تجمع الحوامل اللي ولادتهم في شهر (فبراير) 2010 ....

هلا والله بنات....
ابي اقولكم عن نصيحه والله كله امي وحمواتي يقولون لي :
((( لا تسوين سونار وايد لأنه مو زين على البيبي)))
يعني مثلا انتي بالاسبوع ال6 سويتي عشان النبض نطري شهر كامل او شهر ونص احسن...
نفسيتي واااايد تعبانه وكله هوااااش مع ريلي والله العظيم مادري احس اني صرت وايد حساسه وايد ووايد عصبيه....
شنو تنصحوني وبعد ريلي شوي مو متعاون عشان جي

ام شيوخ .... حاولي تبعدين عنه ولو هو حاول يبدي هوشه انتي قفليها وطنشي وان شاء الله تنفع الطريقه معاه وهدي انتي ترى العصبيه ترفع الضغط وهاذا مو زين على البيبي\\\\

كيفكم يا احلى حوامل وكيف الحمل معكم
انا الحمدلله كلو تمام وموعدي عند الدكتورة لسة الاسبووع الجاي

هلا خواتي ... شخباركم وشخبار كروشكم ؟؟؟؟ ... أختي وين عيادة الدكتور عدنان ... لأني سمعت انه غير مكانه ... بصراحه هو وايد زين في حملي الاول كنت متابعه معاه لين شهري واجهزته وايد حديثة وزينه ...

اقول بنات انتو بتتكلمون عن دكتور عدنان
تتابعون عنده بس سؤالي هو نفسه دكتور عدنان راح يقوم بالتوليد?ولا دكتورة???

انا ماكلني الهم ! مو قادرة القي دكتورة كلهم رجال وانا بصراحة اخجل وماارتاح لانه يقوم بالتوليد كمان
بس لقيت دكتورة الحين عيادتها بعيدة والمبلغ يكون ضعف بس زوجي قال اهم شي راحتج

الحالمة...;9752319:




الموز

اليوم لدينا خبر سار جدا للحوامل، فلا غثيان في الصباح مع الموز، حيث يعمل الموز على تهدئة المعدة وبث السرور في الجسم كما يغذي الطفل، وللموز تأثير طبيعي معدل للحموضة في الجسم، وينصح بتناوله للتخلص من الحموضة .

ويحتوي الموز على مستوى عالي من الألياف، لذلك فإن إدخاله في الحمية الغذائية يساعد على إعادة عمل الأمعاء الطبيعي، كما يساعد على التغلب على المشكلة دون اللجوء إلى أدوية مسهلة.
ولتفادي شهوة تناول الطعام، نحتاج للسيطرة على مستويات السكر في الدم عن طريق تناول وجبات خفيفة عالية بالكربوهيدرات والفيتامينات المغذية، كل ساعتين، فكان الموز الفاكهة الأكثر ملائمة لمنع البدانة.

كما أنه يعمل على خفض درجة حرارة الجسم الطبيعية، والعاطفية للأمهات الحوامل، ففي تايلاند تأكل النساء الحوامل الموز لضمان ولادة الطفل في درجة حرارة معتدلة.

والبوتاسيوم معدن حيوي، يساعد على جعل نبض القلب متوازنا، ويحفز إرسال الأكسجين إلى الدماغ كما ينظم توازن الماء في الجسم، فعندما نكون مرهقين فإن مستوى الأيض يرتفع، مما يخفض مستويات البوتاسيوم، ويمكن إعادة توازن الجسم بتناول الموز الغني بالبوتاسيوم.

غيودة قطر;9752529:
السلام عليكم يا احلى امهات حوامل

انا بعد حامل فالاسبوع السابع الحين وبأذن الله ولادتي بتكون في شهر 2 مثلكم ... وهذا اول حمل لي ربي يثبته لي ... ويجيبه لي بصحه وسلامه ... وافرح انا وزوجي بضنانا طول العمر ...

thanks....:):)

غيودة قطر;9752529:
السلام عليكم يا احلى امهات حوامل

انا بعد حامل فالاسبوع السابع الحين وبأذن الله ولادتي بتكون في شهر 2 مثلكم ... وهذا اول حمل لي ربي يثبته لي ... ويجيبه لي بصحه وسلامه ... وافرح انا وزوجي بضنانا طول العمر ...

حياج الله حبيبتي
الله يثبت حملنا ويتمملنا على خير يارب:)

دفء الجليد;9752637:
سلام بنات شخباركم

انا تمام ..ولو ان جاني الم بسيط فبطني من تحت بس الحمدلله بكرة موعدي مع الدكتور
وان شاء الله بتطمن عالبيبي

الحالمة ... شخبارج ...صحيح كلامج الالتراساوند ادق من المواقع وبنشوف شبيقول عن التاريخ بكرة ان شاء الله برتاح

سندي ,,, اسئلي الدكتورة هالادوية شنو وشوفيها شتقول ... لو فيتامينات شيء حلو ...ولو مب فيتامينات حاولي تعرفين التفاصيل منها

لولو ... انا الانتفاخ فبطني من تحت ع قولتج ...وانتفخ من فوق بسبب الاكل بس ترى المفروض البطن ما ينتفخ الا فالرابع لان الثالث ينتفخ بس شيء بسيييييييط عرفتي

غيودة قطر وفديت عمره ... شلونكم ...واهلن فيكم في تجمعنا

اي صح بس مرات يختلف
ممكن من الغازات او السوائل وكمان لو في كرشة صغيرة قبل الحمل ههه او ترهل فورا يبان بوقت مبكر

حب الحياه;9753736:
السلام عليكم ورحمه الله وبركاته .....


شلونكم حبيباتي ....


شخباركم مع الحمل ...

دفء الجليد , لفلي ,ساندي ,الحالمه غيوده قطر , فديت عمره شلونكم مع الحمال؟

:)بخيرقلبي
وانتي شو اخبارج?:)

أم شيوخ;9753739:
هلا والله بنات....
ابي اقولكم عن نصيحه والله كله امي وحمواتي يقولون لي :
((( لا تسوين سونار وايد لأنه مو زين على البيبي)))
يعني مثلا انتي بالاسبوع ال6 سويتي عشان النبض نطري شهر كامل او شهر ونص احسن...
نفسيتي واااايد تعبانه وكله هوااااش مع ريلي والله العظيم مادري احس اني صرت وايد حساسه وايد ووايد عصبيه....
شنو تنصحوني وبعد ريلي شوي مو متعاون عشان جي

ايي صح
بالاسابيع الاولى مهمة للاطمئنان لو كان جنين داخل رحم اوخارجه لاسامح الله وبعدين نبض القلب

لكن بعد الشهر الرابع لازم كل اسبوع
هني بامريكا هذه نظامهم ويقولون مو ضار لهالدرجة
الله يحفظ اجنتنا يارب

عدنان غير مكانه وصار ورى اللاند مارك فله كبيره واللافته بالوردي والاخضر

فله الالوان واظحة العمي يجوفها ...

وهو للاسف ما يولد ..ولا جان البخت خليته يولدني بدل هالممرضات اللي ما يعرفون شسالفه
في ولادتي الاخيره والله العظيم قصت لي قصة كبيره تقولين بتخيط فستان مقاس 20 ...وولدي كان نتفه 2700 جرام والله يا بنات صغير مايحتاج هالقص كله ...

حتى التهب الجرح وبغيت اكوت من الالم والدكتورة انصدمت من الحجم تقولي ما يبيله هالكثر

والله احاتي ولادتي الجايه ..

يعني عادي لو رجال يعمل التوليد??!!
لاني فوق الخجل اتوقعت انه حرام !
زوجي يقولي انتي اصلا وقت الولادة ماتفكرين بهالسوالف تكونين مشغولة بروحج!
قولولي عادي ولا ?
لان ماادري ليش مااحس براحة و الفكرة مو داخلة راسي

حبيبتي ... شرعا ..حلال في حاله الحاجة القصوى ..يعني لو ما لقيتي دكتورة تكون في خبره تامه
وما تخاطر في حياتج

وانا لما اروح ما اقول الا رجال ..ولا مابي اولد .. لو في حرمه يكون احسن مافي عادي الصراحة بالنسبة لي مافي مشكله لان انا في وظع ولادة ومافي دكتورة في دكتور

وانا اروح لدكتور عدنان لان لما اروح لغيره يطلعون فيني علل الدنيا والدين ...والله شاهد اني دورت على حريم بس كل وحده اهبل من الثانيه ...

اللي تقولي في بنتي لازم نقلب الجنين ... وانا توني في بدايه الثامن .... ولا بنسوي لج قيصريه ...
والل قالت لاختي فيج الخبيث ولازم تنزلين البيبي والحمدلله مافيها الا العافيه ... كان كيس وطاح مع الحمل
ابداع والله

لما رحت له قالي ما تحتاجين تقلبين الجنين هو بيقلب لحاله ... وطلع صح كلامه

ورفيجتي .. قالولها فيج ورم فالدماغ وعشان جي ماخر لج الحمل
وراحت له ظحك وقال مافيج الا الخير انتي عندج هرمون الحليب مرتفع
والله طلع صحيح كلامه من غير اشعه او تحاليل


اففففف يرفعون الظغط

لا ووحده تقول لاختي انتوا الحريم دلوعات فالوحام ماله داعي هاي كله

اختي طلعت متنرفزة تقولي هاذي يا اما مو متزوجة يا اما ما تجيب عيال والا ما قالت هالحجي

خليها على الله بس

لا واقولج شيء يقهر
اخ روحده رحت لها تخيلي شتقولي

كان زوجي معاي ... وقاست لي الظغط وقال زوجي خلها تقيس لي
وقاسو له طلع ظغطه مرتفع ... زوجي فيه الظغط اصلا

الا تقول الدكتورة ظغطك مرتفع ... لازم تراجع عند دكتور الباطنية
قلت له يلا احنا فيها ... نقزت علي تقولي ( لا توسوسين عالرجال مافيه الا العافيه ) !!!!!!!!!!!!!!!!!!!!!!!!!11

وعقب واحنا طالعين ... قالت لي ( لا ترفعين ظغط زوجج ...شوي شوي عليه )

تخيلي ...انصدمت ... دخلت فراس زوجي اني اوسوس واني ارفع له ظغطه بطت جبدي ....

حمارة

دفء هذي يبيله طراق من جد زين مسكتي اعصابك لو انا ذبحتها من القهر صدق يرفعون هم الضغط

صباح الخير يابنات يا رشيقاااااااااااااااااااات :)
يعني كني انا ما طلعلي بطن خخخ
اخباركم:)

انا اعصابي هالايام واااايد وااايد زايده وريلي ماشاءالله عليه يبي يسوي او يقول اي شي يتهاوش عليه وانا حامل ياسلام تولع...انا سكت واااايد واغظ عن اشيا لأنه طبعا الوحده تفكر في عيالها وتفكر بمصلحتهم بعد مو بس تكون انانيه...كنت برجع بيت اهلي بس تعوذت من ابليس لنه ادري انه في ناس عيال حرام قاعدين يخربون بيني وبين زوجي...وانا ما ابي اخلي فرصه اكثر لهم كله اتحسب.....

تعرفون انا كلمت الوالده وتعرفون الوالده اكيد بتوقف في صفي بس بعد اهي تقولي شنو الاحسن...

اليوم كلمت ابوي بالموضوع لأنه انا وابوي وايد قراب لبعض ويفهمني...
وتعرفون بنات
الشي الي صج كانت امي تقولي عنه وابوي بعد انه اذا انا جامعيه وزوجي يكون اقل مستوى يعني ثانوي تره وايد صعب التعامل تحسين انه تفكيرهم محدود بدون منطق...
يمكن تقولون لي ليه اقولكم وبللل اكيد المشكله وصلت حدها...
بس تعرفون انتوا في ناس عيال حرام ويحبون يخربون على ناس بسبب الغيره ومرات تكون الفلوس اهي الي تخرب البيوت بعد...
المهم كلمت ابوي اليوم وقتله بيني ويينك وابوي تفهم وقالي لا تفكرين بشي انتي ريحي بالك وكل شي قطيه بحر المهم انج تصلحين من الحين مو بعدين تصعب الامور وتحدد...
للحين اقول الحمدالله على كل حال بس الله لا يسامح الي كان السبب...

خاطري اروح اشوف واسمع نبض البيبي بس ابي زوجي يحس فيني ويحس اني حامل مابي اروح لحالي احسن شوي يمكن لين شاف وسمع يرق قلبه ...

المهمممممم انا بالدوام الحين انتوا اخباركم

هلا حبيبتي ام شيوخ الله يهون عليج مصيبتج
بنات بغيت اسال في وحده منكم في نساتها ماتشتهي خير شر الاكل لانه احس روحي باموت مو قادرة ادخل الاكل في بوووزي وخايفة على البيبي ؟؟

الله يتمم عليكم على خير يارب ويبارك لكم ويرزقنه السلامه والولاده السهله ويتمم لنه ليه
الشهر التاسع ياااااااااااارب ويفرحنه بشوفت مواليده قولوا اميييييييييين

الله يتمم عليكم على خير يارب ويبارك لكم ويرزقنه السلامه والولاده السهله ويتمم لنه ليه
الشهر التاسع ياااااااااااارب ويفرحنه بشوفت مواليده قولوا اميييييييييين