ملف استفسارات بنات مصر للديكور

اولا انا عايزه اشكركو جداااااااااااااااا ع المعلومات الغاليه دى انا كنت بدخل الموقع من حوالى 6 شهور ومش سجلت عليه بس لما دخلت اليومين دول الموضوع ده قررت انى لازم اشترك واساهم معاكو فى نجاح التجمع الهايل ده بجد
ثانيا انا شايفه انكو بتردو على بعض علطول بمجرد ما يتسئل السؤال تردو ودى حاجه كويسه ااااوى وبكده اتاكدت انكو هاتردو عليا ف اى استفسار
ثالثا بقى انا شوفت من كلامكو ان فى ناس بترسم فعلا على الحيطان ياريت حد يرد عليا او يبعتلى ع الخاص اسماء وعناوين وارقام التليفونات بليززززززز
رابعا وده الاهم اتمنى ان اكون صديقتكم

الحب هو الحياة;11047417:
العفو ياحبيبتى فى معرض القوات المسلحة فيه مودرن بس شركة الحمدهيه اللىك ويسة لكن دمياط الخشب بتاعها حلوة وفيه عضوة اسمها امة الرحمن بتعمل مودرت عند نجار حبعتلك الرقم بتاعه بعد اذنها طبعا وحطيت صورة السفرة بتاعتها من كام صفحة جميلة جدا
المطبخ المتر الخشب بيبدا من 1100 او 1200 للمتر


شوفى اولا لازم تحددى عايزة شقتك مودرن ولا كلاسيك
لو مودرن يبقى الستاير على مواسير وسيمبل ومفيش براقع ولا بلكتانة
لو كلاسيك يبقى العكس على طول
الاضاءة زى النجف والاباجورات
لو مودرن يبقى كلها حاجات مفتكسة ومفيش كريستالات خالص
لوكلاسيك يبقى النجف كريستالات والاباجورات كلاسيك
بالنسبة للاباجورة الارضى عايزة مكان يكون عندك فيه مساجة وتحطيه فيها
انا بجب الاباجورزات الطويلة وفيها موديلات تمشى مودرن وكلاسيك

الحب هو الحياة;11047825:
ميرسى ياحبيبتى على الدعوة متعرفيش انا قد ايه محتاجها ويارب يتمملك بخير ويعجل بزواجك
بالنسبة للكلاسيك بيكون فيه شغل كتير فى الخشب زى رسومات اما المودرن بيكون القطعة خشب حتة واحدة ومفهاش شغل كتيروبيكون الوان مط وكمان بعيد كل البعد عن اللوزن الذهبى فى الخشب زى الصور دى
ده صالون كلاسيك




دى موديلات صالونات مودرن وانتريهات مودرن

شايفة الاباجورة هنا شكلها ازاى دى كده مودرن وطويلة



الانتريه بتاعك لو عندك صورة شبه على النت نزليها

بالنسبة للستاير لا مش شرط كل الاوض براقع اولا لانها مكلفة تانيا لانها بتوحى بالفخامة وعايزة اماكن محددة وكمان لازم على موبيليا كلاسيك
يفضل البراقع ف اوضة الصالون زى الصور دة


واوضة السفرة برضه الخامات يفضل الاوجانزا والتفتاه والفوال
اما اوضة الاطفال والنوم فبتحتاج ستاير سيمبل ولو عملتى برقع بيكون سيمبل جدا والخامات يفضل الشيفون والفوال
يفضل طبعا ان كل مكان مفتوح زى شباك او بلكونة لازم ستارة ولو عايزة فى المطبخ والحمام طبعا على حسب راحتك
الحاجات اللى انتى حاطها تعتبر سيمبل جدا ومش مكلفة اوى وتعتبر مش كلاسيك اوى
الاول بتروحى لبتاع الستاير وتشوفى الموديلات اللى عنده وتوقوليه عايزة ايه وتاخديه ياخد المقاسات ويقولك هاتى كام متر لكل ستارة
بتجيبى القماش بالازهر على حسب الخامة وهو بياخد مصنعية اما على المتر قماش او متر حيطة وطبعا غير حسب الاكسسوار والبلتكانة او الماسورة

ميرسى يا توتى يا حبيبى .. دايما كده كاسفانى بردودك وخدماتك الجميله:040:
دلوقتى انا ليا استفسار عشان انا مش خبرة اوى
الصور اللى انتى منزلاها دى عشان تقولى الفرق بين الكلاسيك والمودرن
انا بقا مش بحب الكلاسيك ده ولا ناويه اعمله فى بيتى كمان عشان شقتى صغيرة
وفى نفس الوقت المودرن اللى بشوف صوره على النت وزى اللى انتى منزلاه ده مش عاجبنى
هو مافيش حاجه وسط
يعنى هوريكوا صور لتفكيرى بس خايفه يكون كل اوضه مش ليها علاقه بالتانيه فى الاستايل بتاعها ويطلع الموضوع كله عك
نتكلم على كل اوضه
أولا : الريسيبشن ياخد اوضتين ومفتوح كله على بعضه هاحط فيه
1- السفرة
انا عاوزاها مودرن وصغيورة يعنى سفرة و6 كراسى وبوفيه صغير بمرايه ونيش صغير يعنى اللى هو شبهه الدولاب بدلفتين بس ويبقوا زجاج تمام كده يعنى مثلا شبه كده
طبعا انا مش هشترى شبههم بالضبط بس نفس الفكرة يعنى

2-طبعا مش عاوزة صالون لكن عاوزة انتريه شكله شيك كده للضيوف حاجه زى كده مثلا




ولو فيه خشب زى كده ينفع ولا لأ ؟


3-اوضه النوم تنفع تبقا زى دول








4-الليفنج دى هعملها فى اوضه جوه ونفسى تبقا مريحه وحلوة واحتمال اعملها عموله عشان مش عاوزه فيها قطع كتير
نفسى فى شكل شبهه كده تقريبا وتكون مثلا كنبه كبيرة تتفتح سرير و2 فوتاى وبس وطبعا ترابيزة صغيرة كده وهحاول اعمل مكتبه تنفع لتليفزيون ال سى دى
حاجه شبهه كده


بس ده عاجبنى أكتر بس هغير القماش


ممكن اللى انا قولته ده كله ينفع مع بعضه
وياترى كده اعمل ميزانيه لكل اوضه فى حدود كام
ولو على افكارى دى .. ايه الأماكن اللى أدور فيها؟

tota_10;11065015:
ميرسى يا توتى يا حبيبى .. دايما كده كاسفانى بردودك وخدماتك الجميله:040:
دلوقتى انا ليا استفسار عشان انا مش خبرة اوى
الصور اللى انتى منزلاها دى عشان تقولى الفرق بين الكلاسيك والمودرن
انا بقا مش بحب الكلاسيك ده ولا ناويه اعمله فى بيتى كمان عشان شقتى صغيرة
وفى نفس الوقت المودرن اللى بشوف صوره على النت وزى اللى انتى منزلاه ده مش عاجبنى
هو مافيش حاجه وسط
يعنى هوريكوا صور لتفكيرى بس خايفه يكون كل اوضه مش ليها علاقه بالتانيه فى الاستايل بتاعها ويطلع الموضوع كله عك
نتكلم على كل اوضه
أولا : الريسيبشن ياخد اوضتين ومفتوح كله على بعضه هاحط فيه
1- السفرة
انا عاوزاها مودرن وصغيورة يعنى سفرة و6 كراسى وبوفيه صغير بمرايه ونيش صغير يعنى اللى هو شبهه الدولاب بدلفتين بس ويبقوا زجاج تمام كده يعنى مثلا شبه كده
طبعا انا مش هشترى شبههم بالضبط بس نفس الفكرة يعنى

2-طبعا مش عاوزة صالون لكن عاوزة انتريه شكله شيك كده للضيوف حاجه زى كده مثلا




ولو فيه خشب زى كده ينفع ولا لأ ؟


3-اوضه النوم تنفع تبقا زى دول








4-الليفنج دى هعملها فى اوضه جوه ونفسى تبقا مريحه وحلوة واحتمال اعملها عموله عشان مش عاوزه فيها قطع كتير
نفسى فى شكل شبهه كده تقريبا وتكون مثلا كنبه كبيرة تتفتح سرير و2 فوتاى وبس وطبعا ترابيزة صغيرة كده وهحاول اعمل مكتبه تنفع لتليفزيون ال سى دى
حاجه شبهه كده


بس ده عاجبنى أكتر بس هغير القماش


ممكن اللى انا قولته ده كله ينفع مع بعضه
وياترى كده اعمل ميزانيه لكل اوضه فى حدود كام
ولو على افكارى دى .. ايه الأماكن اللى أدور فيها؟

انتى كده دماغك كلها مودرن وشغل سيمبل
المعارض اتفرجى فى استقبال وان اند اوت اتفرجى على الموديلات
ومعرض القوات المسلحة وبيعملوا عمولة الموديل اللى عجبك
فيه قمرات هنا بيعملوا حاجات مودرن عمولة ان شاء الله يفيدوكى اكتر

tota

احنا دماغنا قريبة اوي، كل اللي انتي عايزاه دة حلو جداااااااااااا
انا بصراحة دخت عليه في اسكندرية وملقيتش اوي بس اللي لقيته كان يا اما غالي اوي على الشغل بتاعه يا اما خشب وحش
رحت القوات المسلحة وعجبتنا، والدي اخد نجار قاله ان الخشب وحش جدااااااااااااااااااااا والفينيش كمان
اخر حاجة وديت الصور اللي عاجبني لنجار في دمياط وبيعملهم دلوقتي وشفت الخشب قبل الدهان كان حلو جدااااااا وكمان متفاهم اوي في كل التغييرات اللي عايزة اعملها
التكلفة كانت 18 ونص للسفرة والنوم ولسة الانتريه بس ممكن يكلفني 4 مثلا او اكتر شوية
ياريت اكون ساعدتك

بنات ايه راتيكم فى الركنه دى والترابيزه بتاعتها حلوه كده وياترى لو عملتها اعمل عليها رسمه ورده زى الى عليها دى ولا ايه ؟ هو اصلا الاستايل ده بيتحطلوا مفرش؟

حلوة اوي ومن غير مفرش

بنات أنا كمان عاوزة أعرف اسعار المتر للمعجون كام

مريم ءادم;11067886:


بنات ايه راتيكم فى الركنه دى والترابيزه بتاعتها حلوه كده وياترى لو عملتها اعمل عليها رسمه ورده زى الى عليها دى ولا ايه ؟ هو اصلا الاستايل ده بيتحطلوا مفرش؟

حلوة الركنة دى والترابيزة كمان والورده اه اعمليها بيه شكلها جميل عليها
انا عن نفسى بحب احط مفرش انا النترية بتاعى حطه فى كام صفحه فاتوا وهو مودرن وعملت ليه مفرش سمبل خالص وضمته من النص وكان شكلة حلو لكن قبل ما احط مفرشى على الترابيزة اختى قالتى من غير مفرش هتبقى احلى لكن بعد ماحطيتها قلتلها ايه رايك قلتلى لا المفرش ادها من وشيكة وعجب كل اللى الناس اللى جتلى

مريم ءادم;11067886:


بنات ايه راتيكم فى الركنه دى والترابيزه بتاعتها حلوه كده وياترى لو عملتها اعمل عليها رسمه ورده زى الى عليها دى ولا ايه ؟ هو اصلا الاستايل ده بيتحطلوا مفرش؟

حلوه اوي يا قمر ما شاء الله
و اعتقد انها مش عاوزه مفرش شكلها كده شيك

تسلموا يا احلى بناتيت على الرد
سالى قوليلى انتريهك فى صفحه كام

بنات انا ان شاء الله هعمل الركنه نفس اللون ده البنى بس الكوشيات عايزه اجيبها بنى فى تركواز قولولى مقاس الكوشيات بيبقى ايه عشان اعمل تلاته مقاس صغير وتلاته مقاس اكبر قولولى اقوله مقاس ايه؟

وادعولى ربنا يتمملى على خير ويتمملكم جميعا بخير يارب

تلاورانج يا اشرى، الفوشيا يليق مع الكرنبي مش الزيتي في رايي يعني

بمناسبة الزيتي، عايزة اعمل الانتريه زيتي والمخدات بتاعته بلون تاني، او مشجرة، اعملها ايه

اشري ازيك
اولا انزلي العربي اللي في ميدان الجامع هتلاقي كل الاكسيسوريز بتاعت المطبخ هناك
اتفرجي و اعرفي كل حاجه بتاعت ايه و جيبي اللي هاتحتاجية
انا بصراحه مش عارفه بتاعت الزين دي ايه نظامها

بالنسبه لالوان الدهان انا مفهمش بصراحه بس اعتفد الاورانج هوا اللي ممكن يمشي مع الارض الزيتي او درجه احمر معينهكده
اسئلي حد غيري احسن اعك الدنيا

سؤال بقي انتي عملتي المعجون بتاع الحيطه و لا لسه
اللي قبل الدهان و بعد المحاره؟
لو عملتيه قوليلي بكام من فضلك

amatalrahman237;11068747:
تلاورانج يا اشرى، الفوشيا يليق مع الكرنبي مش الزيتي في رايي يعني

بمناسبة الزيتي، عايزة اعمل الانتريه زيتي والمخدات بتاعته بلون تاني، او مشجرة، اعملها ايه

الزيتي ممكن يمشي مع الاحمر و الاورنج و طبعا البيجات بكل درجاتها من اول الاوف وايت لحد الكافية و البستاج

اشرى وامة الرحمن

انا شايفه الاصفر هيبقى حلو قوى ان شاء الله كل درجات الاصفر لحد الجاموسى اسمه الله على مقامكم هههههههههههههه
اشرى
بصى بخصوص اللون التركواز يا قمر اصل انا عندى اعتقادات غريبه كده بتاثير الالوان على النفسيه ههههههههه فمش عايزه الوان فاقعه عشان متعصبش عليه ههههه
فبعلم الالوان بقى لقيت اكتر الوان تريح الاعصاب الاخضرات والازرقات والاصفرات وبصراحه خطيبى مش جاى معاه سكه الاخضرات خالص مع انى بحبها فحلو التركواز وخلاص بس اتجوز ههههه

دى صوره للنبيتى مع الزيتى اهه جميله ماشاء الله
هدورلكم على الوان تانيه مع الزيتى واورهالكم

اشرى اهه اخضر غامق مع بمبى غامق جى على فوشيا جميل قوى منطقه على فكره

بنات هى الكرانيش اللى بتتعمل فى السقف اعملها فى الرسبشن بس ولا فى الاوض والطرقة والشقة كلها
هى بتبقى بالمترا وبكام

مريم حلو اوووى النبيتى مع الزيتى

دلوعة الغالى;11069294:
بنات هى الكرانيش اللى بتتعمل فى السقف اعملها فى الرسبشن بس ولا فى الاوض والطرقة والشقة كلها
هى بتبقى بالمترا وبكام

مريم حلو اوووى النبيتى مع الزيتى

بتتعمل فى الشقه كلها يا قمر مع المحاره ماعدا المطبخ والحمام
المطبخ والحمام بعد ما تخلصى السيراميك يعمل فوقه كرانيش سواء بالجبس او الخشب ويدهن عادى

لو هتعمليها مع المحاره هى مش غاليه يعنى انا مش فاكره بالظبط والله بس ممكن تكون زى تمن متر المحاره العادى بس دى بتتحسب لوحدها
وفيه ناس بيعملوها جبس وخشب برضه اشكال بقى وكده تبقى غاليه شويه شوفى انت ظروفك الماديه انا شفت ناس عاملنها بالخشب للصاله بس شكل تحفه وجوه بالمحاره عادى لاوض والطرقه

محدش يا بنات قالى تمن مكتبه تليفزيون 2 متر فى 2 متر تعمل كام؟
لو حد يعرف قماش القطيفه النضيف بتاع الانتريهات يعمل كام؟

قولولى عشان متخمش