Heba 87;11442071:
بنات هو انهو اشيك
الصاله يبقي فيها ليفينج ولا يبقي فيها الانتريه او السفره ؟
انا شقتي ان شاء الله 4 اوض وصاله صغننه شوية
وفي اوضتين منهم بره من الصاله والاوضتين التانيين جوا في طرقه مع المطبخ والحمام
انا بفكر تبقي الصاله فيها ركنه مودرن وتلفزيون ومكتبه مثلا والاوضتين اللي بره واحده سفره وواحده انتريه
بس شايفاها مش ظريفه يبقي في ليفينج في وش اللي داخل من الباب .. بس برضو شايفه لو اتحطت فيها انتريه او سفره هتضيق اوووي
ايه اقتراحاتكوا ..
بصى يا قمر لوينفع تفتحى اوضة من الاوضتين اللى برة دول على الصالة يبقى ممتاز تحطى فيها السفرة والاوضة التانية الصالون وجوه بقى الاوض عادى النوم والاطفال والاطفال ممكن تعمليها معيشةفى الوقت الحاضر لغاية لما ربنا يرزقك ان شاء الله بالذرية وطبعا حطى التليفزيون وركنة او كنبة بتتفتح سرير فى اوضة الاطفال واستخدميها لفينج حاليا
emy89;11442375:
بصى يا هبه انتى نظام شقتك زى شقتى بالضبط
انا برضوا الصاله عندى صغيره والاوضه اللى كنت هحط فيها الانتريه صغيره
روحت قايله لخطيبى انا مش عايزه انتريه وافتحلى الاوضه دى فى الصاله
وهحط فى الصاله السفره بس علشان تبقى واسعه واعرف اتحرك فيها
انما الاول مكنوش هيعملو طربيزه للسفره او كانو هيعملو واحده صغيره
فكده احسن والاوضه التانيه هعمل فيها صالون
والتليفزيون هيكون فى اوضه الاطفال فى مكتبه بالدولاب
واوضه النوم واوضه الاطفال هتبقى جوه فى الطرقه مع المطبخ والحمام
فأنتى لو تستغنى عن اوضه وتدخليها فى الصاله وتبقى واسعه هيكون احسن
وانتى واللى يريحك يا جميل
الرأى ده حلو وشبه رأى كمان
eng.tasbe7;11443163:
لو سمحتو انا مش عارفه اسال ازاي انا تقريبا دي اول مشاركه ليا
المهم يعني
انا شقتي ايجار 5 سنين بس هيه بلاط عادي ف حرام نعملها سيرامبك ونسبها فالفاضي
ف فكرت اعملها فينيل ممكن حد يقولي لو عنده خبره فالموضوع دا
بصى يا قمر انا حاطة فينيل فى بعض الاوض هو عاوز صنايعى شاطر عشان يلزقه كويس ويخفى اطرافه هو سهل جدا فى التنضيف مجرد الشرشوبة كده فى ميه عليها سائل تنظيف وخلاص بيبقى فلة بس حذارى لما تحطى العفش تجريه عليه عشان بيتخدش حصل معايا يعنى حاولى تبقى حنينة عليه
اما عن الاشكال انا حطيت اللى هو شبه الباركيه بجد تحفة وأشكال جميله شوفى لون الحيطان ايه وجيبى حاجة مقاربة يعنى انا عندى فى اوضة اللون روز جبت فينيل لونه باركيه لون الخشب فى احمرار بسيط كده لايق جدا على الاوضة واسعاره مش غاليه تقريبا المتر بس 8-10 من غير التركيب لا توكلى على الله عشان انتى مش قاعدة فيها كتير
emoosmsm;11444318:
انتي قصدك ع صور ايه ياقمر
صور السفره جيباها من النت
والصور الباقيه مصوراها من المعارض هناك انا مصورتش الاوضه بتعتي لانها
كانت ف المعرض مش منصوبه وخدناها زي ماهي فمعرفتش اصورها
لما ان شاء الله اجي افرش هصورها ليكم حته حته:f:
بس اوضه النوم دي مش مودرن خاااااااااااااااااالص انا عرفه
وع فكره انا خلاص غيرت رأيي تماما
المودرن ده اتفرج عليه .. اتصور جنبه:094: انما اشتريه nooooooo
بجد انا مش ضامنه نفسي بعد سنه اتخنق من الاوضه اقوم مكسراها:039:
متجيبوش حجات ضخمه بس ف نفس الوقت جيبوا حاجه قيمه كده تقعد ومش يتزهق من شكلها.....
وطبعا ده مجرد رأي البت ايمو :041::041:
والله عندك حق الناس أذواق انا بميل للكلاسيك والاويمة اهم حاجة نجيب حاجة مش تبطل بسرعة عشان الاثاث ده مش كل شوية حنغيره وربنا يتمم بخير
shimo ahmed;11444912:
ازيكوا يابنات وحشتونى انا متابعاكم بس مشغوله حبه اعذرونى سؤال على الماشى كده ايه رايكم اختار لون سيراميك الشقه ايه ولون الحمام ايه انا بقول لبنى فى تركواز عشان مع الاضاءه يدى وسع وهادى كمان ولون الشقه بفكر فى السيراميك اللى لون وشبه الباركيه تعتقدوا معايا يبقا حلو وادونى رايكم عاملين ايه فى شققكم عشان اخد زوقكم وتشاركونى لانى محتاسه اوىىىىى
بصى اللون اللبنى فى الحمام حلو بابا عامله فى الحمام بيدى وسع فعلا بس طبعا فيه الوان جيدة طالعة زى الموف الفاتحفى موف غامق او تدرجات الازرق او الزهرى الفاتح اوى يعنى انزلى بس اتفرجى وفى بلاطات تلاقيها فيها ورد او اشكال متناسقة مع السادة وهكذا
بالنسبة للاوض الافضل الباركيه وبالنسبة للريسبشن فالافضل البورسلسن يجى بعده السراميك بالوان فاتحة زى الرمادى الفاتح او الابيض المعرج برمادى او بيج او البيج الفاتح عشان يليق على كل انواع العفش
Jumanaa;11448163:
هو الفينيل ده ينفع لمدخل العماره؟
انا محتاره اوى فى المدخل اعمله ايه هو طبعا الرخام احسن حاجه بس غالى اوى مش كده؟
لا يا قمر الفينيل مش ينفع لمدخل العمارة عشان عاوز بردك عناية عشان ممكن يتخدش فالافضل الرخام طبعا أشيك
