ملف استفسارات بنات مصر للديكور

ازيكم يابنات لو سمحتم بجد حسالكم سؤال بس مشعرفة ازا كنتم تعرفوا فيه ولالا
احنا عايزين نبتدي في السباكة بس المشكلة عايزين نعمل سباكةب المواسير البلاستيك مش عارفيين نجيب نوعها ايه خايفين السباك يجبلنا اي نوع وخلاص ياريت لو حد يعرف يقولي افضل نوع او اسم معين نجيبه موثوق فيه

kitty_kity;11420336:
بنات انا كنت من شوية بتمشى مع صاحبتي بتجيب عفشها
فشوفت ف محل سفرة ستيل بس شيك اوي بس مش ستايلي انا يعني
المهم ماعلينا
هي زان 100% ومن محل مشهور عندنا وعبارة عن سفرة وبوفية ونيش
وعليها رخام اخضر كدا وشيك
وكانت ب10800
عشر الاف وتمنمية :)
المهم بقى والي حرق دمي
اني شوفت ف نفس المحل سفرة مودرن سمبل خااااااااالص وعبارة عن سفرة وبوفيه صغنن حواليه 2 دولاب فضيه
عجبتني لاني بحب المودرن
ولقيتها فينش روعه
وزان كلها
بسأل بكام قالولي ب20 الف
استفزيت بقى لانها مفيهاش اي حفر ..ازاي الستيل تبقى ارخص النص
قالولي اصل ده موديل حديث
ياسلاااااام

المهم بقى...هل لو نزلت دمياط مثلا لما اجي اجيب..هلاقي مودرن وزان؟؟
اصل مامتي مصرة نجيب زان ومش عاجبها خشب معرض القوات مع ان الفيينيش روعه
وبيني وبينكم انا استفزيت..مدام الاوض بحوالي 11 الف اهي وزان طب ماكويسة..
كمان عجبتني عندهم اودة اطفال خرافية كانت ب8 وزان برده

فهل ف دمياط هلاقي كدا؟؟؟
ولو لا...الاقي فين :)

انا زيك بالظبط والموضوع ده غايظيني جداً

وهو ممكن استغلال للموقف ان هو ده اللى ماشي دلوقتي

دلوعة الغالى;11420554:
عايزة اخد رايكم فى حاجة انا عندى اوضتين واحده هتبقى نوم والاوضة التانيه محتارة بقى اعملها اطفال واجيب اوضة اطفال كاملة سريرين ودولاب وتسريحة ولا اعمل سريرين بس شيك ومعهم مثلا مكتبه كبيرة
وسوال تانى معلش احط مكتبة وتليفزيون وكده فى الرسبشن ولا بلاش يعنى هينفع الرسبشن من غير تليفزيون
وميرسى مقدما وربنا يتمم لينا كلنا بخير

بصى انا عندي نفس الحيرة بصراحة

لأن دلوقتي لما الواحد يعمل الانتريه ف الريسبشن هتبقى دي

القاعده الوحيدة فهماني يعني كل اللى يجيلك يقعد ف الصالة بس

فانا ناوية ان شاء الله لو ربنا ما أرادش اننا ناخد شقه 3 اوض

هعمل ف الأوضة التانية كنبة كده سرير بدولاب صغير حاجة زي كده

مع شوية تعديلات طبعاً مع وول يونيت للتلفزيون

amatalrahman237;11417770:
اه الحمدلله بعملهمدلوقتي، ادعيلي يطلعوا زي ما انا عايزة

ربنا معاكى يا قمر ويطلعوا احسن مما كنتى تتوقعى

دلوعة الغالى;11420554:
عايزة اخد رايكم فى حاجة انا عندى اوضتين واحده هتبقى نوم والاوضة التانيه محتارة بقى اعملها اطفال واجيب اوضة اطفال كاملة سريرين ودولاب وتسريحة ولا اعمل سريرين بس شيك ومعهم مثلا مكتبه كبيرة
وسوال تانى معلش احط مكتبة وتليفزيون وكده فى الرسبشن ولا بلاش يعنى هينفع الرسبشن من غير تليفزيون
وميرسى مقدما وربنا يتمم لينا كلنا بخير

بصى يا قمر اصلا قاعدتكم انتم الاتنين بتبقى فى الاوضة التانية ان شاء الله طول اليوم فاعملى حاليا سريرين او سرير واحد وترابيزة تليفزيون مش مكتبة عشان بعد كده لما تقلبيها اوضة اطفال تلاقى مكان تحطى فيه دولاب ومكتب وممكن فوقيه مكتبة صغيرة وكده يعنى الاوضة دى اعمليها معيشة سرير او كنبة تتفتح سرير وترابيزة تليفزيون وكمان ممكن ترابيزة كمبيوتر لو حتجيبى وخلاص

الريسبشن مش مهم اوى تحطى فيه تليفزيون لو انتى ناوية تجيبى اتنين تليفزيون واحد صغير خليه فى اللفينج او الاوضة التانية دى اللى حتعمليها فى المستقبل اوضة اطفال والتليفزيون التانى أكبر وتحطيه فى الريسبشن ممكن بمكتبة لو فيه مساحة وممكن كمان لو التليفزيون lcd يتعلق على الحيطة باستاند كده عشان مش ياخد مساحة من الارض اتنمنى يكون كلامى فادك

دلوعة الغالى;11420554:
عايزة اخد رايكم فى حاجة انا عندى اوضتين واحده هتبقى نوم والاوضة التانيه محتارة بقى اعملها اطفال واجيب اوضة اطفال كاملة سريرين ودولاب وتسريحة ولا اعمل سريرين بس شيك ومعهم مثلا مكتبه كبيرة
وسوال تانى معلش احط مكتبة وتليفزيون وكده فى الرسبشن ولا بلاش يعنى هينفع الرسبشن من غير تليفزيون
وميرسى مقدما وربنا يتمم لينا كلنا بخير

الاوضة التانية خليها ليفنج ممكن تعملى سرير او كنبة بتتفتح
بالنسبة للمكتبة شوفى الصفحة اللى فاتت فيها حاجات مودرن جميلة ومش حتاخد مساحة يتحط فيها التى فى
فى المستقبل ان شاء الله الطفل كبر حتبقى عايزة له دولاب تقدرى تحطيه فى الروم يعنى متعمليش زحمة دلوقتى
بالنسبة للريسبيشن من وجهة نظرى مش بحب يبقى فيه التى في يبقى فيها
بحب القاعدة فى الاوض عشان الموبيليا تفضل جديدة لاطول وقت ممكن

بصي يا كيتي وانا لسة مرديتش عليكي في موضوع الفستان بس هرد في دة :02:
مامتك عندها حق في الاتنين ، لازم اوضك تكون زان ومش بقول لازم هنا زي ما الناس بيقولوا لازم على حاجة هايفة، دة خشب عمر ان شاء الله
وبرضه عندها حق في موضوع معرض القوات المسلحة لان بابا راح مع نجار بيعملوا اوض هنا والله وبيصدروها فرنسا وقاله ان الخشب وحش اووووووي وانه اردا درجات الخشب الزان
والنجار دة على فكرة مش هو اللي عملي حاجتي عشان كدة استبعدت شبهة المصلحة خالص

لو رحتى دمياط مش هتلاقي مودرن اصلا، مش تقوليلي زان

وعلى فكرة انا كنت زيك كدة لما ادخل محل اعد اجادل في الراجل واقوله ازاي تاخد مني فلوس اكتر على شغل اقل، دة انا هريحك يا راجل:025:
واحد منهم قاللي اصل الصنايعي هيتعب فيها اكتر لانه مش متعود على النوع دة من الشغل، ايده مش واخدة عالشغل

ولو انتي مقتنعة بقى انك متوافقيش عالسعر دة وانتي عارفة انه سرقة يبقى الحل انك تعملي عمولة

يا بنات عايزة عنوان معرض القوات المسلحة

seymaa;11421828:
يا بنات عايزة عنوان معرض القوات المسلحة

معرض القوات المسكله الى بعد الكليه الحربيه وهو اخر صور الكليه الحربيه وفى فرع تانى فى ميدان العباسيه قدام كوبرى برج مصر للسياحه ورا موقف الاتوبيسات

المواعيد 10:30صباحاً الى 3 عصراً ومن 6 المغرب الى 10 مساءً
معرض العباسية اجازته الجمعة
ومعرض مصر الجديدة اجازته السبت

الحب هو الحياة;11422023:
معرض القوات المسكله الى بعد الكليه الحربيه وهو اخر صور الكليه الحربيه وفى فرع تانى فى ميدان العباسيه قدام كوبرى برج مصر للسياحه ورا موقف الاتوبيسات

المواعيد 10:30صباحاً الى 3 عصراً ومن 6 المغرب الى 10 مساءً
معرض العباسية اجازته الجمعة
ومعرض مصر الجديدة اجازته السبت

انا عارفة يا حب انك مش من القاهرة بس انا عايزة اعرف من اى ناحية من الكلية الحربية و كمان استاد الكلية الحربية و لا الكلية الحربية بس ؟؟؟؟؟؟

seymaa;11421828:
يا بنات عايزة عنوان معرض القوات المسلحة

بضم صوتى لصوتك يا سيما وياريت كمان تعرفونا انواع الخشب المستخدمه فى الانتريهات هناك؟؟؟؟؟؟ومواعيد الشغل من كام ل كام:065::065:

كل البنات اللي بيتكلموا ع دمياط كيتي وامه الرحمن وووووووووو .... كله

انا لسه راجعه من دمياط ياجماعه

التقرير بكره لاني بجد بجد مش شايفه قدامي

اه دمياط الحجات فيها جميله واللي يقول غير كده يستناني بره هههههههههههههههههههههههههه

بجد الحمدلله مودرن او استيل كله موجود بس مفيش سفره مودرن قابلتني

هو نوم اللي شفته سي يو ياقمرات

فى انتظار التقرير يا قمر

ريري_84;11420581:
ازيكم يابنات لو سمحتم بجد حسالكم سؤال بس مشعرفة ازا كنتم تعرفوا فيه ولالا
احنا عايزين نبتدي في السباكة بس المشكلة عايزين نعمل سباكةب المواسير البلاستيك مش عارفيين نجيب نوعها ايه خايفين السباك يجبلنا اي نوع وخلاص ياريت لو حد يعرف يقولي افضل نوع او اسم معين نجيبه موثوق فيه

احنا عندنا مواسير بروبلين المانى حلوه ماشاء الله ومدخلينها جوه الحيطه
هى شكلها كده




والبنات ممكن يفيدوكى اكتر

وده موضوع لقيته عن المواسير يا رب يفيدك
وهو منقول من مهندس اسمه عمر فايز من منتدى تانى
هو عامل موضوع عن السباكه لو عايزاه قوليلى ابعتهولك

المواسير البلاستيك نوعين نوع لونه رصاصى اسمه pvc ونوع لونه ابيض اسمه upvc
ولكن الاسم الدارج هو pvc ابيض و pvc رصاصى
ومواسير بولى بروبلين ويفضل استعمال هذه المواسير بالداخل ولاتعرضها للشمس بالمناور مثلا لانها تتاثر بالشمس وتتشقق

emoosmsm;11422507:
كل البنات اللي بيتكلموا ع دمياط كيتي وامه الرحمن وووووووووو .... كله

انا لسه راجعه من دمياط ياجماعه

التقرير بكره لاني بجد بجد مش شايفه قدامي

اه دمياط الحجات فيها جميله واللي يقول غير كده يستناني بره هههههههههههههههههههههههههه

بجد الحمدلله مودرن او استيل كله موجود بس مفيش سفره مودرن قابلتني

هو نوم اللي شفته سي يو ياقمرات

حمدالله على سلامتك ياقمر طيب بشرى حلوة لمحبى المودرن ومستنين التقارير

amatalrahman237;11422986:

بجد يا ايمو، طب كويس اوي يا حبيبتي

بس اكيد كدة احنا ذوقنا مختلف هههههههههههه، انا فعلا ملقيتش سفرة خالص خالص والنوم حسيت انه بيستهبل كدة لا راسي على مودرن ولا استيل هههههههههه
عالعموم يارب تكوني نقيتي حاجة ومستنيين التقرير الجامد

بنات هو ايه النجف المناسب لكل اوضة، ومتنسوش، انا مودرررررررررررررررن

فيه موضوع مفيد دلوقتى حاضيفه ويارب يفيدك

نفسك يكون بيتك أنيق وجميل، وفي نفس الوقت مختلف عن أي بيت تاني، يبقى لازم تلعبي في الإضاءة؛ وده لأنها مهمة جداً في إعطاء ديكور متميّز للبيت، مش كده وبس دي كمان بتدي إحساس بالاتساع خصوصاً لو كانت المساحة عندك صغيرة..

وعلشان أهمية الإضاءة عملنا لكِ الحوار ده مع المهندس "خالد أبو العنين" -صاحب أكبر معارض للإضاءة (تريند)- ومعاه هنتعرّف على استايلات كثيرة من وحدات الإضاءة الجديدة بدل من الأشكال المعتادة والثابتة المعروفة عند معظم الناس..

يلّا نشوف الحوار مع بعض

إيه التطوّر اللي حصل في شكل وحدات الإضاءة؟!

الإضاءة كلها في الفترة الأخيرة أصبحت مودرن أكتر؛ وده لأن المودرن دخل في كل شيء؛ فأثاث البيوت دلوقتي بقى كله مودرن، وبالتالي كان لازم يصاحب ده تطور في شكل الإضاءة المناسبة للأثاث، وعلى فكرة الإضاءة المودرن ظهرت بالتحديد منذ 8 سنوات وانتشرت الإضاءة المودرن والالترا مودرن، وأصبح شكل النجفة ووحدة الإضاءة غريباً وأنيقاً يُشبه شكل التحف والأنتيكات، وأكتر حاجة بتميّز الإضاءة المودرن إن أسعارها منخفضة وبكده ممكن إنك تغيّري شكل الإضاءة في بيتك كل 6 سنوات.

هل وحدات الإضاءة المودرن بتتصنع في مصر؟!

وحدات الإضاءة كلها مستوردة من دولة الصين؛ وده لأن الصين من أكثر الدول التي تصلح لاستيراد الإضاءة؛ لأنهم ليسوا مخترعين، ولكن مقلدون للتصميمات الإيطالية فكل موديل جديد بيظهر بيقوموا بتصنيعه.

وما أشكال وأحجام وحدات الإضاءة المودرن؟!

معظم وحدات الإضاءة المودرن مصنوعة من الاستانلس ستيل والسيلفر والكريستال، أما بالنسبة للتصميمات فهناك تصميمات عديدة تُشبه شكل الكورة والزجاجة والصندوق والبولات والمكعبات. فالنجفة الآن بيصل ارتفاعها حوالي متر ونصف، ويوجد أيضاً النجف الساقط المشدود بأسلاك البلاستيك، وأهم ما يُميز وحدات الإضاءة الحديثة: المستويات، والأطوال، وإن التحكم في الإنارة بيكون من خلال الريموت كنترول.

هل الإضاءة المودرن قوية وبتغطي مساحات كبيرة؟!

الإضاءة المودرن ليست إضاءة قوية ومعظمها بتغطي بقعة لون في ركنة معينة, ولكن بعض الناس التي ترغب في إضاءة قوية ممكن إنها تزيد من وحدات الإضاءة داخل الغرفة؛ مثل اللمبادير والأباجورة، ومجموع كل هذا يعطي قوة من الإضاءة، وعلى فكرة المستوى والأحجام ولون خامة النجفة وارتفاعها هم اللي بيحددوا كمية الإضاءة.

نسمع كثيراً عن الإضاءة (الليدد) فما هي.. وهل هي الإضاءة الملوّنة؟!

الإضاءة "الليدد" هي الإضاءة التي تُعطي أكثر من لون داخل النجفة الواحدة، وده بيكون جزءا أساسيا من تركيب جسم النجفة الأساسي بجانب البادي الخارجي لشكل النجفة، وبيكون غير ظاهر ويعطي ألواناً عديدة؛ مثل: الأصفر والأخضر والأحمر والألوان دي بتتغير عن طريق الريموت كنترول والذي من خلاله نتحكم في مستويات الإضاءة سواء كانت عالية أو منخفضة.

وإيه أحدث اللمبات المناسبة لوحدات الإضاءة المودرن؟!

اللمبات الحديثة هي اللمبات "الهالوجين" التي تتميّز بحجمها الصغير جداً غير الظاهر وفي نفس الوقت بتعطي إضاءة قوية، وبكده فهي بديلة عن اللمبة البلحة واللمبة العادية المسمار والقلاووظ.

وهل تراجعت وحدات الإضاءة "الاسبوت"؟!

وحدات الاسبوت تراجعت في أنها تكون المسئولة عن إنارة سقف بالكامل، وأصبحت توضع فقط في أماكن محددة زي داخل المكتبات والأرفف والدولاب وأماكن الأنتيك والتحف؛ لأنها بتعطي إحساسا بالعمق والاتساع.

وهل اللمبادير أصبح بديلاً عن الأباجورات؟!

اللمبادير يعتبر شكلا من أشكال ديكور الإضاءة وهو بديل عن الأباجورة المعتادة التي كانت عبارة عن عمود ميتال بالشابوه القماش، وأصبح اللمبادير دلوقتي مصنوع من "بلاكس جلاس" والفريم الاستاليس, والشابوه دلوقتي أصبح يستبدل بخامة "بي بي سي شفاف"، وعلى فكرة الأباجورات الصغيرة لازم تكون متناسقة مع النجفة؛ يعني لو النجفة عبارة عن كريستال وستانلس فلابد أن الأباجورة تكون من الكريستال والاستانلس وتكون مشابهة لها.

وما أشكال وحدات الإضاءة التي تستخدم كشكل ديكور؟!

وحدات إضاءة الديكور غالباً بتكون وحدات إضاءة جانبية وبتكون مثلاً نجفة ارتفاعها 2 متر عبارة عن زجاج في حجم الكورة، وبداخل كل كورة زجاج كمية من السلوك عشوائية الشكل وبداخلها لمبات هالوجين، والزجاج ممكن يكون شفاف أو ألوان زي الأصفر والأخضر، أما الفريم والقاعدة بيكونوا استانلس، وعايز أقول إن السيلفر والاستانلس هو أساس صناعة كل خامات النجف الحديث.

وإيه الأماكن المناسبة لوضع النجف الطويل (الساقط)؟!

لو كان السقف عالي نضع النجفة (الساقطة)، ولو السقف منخفض نضع نجفة (ملتصقة بالسقف)، لكن بالنسبة لغرفة السفرة أفضّل النجفة الساقطة التي تكون بينها وبين السفرة حوالي 40 إلى 50 سم، أما بالنسبة لغرفة النوم والريسبشن لو السقف عالي أضع النجف الساقط والعكس، لكن بالنسبة لغرف الأطفال أضع النجف البسيط والصغير الملوّن ويكون متناسقاً مع السجادة أو أي شيء في الغرفة.

إزاي أنسق وحدات الإضاءة مع أثاث المنزل؟!

أهم حاجة إن شكل الإضاءة يكون متناسقا لشكل الأثاث، فالأثاث المودرن بيحتاج إضاءة بسيطة ولونها أبيض ومباشرة وموزّعة على أشكال مختلفة من الوحدات؛ مثل: اللمبادير والأباجورة والنجفة المودرن, أما الأثاث الكلاسيك فالأفضل أننا نستخدم معه النجف الملتصق بالحائط، ويكون أيضاً خامته من الاستانلس والكريستال ولكن شكله يعطي إيحاء بالكلاسيكية ويفضّل الإضاءة الصفراء.

عايزين نتعرّف على نماذج من وحدات الإضاءة التي تتناسب مع الريسبشن وغرفة النوم والمطابخ؟!

في الغالب الآن معظم الشقق بيكون فيها المطبخ الأمريكاني المفتوح على الريسبشن ويتناسب معه نجف على شكل قاعدة ستانلس؛ مثل: الصينية ومعلق عليها أحجام من الزجاجات تشبه زجاجات مياه الشرب؛ وهي عبارة عن زجاج أبيض وبداخلها إضاءة بيضاء ولمبة نيون، أما غرفة النوم مثلاً يتناسب معها النجف البلكس جلاس وفيها كريستال ولمبات هالوجين ووحدات إضاءة صغيرة الحجم ومنفردة بجانب الأباجورات، أما الحمامات فالأفضل استخدام إضاءة غير مباشرة.

وفي النهاية.. هل لازم نجهز أسلاك الإضاءة قبل تشطيب ودهان الشقة؟!

إحنا زمان كنا بنفكر في النجف آخر حاجة، لكن دلوقتي لازم الشباب يفكر في النجف وشكل الإضاءة قبل اختيار الأثاث وبالتحديد عند تشطيب الشقة؛ لأن وحدات الإضاءة الجانبية تحتاج إلى مخارج سلك كهربائي من السقف أو عمل شبك ممدد لبيت النور في حالة الإضاءة غير المباشرة، فلابد أن يكون هناك سلك كهربائي في مكان الوحدة وفي الأركان وفي أماكن مختلفة.

صور عجبتنى

صور فيها افكار

ريري_84;11420581:
ازيكم يابنات لو سمحتم بجد حسالكم سؤال بس مشعرفة ازا كنتم تعرفوا فيه ولالا
احنا عايزين نبتدي في السباكة بس المشكلة عايزين نعمل سباكةب المواسير البلاستيك مش عارفيين نجيب نوعها ايه خايفين السباك يجبلنا اي نوع وخلاص ياريت لو حد يعرف يقولي افضل نوع او اسم معين نجيبه موثوق فيه

احنا عندنا هنا عاملين مواسير الشريف وجوزي وحمايا والسباك نفسه كانوا بيشكروا فيها اوي وهي فعلا حلوة اوي.


بنات ادعولي جامد اوي كلكم بقي ان شاء الله هولد النهاردة الساعة 8 كده بالليل بإذن الله.


متنسوش الدعاء أمانة وانا كمان هدعيلكم كلكم ان شاء الله.

الحب هو الحياة;11423630:
صور عجبتنى




الوان الصوره دى عجبانى قوى يا حب بجد الهمتنى :025: ايه رايك فى الاخضر الهادى بتاع الحيطه ده مش احلى من الى تحت فى الصوره الى تحت دى

طيب انا هلاقى القماشه للانتريه نفس درجه الحيطه اصلى هعمل الحيطه الاول ؟؟؟؟؟؟؟؟؟؟؟؟؟؟
ياريت يا بنات قولولى اجيب منين قماش حلو للركنه من اسكندريه ورينج الاسعار كام؟












دى عاميلن ستاير مشجره برده بس على خفيف بس انت قولتيلى بتبطل ؟؟؟؟

يا بنات قولولى اسعار السجاد المودرن ونوعه ايه ؟ والشاجى المستورد سعره فى حدود كام؟؟