تجمع الحوامل اللي ولادتهم في شهر (فبراير) 2010 ....

شخباركم ؟؟؟ ... إن شاء الله أم الشيوخ تطلع بنت .. وإن شاء الله تطلع لي انا صج بنت:wink: ..

بنات شوفو ده الموضوع حلو ومفيد

http://forums.3roos.com/t478544.html

وحده حاطاه في المنتدى

بنات متى نبدأ نحس بحركة البيبي

أنا أمس حسيت ان في حركه خفيفه مرررررررره


بس قلت يمكن يتهيألي خخخخخ

سندي حبيبتي انتي خلاص دخلتي وخلصتي تقريبا نص الرابع فاطبيعي بتحسين بحركه خفيفه...

مرحبا ااا

شخباركم وشخبار الحمل معاكم

انا ماا اادري شفيني .. خاااطري احس بحركه علشان اتطمن على اللي فبطني ..

:( الحين كلا احاااتي اقول ما احس بحركه ما ادري شفيه الجاهل :S

وبالنسبه الى جنس المولود

موووعدي بعيييييييد .. يعني باااقي لي وااايد علشان اعرف ..

موعدي 8 رمضان

اببي اتطمن على اللي في بطني .. لااااعب علي بلييس لعب :(

اخباركم بنات ان شاء الله طيبين
انا هالايام عصبية وايد والله يعين

سندي : شيء طبيعي تحسين بحركه خلاص انتي الحين خلصتي 16 اسبوع
ام شيوخ : فالبنت ما يخطون بس الولد ممكن ... فان شاء الله تكون بنت
نور الدنيا : يارب تطلع لج بنوتة ...الله يرزقج يارب باللي في خاطرج
عبير البنفسج .. هانت ما بقى شيء وتعرفين وان شاء الله يكون بكامل صحته وخلقته

دفء الجليد;10131333:
الم شلون يعني فالصدر من داخل ولا شتقصدين
:ss:

مثل اتني نغزات...في الصدر
بس الحين مافيني

احس صدر صار كبير

توم 2008 .. خخخخخخخخخخ شكله تجمعنا كله يبي بنت .. واللي ايي من الله حياه الله

دفء الجليد .. فعلا لا تعتمدين عالكلام من الحين .. اعرف وحدة كانت في شهور متقدمة قالو لها بنت وشرت كل اغراض البيبي وبعدها الموعد الثاني قالوا ولد وانصدمت مرة .. وتوهقت على التجهيزات اللي خذتها لذلك تابعي وتاكدي في كل مرة .. لان سبحان الله محد يدري غير الله حتى السونار يغلط

نور الدنيا .. كلنا بخير الحمد لله ويالله نظمج الحين ويانا انتي الحين خامس وحدة تبي بنت

ام شيوخ .. الله يعيين على الثقل واللوعة والعيال تصدقين عندي ولد واحد ومطفرني مرة .. حاس ان فيه حد بيشاركة حنان الامومة .. مع اني دوم اقوله وافهمه انهم حبايبي .. بس للحين معترض ما يبي ولد يبي بنت ..

كاندي .. يالله اول ما ترجعين جدة على طول قبل لو توصلين البيت روحي شوفي البيبي ولا يصير بخاطرك شي .. اما عن الحركة خلاص الياهل يتحرك في بطنج والحين تحسين بها على خفيف


عبير البنفسج .. تعوذي من ابليس ولا تحاتيين ان شاء الله ما فيه الا الخير

فيكتم .. الم الصدر عادي يعني ان الصدر قاعد يكبر وتتوسع الشعيرات الدموية وتتجهز عشان الحليب

طيب بنات ... عندي فكرة .. لان فيه موضوع لمرموم عجبني عن الفروق بين حمل البنت والولد


1. شعرك...إذا كان مليء بالحيوية و اللمعان يعني بنت

2. نمو الشعر في رجليك...لو كان بطيئا...أو بنفس سرعة نموه يعني بنت...

3. أظافرك...هل نموها و طبيعتها لم تتغيريعني بنت...

4. هل شعرتي بأعراض الوحام القوية...بالذات عند نهوضك من الفراش يعني بنت...

5. وحامك على الأشياء الحلوة و المسكّرة يعني بنت...

6. أنظري في المرآة إلى ( مؤخرتك )...هل كبر حجمها فهذا يعني بنت...

7. قدميك...هل هي دافئة...و غير باردة مثل قبل.فهذايعني بنت...

8. معدل نبضات قلب الجنين...إذا كانت فوق 140 نبضة في الدقيقة...يعني بنت... بس هذا يبي سؤال الدكتورة

9.عصير البرتقال...هل أصبحتي مولعة به يعني بنت...

10. أنظري الآن إلى بطنك هل تنمو للأعلى لتلامس السماء ؟ هذا دليل يعني بنت...

11. أنظري مرة أخرى إلى بطنك...هل شكلها مثل البطيخة ( بالعرض )...هذا دليل حملك في بنت...

12. بالنسبة لحركة الجنين و رفسه...إذا كانت معظم حركاته على يسار البطن...فهذا دليل الحمل في بنت...

13. أيضا بالنسبة لرفس الجنين...إذا كان للأسفل دائما...فهذا دليل الحمل في بنت...

14. في خلال حملك أكيد قد زاد وزنك...هل تلاحظين هذه الزيادة في تقاطيع وجهك...إذا كانت إجابتك بنعم...فهذا دليل الحمل في بنت...

15. الآن أنظري إلى زوجك...هل وزنه يزيد مع زيادة وزنك على طول فترة الحمل ؟ إذا كانت إجابتك بلا...فهذا دليل حملك في بنت...


واذا كان العكس يعني ولد
كل وحدة تجرب الاعراض وتخبرنا وخصوصا دفء الجليد لانج الوحيدة اللي خبروج عن جنس البيبي

يالله خل نسوي تجارب

[QUOTE=

كاندي .. يالله اول ما ترجعين جدة على طول قبل لو توصلين البيت روحي شوفي البيبي ولا يصير بخاطرك شي .. اما عن الحركة خلاص الياهل يتحرك في بطنج والحين تحسين بها على خفيف


[/QUOTE]


بس انا رحت شفته من اسبوعين تقريبا يعني لو رجعت جده

راح تخليني الدكتوره اشوفه كمان ؟؟؟

صباح الخير (f)... شخباركم كروشات ؟؟؟ ... مشكورة أختي دموع بس لما جربتها وقارنت بين هالحمله والحمله السابقه في من الكلام الي قلتيه ينطبق على حملي السابق بس كنت حامل في ولد :eek:!!! وفي اشياء الحين وإذا باصدق كلام الدكتور ينطبق على انها بنت ...
خواتي بنات قطر .. اشرايكم في الدكتورة / سامية النملة .. ايقولون عنها انها زينه(y) وأختي جربتها وصديقاتها في الدوام في حد جربها أو سمع عنها ؟؟؟ ...

cendy;10144275:
بس انا رحت شفته من اسبوعين تقريبا يعني لو رجعت جده

راح تخليني الدكتوره اشوفه كمان ؟؟؟

ايه عادي السونار آمن جدا على الحوامل مو مثل ما يعتقد البعض انها اشعة ضارة اهو عبارة عن (موجات فوق صوتيه) الانسان ما يسمعها ولا يتاثر بها تصطدم بالجنين واللي نشوفه في السونار تردد موجات فقط لا اكثر

صباح الخير (f)... شخباركم كروشات ؟؟؟ ... مشكورة أختي دموع بس لما جربتها وقارنت بين هالحمله والحمله السابقه في من الكلام الي قلتيه ينطبق على حملي السابق بس كنت حامل في ولد :eek:!!! وفي اشياء الحين وإذا باصدق كلام الدكتور ينطبق على انها بنت ...

صباح الفل
تدرين عاد انا نفس الشي بحملي بولدي احس فيه اشياء تنطبق على الحملين
يالله في النهاية بنعرف

صباح الخير بنات...
والله ويع الظهر الي ذابحني كللللش....وكأنه احد يفرصني في خواصري والله...

نور الدنيا::::
انا رفيقتي تروح لها ووايد تمدحها...

بصراحه بنات انا كنسلت شي اسمه مستشفى حمد ككلللللللش والله تعبت منهم قلت ماباروح الا لين دخلت التاسع او اخر اسبوع من الثامن لأنه والله صار زحمه اكثر من قبل بواااااااايد ويوم طحت عليهم ضغطي والسكر نازلين وايد والله ماسوو شي...

على طاري ضغطي انا في هالحمله وايد ينزل وصرت اكل زيتون لأنه شوي مالح ويرفعه لأنه من اول ما ينزل خلاص ماشوف جدامي راسي ينفجر علي...

سندي::::اي عادي على ماتردين تخليج تشوفين عادي وانا سألت الدكتوره قالت لي اصلن التلفزيون ما يأثر كلش على الياهل ...

اخباركم بعد

أختي دمعه / الله ايعنه كل واحد ايقول لنا شي :wink: وإن شاء الله بنكتشف عن قريب ...

أختي ام الشيوخ / مشكورة حبوبة .. بس تدرين أنا امكنسله حمد من زمان (n)وماأروح لهم إله إذا الدكتور عطاني تحويل يعني اكون دخلت التاسع ذيك الساعه اروح لهم في حملتي الاولى رحت لهم في التاسع فتحت الملف والاسبوع الي بعده ربيت وهالمره قلت نفس الشي ماراح اتعب نفسي معاهم وايد مهملين ..

انا قلت بسوي جي بعد...
نور الدنيا ممكن سؤال....؟؟
انتي سويتي تحليل السكر في حمد والا ماسويتيه كلش والا شلون؟ لأني بصراحه اكرهه من قلب ..
وبعد سؤاال....اذا تعرفين محلات حق تقديمات مثل سندويشات وكل شي يعني حق المستشفى وكل التجهيزات...على الاقل انا وانتي من قطر وناخذ من بعض خبرات :)

هلا فيج اختي أم الشيوخ .... بصراحه عن تحليل السكر أنا ماسويته بصراحه وايد ايلوع الجبد وكفاية جبدي الحين طافحه بعد مافيني عقب لين حولوني على حمد ذيك الساعه باسويه ... بخصوص السندويشات والتقديمات انا الله ايسلمج لين دخلت السابع ابتدي اسأل ربعي واجوف شنو الجديد وشنو الاحلى واول مااعرف إن شاء الله باقول لج ...

ام الشيوخ ... انا من بعد ماتصخنت وتعبت الحمد الله الصخونه راحت بس تمت معاي الكحه وإذا كحيت أجيني الم اسفل البطن اتوقعين إذا رحت عيادة الدوحة ممكن ايفيدوني بشي ؟؟؟ وآدخل على دكتورة نساء وإله شنو؟؟؟

نور الدنيا::: والله انا الي اسمعه انه الكحه وايد مو زينه وصح تسبب الم تحت البطن بس الي اعرفه اذا انتي ولاده قيصريه وفيج كحه ينطرون لييين ما اطيبين....اذا حسيتي بأعراض غريبه روحي او سألي الوالده اكيد تعرف ...

انا لأنه في هالحمله كله احس اني كأني بالثامن والله واايد وااايد ثقل في بطني وكلش حملتي هذي غير بولدي البجر الله يحفظه عشان جي صارت لي اعراض ونزول في المشيمه ونزول دم بعد منها وكله تعبانه وهاي كله ما كان يجيني في بجري....

عندج في عيادة الدوحه الدكتوره مها وايد زينه وحتى لو تتصلين فيها وتسألين اظن ما بتخالف...حتى لو تتصلين بالدكتوره الي دايم تروحين لها وتسألين احسن سبحان الله يمكن ما يكون في شي والطلعه اتعب اصلن...

السلام عليكم ورحمة الله وبركاته

كيفكم حبيباتي ان شاء الله بخير ..بنات السباحه تضر بهذا الشهر او عادي

بنااااااااااااااات ولكم باك صار لنا كم يوم ما شفناكم ..


اول شي

مبارك عليكم الشهر الفضيل

وابشركم صمت يومين تجربة

وكان الوضع نص ونص

بس اللوعة تعبتني ماادخل المطبخ لان الروايح القوية تلوع جبدي ..

توووم السباحة الخفيفة مفيدة جدا للحامل بس النط في الماء مو زين ولا الغطس بعد

يعني سبحي وخذي احتياطاتج

ويالله عطونا سوالفكم وحشتني لمتكم