تجمع الحوامل اللواتي يلدن بشهر تشرين الاول اكتوبر 10 2009 الجزء الرابع

هلا اميره كيفك

تصدقين شكله حمل البنات يجيب حموضه
وايدين قالولي هالكلام
انا فيني حموضه بس الحمد الله مب كل يوم
بس انتي وفراوله فيكم بنات
الظاهر كلام الكبار صح

هلا عرووووووووس شخبارك

يمكن والله انا امي تقول ان اذا حملت ببنت تجيها حموضه وتتنى وايد

اما الولد ماتحس الا بنعاس وتكون خفيفه

وانا شكلي طلعت على امي

بس الحموضه من قبل فيني لاني كنت اكثر اكلات حاره

وهذا خرب لي معدتي بس هو زاد علي في الحمل والسبب يمكن زي ماقلتي

نساة البنت غير الولد :)

انتي بس شخبارك ياعروس ..؟؟ وشخبار الكرشه تحسي انها كبرت غير قبل

احس ان وزني هالشهر زاد وبدت رجولي تتنفخ وبطني كبر غير قبل خخخخ

هلا والله اكيرة وعروس وي انا سمعت يقولون ان البيبي راح يكون مشعر هاي شعر البيبي بس انا اقول هاي لأن البيبي يظغط على المعدة الله يسهل علينا ان شاء الله

والله يا اميره هي الكرشه طلعت الحين تحسين دبه معلقه جدامي هههه
فراوله اذا مشعر يا ويلي عيل الي في بتني بيطلع قحطه ما فيه شعر

اهلين فراوله شخبارك

ايه انا سمعت كذي بعد انه يكون مشعر بس ماله علاقه

احنا امي كلنا واحنا صغار تجيبنا شعرنا وايد وكثيف

والبنات بس يجيها حرقان والاولاد مايجيها

يمكن على حسب بس ماتوقع له علاقة بشعر الطفل

لان كلنا نطلع مشعرين :) واحنا صغار

صباحكم الخير هالتجمع دايما بارد يله حركوه

صباحج النور فراوله شخبارج

هلا والله ام زينة حياج الله حبوبة انا الحمدالله شخبارج انتي ؟؟

تمام نسال عنج باركيلي باجر بدش السابع :$

ام رسيل ماشاء الله عليها تينن بنتجانا عجبتني الصوره الثالثه

الف الف مبروك حبوبة الله يبلغج تمامة ان شاء الله وتفرحين في حبيب القلب ان شاء الله

مرررررررررحبا

شخباركم كروووشات اليوم

هلا والله اريج حياج الله شخبارج ان شاء الله تمام

الحمد لله بخير يافراووله

شخبار بنوووتتتك

الحمدالله بخير إلا ما قلتي متى موعدك عشان تشوفين جنس البيبي ان شاء الله

اهي اهي
رحت موعدي يوم الاربعاء الماضي
ونفس الحكايه

لاتوجد معالم لجنس الجنين (قصدي مو باين عند هالدكتوره الجنس)
ان شاء الله موعدي بعد اسبوعين
وان شاء الله اعرف الجنس

ان شاء الله بأذن الله إذا جذي دايما ما يبان يعني بنوته ان شاء الله بس عندي سؤال ما ادري انتي يصيدك كذا او لا ؟؟

إذا تنامين على جنبك اليمين تصير البيبي على جنب اليسار يعني تتكور في مكان واحد او لا؟؟

اييييييييييييييه فراوله
انا الجنين دااااائما في جهة اليسااااار

هاليومين احس بحركه خفيفه جهة اليمين

دائما تحت السره اوجهة اليسار

انا احساسي ان فيني بنت
والله اعلم
وحتى لو ولد الحمد لله نعمة من ربي

اي شكلج فيج بنوته لأن البنوته دايما على قولتهم مستحية ما تخلي احد يشوف شنو هي لأن دايما صاكة رجولها

انا بعد الحركة دايمة صوب اليسار وتحت السر

الله يسهل علينا ان شاء الله واللي يجي من الله حياه