اشرى;11220359:
ربنا يااااااااااارب يكرمك يا اختى انا عدى صور مطبخك هبص عليها تانى واشوف الشباك بس ممكن اعرف بكام؟؟ وياريت وصف تفصيلى لمنطقة سوق الزكاة دى ربنا يخليكى
بس الى بيضايقك يا يارا انك لوحدك فى كل حاجة انتى وهو بس مفيش حد عايز يعمل حاجة ولا يساعد وانا خطيبى بجد لوحدة فى كل حاجة ربنا معاة طبعا بس مش معاة اى حد خالص والله ربنا يارب يقوية بجد لما كتكوتة تقولى سوق الزكاة دة فين بالظبط هروح وابص ولو حلو هجيب
انا فكرت فى ستارة خرز كدة بس متهيالى بردو الخشب هيبق باين صح؟؟؟؟؟
بصي انتي هتلاقي في الصور اني لازقة عليه كمان الفيميه بتاع زجاج العربيات ساعتها كنت بجرب عشان يبقي قاتم خالص ومش يبين حاجة، بس مفروض ان شاء الله اغيره واخليه زجاج مصنفر او كده، بس ساعتها واحنا بنلف ملقناش نفس المقاس بزجاج مصنفر فجبنا ده وبردو كنت عايزاه فاتح مش غامق بس مش مشكلة يعني، هو المقاس كان حاكمنا شوية، وكمان انا بحب العادي اكتر من الجرار ولقيت بس كان اكبر او اصغر، فاهمة بس عامة كان فيه تشكيلة كبيرة وهما هناك بيقولولك ممكن نغيرلك كمان بس قلنالهم لأ واخدناه كده بقي وقلنا نبقي نظبط احنا بدل ما نروح المشوار ده تاني.
بصراحة مش هعرف اوصفهالك خالص بس هي روحناها من طريق المرج، بتكملي من بعدها بقي وفيه كوبري طلعناه كده وفضلنا نسأل بردو، بس انا بقولك ان الطريق بتاع المرج وحش اوي لو هاتبقي في عربية يعني، بس اهو بقي هنعمل ايه تحسي انها مساكن عشوائيات والارض رخمة والزحمة وكده، بس هي بعده بقي بشوية وليها منزل في الكوبري ده يودي عليها.
واول ما توصلي هناك هتلاقي في حتة واسعة كده الاول فيها كام محل بره بتوع ادوات صحية وحنفيات وكده دول انضف من الجوا وحاجاتهم جديدة، وبعدين بقي ادخلي جوا ممرات كده كتيرة واتفرجي وفاصلي.
وهناك كمان لقيت احواض مطبخ ورخام وتصدقي حتي دول فيهم مستعمل، يعني لاقيت رخام مقطوع بمكان الحوض بتاعه.
بصي اهو الشباك قبل ما يركب:
