخ او الحمام يعنى فى الشقة عندى احنا عاملين بانيو اللى بيبقى فى الركن سابك قال كدا مش هينفع تضعوا الغسالة فى الحمام يعنى لو كنت جايبة بانيو الطويل دا كنت باقت فى الحمام
الدوكو طبعا فى منه الوان دا اللى بتتدهن بيه السيارات

ربنا يكرمك و يسعدك يا دائما يا نانى انا عارفه انك عايزة تساعدينا و احنا بقى بنسوق فيها :087:
انتى ايه رايك اعمل انا كمان ارفف و اللى اجيب من الحاجات الجديدة دى
صحيح مش اخترتى معى الموديل انتى اخترتى اللون بس
اجازة يا رب تكون سعيدة عليكى

ناني فيبس;11482317:
مرسي يا حبيبتي

انا معلش الصورة مش عندي لان اللاب توب باظ وكل اللى عليه اتمسح ياريت لو حد من البنات عرف يوصلها ينزلها بس هي عموما موجودة في الموضوع دة

والمطبخين القديم ودة خشب



مرسي يا حبيبتي ربنا يخليكي

بس يادوب اللى باين من الحيطة مش يزيد عن 20 سم وفوق اوي معتقدش حتى لو كانوا سيراميك حد هيقدر يطلع ينضف المكان دة خالص او انه يتوسخ




هو منظم عشان ال 3 حيطان مستغله كلها بالارفف

انا مش عارفة كام بالظبط بس اعتقد انه مش هيزيد عن مساحة مطبخك

وكمان ملهوش باب ياكل من مساحة المطبخ

ودة كان عيب مطبخي القديم على وسعه بس كان ربعه تقريبا ضايع ورا الباب لان الباب كان عريض اوي



اولا بيبقى متحافظ عليها اكتر من الرطوبه وبخار الميه في الحمام وكمان عشان مفيش حمام دلوقت يشيل غساله

لان انا مثلا هقول ان احط بانيو او جاكوزي اولى

ريري_84;11484567:
ايوة ياقمر لان اغلبية الحمامات بتبقى مساحتها صغيرة ويادوبك يبقى فيه بانيو وسعات يبقى مفيش مكان ليه اصلا:037: فالكل بيحطها في المطبخ وبيعملوها صرف في المطبخ لكن لو ربنا موسعها عليكي في الحمام حطيها في الحمام طبعا

الحب هو الحياة;11484579:
الاستايل ده اكتر فى امريكان فرينتشر


مبروك عليكى الشقة الجديدة وان شاء الله يكون وشها حلو عليكى وربنا يسعدك فيها
المطبخ جميل اوى ولونه فعلا عامل وسع وعاجبنى التصميم لانى حاعمل زيه لان المطبخ عندى صغير ومفيش قدامى غير ارفف علوية
ياريت الشقق كانت عندنا بالمطبخ :085:
بس حاخد رايك فى حاجة وبرضه اراء البنات
لو عملت ارفف ازاز اعملهم زجاج مصنفر ولا مقلم ؟


اعملى الستارة الاولى
بالنسبة للقماش روحى الساعة كرموزاللى قبل عمود السوارى وكمان فى المنشية والعطارين بس دورى كويس وفصلى معاهم وقماش الركنة الافضل له الشانيليا
النساجون فرع سيدى بشر حلو جدا
واسمع ان فرع النساجون اللى على صف كارفور كبير وفيه كل حاجة يعنى مجمع لكل الفروع وهو4 ادوار
بس للاسف مروحتش بصيت فيه خالص رغم انه جنب كارفور



ابعتلى اللينك يااشرى
والبوفيه ده عسل اوى عاجبنى جدا افتكاسة والكرسى كمان ظهرة لذيذ



ربنا يسعدك ياجميل ويخليلك مامتك يارب

عشان المياة بتكون كتير فى الحمام وده بياثر على برومة الغسالة فالافضل تكون فى المطبخ والصرف بتاعها بيكون دفن

الكلام ده اعتقد مصبوط لان حتى اوض النوم الارفف بتاعتها بتكون كونتر



انا شايقة انك ترتبى نفسك ان شغل العمال حيخلص فى مدة اطول من شهر يعنى تديهم براحهم لان العمال دول فقر بجد وعندهم طولة بال انا مس بعقدك بس بنور بصيرتك لانك لازم تحطى احتمالات لكل حاجة

ميرسي ليكوا يا قمرات كلكوا عشان رديتوا عليا في حوار الغساله:083:


,,,,,
سؤال بقى الناس اللي عندها بلوكونات عاملين حيطانها ايه؟اصل خطيبي عايز يعملها الطوب اللي بيبقى سيراميك ده و بارز كده هو وصفه بس انا مش شوفت
حد فيكوا هيعمله ولا هتدهنوا الحيطه؟؟طب هو بيترب بسرعه و بيدخل جواه تراب و كده ليه عيوب يعني؟

mariam87;11482133:
بنات هو الغساله ليه بتحطوها في المطبخ؟؟مش المفروض في الحمام؟؟
اصل لاحظت كده في صور بيوت و كمان كذا بيت من بتوع اصحابي بشوف كده



ولا يهمك يا قمر:083:
هو الدوكو ده في منه الوان ولا ده ايه انا معرفش:094:

يستحسن فى المطبخ عشان المياة وكمان بتحكمك المساحة لو مساحة الحمام كبيرة ممكن بس تعملى قاعدة او ارجل للغسالة عشان مش تكن ملاصقة للارض

ناني فيبس;11482317:

مرسي يا حبيبتي ربنا يخليكي

بس يادوب اللى باين من الحيطة مش يزيد عن 20 سم وفوق اوي معتقدش حتى لو كانوا سيراميك حد هيقدر يطلع ينضف المكان دة خالص او انه يتوسخ

يعنى انتى ناوية ان شاء الله تعملى سيراميك المطبخ فى مصر لغاية السقف ولا نص زى مطبخك فى الامارات ؟؟

mariam87;11484984:
ميرسي يا قمر على معلومات دي:083:
طب الناس اللي بتبقى مطبخها ملون بيبقى خشمونيوم ولا المويتال؟
و كمان انا ملاحظه محدش فيكوا عمل مطبخوا خشمونيوم ليه؟

الخشمونيوم شيك بس غالى






ميرسي ليكوا يا قمرات كلكوا عشان رديتوا عليا في حوار الغساله:083:


,,,,,
سؤال بقى الناس اللي عندها بلوكونات عاملين حيطانها ايه؟اصل خطيبي عايز يعملها الطوب اللي بيبقى سيراميك ده و بارز كده هو وصفه بس انا مش شوفت
حد فيكوا هيعمله ولا هتدهنوا الحيطه؟؟طب هو بيترب بسرعه و بيدخل جواه تراب و كده ليه عيوب يعني؟

هو فيه بيعملوا طوب حرارى يدى منظر بس بما ان دى بلكونة من وجهة نظرى الدهان احسن عشان التراب مش يتراكم