ملف استفسارات بنات مصر للديكور

زهورة..;10644628:
السلام عليكم ورحمة الله وبركاته
بنات كان عندي استفسار لو عندي عمود فى وسط الريسبشن اعمل فى ايه من ديكور يليق على المودرن ولا اسيبه وادهنه عادي زي الباقي ؟ مستنياكو عشان النقاش شغال وعايزة اقرر ان شاء الله

بصى يا جميل
عندك افكار كتير
1- تسيبيه على لونه وتحطى عليه تابلوه او كذا تابلوه (او براويز صور) صغيرة فوق بعض
2- تلونيه بلون مختلف او تحطى عليه ورق حيطة ملون او منقوش
3- تجلديه بالخشب وتدهنيه بنى أستر
4- تغطيه بالطوب زى كده


وانا عاملاه عندى كده فى الشقة وشكله ظريف

5- شفت فكرة حلوة قوى فى كاتالوج قبل كده.. العمود كان مربع عادى هم عملوه كأنه مدور بس سابو ناحية منه مدوروهاش كأنها تجويف جوة العمود وحطوا عليها أرفف ازاز وأنتيكات.. شكلها وهم بجد

kitty_kity;10639866:
معرض القوات المسلحة له معرضين
مصر الجديدة والعباسية
واغلبيته مودرن

زيزي
عندك معرض القوات ده فيه مودرن
محلات ف مكرم عبيد كتير فيها
مفكو حلوان بس مش اوي
ان اند اوت
تو مودرن الي ف النحاس
دول الي اعرفهم ياجميل

ميرسي ياكيتي كيتي انا عارفة ان في محلات كتير في مكرم عبيد بس كنت عاوزة اعرف معارض كويسة ومضمونة وسعرها كويس ياريت حد يقوليييييييييييييييييييييييي وشكرا

زيزي في معرض على الفيس بوك عاجبني حاجات اوي عنده
لقيت عنده نفس السفرة الي ف بيلاكازا
كانت ف بيلاكازا ب27 وخشب ام دي اف
لقيتها عنده ب14
اكتبي ف الفيس بوك كلمة kordi furniture
هتلاقيه هو ده
وعامل عرض دلوقت اودة نوم واودة سفرة ومرتبة ماستر بد ب18500
لو كنت بشتري كنت اشتريت والله لان عاجبني ستايلاته

يا بنات انا اول مره اشترك في مندتي بليز ممكن القي صديقه لاني زهقانه موووووووووووووت من الخياه

ليه بس كدا؟؟؟ زهقانه ليه
ادخلي على الشات هنا طيب..لان ده موضوع مخصص لاستفسارات الديكور

عاشقة الرحمن دينا;10643646:
طيب تفتكري المساحة تكفي ؟؟ و ينفع من غير مطبخ اميريكان اوي
ينفع بشباك مناوله بس كبير متر و نص * متر و ربع
و فكره تعليه السفره ايه رأيك فيها في الرسمة التانيه


فين باقي البنات و ارائكم

ايوة اعملى فتحة كبيرة متر ونص فى متر ونص او ربع
بالنسبة للسفرة انا شايفة تسبيها زى ما هى متعلهاش

زهورة..;10644628:
السلام عليكم ورحمة الله وبركاته
بنات كان عندي استفسار لو عندي عمود فى وسط الريسبشن اعمل فى ايه من ديكور يليق على المودرن ولا اسيبه وادهنه عادي زي الباقي ؟ مستنياكو عشان النقاش شغال وعايزة اقرر ان شاء الله

ممكن تعمليه طوب بيكون شكله شيك اوى او تعمليه زى دولاب فضيات اعملى عليه ارفف وحطى فيه كريستالات وفضيات وقفليه زجاج حيبقى شيك اوى

كيتي ابعتيلي الجروب اللي قلتي عليه دة لو سمحتي

بنات انا عايزة اقولكم حاجة وخايفة تضايقكم، بابا راح يوم الحد معرض القوات المسلحة ومعاه نجار صاحبه عشان يتاكد ان الخشب حلو وكدة، النجار قال ان اغلب الاوض كانت مش حلوة ، خشب زان وكل حاجة بس نوع مش نضيف وفي معارض عاملة خشب غريب كدة مش فاكرة نوعه وعليه طبقة او قشرة زان بس
وفي كل المعرض اوضتين بس كانوا جامدين

انا والله مش كنت عايزة ازعل اللي جابوا من هناك ولا اللي بيفكروا يجيبوا بس كان لازم اقولكم، انا كدة هرجع الف الدنيا تاني لحد ما الاقي حاجة كويسة وخشب نضيف

أمة الرحمن
انا بعتلك لينك الجروب
وبتعتذري عن ايه ياقمر ده كتر خيرك وخير باابا
بس حالا بقى لازم نتوصل هنشتري منين ان شاء الله عشان لو مش هنجيب جاهز نلحق نعمل عمولة
ولا ايه؟

اه طبعا يا كيتي، والله يا بنتي انا مش عارفة كدة هعمل ايه
وانا اصلا غصب عني لازم اعمل عمولة عشان الشقة ليها مقاسات خاصة، ادينا مع بعض ولو حد عرف حاجة يبقى ربنا يكرم بقى

amatalrahman237;10650236:
كيتي ابعتيلي الجروب اللي قلتي عليه دة لو سمحتي

بنات انا عايزة اقولكم حاجة وخايفة تضايقكم، بابا راح يوم الحد معرض القوات المسلحة ومعاه نجار صاحبه عشان يتاكد ان الخشب حلو وكدة، النجار قال ان اغلب الاوض كانت مش حلوة ، خشب زان وكل حاجة بس نوع مش نضيف وفي معارض عاملة خشب غريب كدة مش فاكرة نوعه وعليه طبقة او قشرة زان بس
وفي كل المعرض اوضتين بس كانوا جامدين

انا والله مش كنت عايزة ازعل اللي جابوا من هناك ولا اللي بيفكروا يجيبوا بس كان لازم اقولكم، انا كدة هرجع الف الدنيا تاني لحد ما الاقي حاجة كويسة وخشب نضيف

انا شايفة ان كل الحاجات اللى اسعارها 5 و 7 وحتى 10 دي لازم طبعا تكون كلها مضروبة لان الدنيا والحاجة كلها دلوقت غليت جدا لازم يعملوا كدة عشان الحاجة تكون سعرها معقول عشان يبيعوا وحتى اللى بيفصلوا واللى يعرفوا حد اكيد بيعمل كدة بردوا الا بقى لو رحنا احنا اشترينا الواح الخشب بنفسنا ووديناها للنجار ههههههههههههه

عشان كدة نشتري بقى بالشكل وبجودة معقوله وخلاص اصل احنا يعني مش هنحارب بالعفش

ومهما كان متانه العفش اكيد هيتغير في يوم من الايام كل الناس بتحب تجدد وتغير فاماتتعبوش نفسكوا بحاجة مستحيله وماتوجعوش دماغكوا بالتدوير على الفاضي

والله ياناني انا يوم مارحت قولت كدا
خصوصا انا لعفش كان الفينيش بتاعه جميل اوي وعاجبني
يمكن اكتر مودرن عجبني
بس ماما بتقولي ممكن تلاقي ف دمياط حاجات احسن وامتن
بس انا مش بحب دمياط
بحسها كلها ستيل واويمة
وماما مش مقتنعه ان الشقة تكون كلها مودرن

ناني فيبس;10651190:
انا شايفة ان كل الحاجات اللى اسعارها 5 و 7 وحتى 10 دي لازم طبعا تكون كلها مضروبة لان الدنيا والحاجة كلها دلوقت غليت جدا لازم يعملوا كدة عشان الحاجة تكون سعرها معقول عشان يبيعوا وحتى اللى بيفصلوا واللى يعرفوا حد اكيد بيعمل كدة بردوا الا بقى لو رحنا احنا اشترينا الواح الخشب بنفسنا ووديناها للنجار ههههههههههههه

عشان كدة نشتري بقى بالشكل وبجودة معقوله وخلاص اصل احنا يعني مش هنحارب بالعفش

ومهما كان متانه العفش اكيد هيتغير في يوم من الايام كل الناس بتحب تجدد وتغير فاماتتعبوش نفسكوا بحاجة مستحيله وماتوجعوش دماغكوا بالتدوير على الفاضي

(y)(y)(y) عين العقل انا تعبت جدا في التدوير وجبت حاجات كويسه ونضيفه وبسم الله الرحمن الرحيم الحاجه وهي مفروشه بعد الجواز بلاقيها بتبوظ لوحدها النيش عندي بقا بيتشقق جامد والدولاب لقيته كان حد ضربه بشكوش من جوه من ناحيه السقف بتاعه والحمد لله على كل حال

بس القوات المسلحه ومفكو حلوان احسن الوحشين دلوقتي والاسعار في المعقول

kitty_kity;10651291:
والله ياناني انا يوم مارحت قولت كدا
خصوصا انا لعفش كان الفينيش بتاعه جميل اوي وعاجبني
يمكن اكتر مودرن عجبني
بس ماما بتقولي ممكن تلاقي ف دمياط حاجات احسن وامتن
بس انا مش بحب دمياط
بحسها كلها ستيل واويمة
وماما مش مقتنعه ان الشقة تكون كلها مودرن

مفيش حد من الاهل يا كيتي بيقتنع بالمودرن انا طلعت عيني اقنع اهله واهلي ومفيش فايده دول بالعين الاميريكان بالعافيه

بنات محتاجة حد يساعدنى انا عايزة اعرف مكان بيعمل مطابخ يكون حلو وشيك و يارات سعر المتر الخشب و هى اكسسورات المطابخ دى الداخلية بتتباع لو روحت لنجار ممكن يحطها وبكام ولا هى مش موجودة غير عند قبنورى والناس دى

انا درف الدولاب عندي بتقع لوحدها وانا لسه مكملتش سنه
ههههههههههههههه

nosha_2000;10653271:
بنات محتاجة حد يساعدنى انا عايزة اعرف مكان بيعمل مطابخ يكون حلو وشيك و يارات سعر المتر الخشب و هى اكسسورات المطابخ دى الداخلية بتتباع لو روحت لنجار ممكن يحطها وبكام ولا هى مش موجودة غير عند قبنورى والناس دى

بصي يا نوشا اي نجار دلوقتي بيجبلك الاكسسوارات ديه و الحاجات ديه كلها متوفره في السوق دلوقتي و لو عايزه اماكن تفصلي فيها مطبخ شيك انا اعرف اتنين في الهرم و واحد فيهم انا عملت فيه المطبخ بتاعي و ما شاء الله كويس خالص

لو الهرم قريبه منك ابعتلك التفاصيل علي الخاص

نيمو النجار بتاع المطابخ اللي عملتي عنده ممكن يعمل مطبخ زي بالظبط صوره انا هوريهاله ولا بس بيعم حاجات عاديه شكلها محدد؟وياتري المتر بكام ؟

لا يا ناني هو مكتب تصميمات عندهم اسطمبات معينه يعني بيعمل الموديلات اللي عنده بس و هو سعره معقول بس انا كنت عيزاه يغير حاجات قالي مينفعش

بس عمي عامل مطبخ جناااااان مجمعه من كذا موديل علي النت بجد وهم و عامله عند نجار عااادي لو تحبي اخدلك التفاصيل منه

طيب امال الاود الكويسة و الحاجات اللي عن المعارض المعروفة زي قاصد كريم و سعد محمد سعد ايه نظامهم كويسين و لا بردو اي كلام

نانى انا متفقة معاكى جدا نجيب اللى جودته معقوله وشكله حلو لانك هاتتعبى فى اللف وفى الاخر برضه الله اعلم من النتيجة
القوات المسلحة احسن الوحشين انا رحت معرض ايدج لاقيت السفرة اللى ب10000 لاقيتها هناك ب20000 الضعف بالظبط طب لما اجيب السفرة ب20000 بقية العفش اجيبه ازاى هههههههههههههه
ربنا يباركلنا فى اللى نختاره يارب

kitty_kity;10646046:
زيزي في معرض على الفيس بوك عاجبني حاجات اوي عنده
لقيت عنده نفس السفرة الي ف بيلاكازا
كانت ف بيلاكازا ب27 وخشب ام دي اف
لقيتها عنده ب14
اكتبي ف الفيس بوك كلمة kordi furniture
هتلاقيه هو ده
وعامل عرض دلوقت اودة نوم واودة سفرة ومرتبة ماستر بد ب18500
لو كنت بشتري كنت اشتريت والله لان عاجبني ستايلاته

الكردى عنده حاجات حللللللوة وشيك وبيصمم اللى انتى عاوزاه من اى كتالوج

انا روحتله انا وخطيبى من شهر كده وشوفنا المعروض عنده هو مش بيبيع جاهز بيعمل عمولة بس وبيعرض الحاجه عنده الحاجه نضيفه جدا والفينيشنج نضيف وشوفت عنده انتريه مودرن عارضه نفس اللى فى الكتالوج بالظبط
والمهندس صاحب المعرض محترم جدااااااا فاهم جدا وبيتكلم معاكى لحد مايعرف عاوزين ايه
وهما اللى بيرفعوا مقاسات الشقه وقالنا التسليم بعد شهرين تقريبا مش فاكرة بالظبط

انا ان شاء الله ناوية اعمل عنده لو مالقيتش حاجه عجبتنى فى معرض القوات المسلحة

وبيعمل عروض حلوووووووة كتير