تجمع الحوامل اللواتي يلدن بشهر تشرين الاول اكتوبر 10 2009 الجزء الرابع

هلا فراوله سوري ع التاخير لا والله باجر بروح ستي سنتر وبروح محل في بوري قالولي عنه اظن الي مسويه عنده بطه حلوه

هلا بنات كيفكم شو اخباركم
والله بنات انا احس انه حركات ولدي قلت ما ادري طبيعي ولا لا

اي النجم الجميل قصدج

اي انا قلت باروح ريام بعد عنده اشياء حلوة بس ان شاء الله آخر الشهر لأن اخاف بعدين يصير ضغط عليهم وما يسون بس ما باخذ اشياء وايد

هلا والله عروس مسقط اخبارج ان شاء الله اليوم النفسية احسن

عادي انا امس البيبي طول اليوم ما تحركت بس في اليل قعدت تلعب رياضة هههههههههه وانا العب معاها الله يتمم لنا على خير ان شاء الله ونقوم بالسلامة

هلا عروس عادي حبيبتي انا يمر طول اليوم مايتحرك بس حزه الرقده يبتدي يتحرك فراوله اي اريام هذي اشيائه فضيعه جفت تجهيزات ام حلا البحرينيه عجبوني عاد هذي يوم السبت يمكن اروح

اي ان شاء الله

بسالكم اي لون في بالكم تسوون حق البيبي

الخميس 1== ام أم رسيل &بنت ناس & اميرة العشاق

السبت3=== كلالحلاااا

الاحد4=== monaanwar84 & تهاني العروسة

الاربعاء7=== دلوووعته &رونق الحياة2008

الجمعة9 === أم زينة

السبت 10== عروس مضيعة الصالة

الثلاثا 13 == lifedrop

الخميس15==سحر وسمر وقمر&نور الشمس المصرية & ام البنين & معشوقة حسن


الجمعه16===أم دانةالقمورة

السبت 17 ==== lulu7

الأحد18 ====أريج الشوق & GLB-3LI

الاربعاء21 ===بعيده عن اهلها&فراولةملكية &عقد اللولو

الخميس22 ==نورالسعودية , Angel of Mercy

السبت24===أكبرقلب

الأحد25 ===دلوعة ريلي

الاثنين26 === عروس مسقط

الخميس29 ==نارالجليد

الجمعه30 === بسمة ألمtita&2007

بنات= 10 :15:اولاد =9

غير معروف=11

باقيلي 9 ايام وادخل السابع الله يوصلنا لي التاسع ويطلع بالسلامه

أم زينة;9801423:
بسالكم اي لون في بالكم تسوون حق البيبي

انا قلت اروح اشوف شنو عندهم من الوان على هاي الاساس راح اقرر

او انا في بالي لونين لأن انا شاكة في الموضوع يعني نا ادري إذا ولد او بنت قلت آخذ لون محايد وابتعد عن الوان البناتية والولادية قلت الأخضر و[MARK="FF6600"]الأصفر[/MARK] لأني صابغة غرفتي في بيت بابا بها ياللونين

وانتي ام زينة اي لون في بالج ؟؟

الله يسهل عليج ام زينة ان شاء الله وتقومين بالسلامة

انا اقول اخضر بس لي رحت اشتري يدش في خاطري الازرق انا الحين ابي اسوي طقم المستشفى اخضر وبرتقالي عشان يجهز مايصير عندهم ضغط ويصير محد يبي يسويلي

اي انا بعد قلت جذي ابتدى من الحين وقت ما يخلص يكون في وقت اشوفه جان فيه شي غلط يمدي يعدولنه

اي وايد حلو البرتقالي والاخضر

اي انا قلت كل شهر بشري اشياء شوي لي ماخلص بس الشهر الياي باروح السعوديه بكمل كلشي عشان افتك لاني لي دخلت الثامن ماظنتي لي بارض سوق

وين بتروحين في السعودية انا خاطري اروح بس خسارة زوجي دايما في الشغل ما عندي وقت واخاف اروح مع اهلي اتعب وايد الله كريم

بس عاد إذا شريتي الاشياء هالله هالله في التصوير مااوصيج ههههههه

لا توصيني ع التصوير ذبحتي اصور شكلي حتى اذا شريت له مرضاعه بصورها وبحطها لكم هههههههههههههمادري والله مافي اماكن معينه باروح لها في السعوديه بس بروح الدمام اذكر في الحياه بلازا في واحد من البيبان في كله مال يهال

الاسبوع 26 يبلغ طول طفلك من رأسه إلى أخمص قدميه مع ساقيه الممدودتين حوالي 35.6 سنتيمتراً ويزن أكثر من 760 غراماً بقليل. بدأت عيناه تتفتحان في هذه المرحلة. تغدو استجابته للأصوات أكثر ثباتاً بحلول نهاية الشهر السابع، عندما تكتمل شبكة الأعصاب الممتدة إلى الأذنين. يستمر في التنفس بشكل متقطع في الوقت الحالي، ومع أنه يستنشق الماء وليس الهواء، إلا أنه تمرين جيد يساعده عندما يولد. بما أن طفلك ينمو الآن بسرعة كبيرة، وكذلك يفعل الدماغ في هذه المرحلة، يعتبر نظامك الغذائي هاماً جداً. واظبي على اتباع برنامج غذائي متوازن يحتوي الكثير من الحبوب والخضار. إن المأكولات الغنية بالألياف، بما فيها الخبز المكوّن من الحبوب الكاملة وحبوب الفطور والعدس والأرز البني، تضم نسباً عالية من الفيتامين B وتساعد على إنهاء حالة الإمساك . ملاحظة: يقول الخبراء إن كل جنين يتكوّن بطريقة مختلفة حتى وهو داخل الرحم. غير أن فصول تكوّن الجنين معدّة لمنح فكرة عامة حول كيفية نمو الجنين في الرحم.

والله يا بنات البحرين شكل التجهيزات عندكم حلوه
انا ما عندي صبر اروح دبي عشان اكمل باقي الاشيا
بس اخاف اوصل ثقيله هههههههههههه
فراوله الحمد الله شوي النفسيه اليوم احسن
انا بخاطري اسوي سرير البيبي ابيض
ما اعرف ليش بس احب اللون الابيض على المواليد

ا ي تروحين وتدرين بالسلامة عاد قولي لنا وين رحتي

تسلمين اختي على المعلومات الحلوة

بنات لولو 17 كانت تعبانه الاسبوعين الي فاتو
ادعو لها ربي يقومها بالسلامه
امس كلمتها والحمد الله احسن