ملف استفسارات بنات مصر للديكور

bosy_1010;10422287:
يارب ان شاء الله اول لما شقتى تجهز بإذ الله هنزلكوا صورها و كمان فرح بنت عمي التانى يوم الخميس هنزلكوا برضوا صور شقتها

بالنسبة للأنتريه هو الستايل الامريكى و اتكلف حوالي 6.5 و انتى اللي بتختاري كل حاجة و بتشتري القماش هي جابت المتر تقريبا ب 50 جنيه بس تحفة هو في الصور مش باين قوي و غرفة النوم اتكلفت 14 ألف و السفرة حوالي 9 الاف جنيه او عشرة و بالنسبة للمطبخ على فكرة ده نفس تصميم مطابخ قبنوري بالضبط هو ابن عمي عملهولها هدية و مأخدتش وقت خالص هو رفع المقاسات و الاسبوع اللي بعده اتركب على طول بس تقدري تقولي اتكلف حوالي 2300 مثلا لأن مطبخها صغير جدا و عملها الازاز كمبيوتر و معايا أرقام التليفونات بتاعة العفش و المطبخ

بالنسبة للدهانات هى عملة حيطان السفرة اللي هي الجلاس دي الحيطة الواحدة ب 400 جنيه الاتنين ب 800 و الانتريه عملاها مقلمة نبيتى غامق في بيبج و النوم عملاها سيمون غامق و الاطفال عملاها مقلمة اصفر في لمونى و النقاش اخد مصنعية 700 جنيه بس عشان برضه معرفة و اي خدمة انا تحت أمركم

احنا عاوزين نباركلك يا بوسي انت كمان قريب ربنا يتمملك بخير يا قمريايا

كل العرايس القمرات الي طلبوا مني غرف نوم للاطفال انا هبعتلكوا يوم الاثنين انشاء الله ملف كبير جدا للي عاوزين يعملوه عمولة يختاروا الي يعجبهم منه والي عاوز جاهز يقولي وانا هبعتلوا على الخاص المحلات بالاسعار وربنا يوفق الجميع

قصة كبيرة;10422073:
انا متشكرة جدا لكل البنات اللى ردوا عليا

طب دلوقتى ان اند اوت ده حاجته م دى اف هتبوظ بسرعة يعنى ولا ايه؟ وهو فعلا معاه ضمان؟ وضمانهم كويس ولا بيستهبلوا؟؟؟

وكمان ياريت لو حد يعرف مكان كويس تانى بيبيع اوض اطفال يقولى بس حاجة فى القاهرة لانى مستحيل اروح دمياط عشان اوضة.. دانا ماعملتهاش فى جهازى هههههههه

جبيبتى ان اند اوت فعلا معاة ضمان 10 سنين انا اوضتى من هناك وبجد تحفة ولو حصل اى حاجة بتبقى عليهم وانشاء الله لو هتجيبى حاجة من هناك توكلى على الله ومعاها ضمان 10 سنين يا قمرة

بليز يا بنات ممكن حد ينزلى سفرات مودرن لو متاح

يا بنات
بس احتا هنا كلنا علشان نفيد ونستفيد ويس
وعلشان المخالفة الاقى فين مطابخ جاهزة حلوة

lekaa139;10418421:











بنات حد شاف الصالون دة في اي مكان

ايوةيا لولو شفت تقريبا الاستايل دة فى ارت فيجين فى مدينة نصر

nannita;10422220:
بصي يا قمر تروحي دمياط ليه والقاهرة مليانة معرض بتبيع غرف نوم للاطفال قولي لي عايزة غرفة نوم الاطفال في حدود كام وانا اقولك تروحي فين بالظبط

بصى يا قمر انا عايزة حاجة تبقى سريرين ودولاب وتسريحة وبالكتير 6 الاف جنيه مش عارفة كده ينفع ولا لا:ss:

halakhaled;10422483:
جبيبتى ان اند اوت فعلا معاة ضمان 10 سنين انا اوضتى من هناك وبجد تحفة ولو حصل اى حاجة بتبقى عليهم وانشاء الله لو هتجيبى حاجة من هناك توكلى على الله ومعاها ضمان 10 سنين يا قمرة

تسلمى يا هلول ربنا يخليكى
بصى انا عارفة ان حاجته تحفة ومعاه ضمان والكلام الحلو ده بس مقلقة جدا لان دول اطفال يعنى صباح التنطيط وانا بحب العيال تلعب براحتها :D اما اشوف جوزى هيقول ايه

halakhaled;10422483:
جبيبتى ان اند اوت فعلا معاة ضمان 10 سنين انا اوضتى من هناك وبجد تحفة ولو حصل اى حاجة بتبقى عليهم وانشاء الله لو هتجيبى حاجة من هناك توكلى على الله ومعاها ضمان 10 سنين يا قمرة

الف الف مبروك عليكي ياهالة

halakhaled;10422553:
ايوةيا لولو شفت تقريبا الاستايل دة فى ارت فيجين فى مدينة نصر

ميرسي ياحبيبتي على ردك انتي وحب

ان شاء الله لما انزل مصر اشوفهم

بنات هوا السايت بتاع جوتن اللى فيه اختيار الدهانات فى انهى صفحة مش لاقياه ممكن تقوبلهولى تانى

حلو الحوار يوصل للدرجة دى بين المصريين التجمع مكنش فيه قبل كده ياريت حوارنا يكون راقى الناس اذواق لكن محدش يسخر ولا يغلط فى حد ولواتكرر اللى حصل تانى الموضوع حيتقفل وحاطلب من الادارة كده عشان الموضوع معمول للمساعدة مش اكتر ياريت نحترم بعض عشان الناس تحترم المصريين

بوسى الدهانات الجلاس دى بتكون ازاى بالضبط ؟

asma_59;10432432:

اخواتي المصريات العزيزات بهذا الركن الرائع طبعا كلنا اخوات مع بعض في منتدانا الغالي وبحسب اطلاعي قرأت بعض التعليقات وهذا لايسمح به منتدي راقي مثل منتدانا اتمني من الاخوات مراعاه ذلك والحرص الكبير علي مستوي رقي الرد والا سنتضطر الي اغلاق هذاه الصفحه اذا لم يلتزم الجميع بالاخلاق العاليه والردود الراقيه والساميه لكم مني جزيل الشكر

لما تبذلوه من جهد كبير في الاجابه والاستفاده من بعضكن وهذا طلبي ارجو ان يلقي القبول

وشكرا

اسماء ميرسى ليكى على فتح الموضوع واى حد حيعمل مخالفة حنبلغ الادارة على طول (f)

الافضل للبفنج روم حتتعمل مودرن
ركنة ولا انتريه مودرن ؟

مرسيه ليكي ع فتح الموضوع

بنااااااااااااااااااااات انا عايزه صور لاعده عربي تبقى شيك واقدر اعملها بس عايزه صور كتيررررررررررررررررره مش تنفضولي يا بنوتات :)

lekaa139;10412831:
دة شغل معرض اسمة علي البدري في دمياط برضة

105 & 141 Kornish El-Nile St. دمياط
ولية فرع تاني في الدقي

44 El-Hosien St., From Nadi El-Sied St., El-Dokki




































شكلها عجيب اوي :D:D

ممكن ياقمر عنوانه بظبط بتاع الدقى ده

وعنوان التانى الى بتقولى فى المعادي ؟ عايزة اعرف مكانه بظبط واسعارهم ايييه نظامها :)
وميرسىى ليكي(f)

asma_59;10432432:

اخواتي المصريات العزيزات بهذا الركن الرائع طبعا كلنا اخوات مع بعض في منتدانا الغالي وبحسب اطلاعي قرأت بعض التعليقات وهذا لايسمح به منتدي راقي مثل منتدانا اتمني من الاخوات مراعاه ذلك والحرص الكبير علي مستوي رقي الرد والا سنتضطر الي اغلاق هذاه الصفحه اذا لم يلتزم الجميع بالاخلاق العاليه والردود الراقيه والساميه لكم مني جزيل الشكر

لما تبذلوه من جهد كبير في الاجابه والاستفاده من بعضكن وهذا طلبي ارجو ان يلقي القبول

وشكرا

يابنات بالله عليكم حد يرد عليا ضروري ضروري وجزاكم عند الله

ويارب كل واحدة تساعدني وترد عليا تلاقي اللي يقف جنبها وقت شدتها ويسهلها كل صعب امين يارب

انا عندي سيراميك المطبخ الجزء اللي فوق بيج والجزء اللي تحت بني وخطيبي جاب الرخامة اخضر هندي

دلوقتي محتارة ومش عارفة اعمل لون المطبخ ايه الراجل بتاع المطبخ وقف علي اللون والمفروض خلاص يبتدي فيه بكره او بعده ولغاية دلوقتي مرستش علي حاجه

انا كان نفسي في اللوان فاتحه لان المطبخ ضيق شوية

والالوان الموضة عجباني جدا زى الاورنج في سليفر مش عارفة بقي يمشي معاه ومع الرخامة ولا لا

بالله عليكوا حد يرد عليا ضروري ضروري

جزاكم الله خيراً على إجاباتكم

بالنسبة لأختنا إلى سألت بنروح دمياط ليه أنا شايفة إن هناك حاجات كتير في مكان واحد ونفس الحاجة ممكن أجيبها من هناك تبقى أقل من هنا ودي تجارب الناس إلى حواليه كلهم ولا انا غلطانه؟

في واحد معرفة لوالدي عنده ورشه بيقوله بيبعت لأسم مشهور في الانتريهات المودرن شغل (مش فاكرة أسمه) بيضيف عليه كام ألف قبل ما يبيعه عشان بس أسم المكان

هوه صح المودرن عمره أقل من الكلاسيك؟

انا رئيى خليها بيجات علشان يليق مع كل الالوان السيراميك والرخامه البيج حلو وعملى وهيفضل علطول لكن ممكن مثلا الاورنج او الالوان دى موضتها تخلص

انا فرحانه انوا الموضوع اتفتح بصراحه كنت متشائمه جدا علشان لما احتجت وبدات فى الاثاث وكدا ومحتاجه اعرف حجات كتير لقيت الموضوع اتقفل بس الحمد لله تفائلت تانى

انا بصراحه استفدت جدا من الصفحات اللى فاتت جزاكم الله خيرا لكن خلاص هننزل على اول السنه الجايه ان شاء الله نجيب العفش نفففففففففففففففففسى مش نتغش او حد يضحك علينا او يضحك علينا بس مش اوى لان بصراحه يعنى الحكايه لاتحتمل هههههههههههه

اول حاجه استفدت بيها القوات الممسلحه خلاص هخلى خطيبى ان شاء الله ينزل كداا ويشوف واستفدت انوا المناصره حجات مش كويسه هو كان ناوى ينزلها وانا هقولوا بلاش بس ياجماعه خايفه فى القوات المسلحه اسعاروا ماتعجبوش قولولى فى حجات يعنى كويسه لكن مش عاليه اوى وهل ممكن ينزلوا فى الاسعار وكدا ولحد ايه ؟؟ ربنا يكرمكم علشان مايزعقليش ههههههههههه

معرض القوات المسلحة اسعاره مش غالية خالص
وبعدين هما بيعملوا خصم اساسا
وبعد الخصم كمان ممكن تفاصلي
يعني مثلا يقولك دي ب5....وبعد الخصم هتبقى ب4
انتي ممكن تاخديها ب3 او 3 ونص حسب شطارتك
واسعارهم حلوة جدا جدا

توتي...متهيالي الليفنج لو ركنة تبقى احلى عشان تفضي مكان ف الاودة لبقية الحاجات...زي مثلا مكتبة او مكان التليفزيون
معلش عشان مش بنزل صور...الهارد الاولاني بايز وكانت عليه كل ثروتي من الصور هههههههههه