كيف اتصرف مع زوجي ... ؟!؟

والله ظننت انها مسلسل تركي على كل حال بنيتي اختصرها لك من الاخر عدم التكافؤ الذي بينكما في التحصيل الدراسي هو السبب في ذلك . عزيزتي انت مثقفة وواعية وتعرفين كيف تديري امور حياتك فالتعنت والعناد لايجلب خيرا بنيتي وفي الاخر هو شريك حياتك وسيصبح ابو ولدك قريبا ان شاء الله اراحك الله من كل هم وغم صغيرتي انه سميع مجيب

فديتج .. ناويه اعقل ..

كلامج صحيح .. عاد الحين هو بيسوي نفسه زعلان لاني طفشته يوم حاول يراضيني ..

شسوي؟

ابشركم .. الحمدلله تصالحت مع زوجي .. واللي فات مات ..


بصراحه كلامكم اثر فيني وحسيت اني غلطانه وحسيت بالذنب .. ويمكن لاني فرغت شحنة غضبي اهني وبعدها حسيت بالندم .. وطرشتله مسج وجه زعلان وهو كان فالصاله طبعا ماعبر المسج .. بعدها رحت انسل شعري وحطيت شدو (متوحمه على شدو) خخخخخ .. وكنت لابسه لبس حلو وناعم .. وشفت زوجي يلبس ثيابه .. طالعته :tongue: شفته يطالعني ويبتسم (قلت الحمدلله بشارة خير) بس ماقالي ولا كلمه ولما وصل عند الباب يبي يطلع ... قلتله وين بتروح ؟؟ قالي بيروح يجيب الشغاله .. انا سكت :D

بعدين اتصلي وقالي تبين تشوفين الشغاله .. تعالي تحت انطريني .. ورحت .. والحمدلله بعدها تمينا نتكلم وهدينا الوضع .. وكل شي (y)


بنات ..
انا فسرت اللي صار امس على ان زوجي يغار مني ومحتر .. وانتو ماشاء الله عليكم فسرتوا على انه يحبني ويغار علي ويبيني احذا طول الوقت .. جد جزاكم الله خير .. نورتوا بصيرتي وعقلتوني وخليتوا المشكله تعدي على خير :D

وبعدين لما تصالحنا قالي تبين راتب شهري؟؟؟ قلتله يعني قريت المسج هااا .. قالي ايه وكنت ابي اتناقش معاج بالموضوع الظهر بس ماعطيتيني ويه :ss: وبصراحه بنات انا ماقدرت اقوله غير لا خلاص انسى الموضوع وانسى كل اللي راح وانا مابي شي .. قالي ماطلبتي الا انج تبين قلتله لا ..


ماقدر .. مادري اشلون احس .. احس حرام اخذ منه :( قلتله كنت معصبه من جي طلبت لكن الحين مابي شي ..

وبس :)
الله يسخرنا حق بعض ويبعد الافكار السودا والشيطان الرجيم من دربي ودرب ريلي (f)

الحمدلله ياقمر الله يخليكم لبعض .. ويهدي سركم .. ويرزقكم بالذريه الصالحه ..

الله يخليكم لبعض

المفروض ماتسكتين عن موضوع الضرب لو هلج مايسون شئ كلمي امه يمكن يستحي

الله يكون في عونك ويساعدك على زوجك

الله يثبتكم بعقلكم يااارب واحلى شي بعد الهواش والمزاعل الصلح
بس مرة ثانية ما يمد ايده عليش
وان شاء الله تكونين حاااامل ويفرح بالبيبي ويفرح بأمه بعد P;

الله يهنيكم يارب

وادعي فديتج

الدعاء يغير الحاال

اذا الرجل مد يده يعني بدا يفقد احترامه للمره انتبهي من هالنقطه وقولي له هاي اخر مره تمد يدك وخلج

حازمة وجاده في الموضوع لاتهددينه بالشرطه بس قولي له بفضحك عندي هلي وهلك


احترمني مثل ما احترمك واذا قالج بتزوج قولي له انا بعد بتزوج وشكثر يتمنوني جمال ودلال


هو ملزوم بالصرف عليج ماتزوج الا هو قد المسؤوليه لازم تطلبين منه وهذا من حقج

وانا من رايي ساعديه يكمل تعليمه على الاقل الثانوي والله يوفقج ويهنيج معاه

شوفي اختي انتي غلطتي لمن ردتي عليه الكلمة بالكلمة.....اختي الرجل يجي بالمداراة .... لا تعاملينه مثل ماتعاملين اخوك و اهلك......اولا حبيبتي حاولي تغيرين اسلوبك معاه ....... ثانيا طبعا سالفة الضرب ما ينسكت عنها اذا رجع لا تعطينه وجه ابد خله يحس انه غلط حتى لو طولتي لسانك مايحوج انه يضربك ابدا
و اذا على الصرف اطلبي منه هذا حقك وابد ابد لا تصرفين من فلوسك بعدين بيتعود

توتو الكيكه;9650247:
السلام عليكم ورحمة الله وبركاته ..


بنات عندي مشكله وياريت تساعدوني فيها .. اليوم اول ماقعدت من النوم تميت ساعه كامله افكر في حل لمشكلتي .. وفكره توديني وفكره تجيبني .. والله مب عارفه شسوي .. بقولكم مشكلتي باختصار ..


انا وزوجي تصير بينا مشاكل كل فتره وتعدي .. مشاكل عاديه مثل اي زوجين .. لكن انا مادري هل زوجي يتمادى معاي او هذا شي طبيعي ..

بقولكم اخر هوشه صارت من بينا .. طبعا امس فليل .. تم زوجي يلمحلي انه يبي يسافر هالويكند مع ربعه .. انا تضايقت .. وقلتله ليش ؟؟ يقول ابي اغير جو .. طيب وانا ؟ يعني انت متملل ومتضايق وانا مبسوطه ومابي اغير جو ؟؟ المهم لين ماطفشني وقلتله كيفك سافر .. قالي اصلا مانطر موافقتج .. وبسافر اي وقت لو ابي .. انا سكت .. بعدين قالي انا كنت امزح معاج بس كنت ابي اشوف ردت فعلج .. انا اكتشفت في ريلي صفه ان هو لو يبي يسوي شي يقولي عنه ولو شاف ردت فعلي سلبيه يقول كنت امزح معاج ووو الخ ...
وتمينا نتناقش ونتهاوش شوي وشوي نهدي .. المهم لين مليت وقلتله خلاص انا رايحه انام .. وقعدت اقول شنو هالعيشه كل شي زفت .. الخ .. هو قالي لاتحندين اخر الليل وسكتي ( طبعا كان فالصاله ) .. انا قلتله كيفي بقول اللي ابيه .. شوي الا جاني الغرفه وهو معصب ويصارخ .. وبعدين بدا يسب يابنات ويقول كلام خايس .. طبعا انا مارضى حد يسبني .. او يعاملني بهالطريقه .. قلتله لا تسب وتكلم عدل .. وتميت ارد على كلامه .. وبعدين مد يده .. وتم يقولي ان انا مب كفو وان انا ياهل وانا ماعرف السنع وماعرف شي .. وتم يلمح بالطلاق .. ويقول عادي لو رحتي بتجي غيرج .. اما انتي بتخيسين في بيتكم ..

اشحالج ؟؟:)
توته من رمستج لاحظت أنتي وزوجج تفتقرون للاسلوب والتعامل الراقي مع بعض الصراحه ..وانا لو مكانج لو قالي بسافر ويا ربعي .. اوكيه صح اني بعصب بس بساله بكل هدوء ليش؟؟ وانا ؟؟ وجوفي شو بيرد عليج ..اذا كان رده انتي مايخصج ومب كيفج ؟؟ وانا ريال بسوي اللي ابيه ومحد بيمنعني من هالكلام يعني ردت فعله سلبيه.. حاااااوريه .. اهم شي الحوار ..ردي عليه بكلام حلو ..حبيبي اشفيك عصبت عليه انا مااقصد شي بس انا احاتيك وراح اشتاقلك والله العظيم مااتخيل عمري بلياك .. كيف بقدر
انام بروحي كيف باكل .. بس لو انتا جي مرتاح سافر حبيبي والله يردك لي بالسلامه ..حتى لو كارهته من حركاته مثلي عليه انج تبينه وياج على طول وماتبين تفارقينه وطبعا هذا مب تمثيل لانه هو ريلج مهما سوا بتمين تحبينهومالج غني عنه ..صح:ss:
واذا كانت ردت فعله ايجابيه اسمعيه شو بيقول وحاااوريييه اهم شي في الحياه الزوجيه التفهم والحوار وكسر الخوف والحواجز اللي بينهم ..
وسالفه انه يمد ايده عليج كوني حازمه وياه بهالشي اذا حسيتي انه اللحين بيمد ايده تكلمي بكل ثقه وقولي لاتمد يدك ولا بتخليني اتصرف معاك تصرف ثاني ..واذا هالشي مانفع وياه لاااااااازم حد من الاهل يدخل لانه هالشي اللي يستوي مب اشوي باجر بيضربج احذال عيالج واهله ..اذا من اللحين انتي ساكته لضرب وماخبرتي اهلج صدقيني بتهونين عليه ..شو انتي ماعندج حد يوقفه عند حده.. قوليله انا على كل شي بصبر والله يقدرني الا الضرب ..بس لازم تخبرين حد من الاهل لانه هالشي والله ماينسكت عنه..

تخيلوا بنات يقط علي كلام ويسب ويهاوش وصوته عالي وانا لو رديت عليه بكلمه مد يده علي .. المهم قعدت اصيح .. حاول يسكتني لكني ماسكت .. وعصب ومسكني بالقو .. حاول يصكر حلجي بالقو .. والله الحين احس بألم صوب حلجي والم في يدي .. كله منه حسبي الله ونعم الوكيل .. خصوصا اني حاطه تقويم .. طبعا انتو تعرفون ان البنت ضعيفه مو نفس الريال .. وهو يستخدم قوته ضدي .. :( يعني هذي الرجوله في نظره ... والشي اللي يذبحني من داخل .. ان ابوي .. الله يطولي بعمره .. ماعمره مد يده علي .. حتى لو سويت شي غلط .. ممكن يعصب او يزعل او يهاوش بس يمد يده على بنته لا والله ولا مره .. وهذا بكل سهوله كل ماصارت مشكله مد يده ..

عاد انا امس قلتله مو من حقك تمد يدك ولو مديتها بتصل في الشرطه ... هو شكله خاف شوي .. بس قام يستهزء ويقولي يالله اتصلي مو مسوينلج شي .. :(

حبيبتي خلج حازمه ومعقوله بكلامج ابعيد عن الشرطه ..لو قلتي لو مديت ايدك بتصرف تصرف ثاني .. وروحي عنه لاتمين قاعده وياه ..

ايه ونسيت اقولكم هو حاقد علي بس عشاني امس سهرت وهو نام .. تم معصب علي من هالسالفه .. اول شي غثني على الغدا وتم يهاوشني لين ماصحت وعقب رقدت .. ولما قعدت هو طلع ولما رد صارت هالمشكله بينا اللي قلتلكم عنها .. وهو بعد محتر لاني ادخل النت وادخل هالمنتدى .. مع اني والله ادخل لما يكون مش موجود او يطالع تلفزيون او ماعندنا شي نسويه .. وبعدين منعني من اللاب توب .. وقالي مب احسنلج لو خذيتيه وخشه عني :( وانا اليوم لما قمت تميت ادور لين ماحصلت اللاب توب وشبكت منه عشان اقولكم هالمشكله .. ابيكم تساعدوني بنات ..
اساليه ليش حبيبي ماتبيني ادش الاب والله اذا قتلي السبب واقتنعت بسويه اللي تباه وما بدش .. انته ريلي ولازم اسمع كلامك وانفذ كل اوامرك ..جذه الرياييل يبون حسسيه برجولته بيقولج السبب ..وبعدين قوليله والله العظيم وشوفت عينك بس هاذيلا المواقع اللي ادشها لاتخاف عليه واذا حسيت انه الشيطان بيقص عليه انا بروحي بكسر الاب ..والله الرييل يهاااااااال لو تسايسيينه وباللين صدقيني بيقعد يدلع عليج ومابيعصب ولابيسوي سواته.. يبون كل شي بالطيب واللين والحنيه ..وبعدين و من حقه يخاف عليج ومايخليج ادشين ؟؟حتى انا ريلي جي مايخلين بس الحمدلله واااثق مني واايد فديته قتله اييبلي لاب قالي لا ماابيج تتعودين عليه صح انا واثق منج بس بعد الشيطان يلعب دور.. وسكت عنه لانه فعلا وكلامه صح ماابي اخرب بيتي وادخل الواير ليس وبعدين اتعود على الاب واهمل واجباتي ويمكن مابحس فعمري وبعدين هو بيقعد عليه وبيتعود شراتي وبعدين بتم اندم طول عمري لاني انا غصبته ياخذ لي اللاب.. بس انا اقوله اني ادش يوم اكون فبيت اهليمايقولي شي ..الحمدلله واثق مني..الله يخليه لي ..

انا ماعرف شسوي .. فكرت اروح اقول حق امه المشكله .. وفكرت اقول حق امي .. وفكرت اخذ اللاب توب لاني عرفت مكانه وقبل مايرجع من الدوام ارجعه .. وفكرت اخلي اللاب توب عندي وخله يشوفه وبالطقاق .. يعني شبيسوي ... بيكبر السالفه بكبرها انا بعد .. والله مو عارفه افكر ..

هو يبي يمشيني على كيفه .. يبيني اقوم الصبح وارتب وانظف ولما اخلص انزل تحت عند اهله ولما يجي استقبله واحطله الغدا .. واذا يبي ينام انام حتى لو مافيني نوم غصب يعني وماسهر ...

غلط تفكيرج هذا ريلج اكيد بيقولج نشي الصبح حطي الريوق رتبي نظفي عيل شو خانت الحرمه ..عيل كيف بيحس فيج انج حرمته .. الصراحه وايد استغربت من كلامج هذا اصلن هذا واجبج وحقوقه الشرعيه ..حتى انا ينششني الصبح اسويله ريوق وغدا وانا اللحين حامل والحمدلله استانس يوم اجوفه فرحان وهو ياكل من الاكل اللي انا اسويه ودووم يقولي احبج يوم تهتمين فيني وباكلي وبثيابي وببيتنا ..حلوه ريحه البيت رووعه مرتبه الصاله يعني احسسه انه عنده حرمه ..ولازم تستقبلينه وتحطيله الاكل وتوكلينه بعد هذا ريلج ..من التصرفات تزيد محبتكم وحبكم يكبر .. انتي لازم تردين تفكرين باغلاطج اسالي عمرج انا شو مقصره فيه ..ليش هو جي كله متنرفز .. شو اللي خلاه جي شو اللي وصلنا لحاله ..
وبعدين بكملج لاني اللحين بروح اصلي ..

اعرف بتقولون هذي امور بسيطه وسويها وعادي .. لكن يابنات انا شاكه اني حامل بس مو متأكده وابي انطر كم يوم وبعدين اتأكد .. انا كنت اسوي كل اللي يبيه الاسبوع اللي طاف .. وعلى نهاية الاسبوع والله بدا ظهري يعورني وماقدر واخاف اسقط بصراحه من جذي قلت بريح نفسي وماراح اسوي شي .. خصوصا اني سقطت اول حملي بسبته .. :( كنت شاكه في اول حمل اني حامل وقلتله بس ماصدقني وكان يبيني امشي واتحرك واسوي وبعد ماطلعت النتيجه اني حامل .. تخيلوا وضع الحامل وتغير الهرمونات .. وكنت متنسيه على كل شي .. على زوجي والغرفه والبيت ومع هاي كنت صابره والله مع ان جبدي كانت تلوع بس شسوي .. وهو ماكان يحس .. وانا كنت حساسه طبعا وقت الحمل .. وهو كل يوم هواش وزعل ويخليني اصيح كثيررررر ومره مد يده علي وانا حامل تخيلوا ؟؟؟ واخر شي سقطت :( .. انا خايفه ومابي اسقط مره ثانيه بسبته وامس قلتله ان سقطت مره ثانيه مب احسنلك ..

يابنات مافي اغلى من الضنا .. كل شي يتعوض الا الضنا لو راح مايتعوض :( .. يعني شاللي بيبقى لي ؟؟؟ ذيك الحزه راح اعاف زوجي للابد ومابي اشوف رقعت ويهه ..

وفوق هاي كله يابنات .. قبل ماعرس .. قالي زوجي ان راتبه بيكفينا خصوصا ان احنا ساكنين في بيت اهله والاكل والسكن عليهم يعني مو دافعين شي .. وقالي ان راتبه بيكون لي .. وقسم بالله ان الحال الحين مو جذي ابدا ... هو مايصرف علي .. تخيلوا بنات والله انا اشتري اي شي ابيه من فلوسي :( لو ابي عبايه انا اشتريها لو ابي بجامات واندر وير انا اشتريهم لو اروح الصالون انا اللي ادفع .. كل شي يابنااااااااااااات والله كل شي من راتبي :( .. هو مايعطيني شي .. انا ماطلبت المستحيل لكن لو يعطيني كل شهر 1000 بيكون سوا واجبه الشرعي .. تعرفون من واجباته ان يصرف علي وانا ماشفت شي من هذا ابد .. لا وازيدكم من الشعر بيت هو كان يبي وحده مب موظفه .. يعني اللي يطلب هالشرط المفروض انه يوفر الفلوس حق زوجته مب يخليها هي تصرف على عمرها ...


انا ابي اعرف الفرق بين الحين وقبل يوم كنت عزوبيه ؟؟؟ شالفرق يعني دام انا اللي اصرف على نفسي الحين ؟؟ والله ارجع عزوبيه احسنلي .. معززه مكرمه في بيت اهلي واي شي ابيه اخذه وخلاص ..

بلا ذل بلا كلام فاضي .. ماشفت من الزواج وهالريال الا عوار الراس والسنداره والقهر والكآبه .. :( يبيني اسويله كل اللي يبيه وهو مايفتكر فيني ..


انا والله مسكينه .. ماطول الساني ولا اسويله شي ولا غاثته ولا اقوله عطني وهذا جزاي ... والاسبوع اللي طاف كان مسافر مع رفيجه عشان رفيجه كانت عنده شغله برا البلاد وخذ ريلي معاه .. والله يابنات انا سكت وماقلت شي وقلتله الله يحفظك واستمتع بوقتك .. وفوق هاي كله لما رجع شريتله هدايا وعطيته .. وهو طبعا فرح فيهم لان كان يبيهم .. المهم .. تخيلوا مافكر يجيبلي اي شي بما ان رد من برا ؟؟؟ انا ماطلب شي خيالي ولا الماس او ذهب .. حتى لو غرشة عطر .. اي شي .. المهم انه تذكرني وجابلي شي ...
صج اني ماعطيته الهديه عشان يعطيني .. لكن اقل شي انه يفكر فيني وهو برا ويتذكرني بشي .. لو تخيلنا الوضع بالعكس .. يعني لو انا اللي مسافره .. اكيد مليون في الميه كنت جبتله شي .. وفكرت فيه .. لكن هو .. ؟


في النهايه ..
اقول في نفسي استاهل اللي يصيرلي .. انا اللي جبته حق نفسي .. لاني ساكتتله وماطالب بحقوقي .. وبالعكس اتعاطف معاه ومدلعته .. وكان هذا جزاي ..

ونسيت اقولكم .. ان لما تزوجنا كانت شهادته ابتدائي والحين صارت اعداديه .. وانا طبعا ادرس فالجامعه .. لكن والله العظيم والله يشهد علي اني ولا مره عايرته او ذكرتله هالنقطه !! مع ان هو من نفسه يحس بالنقص والفرق لكن انا ماجيب طاري هالموضوع ابدا ... واحسسه ان هو الاحسن ..


ونقطه اخيره ..
هو تقدم قبلي حق بنات وارفضوووه تخيلوا .. وانا وافقت من سوء حظي .. والحين يظن ان لو طلقتي .. بترضى فيه وحده ؟؟
بيكون مطلق ومفلس وتعليمه اعدادي .. من اللي بترضى فيه؟؟؟
والله اعرف ناس يقربونلي عندهم ولد مافي احسن منه وقلبه ذهب وجامعي وراتب ووظيفه محترمه وكل شي ومسكين ماتوفق مع اللي خذاها وطلقها بعد شهر بسبب مشاكل من البنيه واهلها .. وصار له سنه يدور بنت وماحصل ..
تبون هالعله اللي عندي يحصل بنت ترضى فيه !!! :mad: اخ من حظي الردي ..

الله يهديكم ويسعدكم ياتوتو