ملف استفسارات بنات مصر للديكور

paradise rose;11005618:
مرسىىى يا بنات
طب ورق الحائط احطه فى انهى حيطه

فى الحيطة اللى جنب الباب

دلوعة الغالى;11005702:
شكرا ياقمراية على ردك وفعلا انا عجبانى عشان منظره حلو وجديد عشان الكابينه

شكرا ياحبيبة قلبى وفعلا كل مااسال حد يقولى مش حلو البانيو احسن مفيش غير اخو خطيبى اللى عجباه هاعمل البانيو احسن

سوال عشان المخالفة
انا عندى فى الرسبشن هحط السفرة والنيش والانتريه او الصالون اعمل مكتبه كبيره مع الانتريه احط فيها التليفزيون والفيديوا والحاجات دى ولا اخليها المكتبة فى اوضة الاطفال احسن ومش لازم تليفزيون فى الرسبشن

العفو ياسكر
خلى المكتبة فى اوضة الاطفال وبلاش الزحمة فى الصالة

paradise rose;10998826:
بصوا يابنات
بس سيبكوا من الالوان دى انا مش عامله اى تعديل فيها
تقسيمه الاوضه دى بالظبط اللى عندى عايزه اجيب كنبه ال زى دى وحاجه قدامها
سؤالى بقى
دلوقتى الحيطان عندى بيج
عايزه اعمل حيطه ورق حائط اعملها انهى حيطه
انا فكرت فى اللى ورا التلفزيون
واجيب ساعه كبيره فى الحيطه اللى قدام الكنبه
ولوحه فى الحيطه اللى فيها الكنبه
ايه رايكوو
ولو فكرت اعمل الرفوق اللى بتدريج دى ممكن اعملها فين
انا الليفنج دا ناويه عليه احمر ان شاء الله
قولولى بقى التنسيق بتاع الاوضه يبقى ازاى

بصي يا حبيبتي حددي الأول الألوان الرئسيسة اللي انتي عايزياها في الليفينج
يعني دلوقتي أحمر ومعاه ايه ؟؟؟
ممكن أحمر وبيج وممكن أحمر وجراي وممكن أحمر وأسود وأبيض

انا رأيي ان شاء الله الرفوف تتعمل في الحيطة اللي في وش الباب اللي هيا هتبقا فاضية مش اللي فيها الكنبة الضغيورة دي لأ
اللي هيا هتبقا الحبطة اللي داخل من الباب تبقا في وشه
لو الرفوف اتعملت فوف التليفزيون مش هيبقا باينين أوي أو ممكن تعمليها في الحيطة اللي في ضهر الركنه ( الحيطة اللي فيها البرواز )
انا ليا رأي في موضوع ورق الحائط لو عملتي ورق حائط متعمليش حاجات كتير وخصوصا لو ورق الحائط في أحمر عشان هتبقا كتير وحاولي اللوان الأحمر يبقا غامق شوية عشان ميتعبش العين وده فعلا والله عن تجربة
احنا كان عندنا بطانية في البيت لونها ازرق وفيها جزء أحمر كل ما كنت ابص عليها كانت بتزغللي عيني
وحاجه كمان انتي ممكن تعملي ورق حائط غامق أو متعمليش ورق حائط وتجيبي فروع الشجر في الحيطة الفاضية وتطلعي منها ورود برضه بالأحمر وتخلي الرفوف الخشب مدهونه بالأحمر
وتخلي اللون بيج عادي زي ما هو ووتخلي الحيطة اللي ورا الركنه لونها أحمر أو نبيتي
ولو افتكرت حاجه تاني ان شاء الله هاجي اكتبهالك

دلوعة الغالى;11005187:
بنات ايه رايكم انا بفكر اعمل الدش زى كده اللى هو بالكابينه الزجاجية مكان البانيو بس ماما بتقولى البانيو احسن

انا عن نفسى يا قمر هعمله فى شقتى الجديده لانه مبيطلعش ولا نقطه ميه بره خالص مش زى الستاره بس الفرق انى هعمله بانيو مرتفع مش قدم بس صغير واقفل كابينه فوقيه برده وشكله اشيك من الستاره بكتير

totytwety;11007261:
انا عن نفسى يا قمر هعمله فى شقتى الجديده لانه مبيطلعش ولا نقطه ميه بره خالص مش زى الستاره بس الفرق انى هعمله بانيو مرتفع مش قدم بس صغير واقفل كابينه فوقيه برده وشكله اشيك من الستاره بكتير

حلوه الفكره دي يعني هتعملي بانيو مش بانيو قدم صح؟ كده احسن لان اكيد هتحتاجوا البانيو

فتافييت السكر;11007279:
حلوه الفكره دي يعني هتعملي بانيو مش بانيو قدم صح؟ كده احسن لان اكيد هتحتاجوا البانيو

اه يا قمر بانيو عادى بس مش كبير

كنت عايزه اسالكو لو انا عايزه اعمل اضاءه اسبوتات فى قطع المطبخ اللى فوق بس من تحت بحيث تبقى الاسبوتات متسلطه على الرخامه مش عارفه فهمتونى ولا لا تتعمل ازاى يعنى يحفر مكان لاسبوتات فى قاعده المطبخ المتعلق فوق ولو حصل ده ارص الحاجات جواه ازاى ياريت تفهمونى ولو فيه صور يبقى افضل

بنات لو سمحتوا عايزه صور لستاير كلاسيك بس تكون بسيطه لان المساحه عندي ضيقه شويه

مسلمة موحدة;11006644:
بصي يا حبيبتي حددي الأول الألوان الرئسيسة اللي انتي عايزياها في الليفينج
يعني دلوقتي أحمر ومعاه ايه ؟؟؟
ممكن أحمر وبيج وممكن أحمر وجراي وممكن أحمر وأسود وأبيض

انا رأيي ان شاء الله الرفوف تتعمل في الحيطة اللي في وش الباب اللي هيا هتبقا فاضية مش اللي فيها الكنبة الضغيورة دي لأ
اللي هيا هتبقا الحبطة اللي داخل من الباب تبقا في وشه
لو الرفوف اتعملت فوف التليفزيون مش هيبقا باينين أوي أو ممكن تعمليها في الحيطة اللي في ضهر الركنه ( الحيطة اللي فيها البرواز )
انا ليا رأي في موضوع ورق الحائط لو عملتي ورق حائط متعمليش حاجات كتير وخصوصا لو ورق الحائط في أحمر عشان هتبقا كتير وحاولي اللوان الأحمر يبقا غامق شوية عشان ميتعبش العين وده فعلا والله عن تجربة
احنا كان عندنا بطانية في البيت لونها ازرق وفيها جزء أحمر كل ما كنت ابص عليها كانت بتزغللي عيني
وحاجه كمان انتي ممكن تعملي ورق حائط غامق أو متعمليش ورق حائط وتجيبي فروع الشجر في الحيطة الفاضية وتطلعي منها ورود برضه بالأحمر وتخلي الرفوف الخشب مدهونه بالأحمر
وتخلي اللون بيج عادي زي ما هو ووتخلي الحيطة اللي ورا الركنه لونها أحمر أو نبيتي
ولو افتكرت حاجه تاني ان شاء الله هاجي اكتبهالك

مرسىىى يا جميله ربنا يخليكى

بس معلش وضحيلى اكتر الحته دى
يعنى ايه اجيب فروع شجر وتتعمل ازاى

totytwety;11007261:
انا عن نفسى يا قمر هعمله فى شقتى الجديده لانه مبيطلعش ولا نقطه ميه بره خالص مش زى الستاره بس الفرق انى هعمله بانيو مرتفع مش قدم بس صغير واقفل كابينه فوقيه برده وشكله اشيك من الستاره بكتير

فعلا ياقمر اخو خطيبى لما قولتله البانيو بينفع اكتر قالى اعملى ليها ارتفاع يعنى ميكونش حوض فى الارض لا اعمل ارتفاع 10 او 15 سم اوانا عاجبنى شكله هفكر تانى واشوف قوليلى ياحبيبتى متعرفيش يتكلف كام بما انك هتعمليه

دلوعة الغالى;11010324:
فعلا ياقمر اخو خطيبى لما قولتله البانيو بينفع اكتر قالى اعملى ليها ارتفاع يعنى ميكونش حوض فى الارض لا اعمل ارتفاع 10 او 15 سم اوانا عاجبنى شكله هفكر تانى واشوف قوليلى ياحبيبتى متعرفيش يتكلف كام بما انك هتعمليه

بصى يا قمر انا معرفش لسه سعره يتكلف كام بس جوزى قالى ان تمن البانيو بالكابينه هيدخل تقريبا فى نفس رينج بانيو كبير من غير كابينه لكن انا ممكن اقولك على البانيو اللى عجبنى فى كليو باترا كان 70 فى 120 هو صغير بس مرتفع مش قدم وكان عامل 200 وحاجه مش فاكره بالظبط السعر بس كان فى الرينج ده ولاقينا ان سعره زى القدم فقلنانبقى نجيب ده احسن ونقفل فوقيه برده

paradise rose;11009107:
مرسىىى يا جميله ربنا يخليكى

بس معلش وضحيلى اكتر الحته دى
يعنى ايه اجيب فروع شجر وتتعمل ازاى

الشكر لله يا حبيبتي
ربنا يسعدك ويرزقك بالذرية الصالحة والله يا بارادايس انا بحبك في الله

بالنسبة يا حبيبتي لفروع الشجر
انا سمعت ان في بعض شركات الدهانات بتبيعهم وبعض المكتبات على حسب ما سمعت من هنا من المنتدى إن شاء الله لو البنات عارفين الأماكن هيقولولك
وصراحة شكلها بيبقا أحلى كمان من ورق الحائط انا شفت بنات من هنا المنتدي بس خليجيات عاملينها وما شاء الله تحفة
دي صور من على النت















ودي مش ورد بس شكلها جميل




دي فكرتهم يا حبيبتي

وفي حاجه مارو قالتها انا مكنتش واخده بالي منها لو الحيطة فيها شباك يبقا متعمليش في الحيطة دي شغل خالص عشان الشباك مش هيبينها
لو في شباك فعلاً ممكن تعملي الفروع بتاعت الشجر دي في الحيطة اللي فيها البرواز

maro2010;11010201:

ازيك يا بارادايس بصي يا ستي انا اوضة الليفنج عندي اخت دي بالظبط بس الفرق انو بدل الركنة عملاه 2 فوتيه و2 كرسي والحيطة اللي عند التي في دي انا عملاها عندي احمر داكن كدة وبقية الحيطان بيج وانتي بئى ممكن تعملي عندها ورق الحائط بس انتي ممكن تعملي ورق الحائط بيج مثلا او اللون اللي تحبيه اللي يكوون لايق مع الاحمر والباقي نفس درجة اللون اللي انتي عاملاها منها ورق الحائط عادي وانتي ممكن تلوني في الركنة والديكور وبصي تحت صورة بيت واحدة صاحبتي كانت عاملة ورق حائط بيج يمكن تفيدك

يبئى ده بالنسبة للحيطة اللي فيها التي في
بالنسبة للحيطة اللي على الجنب فوق الركنة ممكن تحطي فيها تابلوه مثلا او تحطي الرفوف وكانت فيه بنوتة معانا عاملة كدة بصي على الصورة تحت

والحيطة التالتة اللي في وش باب الاوضة اكيد فيها شباك ولا ايه؟لو فيها شباك زيي انتي ممكن تعملي عندها ستارة تليق مع الوان الليفنج
اما بئى الحيطة اللي فوق الكنبة الصغيرة ممكن تحطي فيها ساعة مثلا
ويارب اكون قدرت افيدك يا جميلة

مرسىىى يا روحى اوى اوى بجد متشكره للشرح المفصل دا
ايوه يا حبيبتى الله ينور عليكى انا عندى البلكونه فعلا ف الحته دى وهعمل ستاره ان شاءء الله فيها تليق معاه
متشكره اوى يا حبيبتى ربنا يتمملك بخير
معلش يا جميله هى صحبتك عملت ورق الحائط دا فين
اصل المواضيع دى انا جاهله فيها اوى

مسلمة موحدة;11010620:
الشكر لله يا حبيبتي
ربنا يسعدك ويرزقك بالذرية الصالحة والله يا بارادايس انا بحبك في الله

بالنسبة يا حبيبتي لفروع الشجر
انا سمعت ان في بعض شركات الدهانات بتبيعهم وبعض المكتبات على حسب ما سمعت من هنا من المنتدى إن شاء الله لو البنات عارفين الأماكن هيقولولك
وصراحة شكلها بيبقا أحلى كمان من ورق الحائط انا شفت بنات من هنا المنتدي بس خليجيات عاملينها وما شاء الله تحفة
دي صور من على النت















ودي مش ورد بس شكلها جميل




دي فكرتهم يا حبيبتي

وفي حاجه مارو قالتها انا مكنتش واخده بالي منها لو الحيطة فيها شباك يبقا متعمليش في الحيطة دي شغل خالص عشان الشباك مش هيبينها
لو في شباك فعلاً ممكن تعملي الفروع بتاعت الشجر دي في الحيطة اللي فيها البرواز

والله وانا بحبك اوى والله وبحترمك جداااا ربنا يتمملك زواجك على خير يارب ويفرح قلبك يا حبيبتى
لا يا حبيبتى انا عنىد بلكونه مش شباك فى الحيطه اللى فى وش الباب
انا فكرت لو ان شاء الله لقيت حد يعمل فروع الشجر دى انى اعملها فى الحيطه اللى فيها الكنبه الصغيره واطلعها ع الرفوق زى ماقلتيلى فى الاول
واعتقد كدا تبان
وبجد الصور تحفففه يارب الاقى حد يعمل الشغل دا
مرسىى يا جميله

totytwety;11010494:
بصى يا قمر انا معرفش لسه سعره يتكلف كام بس جوزى قالى ان تمن البانيو بالكابينه هيدخل تقريبا فى نفس رينج بانيو كبير من غير كابينه لكن انا ممكن اقولك على البانيو اللى عجبنى فى كليو باترا كان 70 فى 120 هو صغير بس مرتفع مش قدم وكان عامل 200 وحاجه مش فاكره بالظبط السعر بس كان فى الرينج ده ولاقينا ان سعره زى القدم فقلنانبقى نجيب ده احسن ونقفل فوقيه برده

احنا كنا جايبن البانيو اللى هو بيتم وضعه فى الركن كان تقريبا 130 * 130 كان 700 جم من سنة تقريبا
دى الركنة اللى انتوا اتفقتوا انها احسن


و دى صورة الأنترية كمان باللون الأسود و الرصاصى





ايه رايكم فيهم بكل امانة بالنسبة للألوان انا ان شاء الله هغيرهم
بس اللى عندها حاجة احسن تنزلها
علشان نبدأ بقى فى الستاير

sally2007;11005290:
انا عاملة عمولة فى محل فى بنها ياقمر

ما شاء الله شيك اوي يا سالي
ممكن اعرف كلفك كام لو سمحتي :087:

totytwety;11007881:
كنت عايزه اسالكو لو انا عايزه اعمل اضاءه اسبوتات فى قطع المطبخ اللى فوق بس من تحت بحيث تبقى الاسبوتات متسلطه على الرخامه مش عارفه فهمتونى ولا لا تتعمل ازاى يعنى يحفر مكان لاسبوتات فى قاعده المطبخ المتعلق فوق ولو حصل ده ارص الحاجات جواه ازاى ياريت تفهمونى ولو فيه صور يبقى افضل

اه ينفع ياقمر تتعمل الاسبوتات زى ما بتتعمل فى النيش بس تتعملفى الدواليب اللى فوق وعلى جنب

mnne;11008629:
بنات لو سمحتوا عايزه صور لستاير كلاسيك بس تكون بسيطه لان المساحه عندي ضيقه شويه

حنزلك ياقمر صور حالا

seymaa;11011770:
احنا كنا جايبن البانيو اللى هو بيتم وضعه فى الركن كان تقريبا 130 * 130 كان 700 جم من سنة تقريبا
دى الركنة اللى انتوا اتفقتوا انها احسن


و دى صورة الأنترية كمان باللون الأسود و الرصاصى





ايه رايكم فيهم بكل امانة بالنسبة للألوان انا ان شاء الله هغيرهم
بس اللى عندها حاجة احسن تنزلها
علشان نبدأ بقى فى الستاير

الصالون موديله حلو بس انتى حتعملى الالوان دى انا راى اعملى فواتح

ستاير كلاسييك

الحب هو الحياة;11012979:
اه ينفع ياقمر تتعمل الاسبوتات زى ما بتتعمل فى النيش بس تتعملفى الدواليب اللى فوق وعلى جنب

حنزلك ياقمر صور حالا

الصالون موديله حلو بس انتى حتعملى الالوان دى انا راى اعملى فواتح

سورى نسيت اضع الصالون اللون الأسود بس مش مشكلة
ان شاء الله هغير فى الألوان ممكن يبقى بيج بس قولت لما انزل اشوف الألوان اللى موجود ممكن تبقى الأقمشة شمواه بس الركنة بقى هبقى عايزة لون مترقع

بس مش قولتى لى يا حب ادور على موديلات تانية و لا دول كويسين و نبدأ الشغل فيهم؟؟؟؟

seymaa;11013190:
سورى نسيت اضع الصالون اللون الأسود بس مش مشكلة
ان شاء الله هغير فى الألوان ممكن يبقى بيج بس قولت لما انزل اشوف الألوان اللى موجود ممكن تبقى الأقمشة شمواه بس الركنة بقى هبقى عايزة لون مترقع

بس مش قولتى لى يا حب ادور على موديلات تانية و لا دول كويسين و نبدأ الشغل فيهم؟؟؟؟

طيب نزلى الصالون الاسود عشان اقولك انه احلى
بس الرمادى حلو ومناسب للمودرن من وجهة نظرى وان شاء الله البنات تفيدك

الحب هو الحياة;11013496:
طيب نزلى الصالون الاسود عشان اقولك انه احلى
بس الرمادى حلو ومناسب للمودرن من وجهة نظرى وان شاء الله البنات تفيدك

لا يا حبيبتى انا قصدى على الموديل ما هو الأسود برده نفس الموديل انا اقصد ان الركنة دى و الأنترية دول كويسين و لا احاول اشوف حاجة تانية