seymaa;10841267:
عارفة يا قمر ان كل غرف النوم المودرن فيها شفونيرة بس انا كنت بفكر فى العملى بس طيب ما ممكن اخلى الدولاب اعرض يعنى بدل ما يبقى 3 درف مثلا يبقى 4 ؟؟؟ يعنى علشان لو اعترض على الشفونيرة يبقى عندى جميع الحلول
قصدى يعنى الحاجات الزيادة مثل الطبق الغسيل الكبير دا احوطه فين؟؟؟ و كمان لو عندى سجادة زيادة فى بنات قالوا اهم بيضعوها تحت السرير
دا قصدى يا قمر
معلش بتعبك معى
سيما معلش اتاخرت عليكى فى الرد وعرفت من مشاركاتك انك خلاص اتفقتى مع النجار معرفش بقى رائى هيفيدك ولا لا بس عمتا حلوة فكرة الدولاب باربع درف ارحم واحسن من الدولاب البلكار دة
بلاش تجيبى طبق غسيل هاتى احسن سبت فى اشكال كتير منه وبيكون بغطا وكمان بيليق عالمودرن انا شوفت منه عند تيوليب ممكن تحطيه جنب التسريحة او جنب باب الاوضة ولو مش عندك مكان خليه فى الحمام جنب الغسالة او فوقها
بصى قبل متجيبى السجادة قيسى الاول المسافة من نهاية السرير لحد الحيطة المقابلة ليه وهاتى السجادة على ادها اما لو انت خلاص جبتيها يبقى خلى الزيادة تحت السرير يارب اكون فهمت قصدك وبعدين متقوليش انك بتتعبينى عيب كدة احنا كلنا اخوات:)
nona_bas;10842921:
بنات اخباركو ايه
وحشتوني كتير
انا كنت محتاجه رأيكو في حاجه
انا هشتري الانتريه مودرن ان شاء الله
شوفت واحد عجبني اوي كان لونه موف والشلت واخضر بستاج كده
والمخدات كلها موف واخضر
بس ساده
كله ساده
حسيته شيك والله
ف ايه رأيكم حلو ده ولا ادخل فيه مشجر ولا ايه؟
وحلو اللون ده ولا اعمله موف في فوشيا؟
ولو حد عنده الوان تانيه يقول الالوان في ايدينا
وكنت عايزه اعرف بقي هي الانتريهات دي بيجيلها سجاد ايه وستايرها ازاي
انا مش عارفه
حاسه مينفعش عليها الشيفون ولا البراقع العاديه
ولا ايه؟
سوري طولت عليكو
بس مليش غيركو
حلو الموف مع البستاج بس خلى الشلت منقوشة افضل ولو بتدورى على لون تانى ممكن موف مع اورانج بردو حلو اوى
روحى النساجون هتلاقى تشكيلة سجاد حلوة اوى للمودرن هى بتكون سيمبل اوى والوان كتييير
طبعا مينفعش البراقع مع المودرن ممكن اورجانزا وشيفون انشاء الله تلاقى بنات تفيدك فى موضوع القماش اكتر منى
seymaa;10843674:
هو قالنا انه هيعوضها فى السفرة و الأنترية و الركنة
يعنى مثلا احنا لسه مش عطيته الصور علشان يقول السعر بالضبط ولسه كمان حسب المقاسات
بس مثلا الأنترية قال من 3 إلى 4
الركنة قال تقريبا 3
السفرة قال 6 لو 7.5
المطبخ 4 (لمطبخ بتاعى حوالى 4 متر)
و دا اسعار هو كرمنا فيها بس الغرفه مش هينفع ينزل
ايه رايك؟؟؟
النجار ده اسعاره حلوة اوى واوضة النوم كمان سعرها معقول لان الخشب اللى هيعمله نضيف ولو نزلتى معاه هينزلك عادى و مش هيرضى يزعلك عشان مترحيش لغيره بس ساعتها هيقللك من الخشب الزان ويزود من عنده نوع خامته اقل من غير ماانت تعرفى عشان يعوض فرق السعر بالعقل كدة مش معقوله هيعملك نفس الخشب هوا هوا ولكن بسعر اقل ;)
la jolie;10846498:
ازيكو يا بنات انا روحت النهارده جهاز الخدمات بتاع القوات المسلحه وحجزت اوضه نوم واوضه سفره وكرنر وهستلمهم ان شاء الله يوم
17/1 بأذن الله عقبالكو يا بنات كلوكو ان شاء الله لو حد عايز يستفسر ;) انا موجوده بس مكتئبه شويه والله اصل اللى حصل النهارده واللى عملتو حماتى معانا النهارده ميتحكيش :'(والله مستائه لدرجه والله متتوصفش
مش عاجبها الاوض بتاعتنا اللى احنا جيبنها لانها دقه قديمه اوى واحنا جايبن كل الشقه مودرن وصغرت خطيبى ادام الناس بس الحمد لله خد حقى وخلانى اختار اللى انا عايزاه وراحت سبتلنا المكان ومشيت
كل ده عشان عايزه تختار الحاجه اللى المفروض تبقى فشقتنا مش عارفه على اساس ايه :-o الحمد لله خطيبى قدامها قالى انتى عايزه السفره دى والركنه والنو م قلتلو اه قدامها قالى خلاص وخلى البنت تكتب العقد النهائى وكتب العقد بأسمى وباس على دماغ ماما واتصل بيها 1000 مره وقالها انا اسف ووماما قالتلى ان خطيبى بيقول محدش يقدر يزعلنى لانى انا عندو حاجه كبيره والكلام ده :o لدرجه ان هو سبلها لمامتو الشقه وانا كلمتو وقلتله كده لا وعيب والكلام ده وقلتله هكلمها فرح اوى واتصلت بيها مرتين ومرديتش وبعتلها مسدج والله العظيم ربنا يعلم انا بعمل كل ده عشان الواد ملوش ذمب وعايزه افرحو بس هى مصره تنكد عليناكان نفسنا اوى نجيب حاجتنا انا وخطيبى واحنا مبسوطين وفرحنين بس ربنا يسمحها :'(:'(:'(:'(:'( بس المشكله بقى ان خطيبى مكتئب اوى وصوتو مكسور :'(:'(:'( مش عارفه اتصرف معاه ازاى ؟ كلمته وقلتله متنمش زعلان وانزل اعد مع اصحابك نزل وطلع وبردو مكتئب بشرط انو لما صوتى انا يتخنق وانا بكلمه يقولى مالك اقولو مليش واحاول اضحك تمثيل :'( :'(:'( وافهمه انى مش فاكره الموضوع يرتاح
اخيراااا مبروك ياحبيبتى سالت والله عليكى فى التجهيزات الحمد لله انك جبتى اللى نفسك فيه ومعلش الجواز من غير مشاكل ميبقاش له طعم :lol: روقى كدة وزى مقلتلك دى احلى ايامك استمتعى بيها على اد متقدرى ومتنكديش على نفسك واصبرى كام يوم كدة وكلمى حماتك تانى تكون هديت وكلمى خطيبك قوليله طالما جبنا العفش تعالى نخرج سوا عشان نفرح وننبسط وقضوا يوم حلو والله تستاهلو بعد معاناة وتدوير وصعوبة فى اختيار العفش انكو تنبسطوا وتخرجوا ولو الماديات مسمحتش اعزميه فى البيت عندك وقضوا اليوم سوا وربنا يوفقك ويكملك على خير
الحب هو الحياة;10846840:
بنات عايزة اعمل لون موحد لابواب الاوض اعمل لون ايه مع العلم ان عندى كل اوضة غير التانية فى الدهانات ولا اعمل الابواب وش داخلى ووش خارجى ؟
لا مش حلوة فكرة وش داخلى ووش خارجى . هوا اعملى لون موحد والاحسن ادهنى لون استر درجة بنى غامق بتبقى شيك جدا وبتليق على كل العفش
مكرووونة;10847267:
كل سنة وانتو طيبين يا بنات :)
سنة سعيدة ان شاء الله
هو ينفع احط ركنة حرف يو فى الريسيبشن ؟
عارفين الركنات اللى بتبقى اجزاء و ينفع تترص مش جمب بعضها
مش عارفة اوضح معلش و البتاع مش راضى يحمل صور مش عارفة ليه:mad:
ينى الريسبشن حيكون فيه الركنة دى حرف يو كد بس مش كامل اوى و جمبيه ال سى دى و حواليها رفوف و حركات المودرن اللى على الحيطة دى
و معاهم سفرة و نيش
هو ينفع و لا لازم انتريه كنبتين و كرسيين مثلا ؟
اه طبعا ينفع مفيش مشكلة اعملى اللى نفسك فيه طالما فى حدود المعقول والمناسب و دى فكرة جامدة جدا والركنة حرف اليو مش منتشرة خالص وربنا يوفقك
seymaa;10848727:
شوفوا صور السفر و الركن دى
فى منهم حاجات من ان اند اوت
على فكرة الانتريه ده شوفتوا فى ان اند اوت عليه عرض ب 5950 جنيه
بصوا بقى انا علشان المساحة عندى بفكر اعمل سفرة و نيش او بوفيه هو انا كنت بقول لخطيبى نعمل الأثنين بس صغيرين يعنى انا حابة قوى النيش اللى هو بيبقى زاى دولاب الفيضات بس
ايه رايكم و يلا اللى عندها تصاميم تنزلها و علشان نختار منهم
علشان المخالفة ادعو لخطيبى اصله تعبان و بعدين علشان نشوف هنروح تانى لنجار امتى
ربنا يشفى خطيبك ويعافيه ويخليهولك
اه اعملى سفرة ونيش بس النيش اللى هوا بيبقى زى دولاب الفضية حلو اوى
