مساء الخير والاحساس والطيبة
مساء ما يليق الا بأحبابي :wink:
كيفكم ياحلوووين عساكم بألف خير ان شاء الله
اليوم جايبه لكم طبخه يمي يمي
بس الصراحه مادري وش اصلها
هل هو هندي او باكستاني؟؟ بصراحه ما عندي فكرة ومابي اتفلسف خخخخخخخخخخخ
انا تعلمت هالطبخه من امي وصرت اسويها
اهم شي عندي اسويها مو مهم اعرف اصلها :tongue:
اسمها "نخج بشير"
النخج ===========>>> يعني حمص
بس في البحرين نقول عليه نخج مادري اذا باقي المناطق يعرفونه بهالاسم او لا
المهم ما اطول عليكم هذرة
راح ابدا مع المقادير
نصف كيلو حمص
باكينغ باودر
3 حبات بصل
3 حبات بطاطس متوسطة
فلفل رومي
فلفل قرون حار "حسب الرغبة " انا استخدمت 6 <<<<<< مجرمة ههههههههههههه
بهارات " ملعقتين فلفل احمر ، ملعقة فلفل اسود، ملعقة كركم، ملعقة بزار بحريني، ملح حسب الرغبة"
معجون طماطم
زيت
الطريقة
اول شي ناخذ الحمص وننقعه كم ساعه ونسويه بالطريقة العادية
يعني نحطه في قدر ونحط معاه ماي كافي يغطيه ونحط معاه شوي باكينغ باودر
ونخليه على نار هادية لين يصير لين وبعدها نضيف له شوي ملح
تقريبا يبي له ساعتين ونص الى 3 ساعات
وبيصير عندنا بهالشكل
الحين ناخذ الخضار
البصل والبطاطس والفلفل
نقشرهم ونغسلهم ونقطعهم مكعبات
ناخذ البصل نحطه في القدر
ونضيف له شوي زيت ورشة دارسين وسنوت عن الريحه
ونحرك فيه لين يتحمر
ويصير لونه ذهبي
بعدها نضيف له البطاطس
ونضيف الفلفل الروومي
بعدها ناخذ شوي من ماي الحمص اللي سلقناه
ونضيفه على البطاطس والبصل
نخليه تقريبا يغطيهم
وناخذ البهارات
ونخلطها معاهم ونخليه يطبخ على نار هاددية
اذا شفنا البطاطس قربت تستوي
ناخذ الحمص ونحطه عليها
هني الكمية تحطون مثل ما تبون يعني ممكن تحطين كل الكمية اللي سلقتينها
او ممكن تشيلين منها شوووي
ونخلطهم مع بعض كووويس
واذا محتاج ماي نحط له من ماي سلق الحمص
وبعدها ناخذ معجون الطماطم
ونحطه عليهم " نحط على حسب ما يحتاج المقدار"
ونخلطهم كويس
وبعدها ناخذ الفلفل القرون نقطعه او ممكن ما تقطعينه على حسب اللي تفضلينه
ونحطه عليه ونخلطهم مع بعض ونحاول نهرس شوي من الحمص والبطاطس
وبس نخليه يطبخ على نار هااادية لين يصير جاهز
وبس هذا شكله بيكون عند التقديم
حلاته تقدمينه ساااخن
"اعذروني ما اعرف ازين خخخخخخخخخخخخخخ"
وطبعا تاكلونها مع خبز
وبس بالهنا والعااااافية
جربوها وعطوني رايكم :o
في انتظار ردووودكم وتعليقاتكم
ولا تنسوووووون التقييم (f)
[GLOW="FFFF99"]
ملاحظة :
الموضوع مجهوود شخصي لا احلل نقله بأي شكل من الاشكال
[/GLOW]
