تجمع الحوامل اللواتي يلدن بشهر تشرين الاول اكتوبر 10 2009 الجزء الرابع

هااي شخباركم

محد سال عني

:(

حدي تعبانه

ظهري و بطني يعوروني حيل

دوره متاخره

و رجيم طقيته بطوف صايره اكل مانقو و كاكاو مارس بشراهه

شخبار كروشكم

اكبر قلب سلامات ما تشوفين شر

ويه يا ام رسيل حقج علينا يا قلبي التجمع حده بارد
ما تشوفين شر
ويه لا تكونين حامل بس !

شر مايج

مادري حدي خايفه توني حللت ماكو شي شهر لي طاف تاخرت عليي

بس ماكان في اعراض لي الحين انا فيها عوار ظهر و بطن و جوانب

و اكل بشراهه و مالي خلق وتعبانه :(

شوفي ام رسيل الرجيم ترا يلخبط الدوره وممكن يخليها تتاخر او تقدم
وانتي رجيمج كان قاسي شوي ممكن ياثر
ان شاء الله ما فيج الا الخير

بس بعد حللي بعد كم يوم سبحان الله

هلا ام رسيل اذا انتي ترضعين طبيعي عادي ما تييج الدورة بس اذا تشكين سبحان الله بعد ما تدرين ويمكن الرجيم اثر ياتج ردة فعل

هلا بنات عروس شخباركم حوامل

اشتقت لكم وايد بس مراح اكون دايم متواجده

لان حالتي حاله امي جت من السفر ونومي معفوس

وهم عندي اعراس 3 ورا بعض مافي فرق بينهم بالمره

وتعبانه حدي احس رجولي متفككه تفكيك

وبس انبطح على ظهري ماقدر حتى احرك رجولي او اقوم الا بالموت

كاني مكسره يارب سهل علينا يارب يارب

اوه دخلت السابع كلوليش اخيرا دخلت السادس

يارب عقبال ماادخل التاسع وعقبالكم ياكروشاااااااات

ياهلا وغلا ام راسيل انا الحمدالله بخير انتي ايش اخبارك واخبار الماما مع الحمل وكيف بنتك
مكيف طلع السرير واغراض النونو عجبت امك
وتسلمين ياقلبي على السوال

صباح الخير كروشات

منتدى عروس شكله مايحبني خخخخ اغلب الاحيا يعلق ويصير ثقيييل

انتوا شخباركم

انا الحمدلله دخلت السابع بس الغثيان والنووووم رجعوا لي الله يسهل

صباح الخير

صباح الخير على الجميع

اميرة وام رسيل واكبر قلب ما تشوفون شر ان شاء الله والله يسهل عليكم ان شاء الله

صباح النور فراوله يعني خلاص اكيد ظهرت بنت

ان شاء الله والله يعلم

لأن الدكتوره اللي رحت لها آخر مره قالت 70 % بنية والله يعلم واللي ايي من الله حياه الله بس انا ما اخذت الثيا على انهم بنت اخذتهم عشان الجنسين عشان بعدين ما توهق هههههه

ههههههههههههههههه الله يتمم لنا على خير فراوله يوم الخميس رحت النجم الجمل عنده اشياء رووعه بس غالي وااااااااااااااااايد خذت مفرش وشنطه ب 30 دينار الحين ابي احد يسوي تطريز حق ثياب مثل المفرش ومهاد وحق المرضاعه اتصلت حق ام محمد مارضت تسوي لي :(

بالعافيه على البيبي ليش ما تشوفين ريام يمكن عنده مجال انا امس كنت باروح بس ما صار جانس ان شاء الله المره الياية

مارحت ماكان في وقت بس هالاسبوع بوح ان شاء الله ابي اخلص احس بعدين كلش باثقل بروحه الياهل مخرعني صاره جم يوم مايتحرك عدل :(

عادي حبوبة ولا تحاتين ما فيه إلا الخير ان شاء الله لازم الحين شوي شوي يضيج المكان عليه انا بعد بنتي الباردة ما تتحرك عدل بس إذا اوقف وايد وبعدين انام على ظهري احس بحركتها وايد الله يسهل علينا ان شاء الله ويتمم لنا على خير ان شاء الله

اهو يتحرك بس مب مثل قبل يعني عني خاطري بس يتحركاذا انسدحت على جنب يرفس ترفس اقول يمكن مشير في بطني :)

الاسبوع السادس والعشرين يبلغ طول طفلك من رأسه إلى أخمص قدميه مع ساقيه الممدودتين حوالي 35.6 سنتيمتراً ويزن أكثر من 760 غراماً بقليل. بدأت عيناه تتفتحان في هذه المرحلة. تغدو استجابته للأصوات أكثر ثباتاً بحلول نهاية الشهر السابع، عندما تكتمل شبكة الأعصاب الممتدة إلى الأذنين. يستمر في التنفس بشكل متقطع في الوقت الحالي، ومع أنه يستنشق الماء وليس الهواء، إلا أنه تمرين جيد يساعده عندما يولد. بما أن طفلك ينمو الآن بسرعة كبيرة، وكذلك يفعل الدماغ في هذه المرحلة، يعتبر نظامك الغذائي هاماً جداً. واظبي على اتباع برنامج غذائي متوازن يحتوي الكثير من الحبوب والخضار. إن المأكولات الغنية بالألياف، بما فيها الخبز المكوّن من الحبوب الكاملة وحبوب الفطور والعدس والأرز البني، تضم نسباً عالية من الفيتامين B وتساعد على إنهاء حالة الإمساك .

الله يسهل عليج

بس شيلي المحتاه من راسج وخلي كلشي على الله انتي على الاقل يتحرك انا ساعات يوم كامل ما تتحرك فيه إلا شوي